KUITIR 15
15
Jerusalem Khompui
1Nuka Judai ram ata mi hozetmo a hong u na unai ngai ha ei manchu u na, “Nangni hi Mosi dan anga vun nan at u nok anten zokna manthei u no ta ni,” ati u. #Lev 12.3 2Hatuka amani lehan Paul le Barnaba achan ankhal u na chong andui sua u le unai ngaiin ei masat u chu, hava ankhalna ansat ranga Paul le Barnaba lehan amani hanuk mitei Jerusalema kuitir ngai le atar ngai kom se u rase.
3Hava han kuibingin amani ha a mathoka a manse u le hangai ha Phoiniki le Samari ram tiang ata ase tir u na Jentail ngai akira ei hong u ruia ei ril u. Hanke unai ngai dora a rai ei mansan sabak. 4Hanuk amani ha Jerusalema ava suak u na kuibinga kuitir ngai le a tar ngai ata ei masat u hanuk Pathianin amani bibila ei oma a sintho ngai dora ha aloma ei ril kiar u. 5Tenchu Pharisi bila a iam hozetinmo anthuia aril u na, “Ha mi ngai ranga vun at le Mosi Dan azom ranga chong a pek a nang,” ati u.
6Nuka hava rui anril ranga kuitir ngai, upa ngai, le a tar ngai anchun u. 7Hatuka ankhal sabak u le Pitor anthuia amani ha ei ti pe, “O unai ngai, na riat u, hava man ata Pathianin nangni bila koi hi ei na phun. Ka mur ata Jentail ngaiin thang ahui chong ei rangaia ei iam u na rang. #Kts 10.1-43 8Hatuka Pathian malung ril a riat han, aman hangai ranga ei manriat koini hontinmo ei ni hantin den amaniam Ratha Anthiangin ei pek. #Kts 2.4; 10.44 9Hanuk koini le amani laia na man tei mak. Iamna lehan a malung u ei manthiang u ni zei. 10Hantin han atun nangnin ichangmo Pathian nei man sin u na a ruaisi ngai tubuka namri nei bang u hava suak ha koini na chipui le koinin na pel mo thei zei? 11Tenchu koinin nei iam hangai hontinmo koinim hantin den Puma Isua a lungkhamna lehan zokna man inti.”
12Hava han mi dora adai chuta a om u. Hatuka Barnaba le Paul lehan Jentail ngai bila Pathianin andangna sin le tichangbui ei manlang amani kom hava rachi ei rangai u. 13Achong u ahek le, Jakobin a masanga ei ril, “O unai ngai ka chong rangai u ro! 14Pathianin ama raming ranga Jentail ngai bil ata ami ei pomna ranga senkhat ha mansana amani rui ei thun hava ha Simonin ei ril. 15Hatuka deari ngai chong hava le anrual. Hintin hin anziak:
16‘Hiva suale hong kir ka ting #Am 9.11-12 (LXX)
David a in achiam phun ret ka ting.
Hava asiat mun ngai dora phun ret ka ting.
Hatuka hava ha sin ret ka ti.
17Mi anniang ngai doran Puma eia rokna rang.
Hatuka nam ngai chunga ka raming
ei anpakna ha amanim tho u rase.
18Puman hiva chong hi ei ti aman man
lai ata hiva rui dora ei manthei.’
19“Hasik han koi kei masat hintin hin Jentail ngai bila Pathian tianga kir ngai ha amani ha koinin mantak pe u no rei. 20Tenchu amani rang ha maziaka mathuan u rei amani han doi thona ruia annim, uiare, mo-ol andena a thi ame le athi sak ata ankhai u rase. #Ant 34.15-17; Lev 17.10-16; 18.6-23 21Asik chu kho tina man sabaka Mosi mi a om ama aril ngai Pongansana nikhua kipa anchunna in tina ama Lekha ei an pore.”
Jentail Kuibing ranga Lekha
22Hava hanke kuitir ngai, upa ngai, dora kuibing len sana amani bil ata anphun, hohomo mi Barsaba anti Juda le Sila unai ngai bila anlang hiva anni Paul le Barnaba bila Antiokei khuana antir rang a masuk u. 23Hanke amani kuta hintin hin anziaka ama thuan u: “Suria Antiokei le Kilikina Jentail unai ngai kom kuitir ngai le upa ngai unai ngai chibai. 24Koinin nei lei riat hi koinin chong nei pek nok ngaiin mi tu lekin mo koini bil ata asena chong lehan na malung u omna chang ei manriat noka ei na manzing u. 25Hasik han malung munkhata koinin mi nei phuna. 26Koini neia dit ha Barnaba le Paul koini na Puma Isua Krista raminga tak ei sat u amani bila hangai ha na kom u na a honga tir nei masuk. 27Hantin han Juda le Sila ha na hong tir amani nin um nei masat ngai dora na manthei unti. 28Asik chu Ratha Anthiang lehan koinin nei masuk ha hiva angkhat anni ngai hi anang baka chu na chung u na hanuk atei ite puak na pe no rei. 29Ramil dali le thi hanuk mo-ol andena athi me le uiare ata ankhai na nang u, hiva ngai ata na ninga asa zata nan rung uten dama sapui un na ti. Dam u ro.”
30Hanke anthan u na Antiokei a ahong u. Hanke mi ngai dora anbum u na lekha ha aman lon u. 31Hava ha apore u na amani ha, ha lungngamna chong sika arai asan u. 32Hatuka Juda le Sila amanim deari ei ni u atia chong atam lehan unai ngai ha lungngam ei sak u na a manngir u. 33Ni hozetmo ase sua le nuka antir ngai ha. 34Amani tiang ase ret ranga amani ha unai ngai kom ata anngoi riama anthan u. 35Tenchu Paul le Barnaba Antiokei khuana a om u, amanin mi tatei atampa le Puma chong le ei manchu u hanuk thang ahui ei ril u.
Thang Ahui Ril ranga Paul Voi Anni Sena
36Ni itukmo suale Paulin Barnaba ha ei ti, “Tho! Koinin Puma chong nei rilna khua ngai athun kiara se na unai ngai va en rei hontinmo om u.” 37Hatuka Barnaba ei zot chu Johon Mark anti ha amam abil u na tuang rang. 38Tenchu Paulin ei mandon chu Pamphuliana amani amak mi ha abil u na sina se lui, ha ang miring, abil u na atuang rua ni mak, atia. #Kts 13.13 39Hava han a chalaka ankhal u na amani le amani ansen u. Barnaban Mark ha abila rakuang le Kupra na ase u. 40Tenchu Paulin Sila ha aphuna unai ngai lehan Puma a lungkham anpek suana aman se. 41Hatuka ama ha Suria le Kilikia tiang ase tira kuibing a mandet tir.
Currently Selected:
KUITIR 15: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
KUITIR 15
15
Jerusalem Khompui
1Nuka Judai ram ata mi hozetmo a hong u na unai ngai ha ei manchu u na, “Nangni hi Mosi dan anga vun nan at u nok anten zokna manthei u no ta ni,” ati u. #Lev 12.3 2Hatuka amani lehan Paul le Barnaba achan ankhal u na chong andui sua u le unai ngaiin ei masat u chu, hava ankhalna ansat ranga Paul le Barnaba lehan amani hanuk mitei Jerusalema kuitir ngai le atar ngai kom se u rase.
3Hava han kuibingin amani ha a mathoka a manse u le hangai ha Phoiniki le Samari ram tiang ata ase tir u na Jentail ngai akira ei hong u ruia ei ril u. Hanke unai ngai dora a rai ei mansan sabak. 4Hanuk amani ha Jerusalema ava suak u na kuibinga kuitir ngai le a tar ngai ata ei masat u hanuk Pathianin amani bibila ei oma a sintho ngai dora ha aloma ei ril kiar u. 5Tenchu Pharisi bila a iam hozetinmo anthuia aril u na, “Ha mi ngai ranga vun at le Mosi Dan azom ranga chong a pek a nang,” ati u.
6Nuka hava rui anril ranga kuitir ngai, upa ngai, le a tar ngai anchun u. 7Hatuka ankhal sabak u le Pitor anthuia amani ha ei ti pe, “O unai ngai, na riat u, hava man ata Pathianin nangni bila koi hi ei na phun. Ka mur ata Jentail ngaiin thang ahui chong ei rangaia ei iam u na rang. #Kts 10.1-43 8Hatuka Pathian malung ril a riat han, aman hangai ranga ei manriat koini hontinmo ei ni hantin den amaniam Ratha Anthiangin ei pek. #Kts 2.4; 10.44 9Hanuk koini le amani laia na man tei mak. Iamna lehan a malung u ei manthiang u ni zei. 10Hantin han atun nangnin ichangmo Pathian nei man sin u na a ruaisi ngai tubuka namri nei bang u hava suak ha koini na chipui le koinin na pel mo thei zei? 11Tenchu koinin nei iam hangai hontinmo koinim hantin den Puma Isua a lungkhamna lehan zokna man inti.”
12Hava han mi dora adai chuta a om u. Hatuka Barnaba le Paul lehan Jentail ngai bila Pathianin andangna sin le tichangbui ei manlang amani kom hava rachi ei rangai u. 13Achong u ahek le, Jakobin a masanga ei ril, “O unai ngai ka chong rangai u ro! 14Pathianin ama raming ranga Jentail ngai bil ata ami ei pomna ranga senkhat ha mansana amani rui ei thun hava ha Simonin ei ril. 15Hatuka deari ngai chong hava le anrual. Hintin hin anziak:
16‘Hiva suale hong kir ka ting #Am 9.11-12 (LXX)
David a in achiam phun ret ka ting.
Hava asiat mun ngai dora phun ret ka ting.
Hatuka hava ha sin ret ka ti.
17Mi anniang ngai doran Puma eia rokna rang.
Hatuka nam ngai chunga ka raming
ei anpakna ha amanim tho u rase.
18Puman hiva chong hi ei ti aman man
lai ata hiva rui dora ei manthei.’
19“Hasik han koi kei masat hintin hin Jentail ngai bila Pathian tianga kir ngai ha amani ha koinin mantak pe u no rei. 20Tenchu amani rang ha maziaka mathuan u rei amani han doi thona ruia annim, uiare, mo-ol andena a thi ame le athi sak ata ankhai u rase. #Ant 34.15-17; Lev 17.10-16; 18.6-23 21Asik chu kho tina man sabaka Mosi mi a om ama aril ngai Pongansana nikhua kipa anchunna in tina ama Lekha ei an pore.”
Jentail Kuibing ranga Lekha
22Hava hanke kuitir ngai, upa ngai, dora kuibing len sana amani bil ata anphun, hohomo mi Barsaba anti Juda le Sila unai ngai bila anlang hiva anni Paul le Barnaba bila Antiokei khuana antir rang a masuk u. 23Hanke amani kuta hintin hin anziaka ama thuan u: “Suria Antiokei le Kilikina Jentail unai ngai kom kuitir ngai le upa ngai unai ngai chibai. 24Koinin nei lei riat hi koinin chong nei pek nok ngaiin mi tu lekin mo koini bil ata asena chong lehan na malung u omna chang ei manriat noka ei na manzing u. 25Hasik han malung munkhata koinin mi nei phuna. 26Koini neia dit ha Barnaba le Paul koini na Puma Isua Krista raminga tak ei sat u amani bila hangai ha na kom u na a honga tir nei masuk. 27Hantin han Juda le Sila ha na hong tir amani nin um nei masat ngai dora na manthei unti. 28Asik chu Ratha Anthiang lehan koinin nei masuk ha hiva angkhat anni ngai hi anang baka chu na chung u na hanuk atei ite puak na pe no rei. 29Ramil dali le thi hanuk mo-ol andena athi me le uiare ata ankhai na nang u, hiva ngai ata na ninga asa zata nan rung uten dama sapui un na ti. Dam u ro.”
30Hanke anthan u na Antiokei a ahong u. Hanke mi ngai dora anbum u na lekha ha aman lon u. 31Hava ha apore u na amani ha, ha lungngamna chong sika arai asan u. 32Hatuka Juda le Sila amanim deari ei ni u atia chong atam lehan unai ngai ha lungngam ei sak u na a manngir u. 33Ni hozetmo ase sua le nuka antir ngai ha. 34Amani tiang ase ret ranga amani ha unai ngai kom ata anngoi riama anthan u. 35Tenchu Paul le Barnaba Antiokei khuana a om u, amanin mi tatei atampa le Puma chong le ei manchu u hanuk thang ahui ei ril u.
Thang Ahui Ril ranga Paul Voi Anni Sena
36Ni itukmo suale Paulin Barnaba ha ei ti, “Tho! Koinin Puma chong nei rilna khua ngai athun kiara se na unai ngai va en rei hontinmo om u.” 37Hatuka Barnaba ei zot chu Johon Mark anti ha amam abil u na tuang rang. 38Tenchu Paulin ei mandon chu Pamphuliana amani amak mi ha abil u na sina se lui, ha ang miring, abil u na atuang rua ni mak, atia. #Kts 13.13 39Hava han a chalaka ankhal u na amani le amani ansen u. Barnaban Mark ha abila rakuang le Kupra na ase u. 40Tenchu Paulin Sila ha aphuna unai ngai lehan Puma a lungkham anpek suana aman se. 41Hatuka ama ha Suria le Kilikia tiang ase tira kuibing a mandet tir.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.