BOTHUBO 10
10
Noha Lagha
1Hipaqono Noha nuliqo laghae: Shem ngo Ham eno Jafet. Azuyimi thiu panonguno ati anuli punue. 2Jafet nuliqono Gomer, Magog, Madai, Javan, Tubal, Meshek eno Tiras ishike. 3Eno Gomer nuli qoye Ashkenaz, Rifat, Togarma ngo ishie. 4Javan nuliqono Elisha, Tarshish, Kitimi ngo Dodanimi ke. 5Panonguye azughi philo eno zudoyeghilo kughuna kemi puasu ke. Hipaqono Jafet nuliqo, pututa yeghilo pututaw timi gholo, pututa tsa pi ghi xuchekeqo ke.
6Ham nuliqono Kush Mizraim, Phut, Kanan ngo ishie. 7Eno Kush nuliqono Seba, Havila, Sabta, Raama, Sabteka ngo ishie. Eno Raama nuliqono Sheba ngo Dedan ishie. 8Ike Kush ye anu lakhi shie, pa je Nimrod, pano ayeghiqhalo ayehkipelo aghutomi atughiue. 9Paye ayeghilo ashikuhami atoue, eno hi ghenguno timino ishi piche, “AMPEU zulo noye Nimrod toi ashihami atou lakhi shipeni.” 10Nimrod kukaqha atughuloye Babel, Erek ngo Akad tiye Shinar yeghi tipaqo kumtsu Babilon lo ake. 11Tipa yeghi lono Ashur no wu puzu Ninive phughi ngo Rehobot phughi ngo Kala ngo 12eno Resen khikhi Ninive ngo Kala phughi kuma dolo akeu ngo ishi mlake.
13Mizraim no hipaqo papuh, Ludmi, Anammi, Lehabmi Naftumi, 14Patrusmi Kaslutmi eno Kaftormi. Kaftormi launo Filistiami ikoighi ke.
15Kanan nu akichiu Sidon, eno Het ngo 16Jebusimi, Amarimi, Girgashimi, 17Havimi, Arqimi, Shinimi, 18Arvadimi, Tsemarimi, Hamatmi ngo ishie. Eno tipathiuye Kananmi pututa shelo ikowove puzu 19Kananmi yeghi lughi Sidon lono Gerar kudau Gaza kuto shive eno Sodom, Gomora, Adma, Zeboim ngo ishi kudauno Lasha kuto shive. 20Hipaqono Ham tikughuko, pututa shiayeh muqo eno pututa yeghilo kughuna ache, pututa muqo shi eno pututa shelo pano tsa piche.
21Eno Ibri lagha puasu Shem, Jafet pamu ghi ati anuli shie. 22Shem nuliqono Elam, Ashur, Arpakshad, Lud, Aram ngo ishie. 23Aram nuliqono Uz, Xul, Geter, Mash ngo ishie. 24Arapakshad no Shela papu eno Shela no Ibri papu. 25Ibri ye anu kini shie, lakhi jeno Peleg, kughengu pano xuacheke lono ayeghilo timiqo kijetha wove kehu. Pathikuzuu jeno Joktan. 26Joktan no hipaqo puasue. Almodad, Shelef, Hezarmavet, 27Hadoram, Uzal, Dikla, 28Obal, Abimael, Sheba, 29Ofir, Havila, Jobab ngo ishi. 30Panonguno achekeu yeghiqhaye Sefar kudau Mesha lono kipelau naghutoqo kutoe. 31Hipaqono Shem tikughuko, pututa yeghilo kughuna ache, pututa muqo shi eno pututa shelo pano tsa piche.
32Hikumtsu Noha nuliqo tikughuko ke, pututa shelo alagha eno ashiayeqo. Azuyimiveke thiu Noha nuli hipaqono ayeghilo ashiayeh kumtsu shi ghi kijetha ikowoke.
Currently Selected:
BOTHUBO 10: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
