Karikani B'aai 36
36
Ana kariki Etau
1Ao aikai kanoan Etau, ake a aranaki naba b'a Etom. 2Ao e iein Etau ma ainen Kanaan are Nei Ata are natin Eron te Itaite, Ooribam'a are natin Ana te mm'aane, are tibun Tibeon te Iwaite, 3ao Nei Batemata, natin Itimaera te aine are m'anen naba Neb'aiota. 4Natin Etau te mm'aane ma Nei Ata bon Eribati, ao natina te mm'aane ma Nei Batemata bon Reuera, 5ao natina te mm'aane ma Nei Ooribam'a bon Ieuti, Iaram, ao Kora. Bon natin Etau aikai ake a bungiaki n te aba are Kanaan.
6Ao e anaiia buuna, ma natina mm'aane ma natina aine, ma kaain ana auti ni kabane, n reitaki naba ma ana nanai ni man aika kawakawa ma ana b'ai ni kabane ake a reke i rouna n te aba are Kanaan, ao e a nako ni kararoa ma tarina are Iakob'a nakon te aba teuana. 7E kitana ikekei i bukina ngke e aki tau te aba are e maeka iai ma tarina are Iakob'a, a bon rangi ni m'aiti aia nanai ni man n te aro are aki kona ni uaia ni maeka ni bootaki. 8Ma ngaia are, e a maeka Etau n te aba are tabukibuki i Etom.
9Ao aikanne kanoan Etau are aia bakatibu kaain Etom. 10Ana kariki Etau ma Nei Ata bon ti temanna natiia te mm'aane b'a Eribati, 11Ao e karikiia niiman mm'aane Eribati aika: 12Teman, Oma, Teboo, Katam, ao Kenati. Ao i roun buuna are temanna are Nei Timna, 13e a manga karika natina te mm'aane are Amareka.
E riki natin Etau temanna te mm'aane are Reuera iroun buuna are Nei Batemata, ao Reuera, e karikiia aman natina mm'aane aika: Naata, Tera, Tiamma, ao Mita.
14Ao e karikiia natina teniman mm'aane Iakob'a i roun buuna are Nei Ooribam'a are tibun Ana te aine, aika: Ieuti, Iaram, ao Kora.
15Ao bon aikai taian baronga ake kanoan Etau. Aikai baronga ake kanoan natin Etau te karimoa are Eribati: Taman, Oma, Teboo, Kenati, 16Kora, Katam, ao Amareka. Aikai ake a riki mairouia kanoan Etau ma buuna are Nei Ata. 17Aikai baronga ake aia bakatibu natin Etau te mm'aane are Reuera: Naata, Teera, Tamm'a, ao Mita. Aikai kanoan Etau ma Nei Batemata.
18Ao aikai baronga ake a riki mairoun Etau ma buuna are Nei Ooribam'a are natin Ana te aine: Ieuti, Iaram, ao Kora. 19A bane n riki baronga aikai mairoun Etau.
20A bwenauaaki kaain te aba are Etom nakon aia baronga ni kaineti ma aia bakatibu n aron aikai:
21Teira are te I-Oraite: Rotan, Tiobara, Tibeon, Ana, Rition, Etera, ao Ritan.
22Aia bakatibu kaain te kaainga are Ori, ao Eman bon Rotan. (M'anen Rotan bon Nei Timna.)
23Aia bakatibu kaain te kaainga ake Arewan, Manaata, Eeb'ara, Teboo, ao Onam bon Tobara. 24Iai uoman natin Tibeon mm'aane b'a Aia ao Ana. (Aio Ana are e kunea te koburake n ran ae e kabuebue n te rereua ngke e tabe n tararuai ana nanai n aati tamana.) 25Ana bon taman Rition are aia bakatibu taian kaainga ake Emtan, Etib'an, Iteran, ao Keran. 26Ao bon iai naba natin Ana te aine ae arana Nei Ooribam'a.
27Etera bon aia bakatibu baronga ake Birean, Taawan, ao Akan.
28Ritian bon aia bakatibu baronga ake Uti ao Aran.
29Aikai aia baronga taian Oraite ake a mena n te aba are Etom: 30Rotan, Tiobara, Tibeon, Ana, Rition, Etera, ao Ritian. 31Aikai araia taian uea ake a tautaekana te aba are Etom i m'aain reken uean Iteraera. 32Bera are natin Beoa man te kaawa are Rinaba 33Iobaba are natin Teera man te kaawa are Botira 34Utiam man te tabo are Teman 35Atata are natin Betata man te kaawa are Awita (Are e kataenikaia I-Miria n te buaka n te aba are Moaaba) 36Tamra mai Matireka 37Taura mai Reobota are n te karaanga 38Baara Aanan are kaain Akebora 39Atata mai Bau (Are buun Nei Meetabera, are natin Matereta, ao tibun Metaaba.)
40Aikai araia bakatibu aika a riki mairoun Etau, ao a aranaki n araia aia utu ma aia tabo are a mamaeka iai. Timna, Arewa, Ieteta, 41Ooribam'a, Era, Binon, 42Kenati, Teman, Mibeta, 43Makeriera, ao Iram. A riki baronga aikai mairoun Etau, are bon Etom, are tamaia te naa n I-Etom. A karekei araia man aran aia tabo ake a mamaeka iai.
Currently Selected:
Karikani B'aai 36: KNVB
Highlight
Share
Copy
Want to have your highlights saved across all your devices? Sign up or sign in
