Te Otinako 17
17
Te Ran Man Te B'a
(War 20.1-13)
1Ao a kiitana te Rereua are Tin te botannaomata are Iteraera ni kabane, man te tabo teuana nakon te tabo teuana n aron ana babaaire te UEA. A maeka i Rebirim,#17.1 Rebirim: Aia kabanea n tabo Iteraera ni motirawa are e mena i marenan Taari are Uraura ao te Maunga are Tinai; e aki ataaki raoi ana tabo. ma bon akea te ran ae a na kona ni mooi iai ikekei. 2A ngurengure nakoni Moote ao a taku, “Ko na anganiira te ran b'a ti na mooi.”
Ao e taku Moote, “E aera ngkai kam a ngurengure? E aera ngkai kam kataa te UEA?” 3Ma a bon rangi ni bora n taka aomata, ma ngaia are, a boni ngurengure naba nakoni Moote, ao a taku, “E aera ngke ko kaotinakoira mai Aikubita? Ko na tiringiira ma ara ataei ao ara man n te taka?”
4Ao e kakorakora Moote n tataro nakon te UEA ao e taku, “Tera ae N nang karaoia nakoia aomata aikai? Ae a kaan karebanaai n taian atiibu.”
5Ao E taku te UEA nakoni Moote, “Kairiia tabeman taani kairiri irouia Iteraera, ao naako ri moaia aomata. Ao uota naba te oko are ko orea ngkoa te karaanga are te Naire iai. 6N na tei i m'aaim i aon te b'a are n te Maunga are Tinai. Ko na orea te b'a, ao ane na tiinako te ran man te b'a i bukin nimaia aomata.” Ao e karaoa arei Moote i mataia aia taani kairiri Iteraera.
7Ao e aranaki te tabo arei b'a Mata ao Merib'a, #17.7 Mata ao Merib'a, nanon taian ara n Ebera aikai bon “kataitai” ao “ngurengure.” i bukina ngke a ngurengure Iteraera, ao a kataa te UEA n aia titiraki ae kaangai, “E boni memena i roura te UEA ke E aki?”
Te Buaka Ma Kaain Amareka
8Ao a roko kaain Amareka ni buakaniia Iteraera i Rebirim 9Ao e taku Moote nakon Iotua, “Kairiia tabeman mm'aane b'a kam na buakaniia kaain Amareka ningabong, ao n tei i aon taubukin te tabuki ma n taua te oko are tuangai te UEA b'a n na uotia.” 10Ao e karaoa are tuangaki Iotua irouni Moote, ao e nako ni buakaniia kaain Amareka; ao Moote, Aaron ma Ura, a nako n tam'arakea te tabuki. 11Ao ngkana e katei baina Moote, ao a tokanikai Iteraera, ao ngkana e katikui baina, ao a manga moanna n tokanikai kaain Amareka. 12 Ao ngke a kakai bain Moote, ao a urakini atiibu Aaron ma Ura b'a e na tekateka i aona Moote, ao ngaiia a taui bain Moote ni kamatoa ni karokoa bungin taai. 13Ao anne aron reken tokanikain Iotua i aoia kaain Amareka.
14Ao i mwiin arei, E taku te UEA nakon Moote, “Koroi taekan te tokanikai aei ao warekia nakon Iotua. I tangiriia kaain Amareka b'a a na mauna nako taekaia n aki toki.” 15Ao e katea te baonikarea Moote, ao e aranna ni kaangai, “Bon au man n tokanikai te UEA.” 16Ao e taku, “katioa i eta Ana mani n tokanikai te UEA.” E na bon teimatoa te UEA ni buakaniia kaain Amareka.
Currently Selected:
Te Otinako 17: KNVB
Highlight
Share
Copy
Want to have your highlights saved across all your devices? Sign up or sign in
Te Otinako 17
17
Te Ran Man Te B'a
(War 20.1-13)
1Ao a kiitana te Rereua are Tin te botannaomata are Iteraera ni kabane, man te tabo teuana nakon te tabo teuana n aron ana babaaire te UEA. A maeka i Rebirim,#17.1 Rebirim: Aia kabanea n tabo Iteraera ni motirawa are e mena i marenan Taari are Uraura ao te Maunga are Tinai; e aki ataaki raoi ana tabo. ma bon akea te ran ae a na kona ni mooi iai ikekei. 2A ngurengure nakoni Moote ao a taku, “Ko na anganiira te ran b'a ti na mooi.”
Ao e taku Moote, “E aera ngkai kam a ngurengure? E aera ngkai kam kataa te UEA?” 3Ma a bon rangi ni bora n taka aomata, ma ngaia are, a boni ngurengure naba nakoni Moote, ao a taku, “E aera ngke ko kaotinakoira mai Aikubita? Ko na tiringiira ma ara ataei ao ara man n te taka?”
4Ao e kakorakora Moote n tataro nakon te UEA ao e taku, “Tera ae N nang karaoia nakoia aomata aikai? Ae a kaan karebanaai n taian atiibu.”
5Ao E taku te UEA nakoni Moote, “Kairiia tabeman taani kairiri irouia Iteraera, ao naako ri moaia aomata. Ao uota naba te oko are ko orea ngkoa te karaanga are te Naire iai. 6N na tei i m'aaim i aon te b'a are n te Maunga are Tinai. Ko na orea te b'a, ao ane na tiinako te ran man te b'a i bukin nimaia aomata.” Ao e karaoa arei Moote i mataia aia taani kairiri Iteraera.
7Ao e aranaki te tabo arei b'a Mata ao Merib'a, #17.7 Mata ao Merib'a, nanon taian ara n Ebera aikai bon “kataitai” ao “ngurengure.” i bukina ngke a ngurengure Iteraera, ao a kataa te UEA n aia titiraki ae kaangai, “E boni memena i roura te UEA ke E aki?”
Te Buaka Ma Kaain Amareka
8Ao a roko kaain Amareka ni buakaniia Iteraera i Rebirim 9Ao e taku Moote nakon Iotua, “Kairiia tabeman mm'aane b'a kam na buakaniia kaain Amareka ningabong, ao n tei i aon taubukin te tabuki ma n taua te oko are tuangai te UEA b'a n na uotia.” 10Ao e karaoa are tuangaki Iotua irouni Moote, ao e nako ni buakaniia kaain Amareka; ao Moote, Aaron ma Ura, a nako n tam'arakea te tabuki. 11Ao ngkana e katei baina Moote, ao a tokanikai Iteraera, ao ngkana e katikui baina, ao a manga moanna n tokanikai kaain Amareka. 12 Ao ngke a kakai bain Moote, ao a urakini atiibu Aaron ma Ura b'a e na tekateka i aona Moote, ao ngaiia a taui bain Moote ni kamatoa ni karokoa bungin taai. 13Ao anne aron reken tokanikain Iotua i aoia kaain Amareka.
14Ao i mwiin arei, E taku te UEA nakon Moote, “Koroi taekan te tokanikai aei ao warekia nakon Iotua. I tangiriia kaain Amareka b'a a na mauna nako taekaia n aki toki.” 15Ao e katea te baonikarea Moote, ao e aranna ni kaangai, “Bon au man n tokanikai te UEA.” 16Ao e taku, “katioa i eta Ana mani n tokanikai te UEA.” E na bon teimatoa te UEA ni buakaniia kaain Amareka.
Currently Selected:
:
Highlight
Share
Copy
Want to have your highlights saved across all your devices? Sign up or sign in