LUKA 12
12
Nungzuite Thuhilhna
(Mat 10.26-27)
1Huchih lai a mipi sang tampi kiphu mawimawi zou hial a ahong kikhop un, Jesu'n amasapen in anungzuite kiang ah, “Pharisaite silngou, lepchiahna lak ah pilvang un, 2kilang lou ding a selguk bangmah a-om kei a; theih louh ding a iim leng bangmah a-om sam kei hi. 3Huaiziak in mial a na gen peuh uh vak a zak in a-om ding; dantan sunggil a bilbul a na thugen uh intung vum ah tangkoupih in a-om ding hi.
Lauh Ding Pen
(Mat 10.28-31)
4“Huan ka lawmte aw, ka hon hilh ahi, pumpi that a, huai nung a bangmah dang hih nawn theiloute zaw, kihta kei un, 5Himahleh kua ahia na lauh ding uh ka hon hilhkhol ahi; ahihlup nung a leng Gehenna a paihtheihna thuneipa lau un.
6“Dal dangka nih in kawlgit nga azuak sek kei ua hia? Himahleh alak ua khat leng Pathian in amangngilh ngei kei hi. 7Na luzang ua samzangte nangawn leng sim vek ahi uh. Lau kei un; kawlgit tampi sang in na manphazaw uhi.
Khrist Gum Leh Gum Lou
(Mat 10.32-33; 12.32; 10.19-20)
8“Huan ka hon hilh ahi, mite ma a hon gum peuhmah Pathian angelte ma ah Mihing Tapa in agum sam ding hi. 9Himahleh mite ma a hon kitheihmohbawl peuhmah Pathian angelte ma ah ka kitheihmohbawl sam ding hi. 10Mihing Tapa kalh a thu gen peuhmah agenkalhna ngaihdamsak ahi ding a; himahleh Kha Siangthou hilhial gensia zaw agensiatna ngaihdamsak ahi kei ding.
11“Sinagog a mite, vaihawmte, heutute ma a ahon pi hun chiang un, bangchi in bang thu in ka dawng dia, bang thu ka gen dia chi in lungkham kei un. 12Huai huntak in, bang ahia na gen ding uh, Kha Siangthou in ahon hilh ding hi,” achi hi.
Mihau Hai Gentehna
13Mipi lak a khat in Jesu kiang ah, “Sinsakpa, ka u kiang ah gou hon hawm sam ding in hilh in,” achi hi. 14Himahleh ama'n akiang ah, “Mihing, noumau tung ah kua'n ahia kei thukhenpa hiam tan seppa hiam a hon bawl?” achi hi. 15Akiang uah, “Pilvang unla, enna lak ah kiveng un; hauhna mihing damsan ahi kei,” achi hi. 16Huan akiang uah gentehna thu agen a, “Mihau kuahiam ahong pung mahmah hi. 17Huchi in akingaihtuah a, bangchibang in ka hih diam aw? Ka buh-le-bal koihkhawmna ding ka nei kei hi. 18Hichibang in ka hih ding e, ‘ka buh innte ka phel ding a, asang a lianzaw in ka lam dia, huai ah buh leh ka van tengteng ka koihkhawm ding.’ 19Huan ka kha kiang ah, ‘Kha aw, kum tampi sung daih ding tampi na kholta; khawl inla, ne in dawn inla, nuamtak in om in, ka chi ding,’ achi hi. 20Himahleh, Pathian in akiang ah, ‘Nang mihai, tuzan chiah na kha ahon laksak ding uh, huai na lamkhiakte, kua a ahita dia?’ 21Amau a dia gou khol a, Pathian lam a hauloute huchi ahi uh,” achi hi.
Pathian Muanna
(Mat 6.25-34)
22Huan anungzuite kiang ah, “Huaiziak in ka hon hilh ahi, bang ka ne diam aw? chi in na hinna thu uh leh bang silh in ka teng diam aw? chi in na pumpi thu uah lunghimoh kei un. 23Nek ding sang in hinna athupizaw a, puansilh sang in leng pumpi athupizaw hi. 24Va-akte ngaihtuah dih uh, buh atuh kei ua, a-at sam kei uh; buhpang leh buh inn leng anei kei uh; himahleh Pathian in amaute avak hi; noute vasate sang a manphazaw na hi uh. 25Huan nou lak ah lunghimoh ziak a kua'n ahia ama dunglam tong khat a hihsang thei tuan? 26Hiai lel leng hihtheiloute'n bangziak a thil dang lunghimoh nak na hi ua? 27Lilite khandan ngaihtuah dih uh; nna asem kei ua, khau leng akhek kei uh; himahleh ka hon hilh ahi, Solomon hilhial leng athupina tengteng a akizep in, hiai lilite lak a khat tuk in zep in a-om kei hi. 28Huchi in gamlak loupa tuni a hing a, azing a thukkhuk a khul nawn mai ding bawn Pathian in hichi tel a azepleh, aw nou mi gintawmte, huaite sang in puansilh hon pe zaw na tel in chia! 29Huan na nek ding uh, na dawn ding uh, zong kei un; ginglel in leng om sam kei un. 30Khovel a namte'n huai thil tengteng azong uh; huai bang na kiphamoh uh chih na Pa un atheigige hi. 31Himahleh Pathian kumpigam zong zaw un, huchi in huai thilte leng ahon piak behlap ding hi.
Van Hauhsakna
(Mat 6.19-21)
32“Pawltawmte aw, lau kei un; nou kiang a gam piak ding na Pa uh kipah lamtak ahi. 33Na neih peuh uh zuak unla, migentheite kiang ah pia un; van ah guta naih phaklouhna ah, leikha in aneksiatlouhna ah, dangka ip lui theiloute, gou bei theiloute kibawl un. 34Na gou omna peuh ua na lungtang uh leng a-om ding ziak in.
Sikha Kiging Gigete
35“Na kawng uh gak unla, na khawnvak uh leng desa diam in om un. 36Mi'n apu uh kitenna ankuangluina a kipan ahong pai chiang a, kongkhak ahon kiuhtak a, hon thei pah ding a angak nilouh bang in, om un. 37Apu uh ahong pai chiang in sikha na ngak nilouh a, amuhte ahampha uh; chihtaktak in ka hon hilh ahi, ama'n akawng agak dia, amau an um ding in atusak ding a, a-nna uh asepsak ding hi. 38Zan lai in hiam, thoh hun in hiam a hong a, huchibang a ahon muh, huai sikhate ahampha uhi.
39“Himahleh, hiai thei un, guta ahong pai ding inn neipa'n theileh aveng dia, a-inn aphenvangsak kei ding hi. 40Nou leng mansa in om un, na gintak louh dak un Mihing Tapa ahong pai ding hi,” achi hi.
Sikha Ginom Leh Ginom Lou Tehna
(Mat 24.45-51)
41Huan Peter in, “Toupa, hiai gentehna koumau kia hia na hon hilh, mi tengteng?” achi hi. 42Toupa'n, “Sumkempa ginom, piltak, apu in ahun teng a atan ding uh hawmsak ding a a-inkuanpihte tung a heutu a abawl ding kua pen ahi dia le?” 43Apu hong pai chiang in sikha huchibang a hih a hon muh dingpa ahampha hi. 44Diktak in ka hon hilh ahi, aneih tengteng tung a heutu ding in abawl ding hi. 45Himahleh huai sikha in alungtang in, “Ka pu ahong zok kei ding e,” chi in asikhanu, asikhapa, na vo taleh ne in dawn in na kham taleh; 46huai sikha pu, agin louh ni, atheih louh lai in ahong ding a, tum nih ahon suah ding a, miginomloute tan bang atangsak ding hi. 47Sikha apu deihlam theigige napi a na kiging tuan lou a, apu deihlam a gamta loupa'n nakpitak a vuak atuak ding hi. 48Himahleh theiloupi a vuakna tham a gamtapa'n awlchik a vuak atuak ding. Tampi piak a ommi kiang ah tampi phut in a-om ding a; tampi kepsakpa kiang ah atamsem aphut ding uhi.
Jesu Kikhekna Bul
(Mat 10.34-36)
49“Khovel a mei khesuk ding a hong pai ka hi; tu in leng kang pahleh chi na tel ing e! 50Himahleh baptisma tan ding ka nei, huai ka hihtangtun mateng ka om nuam lou hi na mahmah e; 51khovel a lem lengsak ding a hong pai hiam hon sa na hi uh maw? Hi dek lou hial, ka hon hilh ahi, kikhenna lengsak ding a hong pai ka hi zaw. 52Tunung chiang in inkuan khat ah mi nga akidou ding uh, thum in nih, nih in thum. 53Akidou ding ua, pa in atapa, atapa in apa; anu in atanu, atanu in anu; atekpi in amou, amou in atekpi,” achi hi.
Hun Chiamtehna
(Mat 16.2-3)
54Huan mipi kiang ah leng, “Tumlam a mei kai na muh uleh, ‘vuah azu ding na chi pah ua; huan ahong zu ngei zel hi.’ 55Sim huih nung na muh chiang un, ‘khua alum ding, na chi ua, ahong lum hi.’ 56Nou lepchiahte aw, khovel leh van omdan leng na genchian thei ngal ua, bang achia tu hun theichian siam lou na hi ua?
Na Langpa Toh Kilem In
(Mat 5.25-26)
57“Bang achia noumau in thudik kikhen lou na hi ua? 58Hon hekpa toh thukhenpa kiang na zot lai un, lampi ah kileptheihna khat zong teitei in; huchi lou in zaw thukhenpa mai ah hon kailut ding a, thukhenpa'n miman heutu ahon mansak ding a, miman heutupa'n suangkul ah ahon khum kha ding hi. 59K'on hilh ahi, paihsa san khat nangawn na piak kim masiah, huai a kipan na pawt kei hial ding,” achi hi.
Currently Selected:
LUKA 12: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 12
12
Nungzuite Thuhilhna
(Mat 10.26-27)
1Huchih lai a mipi sang tampi kiphu mawimawi zou hial a ahong kikhop un, Jesu'n amasapen in anungzuite kiang ah, “Pharisaite silngou, lepchiahna lak ah pilvang un, 2kilang lou ding a selguk bangmah a-om kei a; theih louh ding a iim leng bangmah a-om sam kei hi. 3Huaiziak in mial a na gen peuh uh vak a zak in a-om ding; dantan sunggil a bilbul a na thugen uh intung vum ah tangkoupih in a-om ding hi.
Lauh Ding Pen
(Mat 10.28-31)
4“Huan ka lawmte aw, ka hon hilh ahi, pumpi that a, huai nung a bangmah dang hih nawn theiloute zaw, kihta kei un, 5Himahleh kua ahia na lauh ding uh ka hon hilhkhol ahi; ahihlup nung a leng Gehenna a paihtheihna thuneipa lau un.
6“Dal dangka nih in kawlgit nga azuak sek kei ua hia? Himahleh alak ua khat leng Pathian in amangngilh ngei kei hi. 7Na luzang ua samzangte nangawn leng sim vek ahi uh. Lau kei un; kawlgit tampi sang in na manphazaw uhi.
Khrist Gum Leh Gum Lou
(Mat 10.32-33; 12.32; 10.19-20)
8“Huan ka hon hilh ahi, mite ma a hon gum peuhmah Pathian angelte ma ah Mihing Tapa in agum sam ding hi. 9Himahleh mite ma a hon kitheihmohbawl peuhmah Pathian angelte ma ah ka kitheihmohbawl sam ding hi. 10Mihing Tapa kalh a thu gen peuhmah agenkalhna ngaihdamsak ahi ding a; himahleh Kha Siangthou hilhial gensia zaw agensiatna ngaihdamsak ahi kei ding.
11“Sinagog a mite, vaihawmte, heutute ma a ahon pi hun chiang un, bangchi in bang thu in ka dawng dia, bang thu ka gen dia chi in lungkham kei un. 12Huai huntak in, bang ahia na gen ding uh, Kha Siangthou in ahon hilh ding hi,” achi hi.
Mihau Hai Gentehna
13Mipi lak a khat in Jesu kiang ah, “Sinsakpa, ka u kiang ah gou hon hawm sam ding in hilh in,” achi hi. 14Himahleh ama'n akiang ah, “Mihing, noumau tung ah kua'n ahia kei thukhenpa hiam tan seppa hiam a hon bawl?” achi hi. 15Akiang uah, “Pilvang unla, enna lak ah kiveng un; hauhna mihing damsan ahi kei,” achi hi. 16Huan akiang uah gentehna thu agen a, “Mihau kuahiam ahong pung mahmah hi. 17Huchi in akingaihtuah a, bangchibang in ka hih diam aw? Ka buh-le-bal koihkhawmna ding ka nei kei hi. 18Hichibang in ka hih ding e, ‘ka buh innte ka phel ding a, asang a lianzaw in ka lam dia, huai ah buh leh ka van tengteng ka koihkhawm ding.’ 19Huan ka kha kiang ah, ‘Kha aw, kum tampi sung daih ding tampi na kholta; khawl inla, ne in dawn inla, nuamtak in om in, ka chi ding,’ achi hi. 20Himahleh, Pathian in akiang ah, ‘Nang mihai, tuzan chiah na kha ahon laksak ding uh, huai na lamkhiakte, kua a ahita dia?’ 21Amau a dia gou khol a, Pathian lam a hauloute huchi ahi uh,” achi hi.
Pathian Muanna
(Mat 6.25-34)
22Huan anungzuite kiang ah, “Huaiziak in ka hon hilh ahi, bang ka ne diam aw? chi in na hinna thu uh leh bang silh in ka teng diam aw? chi in na pumpi thu uah lunghimoh kei un. 23Nek ding sang in hinna athupizaw a, puansilh sang in leng pumpi athupizaw hi. 24Va-akte ngaihtuah dih uh, buh atuh kei ua, a-at sam kei uh; buhpang leh buh inn leng anei kei uh; himahleh Pathian in amaute avak hi; noute vasate sang a manphazaw na hi uh. 25Huan nou lak ah lunghimoh ziak a kua'n ahia ama dunglam tong khat a hihsang thei tuan? 26Hiai lel leng hihtheiloute'n bangziak a thil dang lunghimoh nak na hi ua? 27Lilite khandan ngaihtuah dih uh; nna asem kei ua, khau leng akhek kei uh; himahleh ka hon hilh ahi, Solomon hilhial leng athupina tengteng a akizep in, hiai lilite lak a khat tuk in zep in a-om kei hi. 28Huchi in gamlak loupa tuni a hing a, azing a thukkhuk a khul nawn mai ding bawn Pathian in hichi tel a azepleh, aw nou mi gintawmte, huaite sang in puansilh hon pe zaw na tel in chia! 29Huan na nek ding uh, na dawn ding uh, zong kei un; ginglel in leng om sam kei un. 30Khovel a namte'n huai thil tengteng azong uh; huai bang na kiphamoh uh chih na Pa un atheigige hi. 31Himahleh Pathian kumpigam zong zaw un, huchi in huai thilte leng ahon piak behlap ding hi.
Van Hauhsakna
(Mat 6.19-21)
32“Pawltawmte aw, lau kei un; nou kiang a gam piak ding na Pa uh kipah lamtak ahi. 33Na neih peuh uh zuak unla, migentheite kiang ah pia un; van ah guta naih phaklouhna ah, leikha in aneksiatlouhna ah, dangka ip lui theiloute, gou bei theiloute kibawl un. 34Na gou omna peuh ua na lungtang uh leng a-om ding ziak in.
Sikha Kiging Gigete
35“Na kawng uh gak unla, na khawnvak uh leng desa diam in om un. 36Mi'n apu uh kitenna ankuangluina a kipan ahong pai chiang a, kongkhak ahon kiuhtak a, hon thei pah ding a angak nilouh bang in, om un. 37Apu uh ahong pai chiang in sikha na ngak nilouh a, amuhte ahampha uh; chihtaktak in ka hon hilh ahi, ama'n akawng agak dia, amau an um ding in atusak ding a, a-nna uh asepsak ding hi. 38Zan lai in hiam, thoh hun in hiam a hong a, huchibang a ahon muh, huai sikhate ahampha uhi.
39“Himahleh, hiai thei un, guta ahong pai ding inn neipa'n theileh aveng dia, a-inn aphenvangsak kei ding hi. 40Nou leng mansa in om un, na gintak louh dak un Mihing Tapa ahong pai ding hi,” achi hi.
Sikha Ginom Leh Ginom Lou Tehna
(Mat 24.45-51)
41Huan Peter in, “Toupa, hiai gentehna koumau kia hia na hon hilh, mi tengteng?” achi hi. 42Toupa'n, “Sumkempa ginom, piltak, apu in ahun teng a atan ding uh hawmsak ding a a-inkuanpihte tung a heutu a abawl ding kua pen ahi dia le?” 43Apu hong pai chiang in sikha huchibang a hih a hon muh dingpa ahampha hi. 44Diktak in ka hon hilh ahi, aneih tengteng tung a heutu ding in abawl ding hi. 45Himahleh huai sikha in alungtang in, “Ka pu ahong zok kei ding e,” chi in asikhanu, asikhapa, na vo taleh ne in dawn in na kham taleh; 46huai sikha pu, agin louh ni, atheih louh lai in ahong ding a, tum nih ahon suah ding a, miginomloute tan bang atangsak ding hi. 47Sikha apu deihlam theigige napi a na kiging tuan lou a, apu deihlam a gamta loupa'n nakpitak a vuak atuak ding hi. 48Himahleh theiloupi a vuakna tham a gamtapa'n awlchik a vuak atuak ding. Tampi piak a ommi kiang ah tampi phut in a-om ding a; tampi kepsakpa kiang ah atamsem aphut ding uhi.
Jesu Kikhekna Bul
(Mat 10.34-36)
49“Khovel a mei khesuk ding a hong pai ka hi; tu in leng kang pahleh chi na tel ing e! 50Himahleh baptisma tan ding ka nei, huai ka hihtangtun mateng ka om nuam lou hi na mahmah e; 51khovel a lem lengsak ding a hong pai hiam hon sa na hi uh maw? Hi dek lou hial, ka hon hilh ahi, kikhenna lengsak ding a hong pai ka hi zaw. 52Tunung chiang in inkuan khat ah mi nga akidou ding uh, thum in nih, nih in thum. 53Akidou ding ua, pa in atapa, atapa in apa; anu in atanu, atanu in anu; atekpi in amou, amou in atekpi,” achi hi.
Hun Chiamtehna
(Mat 16.2-3)
54Huan mipi kiang ah leng, “Tumlam a mei kai na muh uleh, ‘vuah azu ding na chi pah ua; huan ahong zu ngei zel hi.’ 55Sim huih nung na muh chiang un, ‘khua alum ding, na chi ua, ahong lum hi.’ 56Nou lepchiahte aw, khovel leh van omdan leng na genchian thei ngal ua, bang achia tu hun theichian siam lou na hi ua?
Na Langpa Toh Kilem In
(Mat 5.25-26)
57“Bang achia noumau in thudik kikhen lou na hi ua? 58Hon hekpa toh thukhenpa kiang na zot lai un, lampi ah kileptheihna khat zong teitei in; huchi lou in zaw thukhenpa mai ah hon kailut ding a, thukhenpa'n miman heutu ahon mansak ding a, miman heutupa'n suangkul ah ahon khum kha ding hi. 59K'on hilh ahi, paihsa san khat nangawn na piak kim masiah, huai a kipan na pawt kei hial ding,” achi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.