Te Otinako 16
16
Te Maana (Manna) Ao Te Kuere
1Ao a m'ananga nako te botannaomata are Iteraera mai Erim, ao n te katebwi ma nimaua ni bongin te kauoua n nam'akaina i mwiin kiitanakin Aikubita, ao a roko n te Rereua are Tin are mena i marenan Erim ma Tinai. 2Ao a ngurengure nakoni Moote ma Aaron i nanon te rereua arei 3ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”
4Ao E taku te UEA nakoni Moote, “Ngkai N nang kab'aka te am'arake mai karawa kaanga te karau i bukimi ni kabane. A na otinako aomata ni katoa bong n rikoi kanaia ae bon tau i bukin anne. Ao N na kona ni kataia n te aro anne b'a a na iri au kaetieti ke a na aki. 5A na kabatiai riki kanaia aika a rikorikoi nakon are a bon tataneiai iai n te kaonoua ni bong, ao ma ni katauraoia.”
6Ao e taku Moote ma Aaron nakoia Iteraera ni kabane, “Nakon te tairiki aei, ao kam na ataia b'a bon aei te UEA are kaotinakoi ngkami mai Aikubita. 7Nakon te moanibong ao kam na noora raitiitin ootan mimitongin te UEA. E a tia n ongo ngurenguremi nako Ina---kam aki ngurengure nako ira b'a ngaira bon ti taani kakoroi mwiin Ana babaaire.” 8Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”
9Ao e taku Moote nakon Aaron, “Tuangiia te botannaomata ae Iteraera b'a a na roko n tei i matan te UEA, b'a E a tia n ongo ngurengureia.” 10Ao e taetae Aaron nakoia te botannaomata arei ni kabane, ao a tei ni kaaitaraa te rereua Iteraera ni kabane, ao e karina ni kaoti raitiitin ootan te UEA nakoni Moote. 11Ao E taku te UEA nakoni Moote, 12“I a tia n ongo ngurengureia Iteraera. Tuangiia b'a e na reke kanaia te iriko nakon te tairiki, ao e na reke kanaia te kariki ae bati nakon te moaningabong. Ao ane a na ataia b'a bon te UEA Ngai ae Atuaia.”
13Ao a roko taian nanai ni kuere aika m'aiti n te tairiki anne ni kabuta aia maeka arei, ao te ingabong are i mwiina, e wene te aoi ni kabuta aia maeka naba arei. 14Ao ngke e a mauna nako te aoi ni kabuebuen taai, ao iai te b'ai ae mmani ae bebete i nanon te rereua. Kaanga ai aron marauraun te aiti ae mmani. 15 Ao ngke a nooria Iteraera, ao a aki ataia b'a tera, ao a titiraki i bon i rouia, ao a taku, “Tera te b'ai aei?”
Ao e taku Moote nako ia, “Bon aei te am'arake ae e a tia te Atua n anganingkami b'a kanami 16E a tia te UEA n tuangkami b'a kam na rikoi kanami n tatabemaningkami nako, ae bon tau; uoua te kiro i aoia kaain te auti n tatabeua nako.”
17Ao a karaoa aei Iteraera, ao tabeman a rangi ni kabatia, ao tabeman bon ti teutana. 18Ao ngke a karaua ni baaireia, ao koraki ake a kabatia n anaia bon akea nikiran kanaia, ao koraki ake ti tabeua kanaia, bon akea naba nikiran kanaia 19Ao e taku Moote nako ia, “Akea ae na katuka teutana nakon te ingabong.” 20Ma bon iai naba tabem'aang ake a aki kan ongo irouni Moote, ao a katikui tabeua. Ao n te ingabong are i mwiina, ao a onrake n te ino ao a boira. Ao e un Moote i rouia. 21Ao a bane n rikoi kanaia aomata aika bon tau ni katoa bong, ao ngke e a tabe ni kabuebue taai, ao a bane n ran nako nikiran ake i aon te tano.
22Ao n te kaonoua ni bong, ao a rikoi kanaia ni kam'aiti, uoua te tai are a ririkoi mai m'aaina; aua te kiro i aon temanna. Ao a bane n roko taani kairiri n tuanga Moote te b'ai arei, 23ao e taku nako ia, “E a tia n tua te UEA b'a bon te bong ni motirawa nakon te ingabong. Te bong ae katabuaki i bukina. Kam'ai n te bong aei, akana kam tangiri ni kaburoi, ao nikiraia kam na kaawakin i bukin te ingabong.” 24Ao a kaawakin taian nikira nakon te bong are i mwiina, ao a aki roko n te buakaka ke n ino. 25Ao e taku Moote, “Kang aikai n te bong aei, b'a bon te Taabati#16.25 Taabati; Aia Taabati Iutaia are te Kaonobong. te bong aei, te bong ni motirawa ae katabuaki i bukin te UEA, ao kam na bon aki kona ni kunea te am'arake i tinanikun aia maeka. 26Kam na rikorikoi kanami i bukin onobong te bong, ma bon akea n te kaitiua ni bong are te bong ni motirawa.”
27Ao a nako tabeman b'a a na rikoi kanaia n te kaitiua ni bong, ma bon akea ae reke i rouia. 28Ao E taku te UEA nakoni Moote, “E aera ngkai kam aki kan ongo Au babaaire ngkami aika au aomata? 29Uringnga b'a I a tia n anganingkami te bong ni motirawa Ngai ae te UEA, ao bon anne bukina are I aki toki n anganganingkami iai kanami ae tau i nanon te ka onoua ni bong i bukin uabong. B'a a na bane aomata n aki nakonako man te tabo are a mena iai n te kaitiua ni bong, ma n aki kiitan aia auti.”
30Ma ngaia are a aki m'akuri aomata n te kaitiua ni bong.
31Ao a arana te am'arake arei aomata b'a te maana. #16.31 manna: N te taetae n Ebera “Tera te b'ai aei?” (Noora te kibu 15). Kaanga ai aron te ati ae mainaina, ao kaanga kanakin te bitiketi ae renganaki ma ana karewe te manibeeru. 32Ao e taku Moote, “E a tia te UEA ni mwiokoira b'a ti na kaawakin tabeua te maana, i bukiia kanoara rimwi, b'a a aonga n noora te aekaki n am'arake are E anganiira te UEA n te rereua ngke E kaotinakoira mai Aikubita.” 33Ao e taku Moote nakon Aaron, “Anaa te tiaeki, ao karin i nanona uoua te kiro te maana, ao katikua i matan te UEA b'a a na kaawakinaki i bukiia kanoara rimwi.” 34Ao Aaron, e katikua i matan te Atiniberita, b'a e aonga ni kaawakinaki n aron Ana mwioko te UEA nakoni Moote. 35Ao a kang maana Iteraera i nanon 40 te ririki ni karokoa rokoia i Kanaan, are a tekateka raoi iai. 36Te b'ai n taurawawata are b'ainaki n te tai arei, e kan tii teboo ma uabwi te kirokuraem.
Currently Selected:
Te Otinako 16: KNVB
Highlight
Share
Copy
Want to have your highlights saved across all your devices? Sign up or sign in
Te Otinako 16
16
Te Maana (Manna) Ao Te Kuere
1Ao a m'ananga nako te botannaomata are Iteraera mai Erim, ao n te katebwi ma nimaua ni bongin te kauoua n nam'akaina i mwiin kiitanakin Aikubita, ao a roko n te Rereua are Tin are mena i marenan Erim ma Tinai. 2Ao a ngurengure nakoni Moote ma Aaron i nanon te rereua arei 3ao a taku nako ia, “Ti bia kaman tiringaki iroun te UEA ngke ti boni mena i Aikubita. Ngke ti mena n te tabo ike ti tekateka ma karara taian irikomaiu ni katoki nanora n aekaki n am'arake nako ake ti tangiri. Ma ko uotiira mai b'a ti na mate ni baki i nanon te rereua aei.”
4Ao E taku te UEA nakoni Moote, “Ngkai N nang kab'aka te am'arake mai karawa kaanga te karau i bukimi ni kabane. A na otinako aomata ni katoa bong n rikoi kanaia ae bon tau i bukin anne. Ao N na kona ni kataia n te aro anne b'a a na iri au kaetieti ke a na aki. 5A na kabatiai riki kanaia aika a rikorikoi nakon are a bon tataneiai iai n te kaonoua ni bong, ao ma ni katauraoia.”
6Ao e taku Moote ma Aaron nakoia Iteraera ni kabane, “Nakon te tairiki aei, ao kam na ataia b'a bon aei te UEA are kaotinakoi ngkami mai Aikubita. 7Nakon te moanibong ao kam na noora raitiitin ootan mimitongin te UEA. E a tia n ongo ngurenguremi nako Ina---kam aki ngurengure nako ira b'a ngaira bon ti taani kakoroi mwiin Ana babaaire.” 8Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”
9Ao e taku Moote nakon Aaron, “Tuangiia te botannaomata ae Iteraera b'a a na roko n tei i matan te UEA, b'a E a tia n ongo ngurengureia.” 10Ao e taetae Aaron nakoia te botannaomata arei ni kabane, ao a tei ni kaaitaraa te rereua Iteraera ni kabane, ao e karina ni kaoti raitiitin ootan te UEA nakoni Moote. 11Ao E taku te UEA nakoni Moote, 12“I a tia n ongo ngurengureia Iteraera. Tuangiia b'a e na reke kanaia te iriko nakon te tairiki, ao e na reke kanaia te kariki ae bati nakon te moaningabong. Ao ane a na ataia b'a bon te UEA Ngai ae Atuaia.”
13Ao a roko taian nanai ni kuere aika m'aiti n te tairiki anne ni kabuta aia maeka arei, ao te ingabong are i mwiina, e wene te aoi ni kabuta aia maeka naba arei. 14Ao ngke e a mauna nako te aoi ni kabuebuen taai, ao iai te b'ai ae mmani ae bebete i nanon te rereua. Kaanga ai aron marauraun te aiti ae mmani. 15 Ao ngke a nooria Iteraera, ao a aki ataia b'a tera, ao a titiraki i bon i rouia, ao a taku, “Tera te b'ai aei?”
Ao e taku Moote nako ia, “Bon aei te am'arake ae e a tia te Atua n anganingkami b'a kanami 16E a tia te UEA n tuangkami b'a kam na rikoi kanami n tatabemaningkami nako, ae bon tau; uoua te kiro i aoia kaain te auti n tatabeua nako.”
17Ao a karaoa aei Iteraera, ao tabeman a rangi ni kabatia, ao tabeman bon ti teutana. 18Ao ngke a karaua ni baaireia, ao koraki ake a kabatia n anaia bon akea nikiran kanaia, ao koraki ake ti tabeua kanaia, bon akea naba nikiran kanaia 19Ao e taku Moote nako ia, “Akea ae na katuka teutana nakon te ingabong.” 20Ma bon iai naba tabem'aang ake a aki kan ongo irouni Moote, ao a katikui tabeua. Ao n te ingabong are i mwiina, ao a onrake n te ino ao a boira. Ao e un Moote i rouia. 21Ao a bane n rikoi kanaia aomata aika bon tau ni katoa bong, ao ngke e a tabe ni kabuebue taai, ao a bane n ran nako nikiran ake i aon te tano.
22Ao n te kaonoua ni bong, ao a rikoi kanaia ni kam'aiti, uoua te tai are a ririkoi mai m'aaina; aua te kiro i aon temanna. Ao a bane n roko taani kairiri n tuanga Moote te b'ai arei, 23ao e taku nako ia, “E a tia n tua te UEA b'a bon te bong ni motirawa nakon te ingabong. Te bong ae katabuaki i bukina. Kam'ai n te bong aei, akana kam tangiri ni kaburoi, ao nikiraia kam na kaawakin i bukin te ingabong.” 24Ao a kaawakin taian nikira nakon te bong are i mwiina, ao a aki roko n te buakaka ke n ino. 25Ao e taku Moote, “Kang aikai n te bong aei, b'a bon te Taabati#16.25 Taabati; Aia Taabati Iutaia are te Kaonobong. te bong aei, te bong ni motirawa ae katabuaki i bukin te UEA, ao kam na bon aki kona ni kunea te am'arake i tinanikun aia maeka. 26Kam na rikorikoi kanami i bukin onobong te bong, ma bon akea n te kaitiua ni bong are te bong ni motirawa.”
27Ao a nako tabeman b'a a na rikoi kanaia n te kaitiua ni bong, ma bon akea ae reke i rouia. 28Ao E taku te UEA nakoni Moote, “E aera ngkai kam aki kan ongo Au babaaire ngkami aika au aomata? 29Uringnga b'a I a tia n anganingkami te bong ni motirawa Ngai ae te UEA, ao bon anne bukina are I aki toki n anganganingkami iai kanami ae tau i nanon te ka onoua ni bong i bukin uabong. B'a a na bane aomata n aki nakonako man te tabo are a mena iai n te kaitiua ni bong, ma n aki kiitan aia auti.”
30Ma ngaia are a aki m'akuri aomata n te kaitiua ni bong.
31Ao a arana te am'arake arei aomata b'a te maana. #16.31 manna: N te taetae n Ebera “Tera te b'ai aei?” (Noora te kibu 15). Kaanga ai aron te ati ae mainaina, ao kaanga kanakin te bitiketi ae renganaki ma ana karewe te manibeeru. 32Ao e taku Moote, “E a tia te UEA ni mwiokoira b'a ti na kaawakin tabeua te maana, i bukiia kanoara rimwi, b'a a aonga n noora te aekaki n am'arake are E anganiira te UEA n te rereua ngke E kaotinakoira mai Aikubita.” 33Ao e taku Moote nakon Aaron, “Anaa te tiaeki, ao karin i nanona uoua te kiro te maana, ao katikua i matan te UEA b'a a na kaawakinaki i bukiia kanoara rimwi.” 34Ao Aaron, e katikua i matan te Atiniberita, b'a e aonga ni kaawakinaki n aron Ana mwioko te UEA nakoni Moote. 35Ao a kang maana Iteraera i nanon 40 te ririki ni karokoa rokoia i Kanaan, are a tekateka raoi iai. 36Te b'ai n taurawawata are b'ainaki n te tai arei, e kan tii teboo ma uabwi te kirokuraem.
Currently Selected:
:
Highlight
Share
Copy
Want to have your highlights saved across all your devices? Sign up or sign in