Te Otinako 31
31
Rineakiia Betarera ao Ooriaba Iroun te UEA
(Te Oti 35.30—36.1)
1E taku te UEA nakon Moote:
2I a tia n rinea Betarera#31.2 Betarera: N te Ebera “Betarera, natin Uri te mm'aane ao tibun Ura te mm'aane”. are kaain barongan Iuta b'a e na karaoa te Um'antabunrianna ma b'aina nako. 3I aki ti kaonna n Tamneiu 4ma I a tia naba n anganna te wanawana are na karikia b'a te tia karaob'ai ngaia, 5ae bairaoi are na karaoa te b'ai man te koora, te tirewa, te buraonti, te atiibu, ao te kai. 6I a tia n rinea Ooriaba#31.6 Ooriaba: N Ebera Ooriaba bon natin Aitamaka te mm'aane. are kaain te baronga are Taan b'a e na m'akuri ma ngaia, ao I a tia n anga naba te konab'ai ni karaob'ai nakoia aomata nako aika na buokiia ni karaoi b'aai nako aika I a tia ni mwiokoingkami iai n aron aikai: 7te Um'antabunrianna ma b'aina nako, te Atiniberita ma te tabo n akoi, te taibora ma b'ain aona nako, 8te taura ma b'aina nako, baonikarean te b'ai ni kaboiarara are e kaakabubuaki, te baonikarea i bukin taian karea ma b'aina nako, 9te boora are te buraonti ma kainteina, kunnikaiia ibonga aika a tamaroa i bukiia Aaron ma natina mm'aane, 10te b'a ni katabutabu ao te m'akuri ni katabutabu, 11ao te b'ai ni kaboiarara are e kaakabubuaki i bukin te Tabo are e Tabu.
Tuan Te Taabati
12E tuangiia Iteraera Moote ana taeka te UEA are E taekinna ae kaangai: 13Bon au b'ai te Taabati.#31.13 Taabati; Aia Taabati Iutaia are te Kaonobong. I tuangkami ngkai ma ami kariki nako b'a kam na ongotaeka n taai nako nakon tuan nako te Taabati.
I bukin karaoan aei i Rou, b'a kam aonga n ataia b'a I a tia n rineingkami b'a au aomata ni koaua. 14Karika te bong ae te Taabati b'a te bong ae tabu. 15Onobong ami bong ni karaoi ami m'akuri, ma Au b'ai te Taabati, ao e na riai n tiku b'a te bong ni motirawa. Kam na aki atongaki b'a Au aomata ngkana kam m'akuri n te Taabati, ao kam na kamateaki.
16A riai roro nako i aon Iteraera ni karinea te Taabati. 17E riki te bong aei n taai nako b'a te tia kauring, nako Iu ao nako ia naba Iteraera, b'a I karaoi taiani karawa ma aonnaba i nanon onobong, ao I motirawa ma ni katoka kuau n te kaitiua ni bong.
18Ngke bane ana taeka te Atua nakon Moote i aon te Maunga are Tinai, ao E anganna taian atiibu aika uoua aika raababa aika E a tia ni korei i aoia ana tua ni kabane, n oin tabonibaina.
Currently Selected:
Te Otinako 31: KNVB
Highlight
Share
Copy
Want to have your highlights saved across all your devices? Sign up or sign in
