KUITIR 16
16
Paul le Sila nuk Timothin Azi
1Nuka ama ha Derbe na le Lustra na ava suak u hatuka enta, hava han Timothi atia ruaisi khat a om ama hi a iam nupang khat Juda mi a naipasal. Tenchu apa Grik mi ani. 2Lustra le Ikonia na unai ngaiin ama ha ei manpak u. 3Paulin ama ha abila ruai ranga ei zota hatuka ama ha, hava mun a Juda mi ngai sika vun a at pe na asik chu apa Grik atia ei riat kiar u. 4Hatuka amani ha kho tina ase titir u na Jerusalema kuitir ngai le upa ngai ei masat adan u azi ranga unai ngai kuta ei manlon u. 5Hantin han kuibing ngai iamna ei det ani zei hanke anikhuan tina anson chian u zei.
Troas Khuana Paulin Anralna Amu
6Amani ha Phrugia le Galatia ram tiang ase u. Asik chu Asia rama chong anril ranga Ratha Anthiang ata ei ankhar. 7Hatuka Musia ram kola ava suak u na amani ha Bithunia na ase rang ei val u tenchu Isua Rathan man se u mak. 8Hanke amani ha Musia ram amaka Troas a ase u. 9Hatuka zana Paulin anralna amana Makedonia mi pasal khat andinga anthem chunga ama rang ei ti, “Hong ankan u tan Makedoniana hong tan koini na hong san ro.” 10Aman ha anralna aman le koinin anrappa sot luia Makedonia rama ase rang nei val. Asik chu na riat zei sovana mi ngai kom thang ahui aril ranga Pathianin ei na pai ken zei.
Philipina Ludi Malung Anthul
11Koini hi Troas ata ti lam tiang lam anlapa Samortharki na hanuk hava nikhua zing khua vara Neopoli na nei va suak. 12Havan ata Philipi na na sena hava ha Makedonia biala khua angkhatna Romin ei hong del hava khua na ni hozetmo chu na om. 13Hatuka Pongansana nikhua na kho makot tual panga tidung kola nei se hava han borzongna mun om inti nei ti hatuka nan suta nupang ahong anchun ngai kom chong na rila. 14Hatuka Thuatira khuana Ludi Pathian a biak mi nupang khat senduk puan a zuar koini chong ahong rangai hatuka Puman a malung a malong pe Paul achong a malung ei pek theina ranga. 15Ama le a in sungmi baptisma a chang sua u le. Aman a mathema ei ti, “Nangnin koi hi Puma na a iam nu atia na na mandon u nan ten ka ina hong u tan hong om u ro ba,” ei ti. Hatuka aman koini na rang anan loppuia ana tuang.
Philipi Lungina
16Nikhat chu ha borzongna muna na se na hava lai tak han doi en thei ratha sanokin ei sur nupang khat koini na matona ahong. Mi borat a ena apumapa sum a tampa ei sua pui chachak. 17Ama ha Paul le hanuk koini na nuka ankheka, “Hiva mi ngai hi chung Pathian a suak u keng hi ngaiin nangni rang zokna lampui ei na manthei u!” 18Aman nikhua sotpa hantin han ei tho. Tenchu Paul atak asina anhoia ha ratha ha ei ti pe, “Isua Krista raminga kei na ti ni zei havan ata suak tan se ro.” Hanke hava han len a suaka ase.
19Tenchu ama apuma ngai ei man rang ei sabei u ha a suaka ei se amu u na Paul le Sila ha asur u na bazara ulian ngai kom a keia a tuang u. 20Hanke rui aril ngai kom hangai ha ahong tuang u na ei ril u, “Hiva mi ngai hin koini na khua achan aman pon u amani hi Juda ei ni u. 21Hatuka koini hi Rom mi koini na dan ite poma tel u no ro,” ati na ei ril u. 22Hava han mi ngai amani chunga atak ei mansi u na hanuk rui aril ngaiin a puan a khek pe u na, hanuk azem ranga chong apek u. 23Hanke hangai ha a manzem sabak sua u le lungina a khum u na lungin a otpu ha asadima a rung ranga chong apek u. 24Havan tin han chong amana hangai ha lungin sunga a khum u na a ke na athung u.
25Tenchu zan chim ripa Paul le Sila bor azong chu chunga Pathian biakna la ei tho u. Hava han ankhum ngaiin ala tho u ha a kuar ei dona ei rangai u. 26Hava han anlaiseka ninu anrik sabak ahonga lungin abul annika han len suakkhar anlonga ei ankhit u ankhek zit. 27Hava han a rungpu a in ata in sang alaka anthuia makot ngai anlong zit a mu na. Khendai a radoka aninga anvit rang athona ei mandon chu ankhum ngai a rot kiar u zei ati na. 28Tenchu Paul in anringpa na apai a, “Hei, na ninga anmumak no ro, koini hi hin na la om!” ati na.
29Hanke ra-ang hong ko u ta ati na a sunga a tana ase annok chu chunga Paul le Sila akom ase na avan bok. 30Hatuka hangai ha apanga ahong tuanga, “Pu ngai sandam manna ranga imo kei tho rang?” ati na.
31Amanin, “Puma Isua iam ro nang le na in ko mi sandam om u na ti.” a ti pe u. 32Nuka amanin ama le a ina a om dora ha Pathian chong aril pe u. 33Hatuka zan len han aman hangai ha atuanga ei pop u na anuk ngai dora a rasuk pe. Hanuk ama le a mi dora sot luia baptisma a lak u. 34Nuka aman hangai ha a in tadana atuanga, amani makunga sak rua asiak pe hanke a in komi dora le Pathian ei iam han achan arai ei san u.
35Sun ani le ruiril ngaiin raimol anlek ngai arila ei tir, “Ha mi ngai ha mazok u ro,” atia. 36Hava hanke lungin a ngakpu han Paul ha a manthei, “Rui aril ngaiin nangni rang ha mazok u ro ati na chong a hong mathuan u hasik han atun phukdaia suak tan se u ta ro,” ati.
37Tenchu Paulin hangai rang ha, “Amanin koini hi ruirilna na nei siatna buia mitin makunga azem sabaka lungina ei na khum u, koini hi Rom mi hivan maruka mo ei na mazok rang! Hava ha ni thei no ni! Amani apum honga koini hi apanga na tuang rase.”
38Hanke raimol asur ngai ha rui aril ngai ha, hava chong ei va manthei u. Hava han amani ha, Rom mi, hava chong ariata ruiril ngaiin achi u. 39Hanke a honga hangai ha ei hong lop u, hatuka tual panga khua ata ase ranga ei mathem u. 40Hava han hangai ha lungin ata a suak u na Ludi ina a lut u. Hatuka a unai ngai le anmu u le lungngam asak u na nuka ase u.
Currently Selected:
KUITIR 16: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
KUITIR 16
16
Paul le Sila nuk Timothin Azi
1Nuka ama ha Derbe na le Lustra na ava suak u hatuka enta, hava han Timothi atia ruaisi khat a om ama hi a iam nupang khat Juda mi a naipasal. Tenchu apa Grik mi ani. 2Lustra le Ikonia na unai ngaiin ama ha ei manpak u. 3Paulin ama ha abila ruai ranga ei zota hatuka ama ha, hava mun a Juda mi ngai sika vun a at pe na asik chu apa Grik atia ei riat kiar u. 4Hatuka amani ha kho tina ase titir u na Jerusalema kuitir ngai le upa ngai ei masat adan u azi ranga unai ngai kuta ei manlon u. 5Hantin han kuibing ngai iamna ei det ani zei hanke anikhuan tina anson chian u zei.
Troas Khuana Paulin Anralna Amu
6Amani ha Phrugia le Galatia ram tiang ase u. Asik chu Asia rama chong anril ranga Ratha Anthiang ata ei ankhar. 7Hatuka Musia ram kola ava suak u na amani ha Bithunia na ase rang ei val u tenchu Isua Rathan man se u mak. 8Hanke amani ha Musia ram amaka Troas a ase u. 9Hatuka zana Paulin anralna amana Makedonia mi pasal khat andinga anthem chunga ama rang ei ti, “Hong ankan u tan Makedoniana hong tan koini na hong san ro.” 10Aman ha anralna aman le koinin anrappa sot luia Makedonia rama ase rang nei val. Asik chu na riat zei sovana mi ngai kom thang ahui aril ranga Pathianin ei na pai ken zei.
Philipina Ludi Malung Anthul
11Koini hi Troas ata ti lam tiang lam anlapa Samortharki na hanuk hava nikhua zing khua vara Neopoli na nei va suak. 12Havan ata Philipi na na sena hava ha Makedonia biala khua angkhatna Romin ei hong del hava khua na ni hozetmo chu na om. 13Hatuka Pongansana nikhua na kho makot tual panga tidung kola nei se hava han borzongna mun om inti nei ti hatuka nan suta nupang ahong anchun ngai kom chong na rila. 14Hatuka Thuatira khuana Ludi Pathian a biak mi nupang khat senduk puan a zuar koini chong ahong rangai hatuka Puman a malung a malong pe Paul achong a malung ei pek theina ranga. 15Ama le a in sungmi baptisma a chang sua u le. Aman a mathema ei ti, “Nangnin koi hi Puma na a iam nu atia na na mandon u nan ten ka ina hong u tan hong om u ro ba,” ei ti. Hatuka aman koini na rang anan loppuia ana tuang.
Philipi Lungina
16Nikhat chu ha borzongna muna na se na hava lai tak han doi en thei ratha sanokin ei sur nupang khat koini na matona ahong. Mi borat a ena apumapa sum a tampa ei sua pui chachak. 17Ama ha Paul le hanuk koini na nuka ankheka, “Hiva mi ngai hi chung Pathian a suak u keng hi ngaiin nangni rang zokna lampui ei na manthei u!” 18Aman nikhua sotpa hantin han ei tho. Tenchu Paul atak asina anhoia ha ratha ha ei ti pe, “Isua Krista raminga kei na ti ni zei havan ata suak tan se ro.” Hanke hava han len a suaka ase.
19Tenchu ama apuma ngai ei man rang ei sabei u ha a suaka ei se amu u na Paul le Sila ha asur u na bazara ulian ngai kom a keia a tuang u. 20Hanke rui aril ngai kom hangai ha ahong tuang u na ei ril u, “Hiva mi ngai hin koini na khua achan aman pon u amani hi Juda ei ni u. 21Hatuka koini hi Rom mi koini na dan ite poma tel u no ro,” ati na ei ril u. 22Hava han mi ngai amani chunga atak ei mansi u na hanuk rui aril ngaiin a puan a khek pe u na, hanuk azem ranga chong apek u. 23Hanke hangai ha a manzem sabak sua u le lungina a khum u na lungin a otpu ha asadima a rung ranga chong apek u. 24Havan tin han chong amana hangai ha lungin sunga a khum u na a ke na athung u.
25Tenchu zan chim ripa Paul le Sila bor azong chu chunga Pathian biakna la ei tho u. Hava han ankhum ngaiin ala tho u ha a kuar ei dona ei rangai u. 26Hava han anlaiseka ninu anrik sabak ahonga lungin abul annika han len suakkhar anlonga ei ankhit u ankhek zit. 27Hava han a rungpu a in ata in sang alaka anthuia makot ngai anlong zit a mu na. Khendai a radoka aninga anvit rang athona ei mandon chu ankhum ngai a rot kiar u zei ati na. 28Tenchu Paul in anringpa na apai a, “Hei, na ninga anmumak no ro, koini hi hin na la om!” ati na.
29Hanke ra-ang hong ko u ta ati na a sunga a tana ase annok chu chunga Paul le Sila akom ase na avan bok. 30Hatuka hangai ha apanga ahong tuanga, “Pu ngai sandam manna ranga imo kei tho rang?” ati na.
31Amanin, “Puma Isua iam ro nang le na in ko mi sandam om u na ti.” a ti pe u. 32Nuka amanin ama le a ina a om dora ha Pathian chong aril pe u. 33Hatuka zan len han aman hangai ha atuanga ei pop u na anuk ngai dora a rasuk pe. Hanuk ama le a mi dora sot luia baptisma a lak u. 34Nuka aman hangai ha a in tadana atuanga, amani makunga sak rua asiak pe hanke a in komi dora le Pathian ei iam han achan arai ei san u.
35Sun ani le ruiril ngaiin raimol anlek ngai arila ei tir, “Ha mi ngai ha mazok u ro,” atia. 36Hava hanke lungin a ngakpu han Paul ha a manthei, “Rui aril ngaiin nangni rang ha mazok u ro ati na chong a hong mathuan u hasik han atun phukdaia suak tan se u ta ro,” ati.
37Tenchu Paulin hangai rang ha, “Amanin koini hi ruirilna na nei siatna buia mitin makunga azem sabaka lungina ei na khum u, koini hi Rom mi hivan maruka mo ei na mazok rang! Hava ha ni thei no ni! Amani apum honga koini hi apanga na tuang rase.”
38Hanke raimol asur ngai ha rui aril ngai ha, hava chong ei va manthei u. Hava han amani ha, Rom mi, hava chong ariata ruiril ngaiin achi u. 39Hanke a honga hangai ha ei hong lop u, hatuka tual panga khua ata ase ranga ei mathem u. 40Hava han hangai ha lungin ata a suak u na Ludi ina a lut u. Hatuka a unai ngai le anmu u le lungngam asak u na nuka ase u.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.