NOONNA THLOU Mathronna
Mathronna
Raangroi Eivaa Noonna Thlou i Luke in amjih Akthra Trongnata inkeih a hang. Maivaa amuvei tronglamva anrang Jisu vaa aknujuih ei in angthlouta antloh, Li Akseeng in amrui, amah turella Akthra Trongraan “Jerusalem a, Judia naamtea, Samaria a, che thalei achena phaova.” (1:8) tih i sonnatu. Mah i khristen ei in ansuul thamin khare Judi ankaara mathronna che tukleiram apumtea malot inkhatveia sehnatu. Amjihpa in akpaa eita veikhat ril amluutjava mah ire khristen ei in Rome rampaal leipaal eita mamaangnatu tlohnoh ei, che khristen ei malot in Judi heikohta amthlung.
Noonna thloui amuvei saruk inthum suuk a khai aja, khakla mangirh che Jisu turella trong raanna a ralla injaa ian an: (i) Jerusalem a khristen ei in insuul amithron aknujuih a Jisu in ringram akalna; (2) Palestain aktlei saruk a maliin che (3) Mediterenian Tukleiram asuunga Rome phah a ralla maliin.
Amuveia Noonna thlou ahoongvah Li Akseeng in thlou atloh, Jerusalem a Pentikos aknia amlot anchunga tuuisoh inruuia thleng che injomma khakla ta amtrang, aching chuche akching eita aksuukthlou achenohmiil nirik a amrom. Anrang khristen thamin naamte i matheihna trongveia amtoi, che Noonna thloua aksuukthlou rella majih asih in inimmuhva amlot mii chaanna mah thaminna tuui che khakla inboomna asuunga indang.
Trongmu
Sakhi turella inchaangna 1:1–26
a. Jisu vaa achena trongthuun khatkho trongchet 1:1–14
b. Juda vaa angutsil 1:15–26
Jerusalem a sakhi malan 2:1—8:3
Judia leh Samaria ah sakhi malan 8:4—12:25
Paul in rou atlohna 13:1—28:31
a. Matsah mathlahna thloua rapkhei tlakna 13:1—14:28
b. Jerusalem a kliin inboom 15:1–35
c. Innih tihpi mathlahna thloua rapkhei tlakna 15:36—18:22
d. Veithum tihpi mathlahna thloua rapkhei tlakna 18:23—21:16
e. Jerusalem, Keisaria che Rome a Paul in simma amna 21:17—28:31
Currently Selected:
NOONNA THLOU Mathronna: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.