Genesi 50
50
Kuʋigwa kwaJakobo, nokufa kwaJosefa.
1Ɀino Josefa akawira pamsoro peciso caɓaɓa ʋake, akacema pamsoro pake, akamuȿeta. 2Josefa akaraira ʋaranda ʋake dzakaŋga dziri ŋaŋga, kuti dzisasike ɓaɓa ʋake, ŋaŋga dzikasasika Israeri. 3Ʋakapedza mazuʋa makumi manna naye, nokuti ndiwo aiʋa mazuʋa okusasika; naʋaEgipita ʋakamucema mazuʋa makumi manomŋe.
4Ɀino mazuʋa okucema akati apera, Josefa akataura naʋeimba yaFarao, akati: Ɀino kana ndawana nyasha kwamuri, ɗoreʋai munzeʋe dzaFarao, muti: 5Ƃaɓa ʋaŋgu ʋakandipikisa, ʋaciti: Tarira, ndofa; mubgiro bgandakaɀicerera munyika yeKanani, ndi’mo maunofanira kundiʋiga’mo. Naiɀoɀo ɀino ɗonditenderai henyu kuti ndikwire, ndindoʋiga ɓaɓa ʋaŋgu, ndigodzoka. 6Farao akati: Kwira, undoʋiga ɓaɓa ʋako, seɀaʋakakupikisa. 7Ipapo Josefa akakwira kundoʋiga ɓaɓa ʋake, naʋaranda ʋose ʋaFarao ʋakakwira naye, ʋakuru ʋeimba yake, naʋakuru ʋenyika yeEgipita, 8naʋeimba yose yaJosefa, naʋana ʋaɓaɓa ʋake, naʋeimba yaɓaɓa ʋake; asi pxere dzaʋo dzoga, namakwai aʋo, neŋombe dzaʋo, ʋakaɀisiya panyika yeGosheni, 9ŋgoro naʋataȿi ʋamabiza ʋakakwira ʋo naye, rikaʋa ɓoka guru‐guru. 10Ʋakaȿika paɓuriro raAtadi, riri mhiri kwaJoridani, ʋakamucema’po nokucema kukuru kwaɀo; akacema ɓaɓa ʋake mazuʋa manomŋe. 11Ɀino ʋanhu ʋaigara panyika yeKanani ʋakati ʋaciʋona kucema ikoko paɓuriro raAtadi, ʋakati: Kucema uku kukuru ndokwaʋaEgipita; naiɀoɀo nɀimbo iyo ikatumidzwa Aberi‐mizraimi, iri mhiri kwaJoridani. 12Ʋanakomana ʋake ʋakamuitira seɀaakaŋga aʋaraira; 13nokuti ʋanakomana ʋake ʋakandomuisa kunyika yeKanani, ʋakamuʋiga muɓako romunda weMakpera, riya rakateŋgwa naAbrahama, pamŋe cete nomunda kunaEfroni muHeti, pakatarisana neMamre, kuti ɀiʋe ɀake, iʋe nɀimbo yake yokuʋiga.
14Ɀino Josefa wakati aʋiga ɓaɓa ʋake, akadzokera Egipita, iye naʋakoma ʋake, naʋose ʋakaŋga ʋakwira naye kundoʋiga ɓaɓa ʋake. 15Ɀino ʋakoma ʋaJosefa ʋakati ʋaciʋona kuti ɓaɓa ʋaʋo ʋafa, ʋakati: Ɀimŋe Josefa ucatiʋeŋga, nokutitsiʋa kwaɀo ɀakaipa ɀose ɀatakamuitira. 16Naiɀoɀo ʋakatuma shoko kunaJosefa, ʋaciti: Ƃaɓa ʋenyu ʋakaraira, ʋasati ʋafa, ʋaciti: 17Taurai naJosefa, muti: Ɀino ɗokaŋganwirai henyu kutadza kwaʋakoma ʋenyu; neɀiʋi ɀaʋo, nokuti ʋakakuitirai ɀakaipa; ɀino ɗokaŋganwirai kutadza kwaʋaranda ʋaMŋari waɓaɓa ʋenyu. Josefa akacema pakutaura kwaʋo naye. 18Ʋakuru ʋake ʋakaenda ʋo, ʋakawira pasi pamberi pake, ʋakati: Tarirai, tiri ʋaranda ʋenyu. 19Josefa akati kwaʋari: Musatya, nokuti ini ndiri pacigaro caMŋari here? 20Kana muri’mi, makandifuŋgira ɀakaipa, asi Mŋari wakafuŋga kuti ɀiʋe ɀakanaka, kuti ɀiitwe seɀinoitwa nhasi, kuti ʋanhu ʋazhinji ʋararamiswe. 21Naiɀoɀo ɀino musatya: ndicakuceŋgetai, nepxere dzenyu. Akaʋanyaradza, akataura naʋo nomŋoyo wakanaka.
22Josefa akagara Egipita, iye naʋeimba yaɓaɓa ʋake; Josefa akagara makore anezana negumi. 23Josefa akaʋona ʋana ʋaEfraimi ʋorudzi rwecitatu, naʋana ʋaMakiri, mŋanakomana waManase, ʋakaɓerekerwa pamabvi aJosefa. 24Josefa akati kuhama dzake: Ndofa, asi Mŋari ucakumutsai ɀirokwaɀo, nokukuɓuɗisai panyika ino, muende kunyika yaakapikira Abrahama, naIsaka, naJakobo. 25Josefa akapikisa ʋana ʋaIsraeri, akati: Mŋari ucakumutsai ɀirokwaɀo, nemi mutakure mafupa aŋgu abve pano. 26Ipapo Josefa akafa, aʋa namakore anezana negumi; ʋakamusasika, akaiswa mubokisi paEgipita.
Currently Selected:
Genesi 50: SUB1949
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1949, 2018
