LUKA 10
10
Nungzui Sawmsagihte Sawlkhiakna
(Luk 9.3-5; Mat 11.22-23,25-27; 13.16-17)
1Huai khit in Toupa'n midang sawmsagih asep a, apaina ding kho teng leh mun teng ah, ama ah nihnih in asawl hi. 2Akiang uah, “Buh lak ding atam mahmah a, himahleh asemte atawm uh, huchi in abuh la ding a sem dingte sawl ding in buh neipa kiang ah ngen un. 3Pai un; ngai un, ngehon lak a belamnou bang in ka hon sawl ahi. 4Dangka ip, kawlzal leh khedap tawi kei unla, lampi ah kuamah chibai buk kei un. 5Huan inn na lutna peuh uah amasapen in, ‘Hiai inn ah khamuanna tung hen!’ chi un. 6Huai inn a khamuanna ta a-omleh na khamuanna thu uh atung ah a-om ding a; a-om keileh na kiang uah ahong kik nawn ding hi. 7Huai inn ah tung in om nilouh unla, ahon piak peuh uh ne in dawn un; nasemmi loh mu tak ahi. Inn teng ah ban hoh kei un. 8Huan khua na lutna peuh uah hon kipahpih uleh, hon lui peuh uh na ne ding ua; huai a damlou omte leng na hihdam ding ua; 9akiang uah, ‘Pathian lalgam na kiang uah hong tungta,’ na chi ding uh. 10Khua na lutna peuh uah hon kipahpih kei uleh akongzing uah paikhia unla, 11na kho leivui uh ka khepek ua bang teng na tung uah tatsiang ung e; himahleh Pathian lalgam ahong naita chih thei un, na chi ding uhi. 12K'on hilh ahi, huai ni chiang in huai khuate thuak sang in Sodom khua thuak ding adan a-om zaw ding hi.
Kisik Nuam Lou Khopite
(Mat 11.20-24)
13“Korazin, na tung agik e! Bethsaida, na tung agik e! Noumau a thillamdang kihihte Tura leh Sidon a hih hileh, sai-ip puan silh a vut lak a tu in akisik khin thamta ding uh. 14Himahleh thukhen ni chiang in nou thuak sang in Tura leh Sidon khua thuak ding adan a-om zaw ding. 15Huan nang Kapernaum, van tan ah tawisang in na om a, misikhua a sawnkhiak a om ding na hi.
16“Kuapeuh na thu uh ngaikhia keimah thu ngaikhia ahi a; kuapeuh nou hon deih lou kei hon deih lou ahi; kuapeuh nou hon ngai lou kei hon ngai lou ahi a, kuapeuh kei hon ngai lou tuh hon sawlpa ngai lou ahi,” achi hi.
Sawmsagihte Kik Nawnna
17Huan sawmsagihte kipaktak in ahong kik nawn ua, “Toupa, dawite nangawn na min ziak in ka thuthu un a-om uh,” achi uhi.
18Ama'n akiang uah, “Khophia bang in van a kipan Setan hong kia ka mu hi. 19Ngai un, gulte, aikamte sikdenna thu leh melma thilhihtheihna tengteng tung a thuneihna ka hon pia ahi; bangmah in ahon hih na kei hial ding. 20Himahleh dawite na thuthu ua a-om ziak un kipak kei un; van a na min uh gelh ahih ziak in kipak zaw un,” achi hi.
Jesu Kipahthu Genna
(Mat 11.25-27; 13.16-17)
21Huai laitak in Jesu, Kha Siangthou in akipak mahmah a, “Pa aw, lei leh van Toupa, nang mipil leh mibengvakte kiang ah hiai thu na iim a, naungekte kiang a na than ziak in ka hon phat hi; ahi, Pa, huchibang hih nang ngaih in ahoih ahi. 22Ka Pa'n bangkim ahon kemsak a, Tapa kua ahia, Pa lou ngal kuamah in athei kei, Pa leng kua ahia, Tapa leh akiang ua Tapa in atheihsak nopnate kia lou ngal kuamah in athei kei,” achi hi.
23Huan nungzuite lam anga a, asim in, “Na thil muhte uh amu mitte ahampha e! 24K'on chi ahi, zawlnei tampi leh kumpipa tampite'n leng na thil muhte uh muh akilawp gige ua, himahleh amu kei uh, bil a na zakte uh leng zak akilawp thei mahmah ua, himahleh aza kei uh,” achi hi.
Samari Mihoih Gentehna
25Huan ngai un dan thei mi kuahiam adingh a, amah ze-etna ding in, “Sinsakpa, tangtawn hinna neihna ding in bang ka hih dia?” achi hi. 26Ama'n akiang ah, “Dan laibu ah bang gelh ahia? Bangchi in na sim a?” achi hi.
27Huan ama'n, “Toupa, na Pathian na lungtang tengteng, na kha tengteng, na hatna tengteng, na lungsim tengteng in na it ding ahi; nangmah na ki-it bang in na vengte na it ding ahi, chih,” chi in adawng hi.
28Huan ama'n akiang ah, “Na dawng dik hi; huchi in hih lechin na hing ding,” achi hi. 29Ama'n bel kisiamtansak ut in, Jesu kiang ah, “Ahihleh, ka inveng kua ahia?” achi hi.
30Jesu'n adawng a, “Kuahiam Jerusalem a kipan Jeriko ah ahohsuk a, suamhatte atuak hi. Amau apuansilh asuahsak vek ua, avua ua, si dektak in apaisanta uhi. 31Huan huai lampi ah siampu kuahiam ava paisuk a, amuhtak in lampi sik lehlam ah apel maimah hi. 32Huan huchibang mah in Levi chimi khat leng huai mun ahong tung a, amuhtak in lampi sik lehlam ah apel maimah hi. 33Himahleh, Samaria gam a mi kuahiam zin pai lai a-omna ahong tung a, amuhtak in alainat mahmah hi. 34Akiang ah ava hoh a, aliamnate thau leh uain abuak a, atuam a, amah gan tung ah atuangsak a, khualbuk ah apaipih a, akemta hi. 35Huan azing in makhai nih asuahkhia a, khualbuk kempa kiang ah apia a, amah na kem inla, hiai ban ana zat teng, ka hong kik nawn chiang in ka hon din ding,” achi hi.
36Huai mi thumte lak ah, suamhatte tuakpa a ding in, invengte hi pen kua hi in na gingta a? achi hi. 37Ama'n, “Huai atung a zahngaihna suahpa,” achi hi. Jesu'n akiang ah, “Nang leng huai mah bang in va hih in,” achi hi.
Martha Leh Mari
38Huan azin kawm un khua khat ah alut a; numei khat amin Martha in ana zintun hi. 39Huai minu'n sanggam numei khat anei a, amin Mari ahi, huai minu Toupa khebul ah atu a, athu angaikhia hi. 40Martha in bel nna sem in abuai mahmah a; huchi in akiang a hong pai in, “Toupa, ka sanggamnu'n kei kia nasem ding a hon khiat khawk sa lou na hi maw? Hon huh ding in sawl in,” achi hi.
41Toupa'n, “Martha, Martha, thil tampi na ngaihtuah a, buai nei ve; thil khat kia akul ahi; 42Mari in tan hoih atel a, huai laksak ding ahi kei,” chi in adawng hi.
Currently Selected:
LUKA 10: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 10
10
Nungzui Sawmsagihte Sawlkhiakna
(Luk 9.3-5; Mat 11.22-23,25-27; 13.16-17)
1Huai khit in Toupa'n midang sawmsagih asep a, apaina ding kho teng leh mun teng ah, ama ah nihnih in asawl hi. 2Akiang uah, “Buh lak ding atam mahmah a, himahleh asemte atawm uh, huchi in abuh la ding a sem dingte sawl ding in buh neipa kiang ah ngen un. 3Pai un; ngai un, ngehon lak a belamnou bang in ka hon sawl ahi. 4Dangka ip, kawlzal leh khedap tawi kei unla, lampi ah kuamah chibai buk kei un. 5Huan inn na lutna peuh uah amasapen in, ‘Hiai inn ah khamuanna tung hen!’ chi un. 6Huai inn a khamuanna ta a-omleh na khamuanna thu uh atung ah a-om ding a; a-om keileh na kiang uah ahong kik nawn ding hi. 7Huai inn ah tung in om nilouh unla, ahon piak peuh uh ne in dawn un; nasemmi loh mu tak ahi. Inn teng ah ban hoh kei un. 8Huan khua na lutna peuh uah hon kipahpih uleh, hon lui peuh uh na ne ding ua; huai a damlou omte leng na hihdam ding ua; 9akiang uah, ‘Pathian lalgam na kiang uah hong tungta,’ na chi ding uh. 10Khua na lutna peuh uah hon kipahpih kei uleh akongzing uah paikhia unla, 11na kho leivui uh ka khepek ua bang teng na tung uah tatsiang ung e; himahleh Pathian lalgam ahong naita chih thei un, na chi ding uhi. 12K'on hilh ahi, huai ni chiang in huai khuate thuak sang in Sodom khua thuak ding adan a-om zaw ding hi.
Kisik Nuam Lou Khopite
(Mat 11.20-24)
13“Korazin, na tung agik e! Bethsaida, na tung agik e! Noumau a thillamdang kihihte Tura leh Sidon a hih hileh, sai-ip puan silh a vut lak a tu in akisik khin thamta ding uh. 14Himahleh thukhen ni chiang in nou thuak sang in Tura leh Sidon khua thuak ding adan a-om zaw ding. 15Huan nang Kapernaum, van tan ah tawisang in na om a, misikhua a sawnkhiak a om ding na hi.
16“Kuapeuh na thu uh ngaikhia keimah thu ngaikhia ahi a; kuapeuh nou hon deih lou kei hon deih lou ahi; kuapeuh nou hon ngai lou kei hon ngai lou ahi a, kuapeuh kei hon ngai lou tuh hon sawlpa ngai lou ahi,” achi hi.
Sawmsagihte Kik Nawnna
17Huan sawmsagihte kipaktak in ahong kik nawn ua, “Toupa, dawite nangawn na min ziak in ka thuthu un a-om uh,” achi uhi.
18Ama'n akiang uah, “Khophia bang in van a kipan Setan hong kia ka mu hi. 19Ngai un, gulte, aikamte sikdenna thu leh melma thilhihtheihna tengteng tung a thuneihna ka hon pia ahi; bangmah in ahon hih na kei hial ding. 20Himahleh dawite na thuthu ua a-om ziak un kipak kei un; van a na min uh gelh ahih ziak in kipak zaw un,” achi hi.
Jesu Kipahthu Genna
(Mat 11.25-27; 13.16-17)
21Huai laitak in Jesu, Kha Siangthou in akipak mahmah a, “Pa aw, lei leh van Toupa, nang mipil leh mibengvakte kiang ah hiai thu na iim a, naungekte kiang a na than ziak in ka hon phat hi; ahi, Pa, huchibang hih nang ngaih in ahoih ahi. 22Ka Pa'n bangkim ahon kemsak a, Tapa kua ahia, Pa lou ngal kuamah in athei kei, Pa leng kua ahia, Tapa leh akiang ua Tapa in atheihsak nopnate kia lou ngal kuamah in athei kei,” achi hi.
23Huan nungzuite lam anga a, asim in, “Na thil muhte uh amu mitte ahampha e! 24K'on chi ahi, zawlnei tampi leh kumpipa tampite'n leng na thil muhte uh muh akilawp gige ua, himahleh amu kei uh, bil a na zakte uh leng zak akilawp thei mahmah ua, himahleh aza kei uh,” achi hi.
Samari Mihoih Gentehna
25Huan ngai un dan thei mi kuahiam adingh a, amah ze-etna ding in, “Sinsakpa, tangtawn hinna neihna ding in bang ka hih dia?” achi hi. 26Ama'n akiang ah, “Dan laibu ah bang gelh ahia? Bangchi in na sim a?” achi hi.
27Huan ama'n, “Toupa, na Pathian na lungtang tengteng, na kha tengteng, na hatna tengteng, na lungsim tengteng in na it ding ahi; nangmah na ki-it bang in na vengte na it ding ahi, chih,” chi in adawng hi.
28Huan ama'n akiang ah, “Na dawng dik hi; huchi in hih lechin na hing ding,” achi hi. 29Ama'n bel kisiamtansak ut in, Jesu kiang ah, “Ahihleh, ka inveng kua ahia?” achi hi.
30Jesu'n adawng a, “Kuahiam Jerusalem a kipan Jeriko ah ahohsuk a, suamhatte atuak hi. Amau apuansilh asuahsak vek ua, avua ua, si dektak in apaisanta uhi. 31Huan huai lampi ah siampu kuahiam ava paisuk a, amuhtak in lampi sik lehlam ah apel maimah hi. 32Huan huchibang mah in Levi chimi khat leng huai mun ahong tung a, amuhtak in lampi sik lehlam ah apel maimah hi. 33Himahleh, Samaria gam a mi kuahiam zin pai lai a-omna ahong tung a, amuhtak in alainat mahmah hi. 34Akiang ah ava hoh a, aliamnate thau leh uain abuak a, atuam a, amah gan tung ah atuangsak a, khualbuk ah apaipih a, akemta hi. 35Huan azing in makhai nih asuahkhia a, khualbuk kempa kiang ah apia a, amah na kem inla, hiai ban ana zat teng, ka hong kik nawn chiang in ka hon din ding,” achi hi.
36Huai mi thumte lak ah, suamhatte tuakpa a ding in, invengte hi pen kua hi in na gingta a? achi hi. 37Ama'n, “Huai atung a zahngaihna suahpa,” achi hi. Jesu'n akiang ah, “Nang leng huai mah bang in va hih in,” achi hi.
Martha Leh Mari
38Huan azin kawm un khua khat ah alut a; numei khat amin Martha in ana zintun hi. 39Huai minu'n sanggam numei khat anei a, amin Mari ahi, huai minu Toupa khebul ah atu a, athu angaikhia hi. 40Martha in bel nna sem in abuai mahmah a; huchi in akiang a hong pai in, “Toupa, ka sanggamnu'n kei kia nasem ding a hon khiat khawk sa lou na hi maw? Hon huh ding in sawl in,” achi hi.
41Toupa'n, “Martha, Martha, thil tampi na ngaihtuah a, buai nei ve; thil khat kia akul ahi; 42Mari in tan hoih atel a, huai laksak ding ahi kei,” chi in adawng hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.