KUITIR 24
24
Ram oppu Makunga Paul Rui Anril
1Ni ranga suale Chaizung Lian Anania han atar senkhat le Tertulla atia ukil khat abila atuanga hava han ase u na amanin Paul a chunga chong asia ram oppu kom ei ril u. 2Paul ha anpai le Tertullan Paul a raminga hintin hin ei siatna ei ril.
“O ka pu sakhit! Pheliks nang na zara koinin phukdaina khit nei man hanuk nang nei theina sika hiva nam sat nokna ata nei zok. 3Hava ha koinin kum khuana muntina, alompeia phamna le raisanna le nei pom. 4Tenchu chong a tampa rila na man tak no rei hasik han nei na mathem hi na lungkhamna le koini chong hi alakte na rangai pe ro. 5Asik chu koinin nei mu hiva mi hi von ana nu ang keng ramuala Juda mi dora na ansualna hanuk Nazaret pola mi ulian khit ke. 6Hatuka aman Biakin um annim ranga ei val. 7Koinin hiva ngai sika hin ama hi nei sura achunga asia nei manlo. 8Nangin na rakel tik le hava ngai dora retheiin na ti,” ati na. 9Juda ngaiin hava chong ngai ha adik ati u.
Pheliks Matona
10Hava suale ram a oppu han Paul ha chong aril ranga a biak dapa aman hiva hi a masang:
“Nangin kuma sotpa ata hiva nam ngai rui nei hong ril babang ani zei hava ha ka riata raisan taka ka rui satna ka hong tar. 11Nangin rian na ti avian tena ni somleianni la rakan mak Jerusalema anmok ranga kei se. 12Hatuka hiva ngaiin Biakina koi hi tute le ansual ankhala le mipui anbuai a na mu u mak anchunna nam, khua nam. 13Hatuka atun hi ngai hin ka chunga rui ei hong choi u hi na kom hava ngai ha ei ni na mandang thei u mak. 14Tenchu nang na kom andar ka ti hava ngai ha mi le ranak le hava Lampui anga Pa Pathian andona kei om ha Dan ngai ang taka hanuk deari lekhabuna anziak ngai ang taka hava ngai dora kei iam. 15Hiva ngaiin hontinmo ei ngak u na ei om u hava ang han kom Pathiana hiva hi kei sabei adik, adik nok aninin mi lanthui inti. 16Hatuka hava ruia kom Pathian le miring ranga anba nokna malung a choia arunga kei om chian.
17“Kum tampa suale koi ka nam kom pekna laka hanuk dali dar ranga kei hong. #Kts 21.17-28 18Hava ha mi ngaiin koi hi anthianga ka om lai ei na mu u mi anpol um mak, anbuai um mak. Tenchu Asia rama senkhat Juda mi ei om. 19Amanin ei tho dan u chu na kom han ka sika chong adon u ten hong manlanga kei dik nokna ril u rase. 20Hano hiva a hong anchun ngai lenin ril rase. Hi ruirilna hin kei andinga hiva ngaiin imo kei dik nokna ei man u? 21O le hiva chong khat rong hi mo abil u na kei andinga anringa athi ngai anthui rui kei ril hi mo avian na makung u na ka rui ei anril hi,” ati. #Kts 23.6
22Hava han Pheliks hava Lampui ruia amani neka ei riat sadim sika ruirilna a khara ei ti, “Lusio asang a ruaipu a hong le hatik han na rui u na sat pe u ka ti,” ati. 23Hava suale ama han raza ruaipu ha chong ei pek ama hi khum ro tenchu a hui dima siak ro a u anai ama en ranga ahong lei khar no ro ati.
Pheliks le Drusili Matona
24Ni hozetmo suale Pheliks a nungak Drusili Juda nupang le ahonga Paul ha a mankuia hanke Paul amur ata Krista Isua iamna ruia a rangai u. 25Paulin anzikna, dikna, anrungna rui, nangkana ruirilna ala om rang rui, arila Pheliks han achina, “Avian chu se ta ro ni tei hun ka man le na man pai ka ti,” ati pe. 26Ama han Paulin sum na pe inti ti nam ei sabeia ei man pai choka ei chongpui re ret.
27Tenchu kum anni ase suale Porka Phestan Pheliks a sutmun a hong lua hava han Pheliks Juda ngaiin ei aditna rang ei vala Paul ha ei khuma ei mak.
Currently Selected:
KUITIR 24: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
