LUKA 17
17
Jesu Thugen Khenkhatte
(Mat 18.6-7,21-22; Mar 9.42)
1Huan Jesu'n anungzuite kiang ah, “Puknate om lou thei ahi kei; himahleh puknate omsakpa tung agik hi! 2Hiai mineute lak a khat leng hihpuk sang in, angawng ah buhgawina suang oksak in, tuipi ah kipaileh amah a ding in ahoihzaw ding hi. 3Pilvang un, na unau in thil ahihkhelhleh taihilh in; akisikleh ngaidam in. 4Ni khat in na tung ah sagihvei thil hihkhial in sagihvei, ka kisik, chi a nang lam a ahong kihei nawnleh na ngaihdam ding ahi,” achi hi.
Ginna
5Huan sawltakte'n Toupa kiang ah, “Ka ginna uh khangsak in,” achi uhi.
6Toupa'n, “Ankam tang khat bang ginna na neih uleh, hiai singtheimi kung kiang ah, na kibotkhia inla, tuipi ah na kisuan in, na chi ding ua, na thu uh amang mai ding hi.
Sikha Mohpuakna
7“Himahleh nou lak ah kuapeuh in lei let hiam, belamching hiam sikha nei unla, ahong vaipaitak in, an hong um pah aw, kua ahia nou lak ana chi ding? 8‘Ka nek ding hon bawlsak inla, puan teng inla, ka nek a ka dawn zoh masiah ka nek bawl in; huai khit chiang in nang ne in dawn in, na lak ua kua ahia na chi zaw lou ding?’ 9Na thu bang ua ahih ziak in na sikha kiang ah kipahthu na gen ngei ua hia? 10Huchibang in ‘Nou leng na kiang ua thupiak tengteng bang a na hih nung un, sikha phatuam lou ka hi uh, ka hih ding him uh ahi ka hih uh,’ chi un,” achi hi.
Phak Sawm Hihdamna
11Huan hichi ahong hi a, Jerusalem kholam a apai lai in, Samaria leh Galili gam atawn hi. 12Huan koi khua hiam a alut ding in, miphak ngenta, sawm in ana dawn uh a, huaite'n gamlatak a dingh in, aw ngaihtak in, 13“Jesu, Heutupa, ka tung uah zahngai in,” achi uhi.
14Ama'n amau amuh in, akiang uah, “Siampute kiang ah va kilak un,” achi hi. Huan hichi ahong hi a, apai lai un ahong siang chiat uhi. 15Huan alak ua khat in dam chih akitheih in, aw ngaihtak a Pathian phat kawm in akik nawnta hi. 16Huan akhebul ah abokkhup a, akipahna thu agen hi; huai mi Samari mi ahi. 17Huchi in Jesu'n, “Mi sawm hong siangta hilou na hi uh maw? Kuate koi ah?” chi in adong hi. 18“Pathian phat ding a kik nawn, hiai theih louh mi kia lou ngal kuamah muh a om lou uhia?” achi hi. 19Akiang ah, “Thou inla, paita in; na ginna na dampih hi,” achi hi.
Pathian Lalgam Hong Tunna
(Mat 24.23-28; 24.37-41)
20Pharisaite'n Pathian lalgam hong tun hun ding adot ziak un, akiang uah, “Pathian lalgam muh theih in ahong tung kei, 21‘En un, hiai ah hiam, huai ah hiam, achi kei ding uh,’ ngai un, Pathian lalgam na lak uah a-om,” chi in adawng hi.
22Huan nungzuite kiang ah, “Mihing Tapa dam lai ni, ni khat bek na muhnop ni uh ahong om ding a himahleh na mu kei ding uh. 23Na kiang uah, ‘Hiai ah en un, hiam pam ah en un, ahon chi ding ua; paikhe kei unla, amau leng zui kei un, 24van nuai lehlam a khua aphiat a, van nuai lehlam tanpha a avak zel bang in Mihing Tapa ahong pai ni in a-om ding ahi ngal a.’ 25Himahleh huai ma in thil tamtak athuak ding a, hiai khangte deih louh in a-om ding hi. 26Noah dam lai a thil omdan bang in, Mihing Tapa ahong pai nawn hun chiang in a-om sam ding hi. 27Noah long a alut a, tui ahong let a, avek ua ahihlup khit ni atun masiah, ane un adawn ua, zi leh pasal in akinei uhi. 28Huchibang in Lot dam lai in ahong om a; ane un adawn ua, alei un azuak ua, asuan un alam uhi. 29Himahleh Sodom a kipan Lot apawt ni in van a kipan mei leh kaat azu a, avek un ahihlumta hi. 30Huchibang in Mihing Tapa ahong kilak ni in a-om ding hi.
31“Huai ni in kuamah insung a avan om, ama inn tung a om, va la ding in kum kei heh; lou a om leng pai kei hen. 32Lot zi theigige un. 33Kuapeuh ahinna humbit sawm in amansuah ding a kuapeuh ahinna tan in ahumbit ding hi. 34K'on hilh ahi, huai zan in lupna khat ah mi nih alum ding ua, khat lak in a-om ding a, khat nutsiat in a-om ding hi. 35Buh gawizan in numei nih a-om ding ua, khat lak in a-om dia, khat nutsiat in a-om ding hi. 36Lou ah pasal nih a-om ding ua; khat lak in a-om dia; khat nutsiat in a-om ding,” achi hi.
37Amau akiang ah, “Toupa, koi ah eita?” chi in adong uhi. Ama'n akiang uah, “Saluang omna peuh ah musane leng akikhawm ding uh,” achi hi.
Currently Selected:
LUKA 17: PAITBSI
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.
LUKA 17
17
Jesu Thugen Khenkhatte
(Mat 18.6-7,21-22; Mar 9.42)
1Huan Jesu'n anungzuite kiang ah, “Puknate om lou thei ahi kei; himahleh puknate omsakpa tung agik hi! 2Hiai mineute lak a khat leng hihpuk sang in, angawng ah buhgawina suang oksak in, tuipi ah kipaileh amah a ding in ahoihzaw ding hi. 3Pilvang un, na unau in thil ahihkhelhleh taihilh in; akisikleh ngaidam in. 4Ni khat in na tung ah sagihvei thil hihkhial in sagihvei, ka kisik, chi a nang lam a ahong kihei nawnleh na ngaihdam ding ahi,” achi hi.
Ginna
5Huan sawltakte'n Toupa kiang ah, “Ka ginna uh khangsak in,” achi uhi.
6Toupa'n, “Ankam tang khat bang ginna na neih uleh, hiai singtheimi kung kiang ah, na kibotkhia inla, tuipi ah na kisuan in, na chi ding ua, na thu uh amang mai ding hi.
Sikha Mohpuakna
7“Himahleh nou lak ah kuapeuh in lei let hiam, belamching hiam sikha nei unla, ahong vaipaitak in, an hong um pah aw, kua ahia nou lak ana chi ding? 8‘Ka nek ding hon bawlsak inla, puan teng inla, ka nek a ka dawn zoh masiah ka nek bawl in; huai khit chiang in nang ne in dawn in, na lak ua kua ahia na chi zaw lou ding?’ 9Na thu bang ua ahih ziak in na sikha kiang ah kipahthu na gen ngei ua hia? 10Huchibang in ‘Nou leng na kiang ua thupiak tengteng bang a na hih nung un, sikha phatuam lou ka hi uh, ka hih ding him uh ahi ka hih uh,’ chi un,” achi hi.
Phak Sawm Hihdamna
11Huan hichi ahong hi a, Jerusalem kholam a apai lai in, Samaria leh Galili gam atawn hi. 12Huan koi khua hiam a alut ding in, miphak ngenta, sawm in ana dawn uh a, huaite'n gamlatak a dingh in, aw ngaihtak in, 13“Jesu, Heutupa, ka tung uah zahngai in,” achi uhi.
14Ama'n amau amuh in, akiang uah, “Siampute kiang ah va kilak un,” achi hi. Huan hichi ahong hi a, apai lai un ahong siang chiat uhi. 15Huan alak ua khat in dam chih akitheih in, aw ngaihtak a Pathian phat kawm in akik nawnta hi. 16Huan akhebul ah abokkhup a, akipahna thu agen hi; huai mi Samari mi ahi. 17Huchi in Jesu'n, “Mi sawm hong siangta hilou na hi uh maw? Kuate koi ah?” chi in adong hi. 18“Pathian phat ding a kik nawn, hiai theih louh mi kia lou ngal kuamah muh a om lou uhia?” achi hi. 19Akiang ah, “Thou inla, paita in; na ginna na dampih hi,” achi hi.
Pathian Lalgam Hong Tunna
(Mat 24.23-28; 24.37-41)
20Pharisaite'n Pathian lalgam hong tun hun ding adot ziak un, akiang uah, “Pathian lalgam muh theih in ahong tung kei, 21‘En un, hiai ah hiam, huai ah hiam, achi kei ding uh,’ ngai un, Pathian lalgam na lak uah a-om,” chi in adawng hi.
22Huan nungzuite kiang ah, “Mihing Tapa dam lai ni, ni khat bek na muhnop ni uh ahong om ding a himahleh na mu kei ding uh. 23Na kiang uah, ‘Hiai ah en un, hiam pam ah en un, ahon chi ding ua; paikhe kei unla, amau leng zui kei un, 24van nuai lehlam a khua aphiat a, van nuai lehlam tanpha a avak zel bang in Mihing Tapa ahong pai ni in a-om ding ahi ngal a.’ 25Himahleh huai ma in thil tamtak athuak ding a, hiai khangte deih louh in a-om ding hi. 26Noah dam lai a thil omdan bang in, Mihing Tapa ahong pai nawn hun chiang in a-om sam ding hi. 27Noah long a alut a, tui ahong let a, avek ua ahihlup khit ni atun masiah, ane un adawn ua, zi leh pasal in akinei uhi. 28Huchibang in Lot dam lai in ahong om a; ane un adawn ua, alei un azuak ua, asuan un alam uhi. 29Himahleh Sodom a kipan Lot apawt ni in van a kipan mei leh kaat azu a, avek un ahihlumta hi. 30Huchibang in Mihing Tapa ahong kilak ni in a-om ding hi.
31“Huai ni in kuamah insung a avan om, ama inn tung a om, va la ding in kum kei heh; lou a om leng pai kei hen. 32Lot zi theigige un. 33Kuapeuh ahinna humbit sawm in amansuah ding a kuapeuh ahinna tan in ahumbit ding hi. 34K'on hilh ahi, huai zan in lupna khat ah mi nih alum ding ua, khat lak in a-om ding a, khat nutsiat in a-om ding hi. 35Buh gawizan in numei nih a-om ding ua, khat lak in a-om dia, khat nutsiat in a-om ding hi. 36Lou ah pasal nih a-om ding ua; khat lak in a-om dia; khat nutsiat in a-om ding,” achi hi.
37Amau akiang ah, “Toupa, koi ah eita?” chi in adong uhi. Ama'n akiang uah, “Saluang omna peuh ah musane leng akikhawm ding uh,” achi hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Paite OV (Re-edited) Bible - Pathian Laisiangthou
Copyright © 2013 by The Bible Society of India
Used by permission. All rights reserved worldwide.