ACT 4
4
1Cubangin zapi sin i bia an chim lioah tlângbawi hna le ṭempal uktu hna le sadusih hna kha an sinah an rak phân, 2mizapi an cawnpiak hna i Jesuh le thihnâk in a thawhṭhannâk kong an chimh hna caah an lung a tling lo ngai ngai. 3An tlaih hna i zanlei a si cang caah a thaizing tiangin thongah an thlak hna. 4Asinain bia ngaitu lakah mi tampi nih an zumh i an tamning cu patling lawngte 5000 hrawng an si. 5A thaizing ah, an hotu hna le upa hna, nawlbiacawnpiaktu hna le 6tlângbawi nganbik Ana le Kaiafas, Johan le Alexandria hna le tlângbawi nganbik cikawr vialte kha Jerusalem ah an i pum. 7An pahnih in an laiah an dirter hna, “Zei thiltikhawhnâk le aho min in dah hi thil hi nan tuah?” tiah an hal hna. 8Peter cu Thiang Thlarau in a khat i, “Zatlâng uktu le Israel upa hna, 9nihin ah zângfah awktlâk minung a simi cung i ṭhatnâk tuahmi kongah, zeiruangahdah a dam tiah nankan chalh ahcun, 10nan dihlak in thei u, Israel mi vialte zong nih thei seh, Nazaret Jesuh, nan khenhchihmi, Pathian nih thihnâk in a thawhtermi kha, Amah minin hi mipa hi nan hmaiah damin a dirnâk hi a si. 11Hihi, ‘Inn satu hna nih nan hlawtmi lung, a kil i san a tlai bik lung kha,’ a si. 12Midang ahosinhmanhah khamhnâk a um lo, zeitintiah vanrang tang i min sakmi vialte lakah a kan khamh khotu mindang pakhat hmanh a um lo,” tiah a ti. 13Cubangin Peter le Johan ral`hatning an hmuh i cathiamlo le cawnnâk a ngei lomi an si ti kha an theih tikah mak an ti i Jesuh sinah an rak um cang ti kha an lung a pem. 14Cun an sin i a dirmi, an damtermi pa an hmuh tikah, sawinâk lam an hngal fawn lo. 15An biaceihnâk hmun in kâ dangah kal dingin nawl an pêk hna hnu ah anmah le anmah an i ceih. 16“Hi hna hi zeitindah kan tuah hna lai? Zeitintiah mi vialte theih in chinchiah awktlâk khuaruahhar an tuahmi Jerusalem mi vialte nih an hmuh dih cang, kannih nih le kan el kho ṭung hna lo. 17Mizapi nih an theih chinchin nâkhnga lo, atu thawkin amah min in aho sin hmanh ah bia chim ti lo dingin fak piin kan hro hna lai,” tiah an ti. 18Cuticun an kawh hna i Jesuh minin bia chim ti lo ding le cawnpiak hrimhrim ti lo dingin nawl an pêk hna. 19Asinain Peter le Johan nih, “Pathian mit hmuh ah, nanmah nawl ngaih maw a ṭha deuh lai Pathian nawl ngaih dah, ruat tuah u. 20Zeitintiah kannih cu kan hmuhmi le theihmi hi chim loin kan um kho lo,” tiah an ti. 21Cuticun fak chinchin in an hro hnu ah an thlah hna, mizapi ruangah dân an tat kho hna lo, zeicatiah an tuahmi thil ruangah khan an dihlak in Pathian an thangṭhat. 22Zeitintiah hi khuaruahharnâk in an damtermi pa cu kum 40 nâk tam a si. 23Cun an chuah hnuah an bu sinah an kal i tlângbawi hna le upa hna nih an chimmi vialte kha an chimh hna. 24Cu bia an theih tikah lungrual tein Pathian sinah aw chuah in an au, “Bawipa, nang cu van le vawlei, rili le a chung i a ummi thil vialte sertu Pathian na si; 25Na sal David kâ in hihi na rak chim cang, zeiruangahdah miphun hna cu an thin a hun i mizapi nih pakpalawng thil an ruah? 26Vawlei bawi hna nih an dirhnawh hna i hotu hna zong nih Bawipa le a Krih ralchanh in hmunkhat ah an i pum. 27“Zeitintiah hi khua ah hin a thiangmi na Sal sathau na thuhmi Jesuh cu fakpi i dohdal dingin, Herod le Pontias Pailat le Jentail mi hna le Israel mi hna an i tong 28Nangmah kut hrimhrim in tuah awkah nâ timhmi le na remruatcia tlam tlinter dingin. 29Atu ah Bawipa, an kan hrocerning hi run zohhmanh na sal le hna sinah ralṭhatnâk he na bia phuan khawhnâk pe ko hna. 30Damter dingin na kut thlirlaw, a thiangmi na sal Jesuh minin hmelchunhnâk le khuaruahharnâk kha tuahter ko hna,” tiah an ti. 31Thla an cam dih in an i pumhnâk inn kha â hnin, an dihlak in Thiang Thlarau in an khat i ralṭhatnâk he Pathian bia kha an chim. 32Zumtu hna cu lungthin hmunkhat le thlarau hmunkhat in an um, an lakah pakhat hmanh nih an ngeihmi ka ta ti loin thil vialte an i hrawm. 33Lamkaltu hna nih a liannganmi thiltikhawhnâk he Bawipa Jesuh thawhṭhannâk kong kha an phuan tawn. An dihlak cungah zângfahnâk nganpi a um. 34An lakah chambaumi pakhat hmanh an um lo, loram le inn a ngeimi pauh nih an zuar i a man kha an rak put i 35lamkaltu hna kehram ah an chiah tawn; cun annih nih an herhning cio in an phawt hna. 36Cun Josef, lamkaltu hna nih Barnabas tiah an kawhmi (a sullam cu thazâng petu tinâk a si) Levi phun Saipras tikulh mi nih, 37loram a ngei, a zuar i phaisa kha Lamkaltu hna kehram ah a chiah.
Currently Selected:
ACT 4: HAKABSI
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
ACT 4
4
1Cubangin zapi sin i bia an chim lioah tlângbawi hna le ṭempal uktu hna le sadusih hna kha an sinah an rak phân, 2mizapi an cawnpiak hna i Jesuh le thihnâk in a thawhṭhannâk kong an chimh hna caah an lung a tling lo ngai ngai. 3An tlaih hna i zanlei a si cang caah a thaizing tiangin thongah an thlak hna. 4Asinain bia ngaitu lakah mi tampi nih an zumh i an tamning cu patling lawngte 5000 hrawng an si. 5A thaizing ah, an hotu hna le upa hna, nawlbiacawnpiaktu hna le 6tlângbawi nganbik Ana le Kaiafas, Johan le Alexandria hna le tlângbawi nganbik cikawr vialte kha Jerusalem ah an i pum. 7An pahnih in an laiah an dirter hna, “Zei thiltikhawhnâk le aho min in dah hi thil hi nan tuah?” tiah an hal hna. 8Peter cu Thiang Thlarau in a khat i, “Zatlâng uktu le Israel upa hna, 9nihin ah zângfah awktlâk minung a simi cung i ṭhatnâk tuahmi kongah, zeiruangahdah a dam tiah nankan chalh ahcun, 10nan dihlak in thei u, Israel mi vialte zong nih thei seh, Nazaret Jesuh, nan khenhchihmi, Pathian nih thihnâk in a thawhtermi kha, Amah minin hi mipa hi nan hmaiah damin a dirnâk hi a si. 11Hihi, ‘Inn satu hna nih nan hlawtmi lung, a kil i san a tlai bik lung kha,’ a si. 12Midang ahosinhmanhah khamhnâk a um lo, zeitintiah vanrang tang i min sakmi vialte lakah a kan khamh khotu mindang pakhat hmanh a um lo,” tiah a ti. 13Cubangin Peter le Johan ral`hatning an hmuh i cathiamlo le cawnnâk a ngei lomi an si ti kha an theih tikah mak an ti i Jesuh sinah an rak um cang ti kha an lung a pem. 14Cun an sin i a dirmi, an damtermi pa an hmuh tikah, sawinâk lam an hngal fawn lo. 15An biaceihnâk hmun in kâ dangah kal dingin nawl an pêk hna hnu ah anmah le anmah an i ceih. 16“Hi hna hi zeitindah kan tuah hna lai? Zeitintiah mi vialte theih in chinchiah awktlâk khuaruahhar an tuahmi Jerusalem mi vialte nih an hmuh dih cang, kannih nih le kan el kho ṭung hna lo. 17Mizapi nih an theih chinchin nâkhnga lo, atu thawkin amah min in aho sin hmanh ah bia chim ti lo dingin fak piin kan hro hna lai,” tiah an ti. 18Cuticun an kawh hna i Jesuh minin bia chim ti lo ding le cawnpiak hrimhrim ti lo dingin nawl an pêk hna. 19Asinain Peter le Johan nih, “Pathian mit hmuh ah, nanmah nawl ngaih maw a ṭha deuh lai Pathian nawl ngaih dah, ruat tuah u. 20Zeitintiah kannih cu kan hmuhmi le theihmi hi chim loin kan um kho lo,” tiah an ti. 21Cuticun fak chinchin in an hro hnu ah an thlah hna, mizapi ruangah dân an tat kho hna lo, zeicatiah an tuahmi thil ruangah khan an dihlak in Pathian an thangṭhat. 22Zeitintiah hi khuaruahharnâk in an damtermi pa cu kum 40 nâk tam a si. 23Cun an chuah hnuah an bu sinah an kal i tlângbawi hna le upa hna nih an chimmi vialte kha an chimh hna. 24Cu bia an theih tikah lungrual tein Pathian sinah aw chuah in an au, “Bawipa, nang cu van le vawlei, rili le a chung i a ummi thil vialte sertu Pathian na si; 25Na sal David kâ in hihi na rak chim cang, zeiruangahdah miphun hna cu an thin a hun i mizapi nih pakpalawng thil an ruah? 26Vawlei bawi hna nih an dirhnawh hna i hotu hna zong nih Bawipa le a Krih ralchanh in hmunkhat ah an i pum. 27“Zeitintiah hi khua ah hin a thiangmi na Sal sathau na thuhmi Jesuh cu fakpi i dohdal dingin, Herod le Pontias Pailat le Jentail mi hna le Israel mi hna an i tong 28Nangmah kut hrimhrim in tuah awkah nâ timhmi le na remruatcia tlam tlinter dingin. 29Atu ah Bawipa, an kan hrocerning hi run zohhmanh na sal le hna sinah ralṭhatnâk he na bia phuan khawhnâk pe ko hna. 30Damter dingin na kut thlirlaw, a thiangmi na sal Jesuh minin hmelchunhnâk le khuaruahharnâk kha tuahter ko hna,” tiah an ti. 31Thla an cam dih in an i pumhnâk inn kha â hnin, an dihlak in Thiang Thlarau in an khat i ralṭhatnâk he Pathian bia kha an chim. 32Zumtu hna cu lungthin hmunkhat le thlarau hmunkhat in an um, an lakah pakhat hmanh nih an ngeihmi ka ta ti loin thil vialte an i hrawm. 33Lamkaltu hna nih a liannganmi thiltikhawhnâk he Bawipa Jesuh thawhṭhannâk kong kha an phuan tawn. An dihlak cungah zângfahnâk nganpi a um. 34An lakah chambaumi pakhat hmanh an um lo, loram le inn a ngeimi pauh nih an zuar i a man kha an rak put i 35lamkaltu hna kehram ah an chiah tawn; cun annih nih an herhning cio in an phawt hna. 36Cun Josef, lamkaltu hna nih Barnabas tiah an kawhmi (a sullam cu thazâng petu tinâk a si) Levi phun Saipras tikulh mi nih, 37loram a ngei, a zuar i phaisa kha Lamkaltu hna kehram ah a chiah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.