Exodo 2
2
1Kat iting timpu may sang kaꞌasawaan nga Hebreo nga kat kuyunang mga tungtung-inapuꞌ ni Levi. 2Nanganak sira it lalaki. Pagkamuya nira it talagang magaye-gayen nga waꞌwaꞌ, egay beken, itiyaguꞌ nira it seledat tulung bulan. 3Temed iyan ega na mapakay nga itaguꞌ, binwat it babay ngayti, nagbuwat it baꞌay. Pagkaꞌman linimbug ya it paparkat bawnga ibintang ya na duꞌun i waꞌwaꞌ ngayti. Idiyuꞌlung ya duꞌut kasalaysayan nga duꞌut danum it Nilo. 4Iyan babay nga akaꞌ it waꞌwaꞌ ngayti, nga si Miriam, nagpatataguꞌ duꞌut adeꞌdeng ka magtaksiꞌ in unuy mabetangan it ariꞌ ya ngayti.
5Ega naꞌlay miyabut nga mamaꞌyuꞌ duꞌut iting danum i babay nga anak it adiꞌ ngayti. Magꞌubay-ubay i mga uripen ya nga babay nga iniba ya. Sakaling naltegan it anak ngaytit adiꞌ i baꞌay ngayti nga duꞌut kasalaysayan. Aypaꞌ ka itiyaꞌeg yat sang kataawan nga uripen ya. 6Pagkakawaꞌ ya, tukaban ya, waꞌwaꞌ nga laa-lalaki nga magsugaw i betang. Ta unupat siyanguꞌan yay waꞌwaꞌ ngayti. “Siguru,” maat ya, “anak baytut esang Hebreo.”
7Ta, binwat it magtataksiꞌ nga akaꞌ it waꞌwaꞌ ngayti, minlep na duꞌut anak ngaytit adiꞌ. Maat ya, “Unu, ireg mu nga tumulus aku it babay it mga Hebreo nga paduduꞌan mu it waꞌwaꞌ ngayan?”
8“Eeꞌ,” maat i anak ngaytit adiꞌ, “sigi.” Egay beken, napanaw nay waꞌwaꞌ ngayting babay ka pinsiꞌ ya nay inaꞌ ya. 9Pagꞌabut nira, maat i anak ngaytit adiꞌ, “Epten mu i waꞌwaꞌ ngaytu. Tangdanan ku mana ikaw.” Aypaꞌ ka pagkakawaꞌ ya, tiyaban ya siꞌ duꞌut balay ka epten ya siꞌ. 10Iyan dakulaꞌ na, tiyaban ya na duꞌun it anak ngaytit adiꞌ. Talagang pabetang it anak ngaytit adiꞌ it waꞌwaꞌ ngayti, atnat ipiyagrasyaꞌ ya. Maat ya, “Ta it subuk nakuꞌmit ku lamang kanya duꞌun it danum, aypaꞌ si Moises i ipangaran kut kanya.”
Nakalꞌid si Moises duꞌut Egipto baw nagpakibanwa duꞌut Madian
11Iyan ustuꞌ na nga lalaki si Moises, may esang aldaw nga namasyar kanya duꞌun it mga kabilug ya nga mga Hebreo. Naltegan ya i kakuriꞌan nga pagsagkaꞌen it mga kabilug ya ngayti kat mga mabebeꞌgat nga buwaten nira. May naltegan ya gasiꞌ nga esang Hebreo nga pagbalbagen it esang taga Egipto. 12Pagkalteg ya, nanigmata kanya. Ta it egay taw nga beken nga naltegan ya, buwat ya, inimatay yay taga Egipto ngayti bawnga ilimbeng ya duꞌut kaꞌigsan. 13Pagꞌeyag nagpaꞌuliꞌ naga kanya. May naltegan ya nga duwang mga Hebreo nga mamagraraꞌet. Iningkut yay nagpakiraꞌet, “Unuy siyalaꞌan mut iba mu ngaytu? Unuka pagpasakitan mu i subung mu nga Hebreo?”
14“Bilaꞌ, siyuy nagpatindeg it imu nga pagbayaꞌen baw manigꞌukuman it amen? Siguru kuꞌimatayen mu gasiꞌ aku subung it binwat mu ngayan katꞌapun it taga Egipto ngayti!” maat i tubag it kanya it sang kataawan.
Miniꞌlam si Moises, pagkagneg ya kayti. “Aaꞌ, iyan palan,” kat nake-nakem ya, “nataksiꞌan naga i binwat ku ngayan it taga Egipto.”
15Pagkabaritaꞌ it adiꞌ ngayti, ireg ya nga ipaꞌimatay si Moises, temed nakapalagyu kanya. Nakaꞌbut i palagyu ya duꞌun it banwa nga pagpangaranat Madian. Pagꞌabut ya duꞌun, miyadung kanya duꞌut tepad it esang tabud. 16Ega naꞌlay, miyabut i pitung kababayan nga anak ni Reuel nga esang sasirduti duꞌut Madian ngayti. Mamagpanaꞌgeb sira ka ipaꞌinum nirat mga tupa it amaꞌ nira. 17Bawnga may miyabut nga beken nga mga manigꞌeper nga mga lalaki, baw pagsariyen na nirat dinggaw i mga tupa ngayti ni Reuel. Pagkamuya ni Moises, tiyabang ya i mga babay ngayti. Bawnga tiyabangan ya gasiꞌ it paꞌinum it mga tupa ngayting pagpaꞌimnun nira.
18Pagkaꞌuliꞌ it mga babay ngayti, iningkut sira it amaꞌ nira, “Unuka nakaꞌuliꞌ kamut semkad kayti?”
19Katubag sira, “Nakaꞌuliꞌ kami bat semkad ka daꞌkami nadaꞌeg-daꞌeg it mga manigꞌeper. Ka may timnabang it amen nga esang taga Egipto. Tiyabangan ya paꞌ kami it sumaꞌgeb baw paꞌinum it mga tupa.”
20“Ta ari na kanya?” maat i amaꞌ nira ngayti. “Unuka ega piyabayaꞌ mi situ isaꞌun makakaꞌen kanya situt aten?” Egay beken, ipiyapisiꞌ ya si Moises ngayti.
21Ta napakay ni Moises nga duꞌun nat iting mga taw i tiyaꞌidan ya. Naꞌlay na, naꞌasawa ya na si Zipora, nga esang anak ni Reuel ngayti. 22Manganak si Zipora ngayti, lalaki. Pangaranan ni Moises i anak ya ngayti, si Gersom. “Ituy ipangaran ku,” maat ya, “ka dayuꞌan aku lamang situt itung banwa.”
23Iyan naꞌlay nang naꞌlay, natay nay adiꞌ ngaytit Egipto. Temed sigi paꞌ nga panguripen it mga taga Egipto it mga Israelita duꞌun. Aypaꞌ talagang magpanganin-anin na sira baw magkapangabang na duꞌun it Ampuꞌang Diyus kat kadakulat kakuriꞌan nira ngayti. 24Nagnegan it Ampuꞌang Diyus i pangabang nira ngayti. Ega naga nalipatan yay isiyanggup ya ngayti duꞌun it mga kiyaꞌapuꞌ-apuꞌan nira nga si Abraham, si Isaac baw si Jacob. 25Aypaꞌ ka siyarunga ya i kabetangan it mga Israelita ngayti, ka magkasanguꞌan ya sira.
Nagpakikita i AMPUꞌANG DIYUS it ki Moises
[Mga 1463 B.C.]
Currently Selected:
Exodo 2: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 2
2
1Kat iting timpu may sang kaꞌasawaan nga Hebreo nga kat kuyunang mga tungtung-inapuꞌ ni Levi. 2Nanganak sira it lalaki. Pagkamuya nira it talagang magaye-gayen nga waꞌwaꞌ, egay beken, itiyaguꞌ nira it seledat tulung bulan. 3Temed iyan ega na mapakay nga itaguꞌ, binwat it babay ngayti, nagbuwat it baꞌay. Pagkaꞌman linimbug ya it paparkat bawnga ibintang ya na duꞌun i waꞌwaꞌ ngayti. Idiyuꞌlung ya duꞌut kasalaysayan nga duꞌut danum it Nilo. 4Iyan babay nga akaꞌ it waꞌwaꞌ ngayti, nga si Miriam, nagpatataguꞌ duꞌut adeꞌdeng ka magtaksiꞌ in unuy mabetangan it ariꞌ ya ngayti.
5Ega naꞌlay miyabut nga mamaꞌyuꞌ duꞌut iting danum i babay nga anak it adiꞌ ngayti. Magꞌubay-ubay i mga uripen ya nga babay nga iniba ya. Sakaling naltegan it anak ngaytit adiꞌ i baꞌay ngayti nga duꞌut kasalaysayan. Aypaꞌ ka itiyaꞌeg yat sang kataawan nga uripen ya. 6Pagkakawaꞌ ya, tukaban ya, waꞌwaꞌ nga laa-lalaki nga magsugaw i betang. Ta unupat siyanguꞌan yay waꞌwaꞌ ngayti. “Siguru,” maat ya, “anak baytut esang Hebreo.”
7Ta, binwat it magtataksiꞌ nga akaꞌ it waꞌwaꞌ ngayti, minlep na duꞌut anak ngaytit adiꞌ. Maat ya, “Unu, ireg mu nga tumulus aku it babay it mga Hebreo nga paduduꞌan mu it waꞌwaꞌ ngayan?”
8“Eeꞌ,” maat i anak ngaytit adiꞌ, “sigi.” Egay beken, napanaw nay waꞌwaꞌ ngayting babay ka pinsiꞌ ya nay inaꞌ ya. 9Pagꞌabut nira, maat i anak ngaytit adiꞌ, “Epten mu i waꞌwaꞌ ngaytu. Tangdanan ku mana ikaw.” Aypaꞌ ka pagkakawaꞌ ya, tiyaban ya siꞌ duꞌut balay ka epten ya siꞌ. 10Iyan dakulaꞌ na, tiyaban ya na duꞌun it anak ngaytit adiꞌ. Talagang pabetang it anak ngaytit adiꞌ it waꞌwaꞌ ngayti, atnat ipiyagrasyaꞌ ya. Maat ya, “Ta it subuk nakuꞌmit ku lamang kanya duꞌun it danum, aypaꞌ si Moises i ipangaran kut kanya.”
Nakalꞌid si Moises duꞌut Egipto baw nagpakibanwa duꞌut Madian
11Iyan ustuꞌ na nga lalaki si Moises, may esang aldaw nga namasyar kanya duꞌun it mga kabilug ya nga mga Hebreo. Naltegan ya i kakuriꞌan nga pagsagkaꞌen it mga kabilug ya ngayti kat mga mabebeꞌgat nga buwaten nira. May naltegan ya gasiꞌ nga esang Hebreo nga pagbalbagen it esang taga Egipto. 12Pagkalteg ya, nanigmata kanya. Ta it egay taw nga beken nga naltegan ya, buwat ya, inimatay yay taga Egipto ngayti bawnga ilimbeng ya duꞌut kaꞌigsan. 13Pagꞌeyag nagpaꞌuliꞌ naga kanya. May naltegan ya nga duwang mga Hebreo nga mamagraraꞌet. Iningkut yay nagpakiraꞌet, “Unuy siyalaꞌan mut iba mu ngaytu? Unuka pagpasakitan mu i subung mu nga Hebreo?”
14“Bilaꞌ, siyuy nagpatindeg it imu nga pagbayaꞌen baw manigꞌukuman it amen? Siguru kuꞌimatayen mu gasiꞌ aku subung it binwat mu ngayan katꞌapun it taga Egipto ngayti!” maat i tubag it kanya it sang kataawan.
Miniꞌlam si Moises, pagkagneg ya kayti. “Aaꞌ, iyan palan,” kat nake-nakem ya, “nataksiꞌan naga i binwat ku ngayan it taga Egipto.”
15Pagkabaritaꞌ it adiꞌ ngayti, ireg ya nga ipaꞌimatay si Moises, temed nakapalagyu kanya. Nakaꞌbut i palagyu ya duꞌun it banwa nga pagpangaranat Madian. Pagꞌabut ya duꞌun, miyadung kanya duꞌut tepad it esang tabud. 16Ega naꞌlay, miyabut i pitung kababayan nga anak ni Reuel nga esang sasirduti duꞌut Madian ngayti. Mamagpanaꞌgeb sira ka ipaꞌinum nirat mga tupa it amaꞌ nira. 17Bawnga may miyabut nga beken nga mga manigꞌeper nga mga lalaki, baw pagsariyen na nirat dinggaw i mga tupa ngayti ni Reuel. Pagkamuya ni Moises, tiyabang ya i mga babay ngayti. Bawnga tiyabangan ya gasiꞌ it paꞌinum it mga tupa ngayting pagpaꞌimnun nira.
18Pagkaꞌuliꞌ it mga babay ngayti, iningkut sira it amaꞌ nira, “Unuka nakaꞌuliꞌ kamut semkad kayti?”
19Katubag sira, “Nakaꞌuliꞌ kami bat semkad ka daꞌkami nadaꞌeg-daꞌeg it mga manigꞌeper. Ka may timnabang it amen nga esang taga Egipto. Tiyabangan ya paꞌ kami it sumaꞌgeb baw paꞌinum it mga tupa.”
20“Ta ari na kanya?” maat i amaꞌ nira ngayti. “Unuka ega piyabayaꞌ mi situ isaꞌun makakaꞌen kanya situt aten?” Egay beken, ipiyapisiꞌ ya si Moises ngayti.
21Ta napakay ni Moises nga duꞌun nat iting mga taw i tiyaꞌidan ya. Naꞌlay na, naꞌasawa ya na si Zipora, nga esang anak ni Reuel ngayti. 22Manganak si Zipora ngayti, lalaki. Pangaranan ni Moises i anak ya ngayti, si Gersom. “Ituy ipangaran ku,” maat ya, “ka dayuꞌan aku lamang situt itung banwa.”
23Iyan naꞌlay nang naꞌlay, natay nay adiꞌ ngaytit Egipto. Temed sigi paꞌ nga panguripen it mga taga Egipto it mga Israelita duꞌun. Aypaꞌ talagang magpanganin-anin na sira baw magkapangabang na duꞌun it Ampuꞌang Diyus kat kadakulat kakuriꞌan nira ngayti. 24Nagnegan it Ampuꞌang Diyus i pangabang nira ngayti. Ega naga nalipatan yay isiyanggup ya ngayti duꞌun it mga kiyaꞌapuꞌ-apuꞌan nira nga si Abraham, si Isaac baw si Jacob. 25Aypaꞌ ka siyarunga ya i kabetangan it mga Israelita ngayti, ka magkasanguꞌan ya sira.
Nagpakikita i AMPUꞌANG DIYUS it ki Moises
[Mga 1463 B.C.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.