Luka 19

Yesu ne Sakeo

1Na Yesu kɔhyɛnee Yeriko sɛ ɔretwam. 2Na hwɛ, ɔbarima bi wɔ hɔ a wɔfrɛ no Sakeo a ɔyɛ togyeni panin na ɔyɛ ɔdefoɔ. 3Na ɔrehwehwɛ Yesu ahunu ne nipaban, nanso nkurɔfokuo no nti ɔntumi, ɛfiri sɛ ɔyɛ akwatia. 4Na ɔtutuu mmirika dii kan kɔforoo akyee dua bi sɛ ɔrekɔhwɛ no; ɛfiri sɛ ɛhɔ na ɔrebɛfa. 5Na Yesu duruu hɔ no, ɔmaa n’ani so hunuu no, na ɔka kyerɛɛ no sɛ: Sakeo, yɛ ntɛm si fam! Na wo fie na ɛsɛ sɛ metena nnɛ. 6Na ɔyɛɛ ntɛm sii fam, na ɔde anigyeɛ bɛgyee no. 7#Luka 15.2 Na nkurɔfokuo no hunuiɛ no, wɔn nyinaa nwiinwii kaa sɛ: Ɔrekɔ akɔsoɛ ɔbarima a ɔyɛ debɔneyɛni. 8#Eks 22.1 Na Sakeo gyina ka kyerɛɛ Awurade sɛ: Ao, Awurade, mede m’ahodeɛ fa mekyɛ ahiafoɔ, na sɛ menam nkontompo so magye obi biribi a, mebɔ ho mprɛnnan metua ka. 9#Luka 13.16 Na Yesu ka kyerɛɛ no sɛ: Ampa ara, ɛnnɛ na nkwagyeɛ aba fie yi mu, ɛfiri sɛ ɔno nso yɛ Abraham ba. 10#Luka 5.32; 1 Ti 1.15 Na Onipa Ba no baa sɛ ɔrebɛhwehwɛ na wabɛgye deɛ ayera.

Mmɛnnaa du

(Mateo 25.14-30)

11Na wɔretie yeinom no, ɔtoaa so buu bɛ bi, ɛfiri sɛ na wabɛn Yerusalem, na nkurɔfokuo no susuu sɛ Nyankopɔn ahennie rebɛyi ne ho adi amonom hɔ ara. Enti Yesu kaa sɛ: 12#Mar 13.34 Ɔdehyeɛ bi kɔɔ asase bi so akyirikyiri, sɛ ɔrekɔgye n’ahennie na wasane aba. 13Na ɔfrɛɛ ne nkoa mu du de mmɛnnaa #19.13 MMƐNNAA: Na yei yɛ ɔpaani bosome mmiɛnsa akatua. du maa wɔn; na ɔka kyerɛɛ wɔn sɛ: Monyɛ ho adwuma nkɔsi sɛ mɛba. 14#Yoh 1.11 Na ne manfoɔ tane no, na wɔsomaa abɔfoɔ dii n’akyiri sɛ: Yɛmpɛ sɛ oyi di yɛn so hene. 15Na ɛbaa sɛ ɔnyaa ahennie no na ɔsane baeɛ no, ɔhyɛɛ sɛ wɔmfrɛ ne nkoa a ɔde sika no maa wɔn no mmrɛ no, na ɔnhunu deɛ obiara adi dwa anya. 16Na deɛ ɔdi kan no ba bɛkaa sɛ: Owura, wo bɛnnaa no awo mmɛnnaa du aka ho. 17#Luka 16.10 Na ɔsee no sɛ: Wiɛ, akoa pa, sɛ woadi ketewa mu nokorɛ nti, di nkuro du so tumi! 18Na deɛ ɔtɔ so mmienu no ba bɛkaa sɛ: Owura, wo bɛnnaa no awo mmɛnnaa nnum. 19Na ɔsee oyi nso sɛ: Wo nso di nkuro nnum so! 20Na ɔfoforɔ no ba bɛkaa sɛ: Owura, hwɛ, wo bɛnnaa a mede mehyɛɛ duku mu no nie. 21Na mesuroo wo, ɛfiri sɛ woyɛ onipa a woyɛ den, wofa deɛ womfa ntoo hɔ, na wotwa deɛ wonguiɛ. 22Na ɔka kyerɛɛ no sɛ: Akoa bɔne, wo ara w’anom asɛm so na menam mɛbu wo atɛn. Wonim sɛ meyɛ onipa a meyɛ den a mefa deɛ memfa mentoo hɔ, na metwa deɛ menguiɛ, 23na adɛn nti na woamfa me sika no ankɔto sikakorabea, na meba a, mabɛgye m’adeɛ ne ɛho nsiho? 24Na ɔka kyerɛɛ wɔn a wɔgyina nkyɛn no sɛ: Monnye ne nsam bɛnnaa no, na momfa nkɔma deɛ ɔwɔ mmɛnnaa du no. 25(Na wɔsee no sɛ: Owura, ɔwɔ mmɛnnaa du!) 26#Luka 8.18; Mat 13.12 Na mese mo sɛ: Obiara a ɔwɔ no wɔbɛma no; na deɛ ɔnnie no, deɛ ɔwɔ mpo, wɔbɛgye afiri ne nsam. 27Na m’atamfoɔ a wɔmpɛ sɛ medi wɔn so hene no deɛ, momfa wɔn mmra ha, na mommɛkum wɔn m’anim! 28Na ɔwiee yeinom ka no, ɔsene dii kan sɛ ɔrekɔ Yerusalem.

Wɔfɛm afunumu ba

(Mateo 21.1-9; Marko 11.1-10; Yohane 12.12-16)

29Na ɛbaa sɛ ɔbɛnee Betfage ne Betania bepɔ a wɔfrɛ no Ngo Bepɔ ho no, ɔsomaa n’asuafoɔ no mu baanu 30sɛ: Monkɔ akuraa a ɛda mo anim yi ase, na mohyɛne hɔ a, mobɛhunu afunumu ba a wɔasa no homa a onipa biara ntenaa ne so da; monsane no mmra ha! 31Na sɛ obi bisa mo sɛ: Ɛdeɛn nti na moresane no a, monka sɛ: Ne ho hia Awurade. 32Na wɔn a wɔsomaa wɔn no kɔe, kɔhunuu sɛdeɛ ɔka kyerɛɛ wɔn no ara. 33Na wɔresane afunumu ba no no, ne wuranom bisaa wɔn sɛ: Adɛn na moresane afunumu ba no? 34Na wɔkaa sɛ: Ne ho hia Awurade.

Yesu hyɛne Yerusalem

35Na wɔde afunumu ba no brɛɛ Yesu; na wɔde wɔn ntoma guu no so, na wɔde Yesu tenaa so. 36Na ɔrekorɔ no, wɔde wɔn ntoma sesɛɛ kwan mu. 37Na ɔbɛnee deɛ wɔrebɛsiane Ngo Bepɔ no, asuafoɔ dɔm no nyinaa ani firii aseɛ gyee, na wɔde nne kɛseɛ yii Onyankopɔn ayɛ wɔ ahoɔdenneɛ a wɔahunu nyinaa nti 38#Luka 2.14 sɛ:

Nhyira ne ɔhene

a ɔnam Awurade din mu reba no!

Asomdwoeɛ wɔ soro,

na animuonyam wɔ sorosoro nohoa!

39Na Farisifoɔ no mu bi a wɔwɔ nkurɔfokuo no mu ka kyerɛɛ no sɛ: Kyerɛkyerɛfoɔ, ka w’asuafoɔ no anim! 40Na ɔbua see wɔn sɛ: Mese mo sɛ: Yeinom mua wɔn ano a, anka aboɔ mpo bɛteam.

Yesu su gu kuro no so

41 # 2 Ah 8.11; Yoh 11.35 Na ɔbɛneeɛ no, ɔhwɛɛ kuro no suu wɔ so sɛ: 42#Deut 32.29 Wo ara nso mpo, ɛnnɛ sɛ wo ankasa wonim deɛ ɛfa asomdwoeɛ ho a, anka ɛyɛ. Nanso afei, wɔde ahunta wo. 43Na nna bi bɛba wo so a w’atamfo bɛbɔ wo ho pie, na wɔatwa wo ho kɔntɔnkrɔn, na wɔaka wo ahyɛ mu baabiara, 44#Luka 21.6 na wɔadwiri wo ne wo mma a wɔwɔ wo mu no agu fam, na wɔrennya wo mu boɔ ɔboɔ so, ɛfiri sɛ woanhunu berɛ a wɔdom bɛhwɛɛ woɔ no.

Ɔpamm adwadifoɔ firii asɔrefie

(Mateo 21.12-16; Marko 11.15-18; Yohane 2.13-16)

45Na Yesu kɔɔ asɔrefie no, ɔfirii aseɛ pamm wɔn a wɔtɔn adeɛ wɔ hɔ no 46#Yes 56.7; Yer 7.11 see wɔn sɛ: Wɔatwerɛ sɛ:

Me fie yɛ mpaebɔ fie;

na mo deɛ, mode ayɛ adwotwafoɔ bɔn.

47Na daa ɔkyerɛkyerɛɛ asɔrefie hɔ; na na asɔfoɔ mpanimfoɔ ne Atwerɛfoɔ ne ɔman no mu atitire rehwehwɛ no aku no. 48Na wɔanhunu deɛ wɔbɛyɛ; ɛfiri sɛ ɔman no nyinaa de wɔn ho bataa ne ho tiee no.

Currently Selected:

Luka 19: ASW

Highlight

Copy