MARKIN 4
4
Chin The le Ankhina
(Mt 13.1-9; Lk 8.4-8)
1Hava suale tindil kola a manchu reta, hava han mipui atam sabak ahong anchuna hava tindil han rakuanga a chuanga ansuta mi dora chu tindil tang kola a om. #Lk 5.1-3 2Hava han ankhina le chong atampa a manchuna, ei manchuna han.
3Akom u na rangai u tan en uta; “Bu chi anthepan bu chi anthe ranga ase na. 4Hatuka hintin hin ei ni, a the han; asen lampui kola achula va ngaiin asak zit u. 5Hatuka asen lungchirit bila achul, phil ei tam nok sika anrapa among. 6Tenchu ani sa suaka ei ra-em sika anvuaia om, razung ei don nok sika arop zit.
7“Hatuka asen chiak raling nei bila achula, chiak ha ansanga achula adip diaia anra mak. 8Hatuka asen phil asana na achula amonga, ansona, anrana somanthum, somaruk, razana apung,” ati.
9Hatuka ama denin, “Riatna ranga kuar a nei takin re rase,” ati.
Ankhina Einang Sik
(Mt 13.10-17; Lk 8.9-10)
10Hatuka ama atheia, a om lai han somleianni le alom ngai han ankhina ngai arakel u na. 11Hatuka aman akom u na, “Pathian chong maruk chu nangni nei riat u ranga anphal ei ni, apanga mi ngai ranga chu ankhina na zit keng, ati.
12Hantin han, ‘A ena ei mu rang, tenchu re u no ni.
Hatuka rangaia ei rangai tenchu tuak u no ni,
hano ei hong kir u na, andual ei nang u rang keng.’ ” #Isa 6.9-10 (LXX)
Akhina ha Aril
(Mt 13.18-23; Lk 8.11-15)
13Hatuka, ama denin akom u na han, “Hi ankhina hi rethei umak che mo? Hantin aniten hontinmo ankhina ngai dora nei riat u rang? 14Bu chi anthepu han chong ei thena. 15Hatuka lampuia chong anthena chu hiva hi ani, chong ariat le Soitan han a malunga chong ha alak pe len. 16Hatuka hantin den lungchirit chunga chu hiva hi ani. Chong ariat tik le anrappa apom. 17Tenchu akom u na razung nei maka anrappa sot luia chong sika antakna phenengna a om le amangil len. 18Hatuka atei chu raling bila anthe anina hava han chong ariata. 19Tenchu ramual lungkham chu neina anhuangna, ningolna, aluta chong ha adipa anra luia a om. 20Hatuka phil asana anthe chu hiva ngai hi ani chong ariata apoma aliak somanthum, Somaruk, razana anra.”
Kok Thuaia Lem
(Lk 8.16-18)
21Hatuka ama denin akom u na, “Lem chu asiak nana siak luia, zamun thuaia siak ranga mo ava lak? #Mt 5.15; Lk 11.33 22Puang lui ranga anip ite om mak anlong nok ranga chong maruk um om mak. #Mt 10.26; Lk 12.2 23Riatna rang kuar a nei takin re rase,” ati.
24Hatuka ama denin akom u na, “Hasik han imo nei rangai u anreng u ro nei mai u na ang han na mai unti ha neka na pe unti. #Mt 7.2; Lk 6.38 25Adon tak chu sap inti, don lui chu; ei don selep um apot inti,” ati. #Mt 13.12; 25.29; Lk 19.26
Chimu Ancher Rui
26Hatuka ama denin, “Pathian ram chu hintin hin, min phaia han chi athe sela. 27Sun zan ama a in karam ameng karam, a chithe ha amonga anson tenchu hontinmo ei hong lian remak. 28Philin athetheia mara ei hong masuak, ei mong mansa hatuka ei vui hanke avuia atak ei lut. 29Tenchu amin le koite ei laka ei at ahun ei ni sika, ati. #Joel 3.13
Ancham Chi Ankhina
(Mt 13.31-32,34; Lk 13.18-19)
30Hatuka, ama denin, “Pathian ram chu hongle mo mankhi mani? Ichong lemo manrual mani? 31Ancham chi ru khat phila achula chimuru tei neka asin khit ni ngal sela. 32Athe suale chu amonga anna tin neka ahonga liana abak alianpa ngai ahonga nei, hantin han chunga va ngai abaka ariak u chachak.”
33Hatuka, hantina ankhina chong atam ei riat thei u na ranga chong akom u na arila. 34Tenchu ankhina nok ten akom u na chong ril maka a zolai ngai kom chu maruka anthiang vanga aril chachak.
Phaivua Manbang
(Mt 8.23-27; Lk 8.22-25)
35Hatuka hava nikhua den han khului tiang akom u na, “Tho va rala son ankan u rei,” ati. 36Hantin han mipui ngai ha amaka, ama chu ei om balam anga han rakuanga ase u na. Rakuang atei um a kom a om. 37Hatuka phaivua anrik sabak ahonga, ti ansoka, rakuanga ahonga lut zuzuta, hantin han rakuang abit rang ani zei. 38Isua chu kobong athona rakuang ramoi tiang a in. Hanke a mathui u na, “Minchupu, athi rang na ni zei hile, na mandon ngal mak chena?” ati u na.
39Hatuka, Isuan hava ha alei riata, thinthi ha a ngona, “Tipui ham bang ro! om sadim ro,” atia, hatuka, phaivua abang raka among. 40Hatuka amani kom han, “Ichangamo hador peia nei achi u? Iamna hi nei la nei u nok mo?” ati.
41Tenchu anchi chunga, “Hiva nai hi tungal mo ei ni hi, thinthi le tindilin um a he ei tel hi?” anti u na!
Currently Selected:
MARKIN 4: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
