Nakoaia Ibonga 16
16
Bongin Te Kab'arabure
1E taetae te UEA nakoni Moote ngke a tia ni mate uoman m'aane natin Aaron, ake a tiringaki ngke a anga te ai are aki tabu nakon te UEA. 2E taku te UEA, “Tuanga tarim are Aaron b'a e na aki rin i nanon te Tabo are Moan te Tabu n te tai n aki akaaka, i bukina b'a anne te tabo are I kaoti iai n te nang i aon matan te Atiniberita. Ngkana e aki ongotaeka ao e na tiringaki. 3Ko na riai n anga te kaom'aane b'a te karea i bukin am bure nako#16.3 i bukin am bure nako: Noora 4.3-12. ao te tiibu m'aane i bukin te karea are kakukureiau #16.3 karea are kakukureiau: Noora 1.1-3. ngkana ko na rin te tabo are Moan te Tabu aei.”
4Ao E anga te UEA kaetieti aikai. I m'aain rinin Aaron nakon te Tabo are Moan te Tabu, e na riai moa n tebotebo ao e na karina kunnikaina n ibonga: te niiniira ao te kawaerake, te bare, ao te m'aita. 5Ao e riai te bootaki n Iteraera n anga uoman taiani kooti aine i bukin te karea ni kab'arabure ao i bukin te karea ni kabuokaki. 6E na riai n anga te kaom'aane i bukin te karea i bukin kab'araan aia bure kaain ana utu. 7Ao i mwiina, e na uoti kooti akana uoman akanne nakon mataroan ana Um'antabunrianna te UEA ike E mena iai. 8Ao e na karaoa te kaiwa #16.8 te kaiwa: Irouia Ebera e karaoaki te kaiwa man uoua te atiibu ke m'akoro ni kai b'a karekean ana kaantaninga te UEA irouia i bukin te b'ai ae a na karaoia. ikanne, n atiibu aika uoua, te atiibu teuana e m'aakenaki “i bukin te UEA,” ao are teuana i bukin “Ataera”.#16.8 Ataera: Antin te rereua. 9E na riai Aaron n anga te karea are e rineaki n te kaiwa are te karea ni kab'arabure. 10Te kooti are e reke b'a ana b'ai Ataera e na kaotaki ni kamaiuaki nakon te UEA, ao e na kabirinakoaki nako nanon te rereua nakon Ataera, b'a e na uoti nako aia bure aomata.
11Ngke e anga te karea Aaron are te karea ni kab'arabure bon i bukina ma ana utu, 12e na riai n anaa baanin te ai ae e on n te kooro ae e ura man te baonikarea, ao uaabuata te b'ai ni kaboiarara are e kaakabubuaki, ao e na uoti nakon te Tabo are Moan te Tabu. 13E na kaaki te b'ai ni kaboiarara are e kaakabubuaki i aon te ai i matan te UEA, ao e na waerake bubuna n taona aon matan te Atiniberita b'a e aonga n aki mate. 14E na anaa teutana raraan te kaom'aane n tabonibaina, #16.14 tabonibaina: Te tabonibai are e kokotokoto man te angaatai. ao e na kaitiua tataaurian etan tani mainikun te Atiniberita iai. #16.14 kaitiua... te Atiniberita iai: E taauriaki mai eta ma te kantaninga b'a e timraki aon ao rarikin te Atiniberita n tanimainiku, ao aontano naba. E kaineta mainiku te Atiniberita n taai nako i nanon te Um'antabunrianna.
15I mwiin anne, e na tiringa te kooti i bukin kab'araan aia bure aomata, ao e na uota raraana nakon te Tabo are Moan te Tabu, ao e na taataauria aon matan te Atiniberita, ao i mwiina, nanoaan te Atiniberita, n aron are e karaoia naba ma raraan te kaom'aane. 16Ao e na waakinaki te bootaki n aron anne i bukin kaitiakan te Tabo are Moan te Tabu man kam'araia Iteraera ao man aia bure ni kabane. E riai ni karaoa aei nakon te Um'antabunrianna naba kioina b'a e tei i nuukan te maeka, are e bon aki itiaki. 17E na riai n akea te aomata i nanon te Um'antabunrianna n te tai are e tuai n rin iai Aaron n te Tabo are Moan te Tabu b'a e na karaoa te kaitiaki ni karokoa otinakona. Ngkana e tia ni karaoa te waaki ni kaitiaki i bukina ma ana utu, 18ao e na manga otinako nakon te baonikarea are b'aini kabuokan taiani karea, ao e na kaitiakia. E na riai ni uota teutana raraan te kaom'aane, ao teutana raraan te kooti, ao e na kaaki teutana i aon koron koonan te baonikarea. 19E na tatauriia teutana te raraa nako aon te baonikarea itiua te tai. Ao e na kaitiaka te baonikarea n te aro anne man aia bure Iteraera ao e na manga katabua.
20Ngkana ko a tia ni kaitiaka te Tabo are Moan te Tabu, te Um'antabunrianna, ao te baonikarea are te buraonti, ko na uota te kooti ni kamaiua nako matan te Um'antabunrianna. 21Ao ko na katokai baim i aona ikekei, ngke ko tabe ni kaoti aia bure aomata ake a tia ni karaoi, ao ko na rinea temanna are e na kaira te kooti nakon te rereua, b'a e aonga ni uotinako aia bure nako. 22Ao n tokina te kooti e na uoti nako rawaawatan aia bure Iteraera ma ni kab'akai i kabin te rereua. 23Ao i mwiina, e na nako Aaron n rin n te Um'antabunrianna, e na buuta te kunnikai n ibonga are e a tia ni karinna i m'aain rinna n te Tabo are Moan te Tabu, ao e katikui ana kunnikai ikekei. 24E na tebokia i nanon te Tabo are e tabu ao e na karina are boni kunnikaina. Ao i mwiin anne, e na otinako n anga te karea ni kabuokaki i bukin kanakoan oin ana bure ao aia bure aomata. 25E na waerake bubun nenean taiani karea aikai i aon te baonikarea te buraonti.
26E na tebokia naba te aomata are e kaira te kooti nakon te rereua ma ni kanakoa nakon te anti are Ataera, ao e na uatiia naba kunnikaina i m'aain okiran te maeka i rouna. 27A na uotaki nikiran b'ain te kaom'aane ao raraan te kooti are e uotaki raraana nakon te tabo are Moan te Tabu, ao e na manga uotaki ni kaotinakoaki i tinanikun te maeka ma ni kabuokaki. 28E na riai n tebotebo te aomata ma n onika kunnikaina i m'aain okina nakon te maeka.
E tua te UEA nakoni Moote b'a e na tuangiia aomata ni kaangai:
29Ni katebwinan bongin te kaitiua n nam'akaina: kam na aki am'aam'arake ni kaota nanokawakimi i bukin ami bure, bon akea temanna, n reitaki naba ma Ianena akana a maeka i buakomi, ao akea naba temanna ae kariaiakaki ni m'akuri. 30Aio te bong are e na karaoaki iai te angakarea i bukin kab'araan ami bure i matau, 31ao man te tai aei, e na bukamaruaki ni katoa ririki. Kam na aki am'aam'arake ma ni karika te bong aei b'a te bong ni motirawa n aron te Taabati. 32E na riai n anga ana karea te ibonga are e rietaata i bukin kab'araan te bure, ao e na kunnikainna n taian riinen aika tabu. 33E na anga taiani karea aikai i bukin te Tabo are Moan te Tabu n te Um'antabunrianna, ao te baonikarea are te buraonti, ibonga ni kabane ao te bootaki ni Iteraera. 34Kam na riai ni bukamarua te bong aei ni katoa ririki b'a boni Bongin Te Kab'ara Bure i bukin aia bure Iteraera ni kabane.
E karaoi raoi b'aai ni kabane ake e tuangaki Moote iroun te UEA.#16.34 Bongin Te Kab'ara Bure Ae E Kakannato: Ti teuana karaoan te toa aei n te ririki
Currently Selected:
Nakoaia Ibonga 16: KNVB
Highlight
Share
Copy
Want to have your highlights saved across all your devices? Sign up or sign in