LUKA 13
13
Kisik Ding A Thu Pia
(Mat 12.1-5)
1Huai lai in, kuate hiam a-om ua, huaite'n Pilat in Galili mite asisan uh Pathian biakna sagohte lak a ahelsakte tungtang Jesu ahilh uhi. 2Huan ama'n akiang uah, “Huai Galili mite huchibang thil athuak ziak un Galili mi tengteng sang in migilou tuan hi un na gingta ua hia? 3Hilou e, ka hon hilh ahi, nou leng na kisik kei uleh huchi mah bang in na mangthang vek ding uhi. 4Huan Siloam insang in mi sawm-le-giat adelhlupte leng Jerusalem a om tengteng sang in migilouzaw hi un na gingta ua hia? 5Hilou e, ka hon hilh ahi, nou leng na kisik kei uleh huchibang mah in na mangthang vek ding uh,” chi in adawng hi.
Theipi Kung Hut Gentehna
6Huan hiai gentehna agen a, “Kuahiam in agrephuan ah theipi kung khat asuan hi. Huan akung ah gah ahong zong a khat leng amu kei hi. 7Huchi in grephuan kemmi kiang ah, ‘Ngai in, kum thum sung hiai theipi kung ah agah ka va zong zel a, khat leng ka mu kei; phuk in; bangziak a mun dal a om nilouh ahia?’ achi hi. 8Ama'n akiang ah ‘Pu, tukum bek om henla, akimvel in ka tou ding a, ek in ka phungvuh lai dia; 9huchi a agahleh ahoih ding, agah kei laileh phuk mai in,’ ” achi hi.
Sabbath Ni A Numei Hihdamna
10Huan Sabbath ni in ama'n sinagog khat ah thu ahilh hi. 11Ngai in, kum sawm-le-giat hatlouhna nei dawimat numei khat a-om a; huai mi akun kheukheu a, a-ut thu in adingtang thei kei hi. 12Jesu'n amah amuhtak in asam a, akiang ah, “Numei, na hatlouhna in ahon khahta,” achi hi. 13Huan atung ah akhut akoih a; thakhat in atang pah a, Pathian aphatta hi.
14Jesu'n Sabbath ni a mi ahihdam ziak in sinagog heutu aheh a, mipi ahoupih a, akiang uah, “Mihing nasepna ding ni guk a-om vo oi; huai sung in kihihdam un, Sabbath ni in hilou in,” achi hi.
15Toupa'n akiang ah, “Nou lepchiahte aw, Sabbath ni in na bawng uh hiam na sabiltung uh hiam a-an nekna a kipan phel in, tui dawn ding in na pikhe chiat zel uh hilou hia? 16Hiai numei, Abraham tanu ahi ngal a, ngai un, Setan in kum sawm-le-giat aman a, Sabbath ni in leng hiai gak phelsak louh dan ahi a hia?” chi in adawng hi. 17Huai thute agen lai in amelma tengteng azum ua; mipi bel athil thupi hih tengteng ziak in akipak uhi.
Ankam Chi Leh Silngou Gentehna
(Mat 13.31-32; Mar 4.30-32)
18Huchi in ama'n, “Pathian lalgam bang ahia? Bang toh ka teh dia? 19Ankam chi tang khat mi'n alak a, huan a atheh bang ahi, huai ahong pou a, sing ahong hi a, ahiangte ah tungleng vasate agiak uh,” achi hi.
20Huan “Pathian lalgam bang toh ka teh dia? achi nawn a. 21Silngou numei in alak a, anbuang tehna thum lak a avek a athoh mateng aphum bang ahi,” achi hi.
Kong Kochik
(Mat 7.13-14,21-23)
22Huan ama'n thu hilh kawm zel in, Jerusalem kholam naih in kholian leh khoneute a tawn zel hi. 23Kuahiam in akiang ah, “Hotdamte tawmchik ahi ding uh maw? achi hi. 24Huan ama'n akiang uah, kong kochik ah lut tum teitei un; ka hon hilh ahi, mi tampi in lut atum ding ua, alut thei kei ding uh. 25Inn neipa athoh a, kong akhak nung in, nou apua a dingh in, ‘Toupa, kong hon hon in, chi a kongkhak na hon kiuh chiang un, ama'n koilam mi na hi ua, hon thei lou ka hi’ chi in nou ahon dawng ding hi. 26Huai hun chiang in, nou, ‘Na muh in ka ne ua, ka dawn ve ua oi, ka kongzing uah leng thu na hilh zel vo oi,’ chi in na gen pan ding uh. 27Ama'n, ‘Ka hon hilh ahi, koilam mi na hi ua, ka hon thei ngei kei; nou thil gilou hihte aw, ka kiang a pan paimang vek un,’ ahon chi ding hi. 28Pathian lalgam sung a Abraham, Isak, Jakob leh zawlnei tengteng om na muh ua, nou polam a delhkhiak a om na hih lam uh na kitheih chiang un, na kap ding ua, ha na gawi ding uhi. 29Huan suahlam, tumlam, simlam leh mallam a kipan mite ahong pai ding ua, Pathian lalgam ah ne in adawn ding uhi. 30Huan ngai un, ananungpente leng amasapen a om a-om ding ua, amasapente leng ananungpen a om ding a-om uh,” achi hi.
Jerusalem Khua Jesu'n Akahkhum
(Mat 23.37-38)
31Huaitak in Pharisai kuate hiam ahong pai ua, akiang ah, “Pawt inla, hiai a kipan paimang in; Herod in thah hon sawm ahi,” achi uhi.
32Huan ama'n akiang uah, “Huai sehal kiang ah hiai thu va gen un, ‘Ngai in, tuni toh, zingchiang toh dawite ka delhkhe dia, natnate leng ka hihdam lai dia, ani thum ni in ka zou ding. 33Akoi abang hitaleh tuni toh, zingchiang toh, ani thum ni toh ka pai zel lai ding; Jerusalem kho polam ah zawlnei amanthat thil hi thei hilou ahi.’ 34Aw Jerusalem, Jerusalem; zawlneite that, na kiang a hon sawlte suang a na denglum; akpi in anoute akha nuai a a-opkhum bang in na tate bangzah vei opkhum ka tum a? Himahleh na ut kei uhi. 35En in, na inn avuak a taihsan in a-omta. Ka hon hilh ahi, ‘Toupa min a hong pai ahampha, na chih masiah na hon mu kei ding,’ ” achi hi.
Currently Selected:
LUKA 13: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 13
13
Kisik Ding A Thu Pia
(Mat 12.1-5)
1Huai lai in, kuate hiam a-om ua, huaite'n Pilat in Galili mite asisan uh Pathian biakna sagohte lak a ahelsakte tungtang Jesu ahilh uhi. 2Huan ama'n akiang uah, “Huai Galili mite huchibang thil athuak ziak un Galili mi tengteng sang in migilou tuan hi un na gingta ua hia? 3Hilou e, ka hon hilh ahi, nou leng na kisik kei uleh huchi mah bang in na mangthang vek ding uhi. 4Huan Siloam insang in mi sawm-le-giat adelhlupte leng Jerusalem a om tengteng sang in migilouzaw hi un na gingta ua hia? 5Hilou e, ka hon hilh ahi, nou leng na kisik kei uleh huchibang mah in na mangthang vek ding uh,” chi in adawng hi.
Theipi Kung Hut Gentehna
6Huan hiai gentehna agen a, “Kuahiam in agrephuan ah theipi kung khat asuan hi. Huan akung ah gah ahong zong a khat leng amu kei hi. 7Huchi in grephuan kemmi kiang ah, ‘Ngai in, kum thum sung hiai theipi kung ah agah ka va zong zel a, khat leng ka mu kei; phuk in; bangziak a mun dal a om nilouh ahia?’ achi hi. 8Ama'n akiang ah ‘Pu, tukum bek om henla, akimvel in ka tou ding a, ek in ka phungvuh lai dia; 9huchi a agahleh ahoih ding, agah kei laileh phuk mai in,’ ” achi hi.
Sabbath Ni A Numei Hihdamna
10Huan Sabbath ni in ama'n sinagog khat ah thu ahilh hi. 11Ngai in, kum sawm-le-giat hatlouhna nei dawimat numei khat a-om a; huai mi akun kheukheu a, a-ut thu in adingtang thei kei hi. 12Jesu'n amah amuhtak in asam a, akiang ah, “Numei, na hatlouhna in ahon khahta,” achi hi. 13Huan atung ah akhut akoih a; thakhat in atang pah a, Pathian aphatta hi.
14Jesu'n Sabbath ni a mi ahihdam ziak in sinagog heutu aheh a, mipi ahoupih a, akiang uah, “Mihing nasepna ding ni guk a-om vo oi; huai sung in kihihdam un, Sabbath ni in hilou in,” achi hi.
15Toupa'n akiang ah, “Nou lepchiahte aw, Sabbath ni in na bawng uh hiam na sabiltung uh hiam a-an nekna a kipan phel in, tui dawn ding in na pikhe chiat zel uh hilou hia? 16Hiai numei, Abraham tanu ahi ngal a, ngai un, Setan in kum sawm-le-giat aman a, Sabbath ni in leng hiai gak phelsak louh dan ahi a hia?” chi in adawng hi. 17Huai thute agen lai in amelma tengteng azum ua; mipi bel athil thupi hih tengteng ziak in akipak uhi.
Ankam Chi Leh Silngou Gentehna
(Mat 13.31-32; Mar 4.30-32)
18Huchi in ama'n, “Pathian lalgam bang ahia? Bang toh ka teh dia? 19Ankam chi tang khat mi'n alak a, huan a atheh bang ahi, huai ahong pou a, sing ahong hi a, ahiangte ah tungleng vasate agiak uh,” achi hi.
20Huan “Pathian lalgam bang toh ka teh dia? achi nawn a. 21Silngou numei in alak a, anbuang tehna thum lak a avek a athoh mateng aphum bang ahi,” achi hi.
Kong Kochik
(Mat 7.13-14,21-23)
22Huan ama'n thu hilh kawm zel in, Jerusalem kholam naih in kholian leh khoneute a tawn zel hi. 23Kuahiam in akiang ah, “Hotdamte tawmchik ahi ding uh maw? achi hi. 24Huan ama'n akiang uah, kong kochik ah lut tum teitei un; ka hon hilh ahi, mi tampi in lut atum ding ua, alut thei kei ding uh. 25Inn neipa athoh a, kong akhak nung in, nou apua a dingh in, ‘Toupa, kong hon hon in, chi a kongkhak na hon kiuh chiang un, ama'n koilam mi na hi ua, hon thei lou ka hi’ chi in nou ahon dawng ding hi. 26Huai hun chiang in, nou, ‘Na muh in ka ne ua, ka dawn ve ua oi, ka kongzing uah leng thu na hilh zel vo oi,’ chi in na gen pan ding uh. 27Ama'n, ‘Ka hon hilh ahi, koilam mi na hi ua, ka hon thei ngei kei; nou thil gilou hihte aw, ka kiang a pan paimang vek un,’ ahon chi ding hi. 28Pathian lalgam sung a Abraham, Isak, Jakob leh zawlnei tengteng om na muh ua, nou polam a delhkhiak a om na hih lam uh na kitheih chiang un, na kap ding ua, ha na gawi ding uhi. 29Huan suahlam, tumlam, simlam leh mallam a kipan mite ahong pai ding ua, Pathian lalgam ah ne in adawn ding uhi. 30Huan ngai un, ananungpente leng amasapen a om a-om ding ua, amasapente leng ananungpen a om ding a-om uh,” achi hi.
Jerusalem Khua Jesu'n Akahkhum
(Mat 23.37-38)
31Huaitak in Pharisai kuate hiam ahong pai ua, akiang ah, “Pawt inla, hiai a kipan paimang in; Herod in thah hon sawm ahi,” achi uhi.
32Huan ama'n akiang uah, “Huai sehal kiang ah hiai thu va gen un, ‘Ngai in, tuni toh, zingchiang toh dawite ka delhkhe dia, natnate leng ka hihdam lai dia, ani thum ni in ka zou ding. 33Akoi abang hitaleh tuni toh, zingchiang toh, ani thum ni toh ka pai zel lai ding; Jerusalem kho polam ah zawlnei amanthat thil hi thei hilou ahi.’ 34Aw Jerusalem, Jerusalem; zawlneite that, na kiang a hon sawlte suang a na denglum; akpi in anoute akha nuai a a-opkhum bang in na tate bangzah vei opkhum ka tum a? Himahleh na ut kei uhi. 35En in, na inn avuak a taihsan in a-omta. Ka hon hilh ahi, ‘Toupa min a hong pai ahampha, na chih masiah na hon mu kei ding,’ ” achi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.