METHIU 10
10
Raangroi Somleinih
(Mak 3:13–19; Luk 6:12–16)
1 #
Mak 6:7; 3:16–19; Luk 9:1; 6:14–16; Noon 1:13 Che aroi somleinihta akuungah onga akseengnoh li manomnatu, natna satna rii anaamte mathrat cheknatu akchek amnehvaa lii ankuungah amlanei. 2Aroi somleinih anmingvah: matsah a Pitar an ong Simon, che amah anao Andriu; Jebidi asa kupa Jems khatkho amah anao John; 3Philip mahche Bartholomi; Thomas che roithrai Methiu; Alphias asa kupa Jems, Thadias; 4Kanan na Simon, mahche Jisu akjuur Judas Iskariot sei.
Aroi Somleinihta Amthlah
(Mak 6:7–13; Luk 9:1–6)
5 #
Luk 9:52; Jon 4:9; Noon 8:5,25 Anmah somleinihita Jisu in trongthuun sonna amthlah ei, “Jental anlamma senohve, che Samaria khuupii akho luutnohve, 6#Met 15:24; 10:23chuta mah chuchungva akmaang Sadam Israel ankuunga luutve. 7#Luk 9:2; 10:4–12; Met 4:17Che nannih in seh a, ‘Ringram huunnakha naisa,’ ta sonna raanve. 8Akna mathratve, reichii mathratve, akthi maringve, khousaar manomve. Nannih in khangvaalla nanphah, khangvaalla inpeve. 9#Mak 6:8–11; Luk 9:3–5; 10:4–12; 22:35–36Nannih in ra–ao slakho, harngou slakho, kuri slakho skhaoa baobeh thunnohve, 10#1 Kor 9:14; 1 Tim 5:18nannih in namiruuitu thong nohle, lungluut innih, nohle kekhraang, nohle, sungrolh phurhnohve; alamva thloutloh mii in asaaktuphu aphahkha matikchasa. 11Nannih in khuupii nohle khuusuung nanluutlai, matikcha tutu eimeta jonve, che nanseh nohsot mah khanna amve. 12Che nannih in innsuung nanluut laia, mathruun eive. 13Innsuung khata matikcha eile, nankuungna leh oi kha anchunga phah eiso; chuta matik chanoh eile, nannih leh oi kha nankuunga inlengso. 14#Noon 13:51Che tungangkhat in nannihta nanilounoh a nantrongta lounoh eile, nannih in khuu khannata nohle khuupii khannata nanthruhlai nankehna phil mathiimma mahve. 15#Met 11:24; Luk 10:12; Jud 1:7; 2 Pit 2:6Keiin tak a kisonchou, pichaarniva mahkhanang khuupii khachunga Sodom leh Komorah ram in ralla adouchek veitu.”
Akthlengsam Chut Manangna
(Mak 13:9–13; Luk 21:12–17)
16 #
Luk 10:3; Rom 16:19 “Anve, keiin nannihta Sadam nanga uiiramui ankaara kamthlahpeichou; chunna nannih in muruul nanga singve che ukthru nanga inneemve. 17#Mak 13:9–13; Luk 12:11–12; 21:12–19; Jon 16:2Chuta miita jih a anve, alamva anmah in nannihta jama kaara nanimlantu che anmah in sinakok ah nanihaitu. 18#Noon 25:24–26Che keiturel nannihta Jental ankuungah sakhi veinatu rampuui mahche kurung anmaikuungah kaia nanithlentu. 19Chuta anmah in kaia nanithlenlaia nannih in khatloh a trong tu ungme nohle jangtrongta kanson umeta lah tlohnohve; alamva mahlaital pung achunna nannih in khatloh a trong uchoume nankuungah nanimlantu; 20#Jon 16:7–11alamva nannih in trongnoh uchou, chuta nan Pa vaa Li in nanimtrongtu. 21#Met 10:35–36; Mak 13:12; Luk 12:52–53; 21:16Pekva unao khat in unao khatta, che apa in asata thihnatu antlohtu, chela ansa in annu anpata janoh a thihnatu antlohtu; 22#Met 24:9,13; Mak 13:13; Luk 21:17; Jon 15:18che keiturel nannihta miinaam in nantirh tuei. Chuta tunangkhat in achena phah akdou mii khata akaltu. 23#Met 16:27; 1 Thes 4:17Chuta anmah in khuupii suungah nanichutlai aktleia tlaanve; alamva keiin nannihta atak a kisonchou, miivaa Asa kupa in athlengnoh maa a nannih in Israel ankhupiita matangnoh uchou.
24 #
Luk 6:40; Jon 13:16; 15:20 “Aroi inkhat in amah lulokchung amnoh, chunohle roijuih khatin amah akpuchung amnoh; 25#Met 9:34; 12:24; Mak 3:22; Luk 11:15aroi inkhat in amah lulok nanga mahche roijuih khat in amah akpunangah amkhan chanasa. Inn akputa anmah in Beljabul ta ongeile, innsuunga ak am miiva jikcha phah thranoh a an ong usame!”
Tunangta Trih Uchoume
(Luk 12:2–7)
26 #
Mak 4:22; Luk 8:17; 12:2–9; Eph 5:13 “Churella anmahta trihnohve; alamva indangnoh a inbahtu jakhatkho amnoh, nohle inromnoh a anthuptu jakhatkho amnoh. 27Keiin inthim kaara nankuung kison naamte akvaar kaara trongve; che namikuura nantheihkha innbuung chunga raanve. 28#Hib 10:31Che nannih nanruungva akthatchek chuta nanliva that cheknoh miita trihnohve; mahchunga li leh nanruungta repnangah ammaangchek amahta trihve. 29Usak innihta baobeh inkhaturel nanjurhnome? Mah khannata nanpa in amdonnoh avah inkhatrukho tukleia tlanohtu. 30Chuta nankangna sam anaamte khakho ateenpei. 31#Met 12:12Alamchunna intri tlohnohve, nannihvah vasakchung aman chaalchou.”
Amaraal Phoong Khatkho Khrista ta Indah
(Luk 12:8–9)
32 #
Mak 8:38; Luk 9:26; Mad 3:5; 2 Tim 2:12 “Chunna tukhat in miimai kuungah Khrista ta akja mii khavah keiinkho ringramma am kipa maikuungah kijatu. 33#2 Tim 2:12Chuta tunangkhat in miimai kuunga Khrista ta indahmii khavah keiinkho ringramma am Pa maikuunga indahtung.”
Leh oi noh Chuta Chemsei
(Luk 12:51–53; 14:26–27)
34 #
Luk 12:51–53; Met 10:21; Mak 13:12 “Keita thaleichungah leh oi akthlen thlengta kamdonnohve; keivah leh oi akthlen thlengnoh ang chuta chemsei akthlensang. 35Alamva mii khat in apaso, asakumei inkhat in anusoh, che amou khat in anisoh injanohnatu thlengsang. 36Che amah innsuungna mii in a innsuungna miiluungta jekna veitu. 37#Luk 14:25–27; 17:33; 9:23–24; Met 16:24–25; Mak 8:34–35; Jon 12:25Anu nohle apata keichunga ringvol mii khavah keitu veia matik chanoh, che asa kupa nohle asa kumeita keichunga ringvol miikhakho keitu veia matik chanoh. 38#Met 16:24; Mak 8:34; Luk 9:23Che amah thingkharhta lounoh a kiknu akjuih mii khavah keitu veia matik chanoh. 39#Met 16:25; Mak 8:35; Luk 9:24; 17:33; Jon 12:25Amah achaanta inkal akphah mii in maangtu, keirella amah achaan akmaang miikhan inkal aphahtu.”
Khaan
(Mak 9:41)
40 #
Luk 10:16; Jon 13:20; Kal 4:14; Mak 9:37; Met 18:5; Luk 9:48 “Nannihta nanija a nanilou miikhan keita kanloh peiang, che keita ja a keilou miikhan keita kamthlah amahta anroulohpei. 41Ringraan inkhatta ringraan inkhatvaa akminga aklou miikha ringraan inkhatvaa khaan aphahtu. Che akchimlamseh mii khat in akchimlamseh miikhatvaa akmingah aklou miikha akchimlamseh miikhatvaa khaan aphahtu. 42#Mak 9:41; Met 25:40Che keiin nannihta atak a kisonchou, tunangkhat in andih kaarna inkhatta amah aroisa tih a tuiidai chapla inkhatru malanle amah akhaan khak maangnohtu.”
Currently Selected:
METHIU 10: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
