THUPHUANDOH 4
4
Tunung a sil hung um diingte muhna
1Hi silte nungin ka en a, huleh ngai in, vaan ah kot a kihong a, huleh aw ka jah masat chu pengkuul ging bangin kei hung houpih ahi a, hukhuin, Hilamah hungtou in, tununga sil um diingte ka hung musah diing, a chi a. 2Huleh thakhat in kei chu hagau in ka umta a, huleh ngai in, vaan ah laltouphah khat a kitung a, hu laltouphah tungah mi khat a tou a. 3Huleh hu a toupa chu jasper leh sardine suang bangmai in a kilang a; hu laltouphah kiimvel ah chu sakhituihuup, et a emerald suang bangmai a kilang a um hi. 4Huleh hu laltouphah kiimvelah touphah sawmnih leh li a um a; huleh hu touphahte tungah upa sawmnih leh li puan vaam silh a tou ka mu a; amahun sana lukhuh a khuh uhi. 5Huleh hu laltouphah apatin kawlphete, vaangingte, awte ahung suaah a; huleh hu laltouphah ma-ah mei thaumei sagih a kuang a, hute chu Pathian Hagau sagihte ahi uhi. 6Huleh hu laltouphah ma-ah crystal suang tobang limlang tui khang lian a um a; huleh hu laltouphah lailung leh, laltouphah kiimvel ah malam leh nunglam mit a dim silhing li a um hi. 7Silhing khatna chu huumpibahnei tobang ahi a, silhing nihna chu bawngnou tobang ahi a, huleh silhing thumna in chu mihing meel bang a pua a, silhing lina chu mupi leeng lai bang ahi. 8Huleh hu silhing lite’n chu haa guup chiat a nei va: a sunglam uh mit in a dim a; huleh amah unchu suun leh jan a tawlnga louin, Siangthou, Siangthou, Siangthou, Lalpa Pathian Bangkimbawlthei, umta leh, um zing leh, hung um diing chu; a chi uhi. 9Huleh hu silhingte’n laltouphah tunga toupa, kumtuang a hing zingpa kawmah loupina leh zahbawlna pia a kipaahthu a soi tahun, 10Upa sawmnih leh li chu laltouphah tunga toupa ma-ah a bohkhup va, kumtuang kumtuang a hing zingpa chu a bia va, huleh hu laltouphah ma-ah a lukhuhte uh koih in, 11Aw Lalpa, Nang chu loupina leh zahbawlna leh thuneihna tangtaah na hi; ajiahchu nangma’n sil zousiah na siam a, huleh nang deihzawng a um leh siam ahi uh, a chi uhi.
Currently Selected:
THUPHUANDOH 4: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
