Sam 4
4
Sam Krapwx (4)
Abrtrpzmu Drtwrmu Mz Gct
Nabz ne Devet.
Gct Rnge
1Gct, ayzlum nzkrka'-krnge,
Murde dwaki-zvzme bange.
X mzli kc tqkxpu-ngrne, okatrq ninge.
Delc naycngr mz drtwrm ninge x naxlr-ngrme natqnge.
Kxnzmnc-mrbrng
2?Nimu leplz, myx mzli kx naesakingr nzatrkati-krmu nzmyalz-krnge?
?X myx mzli kx naesakingr nzmrlzkr bamu da kx ngi brmrda x nzpokiangr?
3Murde nakrlzamu kx Yawe mcpxle nigr leplz kxnztubqng kx nanginedeng.
X mzli kc nakrka'-ngrbo bade, sa na-ayzlumle natqnge.
4Bzkq nabztq ngr nelzmu mailzle nimu mz alwx.
A' na-aoti drtwrmu nqmq krmu mz nzyrbq-lrpi-krmu mz nelvq nyzmu mz nrlckxbq. #Efiszs 4:26
5Zbz na-abrtrpzmu drtwrmu bade,
X nakabzmu bade blz, mz nzvz-nqblq-krgu natq kc tqkapxmle bagu.
Gct Rnge
6Yawe, leplz nemqng nzkqlung kx nzrpimlr bange kx, “?Myx mzli kx namnc-zpwx-ngrgu?”
Delc tqkrka'-ngrbo kx na-amrlzq nigr.
7Murde mzli kc tqamrlz-ngrn ninge, abrtz-zlwzx
Myaszpxle nzabrtzkr leplz kx dakxnzng nadr x waen mqdr kqlu.
8Mzli kc tqyrbq-ngrne, mwi-angidrx mz nrlckxbq,
Murde nim kx aclve-zpwxle ninge.
Currently Selected:
Sam 4: ntu
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.