LUKA 9
9
Sawltak Sawm-le-nihte Sawlkhiakna
(Mat 10.5-15; Mar 6.7-13)
1Huan Jesu'n sawm-le-nihte asamkhawm a, dawi nin tengteng tung a thilhihtheihna leh natnate hihdamtheihna thuneihna apia hi. 2Huchi in Pathian lalgam thu gen ding leh damloute hihdam ding in asawlkheta hi. 3Akiang uah, “Zinna a ding in chiangkhun hiam, kawlzal hiam, tanghou hiam, dangka hiam, bangmah keng kei un; puanak nih leng keng kei un. 4Na tunna inn uah tung kinken unla, huai inn a kipan paikhia un. 5Huan ahon kipahpih lou peuhmah huai khua a kipan na paikhiak chiang un amau mohpaihna ding in na khepek ua leivui tatkhia un,” achi hi.
6Huchi in akuanta ua, khua atawn vialvial uhi. Gam chih ah tanchinhoih ahilh ua, mi ahihdam zel uhi.
Herod Lungbuaina
(Mat 14.1-12; Mar 6.14-29)
7Huan kumpipa Herod in athilhih tengteng uh ana za a; khenkhat in, “Johan hing nawnta ahi, achi ua, khenkhat in, 8Elijah hong kilak ahi, achi ua, khenkhat in, nidanglai zawlnei kuahiam thounawnta ahi,” achih ziak un, alungzingta hi. 9Herod in, “Johan alu ka tanta a; himahleh hichi lawmlawm a athu ka zakzak kua ahia?” chi in amah muh atumta hi.
Mipi Sangnga Vakna
(Mat 14.13-21; Mar 6.30-44; Joh 6.1-14)
10Huan sawltakte ahong kik nawn un, akiang ah athilhihte uh ahilh ua, ama'n amaute pi in khopi Bethsaida kichi ah apaituamta hi. 11Himahleh mipi'n athei ua, azui zel uh; ama'n amaute ana kipahpih a, Pathian lalgam thu ahilh a, hihdam kiphamoh peuhmahte ahihdam hi.
12Huan nitaklam ahong hi dekta a; sawm-le-nihte ahong pai ua, akiang ah, “Khuate leh akim gam ah giahna leh annek-tuidawn zong ding in mipite paisak tanla; gamkeu mun a om hi ngal hang a,” achi uhi.
13Ama'n bel akiang uah, “Nou nek ding pia un,” achi hi. Amau, “Mi hiai zahzah nek ding i va leisak keileh, tanghou phel nga leh nga nih kia lou ngal bangmah i nei kei uh,” achi uhi. 14Piching ngen leng sangnga phial ahi uhi. Huan anungzuite kiang ah, “Mite apawlpawl in tusak un, sawmnga zel in,” achi hi.
15Huchi in ahih ua, atusak vekta uhi. 16Huan tanghou phel nga leh ngasa nih ala a, van lam en in avualzawl a, abalkham a, mipi ma a lui ding in anungzuite kiang ah apia hi. 17Huan ane ua, avah chiatta ua, akhamval nengte uh bawm sawm-le-nih aluakdim uhi.
Peter In Jesu Khrist Apuangkhia
(Mat 16.13-19; Mar 8.27-29)
18Huan hichi ahong hi a, Jesu amah kia a athum lai in akiang ah anungzuite a-om ua; akiang uah, “Mipite'n kua ka hi ahon chi ua?” chi in adong hi.
19Amau, “Baptispa Johan ahon chi ua; himahleh khenkhat in, Elijah hiam nidanglai zawlnei kuahiam thounawn ahon chi uh,” chi in adawng uhi.
20Huan ama'n akiang uah, “Ahihleh nou kua ka hi na hon chi ua?” achi hi. Peter in, “Pathian Khrist mah,” chi in adawng hi.
Jesu'n Asihna leh Thohnawnna Ding Agenkhol
(Mat 16.20-28; Mar 8.30—9.1)
21Huan huai thu kuamah hilh louh ding chi bikbek in, thu apia hi: 22“Mihing Tapa in thil tampi athuak dia, upate, siampu liante leh laigelhmite deih louh in a-om ding, thah in a-om dia, ani thum ni in kaihthoh in a-om ding,” achi hi.
Eimah Kipai Dia Chihna
(Mat 10.34-37; Mar 8.34-38)
23Huan mi tengteng kiang ah, “Kuapeuh in hon zuih a-utleh amah kingaihsak lou in, niteng a ama kros pua in hon zui hen. 24Kuapeuh ahinna humbit ut in atan ding; kuapeuh keimah ziak a ahinna tan in ahumbit ding. 25Mi'n khovel apum in nei henla, amah kimangsak hiam, ahihkeileh kimanlohleh amah a ding in bang aphatuam dia? 26Kuapeuh keimah leh ka thu zahpihmi zaw Mihing Tapa in ama thupina toh, a Pa thupina leh a-angel siangthoute thupina toh ahong pai hun chiang in azahpih ding hi. 27Diktak in ka hon hilh ahi, hiai a dinghte akhen, Pathian lalgam amuh masiah uh sihna chiam lou hial ding a-om uh,” achi hi.
Mellamdanna
(Mat 17.1-13; Mar 9.2-13)
28Huan hichi ahong hi a, Jesu'n athugen nung ni giat hiam in, Peter, Johan leh Jakob api a, thum ding in tang ah ahohtou uhi. 29Athum lai in amel omdan ahong lamdang a, apuansilhte mi lengthei in ahong ngouta hi. 30Huan ngai in, mi nih amah toh akihou ua, huai mite Mosi leh Elijah ahi uh. 31Thupina a kithuam in akilak ua, Jerusalem a sihna ahih bukim ding thu agen uhi. 32Peter leh alawmte bel a-ihmut uh asuak a, himahleh ahak teitei ua athupina leh akiang a mi nih dinghte amu uhi. 33Huan huai mite'n Jesu apaisan dek lai un, Peter in Jesu kiang ah, “Heutupa, ei a ding in hiai a om ahoih, aidakbuk thum i khoh dia, nang a ding in khat, Mosi a ding in khat, Elijah a ding in khat, achi a, athugen leng theiloupi in.”
34Huan huai thute agen lai in mei ahong kai a, amau aliahta; mei lak a alut lai un alau uhi. 35Meipi a kipan aw ahong suak a, “Hiai ka Tapa, ka tel ahi, amah thu ngai un,” achi hi. 36Huan aw adaihtak in Jesu kia amuta uhi. Huan adai dide ua, huai lai in athil muh uh kuamah bangmah ahilh kei uhi.
Pasal Naupang Dawimat Hihdamna
(Mat 17.14-21; Mar 9.14-29)
37Huan hichi ahong hi a, azing in tang a kipan apaisuk nung un, mipi tampitak in amah ana dawn uhi. 38Ngai in, mipi lak ah mi khat akikou a, “Sinsakpa, ka tapa en ding in ka hon ngen ahi, amah ka tapa neihsun ahi. 39Ngai in, dawi in aman a, akikoukhe guih zel a; huchi in achilphuan ke hial in agimbawl a, nakpitak a hih sidup in apaisan zel hi. 40Na nungzuite kiang ah delhkhe ding in ka ngen na a, ahihthei kei uh,” achi hi.
41Huan Jesu'n, “Ginna nei lou khang leh lampialte aw, bang tan ahia ka hon thuak theih ding? Hiai ah na tapa hon pi in,” chi in adawng hi.
42Huan ahong pai lai in dawi in ahihpuk ek a, nakpitak in agimbawlta hi; himahleh Jesu'n dawi nin atai a, naupang ahihdam a, apa kiang ah apaisak nawnta hi.
Jesu'n Asihna Ding Agenkholh Nihveina
(Mat 17.22-23; Mar 9.30-32)
43Huan mi tengteng in Pathian thupidan lamdang asa mahmah uhi. Huchi in mi tengteng in athilhih tengteng lamdang asak lai un, Jesu'n anungzuite kiang ah, 44“Hiai thute na bil uah lut hen. Mihingte khut a Mihing Tapa matsak a om ding ahi ngal a,” achi hi. 45Himahleh athugen atheisiam kei uh, atheihtheihlouhna ding ua kisel ahi, huai thugen tanchin amah adong ngam kei uhi.
Kingaihniamna Dik
(Mat 18.1-5; Mar 9.33-37)
46Huan alak uah kua athupipen dia? chih thu in ana kisel uhi. 47Jesu'n alungtang ua angaihtuah uh athei a, naupang neu khat akai a, asik ah a-omsak a, akiang uah, 48“Kuapeuh ka min ziak a hiai naupang neu kipahpih keimah hon kipahpih ahi ding uh; keimah hon kipahpih hon sawlpa kipahpih ahi; na vek ua lak a neupen athupipen ahi ding,” achi hi. 49Johan in, “Heutupa, kuahiam na min a dawite delkhia ka mu ua, ka hon zuihna ua apan louh ziak in ka khamta uhi,” chi in adawng hi. 50Jesu'n akiang ah, “Kham nawn kei un, kuapeuh nou hon dal lou nou lam a pang ahi,” achi hi.
Samari Mite'n Jesu Ngai Lou
51Huan hichi ahong hi a, amah pitouh hun ding anaitak in, Jerusalem a hoh atum tinten a, ama ah mi ama taisak hi. 52Huan apai ua, amah a dia na kimansak ding in Samari mite khua khat ah alut uhi. 53Amai Jerusalem kholam naih a alat ziak in amah ana kipahpih kei uhi. 54Huchi in anungzui Jakob leh Johan in huai atheih un, “Toupa, amaute kangmang ding in, Elijah hih bang in van a kipan mei hong ke ding a thu ka piak uh hoih na sa hia?” achi uhi.
55Amah akihei a, amau tai in, “Bang kha a pan na hi ua chih thei lou na hi uhiam? 56Mihing Tapa mite hihmangthang ding hilou in, hondam ding a hong pai ahi zaw hi,” achi hi. Huan kho dang ah apaita uhi.
Nungzui Dingte Theihna
(Mat 8.19-22)
57Huan lampi a apai lai un, kuahiam in akiang ah, “Na paina peuh ah ka hon zui ding,” achi hi. 58Jesu'n akiang ah, “Sehalte'n kua anei ua, tungleng vasate'n leng bu anei uh, himahleh Mihing Tapa in zaw alu ngakna ding mun anei kei,” achi hi.
59Jesu'n midang kiang ah, “Hon zui in,” achi hi. Himahleh ama'n, “Toupa, ka pa hon vuisak phot in,” achi hi. 60Jesu'n akiang ah, “Misite'n amisi uh kivui uhen; nang Pathian lalgam thu va gen zaw in,” achi hi.
61Huan midang in leng, “Toupa, ka hon zui ding, himahleh ka inn a mite kampha in hon khasak phot in,” achi hi. 62Huan Jesu'n akiang ah, “Kuapeuh leilehna len a, nunglam nga Pathian kumpigam mi hi tak ahi kei,” achi hi.
Currently Selected:
LUKA 9: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 9
9
Sawltak Sawm-le-nihte Sawlkhiakna
(Mat 10.5-15; Mar 6.7-13)
1Huan Jesu'n sawm-le-nihte asamkhawm a, dawi nin tengteng tung a thilhihtheihna leh natnate hihdamtheihna thuneihna apia hi. 2Huchi in Pathian lalgam thu gen ding leh damloute hihdam ding in asawlkheta hi. 3Akiang uah, “Zinna a ding in chiangkhun hiam, kawlzal hiam, tanghou hiam, dangka hiam, bangmah keng kei un; puanak nih leng keng kei un. 4Na tunna inn uah tung kinken unla, huai inn a kipan paikhia un. 5Huan ahon kipahpih lou peuhmah huai khua a kipan na paikhiak chiang un amau mohpaihna ding in na khepek ua leivui tatkhia un,” achi hi.
6Huchi in akuanta ua, khua atawn vialvial uhi. Gam chih ah tanchinhoih ahilh ua, mi ahihdam zel uhi.
Herod Lungbuaina
(Mat 14.1-12; Mar 6.14-29)
7Huan kumpipa Herod in athilhih tengteng uh ana za a; khenkhat in, “Johan hing nawnta ahi, achi ua, khenkhat in, 8Elijah hong kilak ahi, achi ua, khenkhat in, nidanglai zawlnei kuahiam thounawnta ahi,” achih ziak un, alungzingta hi. 9Herod in, “Johan alu ka tanta a; himahleh hichi lawmlawm a athu ka zakzak kua ahia?” chi in amah muh atumta hi.
Mipi Sangnga Vakna
(Mat 14.13-21; Mar 6.30-44; Joh 6.1-14)
10Huan sawltakte ahong kik nawn un, akiang ah athilhihte uh ahilh ua, ama'n amaute pi in khopi Bethsaida kichi ah apaituamta hi. 11Himahleh mipi'n athei ua, azui zel uh; ama'n amaute ana kipahpih a, Pathian lalgam thu ahilh a, hihdam kiphamoh peuhmahte ahihdam hi.
12Huan nitaklam ahong hi dekta a; sawm-le-nihte ahong pai ua, akiang ah, “Khuate leh akim gam ah giahna leh annek-tuidawn zong ding in mipite paisak tanla; gamkeu mun a om hi ngal hang a,” achi uhi.
13Ama'n bel akiang uah, “Nou nek ding pia un,” achi hi. Amau, “Mi hiai zahzah nek ding i va leisak keileh, tanghou phel nga leh nga nih kia lou ngal bangmah i nei kei uh,” achi uhi. 14Piching ngen leng sangnga phial ahi uhi. Huan anungzuite kiang ah, “Mite apawlpawl in tusak un, sawmnga zel in,” achi hi.
15Huchi in ahih ua, atusak vekta uhi. 16Huan tanghou phel nga leh ngasa nih ala a, van lam en in avualzawl a, abalkham a, mipi ma a lui ding in anungzuite kiang ah apia hi. 17Huan ane ua, avah chiatta ua, akhamval nengte uh bawm sawm-le-nih aluakdim uhi.
Peter In Jesu Khrist Apuangkhia
(Mat 16.13-19; Mar 8.27-29)
18Huan hichi ahong hi a, Jesu amah kia a athum lai in akiang ah anungzuite a-om ua; akiang uah, “Mipite'n kua ka hi ahon chi ua?” chi in adong hi.
19Amau, “Baptispa Johan ahon chi ua; himahleh khenkhat in, Elijah hiam nidanglai zawlnei kuahiam thounawn ahon chi uh,” chi in adawng uhi.
20Huan ama'n akiang uah, “Ahihleh nou kua ka hi na hon chi ua?” achi hi. Peter in, “Pathian Khrist mah,” chi in adawng hi.
Jesu'n Asihna leh Thohnawnna Ding Agenkhol
(Mat 16.20-28; Mar 8.30—9.1)
21Huan huai thu kuamah hilh louh ding chi bikbek in, thu apia hi: 22“Mihing Tapa in thil tampi athuak dia, upate, siampu liante leh laigelhmite deih louh in a-om ding, thah in a-om dia, ani thum ni in kaihthoh in a-om ding,” achi hi.
Eimah Kipai Dia Chihna
(Mat 10.34-37; Mar 8.34-38)
23Huan mi tengteng kiang ah, “Kuapeuh in hon zuih a-utleh amah kingaihsak lou in, niteng a ama kros pua in hon zui hen. 24Kuapeuh ahinna humbit ut in atan ding; kuapeuh keimah ziak a ahinna tan in ahumbit ding. 25Mi'n khovel apum in nei henla, amah kimangsak hiam, ahihkeileh kimanlohleh amah a ding in bang aphatuam dia? 26Kuapeuh keimah leh ka thu zahpihmi zaw Mihing Tapa in ama thupina toh, a Pa thupina leh a-angel siangthoute thupina toh ahong pai hun chiang in azahpih ding hi. 27Diktak in ka hon hilh ahi, hiai a dinghte akhen, Pathian lalgam amuh masiah uh sihna chiam lou hial ding a-om uh,” achi hi.
Mellamdanna
(Mat 17.1-13; Mar 9.2-13)
28Huan hichi ahong hi a, Jesu'n athugen nung ni giat hiam in, Peter, Johan leh Jakob api a, thum ding in tang ah ahohtou uhi. 29Athum lai in amel omdan ahong lamdang a, apuansilhte mi lengthei in ahong ngouta hi. 30Huan ngai in, mi nih amah toh akihou ua, huai mite Mosi leh Elijah ahi uh. 31Thupina a kithuam in akilak ua, Jerusalem a sihna ahih bukim ding thu agen uhi. 32Peter leh alawmte bel a-ihmut uh asuak a, himahleh ahak teitei ua athupina leh akiang a mi nih dinghte amu uhi. 33Huan huai mite'n Jesu apaisan dek lai un, Peter in Jesu kiang ah, “Heutupa, ei a ding in hiai a om ahoih, aidakbuk thum i khoh dia, nang a ding in khat, Mosi a ding in khat, Elijah a ding in khat, achi a, athugen leng theiloupi in.”
34Huan huai thute agen lai in mei ahong kai a, amau aliahta; mei lak a alut lai un alau uhi. 35Meipi a kipan aw ahong suak a, “Hiai ka Tapa, ka tel ahi, amah thu ngai un,” achi hi. 36Huan aw adaihtak in Jesu kia amuta uhi. Huan adai dide ua, huai lai in athil muh uh kuamah bangmah ahilh kei uhi.
Pasal Naupang Dawimat Hihdamna
(Mat 17.14-21; Mar 9.14-29)
37Huan hichi ahong hi a, azing in tang a kipan apaisuk nung un, mipi tampitak in amah ana dawn uhi. 38Ngai in, mipi lak ah mi khat akikou a, “Sinsakpa, ka tapa en ding in ka hon ngen ahi, amah ka tapa neihsun ahi. 39Ngai in, dawi in aman a, akikoukhe guih zel a; huchi in achilphuan ke hial in agimbawl a, nakpitak a hih sidup in apaisan zel hi. 40Na nungzuite kiang ah delhkhe ding in ka ngen na a, ahihthei kei uh,” achi hi.
41Huan Jesu'n, “Ginna nei lou khang leh lampialte aw, bang tan ahia ka hon thuak theih ding? Hiai ah na tapa hon pi in,” chi in adawng hi.
42Huan ahong pai lai in dawi in ahihpuk ek a, nakpitak in agimbawlta hi; himahleh Jesu'n dawi nin atai a, naupang ahihdam a, apa kiang ah apaisak nawnta hi.
Jesu'n Asihna Ding Agenkholh Nihveina
(Mat 17.22-23; Mar 9.30-32)
43Huan mi tengteng in Pathian thupidan lamdang asa mahmah uhi. Huchi in mi tengteng in athilhih tengteng lamdang asak lai un, Jesu'n anungzuite kiang ah, 44“Hiai thute na bil uah lut hen. Mihingte khut a Mihing Tapa matsak a om ding ahi ngal a,” achi hi. 45Himahleh athugen atheisiam kei uh, atheihtheihlouhna ding ua kisel ahi, huai thugen tanchin amah adong ngam kei uhi.
Kingaihniamna Dik
(Mat 18.1-5; Mar 9.33-37)
46Huan alak uah kua athupipen dia? chih thu in ana kisel uhi. 47Jesu'n alungtang ua angaihtuah uh athei a, naupang neu khat akai a, asik ah a-omsak a, akiang uah, 48“Kuapeuh ka min ziak a hiai naupang neu kipahpih keimah hon kipahpih ahi ding uh; keimah hon kipahpih hon sawlpa kipahpih ahi; na vek ua lak a neupen athupipen ahi ding,” achi hi. 49Johan in, “Heutupa, kuahiam na min a dawite delkhia ka mu ua, ka hon zuihna ua apan louh ziak in ka khamta uhi,” chi in adawng hi. 50Jesu'n akiang ah, “Kham nawn kei un, kuapeuh nou hon dal lou nou lam a pang ahi,” achi hi.
Samari Mite'n Jesu Ngai Lou
51Huan hichi ahong hi a, amah pitouh hun ding anaitak in, Jerusalem a hoh atum tinten a, ama ah mi ama taisak hi. 52Huan apai ua, amah a dia na kimansak ding in Samari mite khua khat ah alut uhi. 53Amai Jerusalem kholam naih a alat ziak in amah ana kipahpih kei uhi. 54Huchi in anungzui Jakob leh Johan in huai atheih un, “Toupa, amaute kangmang ding in, Elijah hih bang in van a kipan mei hong ke ding a thu ka piak uh hoih na sa hia?” achi uhi.
55Amah akihei a, amau tai in, “Bang kha a pan na hi ua chih thei lou na hi uhiam? 56Mihing Tapa mite hihmangthang ding hilou in, hondam ding a hong pai ahi zaw hi,” achi hi. Huan kho dang ah apaita uhi.
Nungzui Dingte Theihna
(Mat 8.19-22)
57Huan lampi a apai lai un, kuahiam in akiang ah, “Na paina peuh ah ka hon zui ding,” achi hi. 58Jesu'n akiang ah, “Sehalte'n kua anei ua, tungleng vasate'n leng bu anei uh, himahleh Mihing Tapa in zaw alu ngakna ding mun anei kei,” achi hi.
59Jesu'n midang kiang ah, “Hon zui in,” achi hi. Himahleh ama'n, “Toupa, ka pa hon vuisak phot in,” achi hi. 60Jesu'n akiang ah, “Misite'n amisi uh kivui uhen; nang Pathian lalgam thu va gen zaw in,” achi hi.
61Huan midang in leng, “Toupa, ka hon zui ding, himahleh ka inn a mite kampha in hon khasak phot in,” achi hi. 62Huan Jesu'n akiang ah, “Kuapeuh leilehna len a, nunglam nga Pathian kumpigam mi hi tak ahi kei,” achi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.