LUKA 14
14
Sabbath Ni A Damlou Chibawk Hihdamna
1Huan hichi ahong hi a, Sabbath ni in Pharisai vaihawmmi khat inn a an ne ding a ahoh in ana enkhia uhi. 2Huan ngai in ama ah damlou chibawk kuahiam a-om hi. 3Huchi in Jesu'n dan thei mi leh Pharisaite ahoupih a, akiang uah, “Sabbath ni in hihdam asiang hia, siang lou?” achi hi.
4Amau adai dide uhi. Ama'n damlou alawng a, hihdam in apaisakta hi. 5Huan akiang uah, “Na lak uah kuahiam in sabiltung hiam bawngtal hiam nei unla, Sabbath ni in tuikul sung ah ke taleh kua ahia kaikhe pah lou ding?” achi hi.
6Huai thu adawng thei kei uhi.
Kingaihniamna Leh Siamna
7Huan amichialte un tutna mun hoihpen atel zel uh amu a, akiang uah gentehna agen hi, 8“Kitenna an ne ding a kuapeuh in ahon sap chiang in tutna mun hoihpen ah tu kei un; huchi lou in zaw noute sang a mizahtakhuai zaw ana sam kha dia, huchi in ahon sampa'n, 9‘Hiai mi tutna ding awn in,’ ahon chi dia; huan nang zumpi in tutna mun niampen ah na tu nawn phing ding hi. 10Ahon sap chiang in tutna mun niampen ah na va tu zaw ding a; huchi in ahon sampa ahong chiang in, na kiang ah, ‘Lawm, tutna mun hoih deuh ah tu in, ahon chi thei ding hi.’ Huchi in na an umpihte mitmuh in pahtawi in na om ding hi. 11Kingaisang peuhmah aneu ding a; kingaineu pahtawi a om ding ahih ziak in,” achi hi.
12Huan asampa kiang ah leng, “Sun an hiam nitak an hiam a ankuang na lui chiang in, na lawmte, na unaute, na sanggamte, na inveng mihaute na sam kei ding hi; huchi lou in zaw ahon sam thuk ding ua, ahon thuk chitchiat kha ding uh. 13Ankuang na lui chiang in, tagahte, piangsualte, khebaite, mittawte, na sam zaw ding hi. 14Huchi in huaite'n thukna ding aneih louh ziak un, na hampha ding; midikte thohnawn chiang a thukkik na hih ding ziak in,” achi hi.
Ankuangluina Gentehna
(Mat 22.1-10)
15Huan a-an umpih kuahiam in huai thu aza a, akiang ah, “Pathian lalgam a an ne ding mi ahampha,” achi hi.
16Huan ama'n akiang ah, “Mi kuahiam in nitak in ankuang thupi alui a, mi tampi asam hi. 17An nek hun in, amisapte kiang ah, ‘Hong paita un, bangkim amanta,’ chi ding in asikha khat asawl hi. 18Huan avek un thukhat sat in paulam anei chiat uhi. Amasapen in akiang ah, ‘Lou ka na lei a, a-en dia ka hoh kiphamoh ahi; hon hehpih inla, hon ngaisiam hen,’ achi hi. 19Midang in ‘Bawngtal tuak nga ka na lei a, asiat aphat chian ding in ka kuan ding a, hon hehpih inla, hon ngaisiam hen,’ achi hi. 20Huan midang in, ‘Zi ka na nei a, huaiziak in ka hoh thei kei,’ achi hi.
21“Huan sikha in apu kiang ah, huai thute ava hilh hi. Huan inn neipa aheh a, asikha kiang ah, ‘Kintak in pawt inla, kongzing leh kongkawm kal ah pai inla, mizawngte leh poihlongte leh mittawte leh khebaite hiai lai ah hon pilut in,’ achi hi. 22Huan asikha in, ‘Pu, na hon thupiak bang in ka hih khin a, himahleh mun awng lailai veh aw,’ achi hi. 23Apu in, sikha kiang ah, ‘Pawt inla, lamlian leh daikil kal ah pai inla, ka inn dimna ding in mi hon sawllut teitei in achi hi.’ 24K'on hilh ahi, ka misapte khat in leng ka ankuang lui achiam kei hial ding,” achi hi.
Nungzuihna Man
(Mat 10.37-38)
25Huan mipi tampitakte akiang ah ahoh ua; huchi in amah akihei a, akiang uah, 26“Kuapeuh ka kiang a hong pai in anu leh apa leh azi leh atate leh a-unaute leh asanggamnu leh ama hinna nangawn ahuat keileh ka nungzui ahi thei kei ding. 27Kuapeuh ama kros pua a hon zui lou ka nungzui tak ahi thei kei ding.
28“Nou lak a kuahiam in insang lam tum unla, kua ahia tu masa a, lam zohna khop sum na neih uleh neih louh thei ding a, abei ding zah sut masa lou ding? 29Huchi lou in zaw, suangphum khin phot a, alam zoh theih keileh a-en peuh in, 30‘Hiai mi'n gel napi in azou thei ngal kei chi in anuihsan ding uh.’
31“Huan kumpipa kua'n ahia kumpipa dang dou ding a akuan ding in, tu masa a, mi singnih toh amah dou ding a hong, mi singkhat toh atuah ngam ding leh ding louh, mi dong lou ding? 32Huchi ahih kei vanglakleh kumpipa dang gamlapi a a-om lai in, kituahna lam thuchiam ngen ding in palai asawl ding hi. 33Huchibang in, nou lak ah kuapeuh aneih tengteng paisan lou ka nungzui ahi thei kei ding hi.
Chi Peng Zatna Bei
(Mat 5.13; Mar 9.50)
34“Chi ahoih a, himahleh chi apen khit in, bang in ahih al nawn dia? 35Lei a ding in ahoih kei; ekvum ding in leng ahoih sam kei; mi'n apaikhia uhi. Kuapeuh zakna ding a bil nei in za hen,” achi hi.
Currently Selected:
LUKA 14: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 14
14
Sabbath Ni A Damlou Chibawk Hihdamna
1Huan hichi ahong hi a, Sabbath ni in Pharisai vaihawmmi khat inn a an ne ding a ahoh in ana enkhia uhi. 2Huan ngai in ama ah damlou chibawk kuahiam a-om hi. 3Huchi in Jesu'n dan thei mi leh Pharisaite ahoupih a, akiang uah, “Sabbath ni in hihdam asiang hia, siang lou?” achi hi.
4Amau adai dide uhi. Ama'n damlou alawng a, hihdam in apaisakta hi. 5Huan akiang uah, “Na lak uah kuahiam in sabiltung hiam bawngtal hiam nei unla, Sabbath ni in tuikul sung ah ke taleh kua ahia kaikhe pah lou ding?” achi hi.
6Huai thu adawng thei kei uhi.
Kingaihniamna Leh Siamna
7Huan amichialte un tutna mun hoihpen atel zel uh amu a, akiang uah gentehna agen hi, 8“Kitenna an ne ding a kuapeuh in ahon sap chiang in tutna mun hoihpen ah tu kei un; huchi lou in zaw noute sang a mizahtakhuai zaw ana sam kha dia, huchi in ahon sampa'n, 9‘Hiai mi tutna ding awn in,’ ahon chi dia; huan nang zumpi in tutna mun niampen ah na tu nawn phing ding hi. 10Ahon sap chiang in tutna mun niampen ah na va tu zaw ding a; huchi in ahon sampa ahong chiang in, na kiang ah, ‘Lawm, tutna mun hoih deuh ah tu in, ahon chi thei ding hi.’ Huchi in na an umpihte mitmuh in pahtawi in na om ding hi. 11Kingaisang peuhmah aneu ding a; kingaineu pahtawi a om ding ahih ziak in,” achi hi.
12Huan asampa kiang ah leng, “Sun an hiam nitak an hiam a ankuang na lui chiang in, na lawmte, na unaute, na sanggamte, na inveng mihaute na sam kei ding hi; huchi lou in zaw ahon sam thuk ding ua, ahon thuk chitchiat kha ding uh. 13Ankuang na lui chiang in, tagahte, piangsualte, khebaite, mittawte, na sam zaw ding hi. 14Huchi in huaite'n thukna ding aneih louh ziak un, na hampha ding; midikte thohnawn chiang a thukkik na hih ding ziak in,” achi hi.
Ankuangluina Gentehna
(Mat 22.1-10)
15Huan a-an umpih kuahiam in huai thu aza a, akiang ah, “Pathian lalgam a an ne ding mi ahampha,” achi hi.
16Huan ama'n akiang ah, “Mi kuahiam in nitak in ankuang thupi alui a, mi tampi asam hi. 17An nek hun in, amisapte kiang ah, ‘Hong paita un, bangkim amanta,’ chi ding in asikha khat asawl hi. 18Huan avek un thukhat sat in paulam anei chiat uhi. Amasapen in akiang ah, ‘Lou ka na lei a, a-en dia ka hoh kiphamoh ahi; hon hehpih inla, hon ngaisiam hen,’ achi hi. 19Midang in ‘Bawngtal tuak nga ka na lei a, asiat aphat chian ding in ka kuan ding a, hon hehpih inla, hon ngaisiam hen,’ achi hi. 20Huan midang in, ‘Zi ka na nei a, huaiziak in ka hoh thei kei,’ achi hi.
21“Huan sikha in apu kiang ah, huai thute ava hilh hi. Huan inn neipa aheh a, asikha kiang ah, ‘Kintak in pawt inla, kongzing leh kongkawm kal ah pai inla, mizawngte leh poihlongte leh mittawte leh khebaite hiai lai ah hon pilut in,’ achi hi. 22Huan asikha in, ‘Pu, na hon thupiak bang in ka hih khin a, himahleh mun awng lailai veh aw,’ achi hi. 23Apu in, sikha kiang ah, ‘Pawt inla, lamlian leh daikil kal ah pai inla, ka inn dimna ding in mi hon sawllut teitei in achi hi.’ 24K'on hilh ahi, ka misapte khat in leng ka ankuang lui achiam kei hial ding,” achi hi.
Nungzuihna Man
(Mat 10.37-38)
25Huan mipi tampitakte akiang ah ahoh ua; huchi in amah akihei a, akiang uah, 26“Kuapeuh ka kiang a hong pai in anu leh apa leh azi leh atate leh a-unaute leh asanggamnu leh ama hinna nangawn ahuat keileh ka nungzui ahi thei kei ding. 27Kuapeuh ama kros pua a hon zui lou ka nungzui tak ahi thei kei ding.
28“Nou lak a kuahiam in insang lam tum unla, kua ahia tu masa a, lam zohna khop sum na neih uleh neih louh thei ding a, abei ding zah sut masa lou ding? 29Huchi lou in zaw, suangphum khin phot a, alam zoh theih keileh a-en peuh in, 30‘Hiai mi'n gel napi in azou thei ngal kei chi in anuihsan ding uh.’
31“Huan kumpipa kua'n ahia kumpipa dang dou ding a akuan ding in, tu masa a, mi singnih toh amah dou ding a hong, mi singkhat toh atuah ngam ding leh ding louh, mi dong lou ding? 32Huchi ahih kei vanglakleh kumpipa dang gamlapi a a-om lai in, kituahna lam thuchiam ngen ding in palai asawl ding hi. 33Huchibang in, nou lak ah kuapeuh aneih tengteng paisan lou ka nungzui ahi thei kei ding hi.
Chi Peng Zatna Bei
(Mat 5.13; Mar 9.50)
34“Chi ahoih a, himahleh chi apen khit in, bang in ahih al nawn dia? 35Lei a ding in ahoih kei; ekvum ding in leng ahoih sam kei; mi'n apaikhia uhi. Kuapeuh zakna ding a bil nei in za hen,” achi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.