Exodo 1
1
Dimnadaklan nang mga taw i mga Israelita temed ipiyabetang na sira it ega magayen
1Itu nga muꞌsa i mga anak ni Jacob nga iba ya ngaytit nagꞌandaꞌ duꞌut Egipto, uyut i mga kaꞌanakan nira. 2-4Mga anak ngayti ni Jacob, si Ruben, si Simeon, si Levi, si Juda, si Isacar, si Zabulon, si Benjamin, si Dan, si Neftali, si Gad baw si Aser. 5Pitung puluꞌ sira nga muꞌsa i nagꞌandaꞌ duꞌut Egipto, puyrat ki Jose ka duꞌun kanya nang lagi.
6Iyan naꞌlay na, natay na si Jose, mga sulsug ya baw mga kaꞌebay-ebayan nira. 7Temed kadakel it mga kaꞌanak-anakan ni Israel ngayti nga pagtaꞌwagen nga mga Israelita, talagang magsisigi nay pandakel nira. Banwa ngayti nga piyaꞌandaꞌan nira, magꞌalinaynay na nga matuud, ka magpandakel na sira nga banar seked it talagang dadaklan na.
8Iyan naꞌlay nang naꞌlay, may nakapagꞌadiꞌ na duꞌun it Egipto ngayti nga ega pagkilalaen ya i pasar it ki Jose ngayti. 9“Ungaytu,” maat ya it mga kabanwa ya ngayti nga taga Egipto, “talagang subraꞌ nang dadaklan i mga Israelita ngaytu, nga makuriꞌ na nga mabegbegan ta. 10Kaꞌilangan ipaꞌabwatay tami i pikiran ta isaꞌun mapeꞌtek tami i pandakel nira ngaytu. Ka in beteꞌ mabut nga rumpakan tami it mga kalaban ta, barang kumampiꞌ i mga Israelita ngaytu it mga manrumpak ngayan. Daꞌga sikayan makalꞌid na sira situt Egipto ngaytu?”
11Aypaꞌ miniliꞌ sira it mga taw nga maꞌiꞌiseg nga mamaalaꞌ it mga Israelita ngayti, ka ipabetang nira nat ega magayen, uripnen na baw sariyan nat pakuriꞌ. Ipiyabwat it adiꞌ ngaytit Egipto it mga Israelita i duwa nga siyudad, Pitom baw Rameses, siyudad nga lagkawan it pangaꞌen baw kamanggadan ya. 12Temed ta, maski na maat pagpakuriꞌan, magdadakel-dadakel gat meget i mga Israelita ngayti, baw magpanlekep na sira sikayting banwa. Subraꞌ na nga magꞌiꞌlam i mga taga Egipto it mga Israelita ngayti. 13Aypaꞌ ka inigpitan na nirat kamatuudan i mga Israelita nga pagpabwaten na it mabeꞌgat baw makuriꞌ na nga buwaten. 14Talagang pagpakuriꞌan na nirang banar i mga Israelita ngayti kat ipagreges nang pamwat it buwat-buwat it balay nga pagpadsenen nga lugtaꞌ. Atnagay buwaten duꞌut kaꞌuꞌumaan.
15May esang aldaw nga ipiyatawag it adiꞌ ngayti i duwang kababayan, si Sifra baw si Pua, nga mga panday it mga Israelita ngayting mga Hebreo, ka inurdinan ya sira. Maat ya, 16“Kamu nga mga panday, basta mamanday kamu duꞌun it mga Hebreo, basta sumakit, lalaki, puꞌtun mi isaꞌun matay. Temed in babay, pataꞌnan mi lamang nga maꞌgen.” 17Temed sabap it may iꞌlam nira it Ampuꞌang Diyus, ega siyunud it mga panday ngayti i ipiyagꞌurdin ngaytit adiꞌ it kanira. Ega naga pagꞌimatayen nira, maski lalaki i sumakit. 18Aypaꞌ ipiyatawag siꞌ sira it adiꞌ ngayti ka iningkut ya nga magꞌaat, “Unuka ega pagꞌimatayen mi i mga lalaki nga ipagpanganak it mga Hebreo?”
19Katubag i duwa ngayti, maat nira, “Iyan mga Hebreo nga babay, daꞌsira subung it mga taga Egipto nga babay. Ka makulaꞌsi sira baw marway i kanira nga panganak. Kamatuudan, abutan namen yan, simnakit na.”
20Talagang ega magkapaar i pandakel it mga Israelita. Baw yay matuud, mga panday ngayti, inildawan sira it Ampuꞌang Diyus. 21Ka sabap it may iꞌlam nira ngayti it kanya, inildawan ya sira it nagmaꞌanaken sira gasit kanira.
22Ta it atkayti, ipiyagꞌurdin na it adiꞌ it muꞌsang mga sinakepan ya, nga magꞌaat, “Iyan kada lalaki nga ipanganak it mga Hebreo, ibuntal mi duꞌun it danum it Nilo. Takaꞌ in babay, pataꞌnan mi lamang nga egen sira.”
Pagpanganak it ki Moises
[Mga 1542 B.C.]
Currently Selected:
Exodo 1: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 1
1
Dimnadaklan nang mga taw i mga Israelita temed ipiyabetang na sira it ega magayen
1Itu nga muꞌsa i mga anak ni Jacob nga iba ya ngaytit nagꞌandaꞌ duꞌut Egipto, uyut i mga kaꞌanakan nira. 2-4Mga anak ngayti ni Jacob, si Ruben, si Simeon, si Levi, si Juda, si Isacar, si Zabulon, si Benjamin, si Dan, si Neftali, si Gad baw si Aser. 5Pitung puluꞌ sira nga muꞌsa i nagꞌandaꞌ duꞌut Egipto, puyrat ki Jose ka duꞌun kanya nang lagi.
6Iyan naꞌlay na, natay na si Jose, mga sulsug ya baw mga kaꞌebay-ebayan nira. 7Temed kadakel it mga kaꞌanak-anakan ni Israel ngayti nga pagtaꞌwagen nga mga Israelita, talagang magsisigi nay pandakel nira. Banwa ngayti nga piyaꞌandaꞌan nira, magꞌalinaynay na nga matuud, ka magpandakel na sira nga banar seked it talagang dadaklan na.
8Iyan naꞌlay nang naꞌlay, may nakapagꞌadiꞌ na duꞌun it Egipto ngayti nga ega pagkilalaen ya i pasar it ki Jose ngayti. 9“Ungaytu,” maat ya it mga kabanwa ya ngayti nga taga Egipto, “talagang subraꞌ nang dadaklan i mga Israelita ngaytu, nga makuriꞌ na nga mabegbegan ta. 10Kaꞌilangan ipaꞌabwatay tami i pikiran ta isaꞌun mapeꞌtek tami i pandakel nira ngaytu. Ka in beteꞌ mabut nga rumpakan tami it mga kalaban ta, barang kumampiꞌ i mga Israelita ngaytu it mga manrumpak ngayan. Daꞌga sikayan makalꞌid na sira situt Egipto ngaytu?”
11Aypaꞌ miniliꞌ sira it mga taw nga maꞌiꞌiseg nga mamaalaꞌ it mga Israelita ngayti, ka ipabetang nira nat ega magayen, uripnen na baw sariyan nat pakuriꞌ. Ipiyabwat it adiꞌ ngaytit Egipto it mga Israelita i duwa nga siyudad, Pitom baw Rameses, siyudad nga lagkawan it pangaꞌen baw kamanggadan ya. 12Temed ta, maski na maat pagpakuriꞌan, magdadakel-dadakel gat meget i mga Israelita ngayti, baw magpanlekep na sira sikayting banwa. Subraꞌ na nga magꞌiꞌlam i mga taga Egipto it mga Israelita ngayti. 13Aypaꞌ ka inigpitan na nirat kamatuudan i mga Israelita nga pagpabwaten na it mabeꞌgat baw makuriꞌ na nga buwaten. 14Talagang pagpakuriꞌan na nirang banar i mga Israelita ngayti kat ipagreges nang pamwat it buwat-buwat it balay nga pagpadsenen nga lugtaꞌ. Atnagay buwaten duꞌut kaꞌuꞌumaan.
15May esang aldaw nga ipiyatawag it adiꞌ ngayti i duwang kababayan, si Sifra baw si Pua, nga mga panday it mga Israelita ngayting mga Hebreo, ka inurdinan ya sira. Maat ya, 16“Kamu nga mga panday, basta mamanday kamu duꞌun it mga Hebreo, basta sumakit, lalaki, puꞌtun mi isaꞌun matay. Temed in babay, pataꞌnan mi lamang nga maꞌgen.” 17Temed sabap it may iꞌlam nira it Ampuꞌang Diyus, ega siyunud it mga panday ngayti i ipiyagꞌurdin ngaytit adiꞌ it kanira. Ega naga pagꞌimatayen nira, maski lalaki i sumakit. 18Aypaꞌ ipiyatawag siꞌ sira it adiꞌ ngayti ka iningkut ya nga magꞌaat, “Unuka ega pagꞌimatayen mi i mga lalaki nga ipagpanganak it mga Hebreo?”
19Katubag i duwa ngayti, maat nira, “Iyan mga Hebreo nga babay, daꞌsira subung it mga taga Egipto nga babay. Ka makulaꞌsi sira baw marway i kanira nga panganak. Kamatuudan, abutan namen yan, simnakit na.”
20Talagang ega magkapaar i pandakel it mga Israelita. Baw yay matuud, mga panday ngayti, inildawan sira it Ampuꞌang Diyus. 21Ka sabap it may iꞌlam nira ngayti it kanya, inildawan ya sira it nagmaꞌanaken sira gasit kanira.
22Ta it atkayti, ipiyagꞌurdin na it adiꞌ it muꞌsang mga sinakepan ya, nga magꞌaat, “Iyan kada lalaki nga ipanganak it mga Hebreo, ibuntal mi duꞌun it danum it Nilo. Takaꞌ in babay, pataꞌnan mi lamang nga egen sira.”
Pagpanganak it ki Moises
[Mga 1542 B.C.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.