ACT 5
5
1Asinain mi pakhat, a min Ananias cu, a nupi Safiri he loram an zuar i 2a man cheukhat a thuh, a nupi zong nih cucu a theihpi, a cheu cu a rak put i lamkaltu kehram ah a rak chiah. 3Peter nih, “Ananias Thiang Thlarau sin i lih chim ding le na loram man a cheu thup dingin, zeiruangahdah Satan nih na lungthin a khahter? 4Na zuar hlan zongah nata a si i na zuar hnu zongah na nawl ngeihnâk tangah a um lo maw? Zei ruangahdah hi lungput hi na ngeih? Minung sinah na lih lo i Pathian sinah na lih a si,” tiah a ti. 5Ananias nih cu bia a theih tikah â teng i a thi. Cu thil a theitu vialte cungah ṭihnâk nganpi a phân. 6Tlangval an tho i an tuam hnuah an kalpi i an vui. 7Suimilâm pathum hnu ah, a nupi cu thil umtuning hngal loin a rak lut. 8Peter nih a sinah, “Ka chim tuah, loram cu hi zat ah maw nan zuar?” tiah a ti. Anih nih, “Aw, hi zat ah a si ko,” tiah a ti. 9Peter nih a sinah, “Zeiruangahdah Bawipa Thlarau hniksak dingah nan lung â ruan? Zohhmanh, na va vuitu hna ke nih inkâ hram a phân cang, nang zong an in zawnh cawlh lai,” tiah a ti. 10Hmakhat te ah a kehram ah â teng i a thi cawlh. Tlangval an ra i a thi tiah an hmuh tikah an zawnh i ava pawngah an vui. 11Cuticun kawhhran vialte le cu kong a theitu vialte nih an ṭih ngai ngai. 12Mizapi sinah lamkaltu hna kut hmangin Pathian nih hmelchunhnâk le khuaruahharnâk tampi a tuah. Annih cu ruahnâk pakhat ngei in Solomon innlêng timi ah an i pum tawn. 13Midang tu cu an sinah an i tel ngam lo. Asinain mizapi nih sâng ngai ah an chiah hna. 14Zumtu hna an karh chin lengmang i Bawipa sinah nu le pa he mizapi cu an i chapchin lengmang. 15Mizaw kha zatlâng lamah an zawnh hna i ihkhun le an ihphah cungah an ihter hna, Peter â chawh tikah a thladêm tal nih rak tawng seh tiah an ti. 16Jerusalem pawngkam khua hna zong nih an mizaw le thlarau thur tuahmi an ratpi hna i an dihlak in damnâk an hmuh. 17Cuticun tlângbawi nganbik le a hawi le vialte (cu hna cu Sadusih an si) hna cu an ra i hnachuahnâk in an khat, 18lamkaltu kha an tlaih hna i zatlâng thongah an thlak hna. 19Asinain zanah Bawipa vancungmi pakhat nih inkâ a rak on i a chuahter hna, 20“Kal ulaw, ṭempal ah va dir ulaw, mizapi sinah hi nunnâk bia hi va chim hna u,” tiah a ti. 21Cu bia cu an theih tikah, zingka te ah ṭempal ah an kal i an cawnpiak hna. Cu cân ah tlângbawi nganbik le a hawi le nih biaceihtu kha an kawh hna i cuka ah Israel miphun lakah upa vialte kha an auh hna, lamkaltu hna cu ratpi dingin thonginn ah mi an hei thlah hna. 22Vengtu hna cu an va kal i thonginn i an hmuh hna lonâk kong chim awkah an kir. 23Thonginn cu him tein â hrenh dih i kilvengtu zong an rak dir ko, asinain kan on tikah a chungah ahohmanh kan hmu hna lo,” tiah an chimh hna. 24Tlângbawi upa hna le, ṭempal hotu hna le, tlângbawi uktu hna nih cu bia cu an theih tikah, zeitindah thil hi a si te lai? tiah an khuaruah a har. 25Cu lioah mi pakhat a ra i an sinah, “Zohhmanh u, thong i nan thlakmi hna nih khan ṭempal ah mi an cawnpiak hna,” tiah a rak chimh hna. 26Ṭempal hotu hna cu vengtu hna he an va kal i mizapi nih lungin an rak cheh lai kha an ṭih caah zângennâk um loin an ratpi hna. 27Cuti i an ratpi hnuah biaceihtu hna hmai ah an dirter hna i tlângbawi nganbik nih an sinah, 28“Hi pa min i cawnpiak ti lo ding kan in ti cang hna, zohhmanh u, nan cawnpiaknâk Jerusalem khua nan khahter cang, cu pa thisen mawh cu kan cungah chawnh nan timh fawn,” tiah an chalh hna. 29Asinain Peter le lamkaltu hna nih, minung bia nâkin Pathian bia cu kan zulh deuh awk a si. 30Nannih nih Jesuh thingah thlai in nan thahmi kha kan pupa hna Pathian nih a thawhter. 31Amah kha Pathian nih Bawi le Khamhtu si dingin a orhlei kutah a thangṭhat, cucu Israel mi caah ngaihchihnâk le sual ngaihthiamnâk caah a si. 32Cu thil hna hngalhpitu cu kan si. Cubangin Pathian nih a nawl a ngaimi hna sin i a pêkmi Thiang Thlarau hi hngalhpitu a si ve,” tiah an leh. 33Cucu an theih tikah an thin a khenh hna i thahnâk ding khua an khâng. 34Asinain biaceihtu hna lakah Farasih pakhat, a min Gamaliel nawlbia cawnpiaktu le mi vialte hmaizahmi kha a dir i lamkaltu kha lengah chuahter rih dingin nawl a pêk hna. 35Biaceihtu hna sinah, “Nannih Israel mi hna hi hna kong i tuah nan timhmi hi i ralring u. 36Kan hnulei ah khan mi lianngan i â ruahmi Theudus timi a um. Pa lawngte zali nih an zulh. Amah an thah hnu ah a zultu hna cu an i ṭhek dih i zeihmanh an si ti lo. 37Cu pa hnuah, milu rel lioah, Galili mi Judas kha a rak um ṭhân, mi tam nawn nih an zulh. Asinain a thi i a zultu hna cu an i ṭhek dih ṭhân. 38Cuticun kan chimh hna, hi hna hi tawng hna hlah u, um ko hna seh; hi an tuahmi le an i timhmi hi minung tuahmi a si ahcun a lo dih te ko lai. 39Asinain Pathian sinin a chuakmi a si ahcun nan hloh kho lai lo. Culoahcun Pathian ralchanhtu nan si sual lai,” tiah a ti. 40A chimmi cu an pom i lamkaltu kha au in an hro hna, Jesuh minin bia chim ti lo dingin nawl an pêk hna i an kalter hna. 41Cuticun biaceihtu hna sinin an kal i a Min ruangah mualphonâk tuar awktlâk i ruah an si caah an i lawm ngaingai. 42Cun nichiarte ṭempal le innah, Jesuh cu Krih a si zia cawnpiak le chim an ngol hlei lo.
Currently Selected:
ACT 5: HAKABSI
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
ACT 5
5
1Asinain mi pakhat, a min Ananias cu, a nupi Safiri he loram an zuar i 2a man cheukhat a thuh, a nupi zong nih cucu a theihpi, a cheu cu a rak put i lamkaltu kehram ah a rak chiah. 3Peter nih, “Ananias Thiang Thlarau sin i lih chim ding le na loram man a cheu thup dingin, zeiruangahdah Satan nih na lungthin a khahter? 4Na zuar hlan zongah nata a si i na zuar hnu zongah na nawl ngeihnâk tangah a um lo maw? Zei ruangahdah hi lungput hi na ngeih? Minung sinah na lih lo i Pathian sinah na lih a si,” tiah a ti. 5Ananias nih cu bia a theih tikah â teng i a thi. Cu thil a theitu vialte cungah ṭihnâk nganpi a phân. 6Tlangval an tho i an tuam hnuah an kalpi i an vui. 7Suimilâm pathum hnu ah, a nupi cu thil umtuning hngal loin a rak lut. 8Peter nih a sinah, “Ka chim tuah, loram cu hi zat ah maw nan zuar?” tiah a ti. Anih nih, “Aw, hi zat ah a si ko,” tiah a ti. 9Peter nih a sinah, “Zeiruangahdah Bawipa Thlarau hniksak dingah nan lung â ruan? Zohhmanh, na va vuitu hna ke nih inkâ hram a phân cang, nang zong an in zawnh cawlh lai,” tiah a ti. 10Hmakhat te ah a kehram ah â teng i a thi cawlh. Tlangval an ra i a thi tiah an hmuh tikah an zawnh i ava pawngah an vui. 11Cuticun kawhhran vialte le cu kong a theitu vialte nih an ṭih ngai ngai. 12Mizapi sinah lamkaltu hna kut hmangin Pathian nih hmelchunhnâk le khuaruahharnâk tampi a tuah. Annih cu ruahnâk pakhat ngei in Solomon innlêng timi ah an i pum tawn. 13Midang tu cu an sinah an i tel ngam lo. Asinain mizapi nih sâng ngai ah an chiah hna. 14Zumtu hna an karh chin lengmang i Bawipa sinah nu le pa he mizapi cu an i chapchin lengmang. 15Mizaw kha zatlâng lamah an zawnh hna i ihkhun le an ihphah cungah an ihter hna, Peter â chawh tikah a thladêm tal nih rak tawng seh tiah an ti. 16Jerusalem pawngkam khua hna zong nih an mizaw le thlarau thur tuahmi an ratpi hna i an dihlak in damnâk an hmuh. 17Cuticun tlângbawi nganbik le a hawi le vialte (cu hna cu Sadusih an si) hna cu an ra i hnachuahnâk in an khat, 18lamkaltu kha an tlaih hna i zatlâng thongah an thlak hna. 19Asinain zanah Bawipa vancungmi pakhat nih inkâ a rak on i a chuahter hna, 20“Kal ulaw, ṭempal ah va dir ulaw, mizapi sinah hi nunnâk bia hi va chim hna u,” tiah a ti. 21Cu bia cu an theih tikah, zingka te ah ṭempal ah an kal i an cawnpiak hna. Cu cân ah tlângbawi nganbik le a hawi le nih biaceihtu kha an kawh hna i cuka ah Israel miphun lakah upa vialte kha an auh hna, lamkaltu hna cu ratpi dingin thonginn ah mi an hei thlah hna. 22Vengtu hna cu an va kal i thonginn i an hmuh hna lonâk kong chim awkah an kir. 23Thonginn cu him tein â hrenh dih i kilvengtu zong an rak dir ko, asinain kan on tikah a chungah ahohmanh kan hmu hna lo,” tiah an chimh hna. 24Tlângbawi upa hna le, ṭempal hotu hna le, tlângbawi uktu hna nih cu bia cu an theih tikah, zeitindah thil hi a si te lai? tiah an khuaruah a har. 25Cu lioah mi pakhat a ra i an sinah, “Zohhmanh u, thong i nan thlakmi hna nih khan ṭempal ah mi an cawnpiak hna,” tiah a rak chimh hna. 26Ṭempal hotu hna cu vengtu hna he an va kal i mizapi nih lungin an rak cheh lai kha an ṭih caah zângennâk um loin an ratpi hna. 27Cuti i an ratpi hnuah biaceihtu hna hmai ah an dirter hna i tlângbawi nganbik nih an sinah, 28“Hi pa min i cawnpiak ti lo ding kan in ti cang hna, zohhmanh u, nan cawnpiaknâk Jerusalem khua nan khahter cang, cu pa thisen mawh cu kan cungah chawnh nan timh fawn,” tiah an chalh hna. 29Asinain Peter le lamkaltu hna nih, minung bia nâkin Pathian bia cu kan zulh deuh awk a si. 30Nannih nih Jesuh thingah thlai in nan thahmi kha kan pupa hna Pathian nih a thawhter. 31Amah kha Pathian nih Bawi le Khamhtu si dingin a orhlei kutah a thangṭhat, cucu Israel mi caah ngaihchihnâk le sual ngaihthiamnâk caah a si. 32Cu thil hna hngalhpitu cu kan si. Cubangin Pathian nih a nawl a ngaimi hna sin i a pêkmi Thiang Thlarau hi hngalhpitu a si ve,” tiah an leh. 33Cucu an theih tikah an thin a khenh hna i thahnâk ding khua an khâng. 34Asinain biaceihtu hna lakah Farasih pakhat, a min Gamaliel nawlbia cawnpiaktu le mi vialte hmaizahmi kha a dir i lamkaltu kha lengah chuahter rih dingin nawl a pêk hna. 35Biaceihtu hna sinah, “Nannih Israel mi hna hi hna kong i tuah nan timhmi hi i ralring u. 36Kan hnulei ah khan mi lianngan i â ruahmi Theudus timi a um. Pa lawngte zali nih an zulh. Amah an thah hnu ah a zultu hna cu an i ṭhek dih i zeihmanh an si ti lo. 37Cu pa hnuah, milu rel lioah, Galili mi Judas kha a rak um ṭhân, mi tam nawn nih an zulh. Asinain a thi i a zultu hna cu an i ṭhek dih ṭhân. 38Cuticun kan chimh hna, hi hna hi tawng hna hlah u, um ko hna seh; hi an tuahmi le an i timhmi hi minung tuahmi a si ahcun a lo dih te ko lai. 39Asinain Pathian sinin a chuakmi a si ahcun nan hloh kho lai lo. Culoahcun Pathian ralchanhtu nan si sual lai,” tiah a ti. 40A chimmi cu an pom i lamkaltu kha au in an hro hna, Jesuh minin bia chim ti lo dingin nawl an pêk hna i an kalter hna. 41Cuticun biaceihtu hna sinin an kal i a Min ruangah mualphonâk tuar awktlâk i ruah an si caah an i lawm ngaingai. 42Cun nichiarte ṭempal le innah, Jesuh cu Krih a si zia cawnpiak le chim an ngol hlei lo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.