LUKA 16
16
Sumkem Diktat Lou Gentehna
1Huan Jesu'n anungzuite kiang ah hiai thu leng agen a, “Mi sumhau kuahiam in sumkemmi anei a; huai mi'n asum azatbeisak thu ah akiang ah ahek uhi. 2Huchi in ama'n amah asam a, akiang ah, ‘Na tungtang thu ka zak bangchidan ahia? Na sumkep thu hon pelut in; tuban siah sumkem in na pang thei nawn kei ding,’ achi hi. 3Sumkempa'n, alungsim in, ‘Ka pu in ka sumkep hon tawpsak ding hi a, bangchi in ka hihta dia le? Lei toh ka ngap kei a, khutdoh lah ka zum ngal hi. 4Sumkep ahon tawpsak hun chiang in a-innte ua hon omsak theihna ding un ka hihdan ding ka theita,’ achi hi.
5“Huchi in atoupa sumbate asam chiat a, amasapen kiang ah, ‘Ka pu lak ah bangzah na ba a?’ achi hi. 6Ama'n, ‘Thau tehna dan zakhat, achi a, ama'n akiang ah, na lai la inla tu meng inla, sawmnga gelh in,’ achi hi. 7Midang kiang ah, ‘Nang bangzah na ba a?’ achi hi. Ama'n buh tehna dan zakhat, achi a, ama'n akiang ah, ‘Na lai la inla, sawmgiat gelh in,’ achi hi.
8“Huan apu in sumkempa diklou alemtheih ziak in aphat hi; vak tate sang in hiai khovel tate atulai thu ua apil zawk ziak un.
Muanhuaina
9“K'on hilh ahi, diktatlouhna sum in nou a ding in lawm bawl un, sum abei hun chiang a tangtawn a omna a ahon omsakna ding un. 10‘Kuapeuh tawmchik tung a ginom lou tampi tung ah leng aginom kei uhi.’ 11Sumlem tung a bawn na ginom kei uleh kua'n ahia hauhna dik noute hon kemsak ding? 12Midang atung a bawn na ginom kei un, noumau akua in hon peta dia?
13“Sikha kuamah in heutu nih nna asemkop thei kei, khat hua in khat adeih ding, ahihkeileh khat gum in khat amusit ding, Pathian leh sum nna na semkop thei kei ding uh,” achi hi.
Pharisaite Salhna
(Mat 5.31-32; 11.12-13; Mar 10.11-12)
14Huan Pharisai sum deihtate'n huai thu tengteng aza ua, anuihsan uhi. 15Huchi in ama'n akiang uah, “Mi mitmuh a kisiamtangsak na hi uh, himahleh Pathian in na lungtang uh athei a; mihing lak a apahtawi uh Pathian mitmuh in kihhuaipi ahi.”
16“Dan leh Zawlneite, Johan hong om tan in a-om a; huai nungsiah Pathian lalgam tanchinhoih agen ua, michih in pawnglut asawm uhi. 17Himahleh dan thu sutvom neuchik aman sang in lei leh van amanthat abaihlamzaw hi.”
18“Kuapeuh azi ma a, adang nei, angkawm ahi; kuapeuh mi zi maksa nei angkawm ahi.”
Mihausa Leh Lazaras
19“Huan mihausa kuahiam a-om a, puan sandup leh puanmalngat asilh a, niteng in nuamsatak in a-om hi. 20Amin Lazaras khutdoh, meima a pumdim, akongkhak bul ah alum hi. 21Mihausa dohkan a khatehnen kiate nek alunggulh a; uite'n ameimate aliahsak uhi.”
22“Huan hichi ahong hi a, khutdohpa asi a, angelte'n apaipih ua, Abraham angsung ah akoih uhi. Mihausa leng asi a, vui in a-omta hi. 23Huan misikhua ah gimthuak in a-om a, adaktouhleh gamlapi a Abraham leh a-angsung a Lazaras om amuta hi. 24Akikou a, ‘Pa Abraham, ka tung ah zahngai in, Lazaras hon sawl inla, tui ah akhutzung muk diah henla, ka lei hihvotna ding in; hiai meikuang ah ka gim mahmah hi,’ ” achi hi.
25“Himahleh Abraham in, ‘Ka tapa, nang na dam lai in, thil hoih na mu a, huchi mah bang in Lazaras in thil hoih lou amuh thei tanla; himahleh tu'n ah amah zaw hiai ah khamuangtak in a-om a, nang zaw gim na hita ve. 26Huai lou leng hiai a kipan a nou kiang a paitumte apai theihlouhna ding un leh kuamah huai a kipan kou kiang a ahong kai theihlouhna ding in, kou leh nou kikal ah guam thupitak koihdet in a-om hi,’ ” achi hi. 27Huan ama'n, “Ahihleh, pa, amah ka pa inn ah paisak ding bek in, ka hon ngen hi. 28Sanggam pasal nga ka nei a; hiai gimthuakna mun ah ahong pai kha ding uh chih akiang uah va hilhleh,” achi hi.
29“Abraham in, ‘Mosi leh zawlneite anei ve ua oi; huai mite thu ngai le uh ake,’ achi hi. 30Huan ama'n pa Abraham, ‘Hilou e; misi lak a mi hilhial akiang uah hohleh akisik ding uh,’ achi hi. 31Ama'n akiang ah, ‘Mosi leh zawlneite thu angaih kei un zaw, misi lak a mi thounawn hoh mahleh leng ataksang tuan kei ding uh,’ ” achi hi.
Currently Selected:
LUKA 16: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 16
16
Sumkem Diktat Lou Gentehna
1Huan Jesu'n anungzuite kiang ah hiai thu leng agen a, “Mi sumhau kuahiam in sumkemmi anei a; huai mi'n asum azatbeisak thu ah akiang ah ahek uhi. 2Huchi in ama'n amah asam a, akiang ah, ‘Na tungtang thu ka zak bangchidan ahia? Na sumkep thu hon pelut in; tuban siah sumkem in na pang thei nawn kei ding,’ achi hi. 3Sumkempa'n, alungsim in, ‘Ka pu in ka sumkep hon tawpsak ding hi a, bangchi in ka hihta dia le? Lei toh ka ngap kei a, khutdoh lah ka zum ngal hi. 4Sumkep ahon tawpsak hun chiang in a-innte ua hon omsak theihna ding un ka hihdan ding ka theita,’ achi hi.
5“Huchi in atoupa sumbate asam chiat a, amasapen kiang ah, ‘Ka pu lak ah bangzah na ba a?’ achi hi. 6Ama'n, ‘Thau tehna dan zakhat, achi a, ama'n akiang ah, na lai la inla tu meng inla, sawmnga gelh in,’ achi hi. 7Midang kiang ah, ‘Nang bangzah na ba a?’ achi hi. Ama'n buh tehna dan zakhat, achi a, ama'n akiang ah, ‘Na lai la inla, sawmgiat gelh in,’ achi hi.
8“Huan apu in sumkempa diklou alemtheih ziak in aphat hi; vak tate sang in hiai khovel tate atulai thu ua apil zawk ziak un.
Muanhuaina
9“K'on hilh ahi, diktatlouhna sum in nou a ding in lawm bawl un, sum abei hun chiang a tangtawn a omna a ahon omsakna ding un. 10‘Kuapeuh tawmchik tung a ginom lou tampi tung ah leng aginom kei uhi.’ 11Sumlem tung a bawn na ginom kei uleh kua'n ahia hauhna dik noute hon kemsak ding? 12Midang atung a bawn na ginom kei un, noumau akua in hon peta dia?
13“Sikha kuamah in heutu nih nna asemkop thei kei, khat hua in khat adeih ding, ahihkeileh khat gum in khat amusit ding, Pathian leh sum nna na semkop thei kei ding uh,” achi hi.
Pharisaite Salhna
(Mat 5.31-32; 11.12-13; Mar 10.11-12)
14Huan Pharisai sum deihtate'n huai thu tengteng aza ua, anuihsan uhi. 15Huchi in ama'n akiang uah, “Mi mitmuh a kisiamtangsak na hi uh, himahleh Pathian in na lungtang uh athei a; mihing lak a apahtawi uh Pathian mitmuh in kihhuaipi ahi.”
16“Dan leh Zawlneite, Johan hong om tan in a-om a; huai nungsiah Pathian lalgam tanchinhoih agen ua, michih in pawnglut asawm uhi. 17Himahleh dan thu sutvom neuchik aman sang in lei leh van amanthat abaihlamzaw hi.”
18“Kuapeuh azi ma a, adang nei, angkawm ahi; kuapeuh mi zi maksa nei angkawm ahi.”
Mihausa Leh Lazaras
19“Huan mihausa kuahiam a-om a, puan sandup leh puanmalngat asilh a, niteng in nuamsatak in a-om hi. 20Amin Lazaras khutdoh, meima a pumdim, akongkhak bul ah alum hi. 21Mihausa dohkan a khatehnen kiate nek alunggulh a; uite'n ameimate aliahsak uhi.”
22“Huan hichi ahong hi a, khutdohpa asi a, angelte'n apaipih ua, Abraham angsung ah akoih uhi. Mihausa leng asi a, vui in a-omta hi. 23Huan misikhua ah gimthuak in a-om a, adaktouhleh gamlapi a Abraham leh a-angsung a Lazaras om amuta hi. 24Akikou a, ‘Pa Abraham, ka tung ah zahngai in, Lazaras hon sawl inla, tui ah akhutzung muk diah henla, ka lei hihvotna ding in; hiai meikuang ah ka gim mahmah hi,’ ” achi hi.
25“Himahleh Abraham in, ‘Ka tapa, nang na dam lai in, thil hoih na mu a, huchi mah bang in Lazaras in thil hoih lou amuh thei tanla; himahleh tu'n ah amah zaw hiai ah khamuangtak in a-om a, nang zaw gim na hita ve. 26Huai lou leng hiai a kipan a nou kiang a paitumte apai theihlouhna ding un leh kuamah huai a kipan kou kiang a ahong kai theihlouhna ding in, kou leh nou kikal ah guam thupitak koihdet in a-om hi,’ ” achi hi. 27Huan ama'n, “Ahihleh, pa, amah ka pa inn ah paisak ding bek in, ka hon ngen hi. 28Sanggam pasal nga ka nei a; hiai gimthuakna mun ah ahong pai kha ding uh chih akiang uah va hilhleh,” achi hi.
29“Abraham in, ‘Mosi leh zawlneite anei ve ua oi; huai mite thu ngai le uh ake,’ achi hi. 30Huan ama'n pa Abraham, ‘Hilou e; misi lak a mi hilhial akiang uah hohleh akisik ding uh,’ achi hi. 31Ama'n akiang ah, ‘Mosi leh zawlneite thu angaih kei un zaw, misi lak a mi thounawn hoh mahleh leng ataksang tuan kei ding uh,’ ” achi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.