Exodo 3
3
1Ta it nakatakenaꞌ na si Moises duꞌut Madian, kanya na i manigꞌeper it mga tupa it punyangan ya ngayti nga si Reuel, nga esa gasiꞌ nga ngaran ya, si Jetro, nga esa kanya nga sasirduti duꞌut Madian ngayti. Kaꞌsa diyaran ya duꞌut sang bali it kapupuyangtan nga rugar. Nakaꞌbut kanya duꞌun it Horeb, nga esang bukid nga ipagpabetang nga bukid it Ampuꞌang Diyus. 2Iyan duꞌun na kanya it tiꞌngir ngayti, nagpakikita it kanya i Anghil it AMPUꞌANG DIYUS.#3:2 Egaytu maat desang anghil-inanghil lamang, in daꞌga talagang Ampuꞌang Diyus na. Ka tagnaꞌ paꞌ, kat timpu paꞌ it Uꞌnang Pakiꞌupakat, sumang kaꞌanu magpakikita kanya duꞌun it esang taw. Ta panaꞌwag it kanya in magpakikita, Anghil it AMPUꞌANG DIYUS. Temed yay naltegan ni Moises, subuk deleg it apuy nga duꞌun it tengaꞌ it esang kayu-kayu nga aba-ababaꞌ. Talagang pagletga-letganan ni Moises i magsugu ngayti nga magdiklap-diklap temed ega magkaꞌanteng i kayu-kayu ngayti. 3“Unuka atkayan?” maat ni Moises. “Daꞌga patpadan ku baꞌ, ka eket-eketen ku i kalililuꞌan ngaytu, nga in unuka ega magkaꞌanteng i kayu-kayu ngayan.”
4Temed desa maat nga elpen na ni Moises, piyataꞌwagan kanya it Ampuꞌang Diyus, nga duꞌun na it sugu ngayti i pagseraꞌan, nga magꞌaat, “Moises, Moises!”
“Wayni aku,” katubag si Moises ngayti.
5Maat it Ampuꞌang Diyus ngayti, “Ayaw kat patpad sini. Awaꞌen mu i talumpaꞌ mu ngayan, ka pagtitindegan mu ngaytu, egaytu babasta-bastaen nga lugtaꞌ ka liyampudan ku nga Ampuꞌang Diyus. 6Aku i Ampuꞌang Diyus it mga kiyaꞌapuꞌ-apuꞌan mu nga si Abraham, si Isaac baw si Jacob.” Pagkagneg ni Moises, tiyagnepan ya i rupa ya, ka magꞌiꞌlam kanya lemteg duꞌun it Ampuꞌang Diyus ngayti.
7Maat paꞌ it AMPUꞌANG DIYUS it kanya, “Talagang naltegan ku nga subraꞌ na i kakuriꞌan it mga taawan ku duꞌun it Egipto. Nagnegan ku naga i pangabang nira sabap it pakuriꞌ it mga agalen nira. Talagang magkasanguꞌan ku sira. 8Aypaꞌ nanlampud aku ka iribri ku sira kat alima it mga taga Egipto. Ipaliꞌwan ku sira duꞌun it banwa ngayti bawnga iduꞌlung ku sira duꞌun it banwa nga malayaw baw magayeng lugtaꞌ, baw bastanti i muꞌsang bagay. Ituy banwa it mga Cananeo, Heteo, Amorreo, Perezeo, Heveo baw Jebuseo. 9Ta kayti, magkagnegan ku talaga i pangabang it mga Israelita ngaytu baw egay magkataguꞌ it aken nga kakuriꞌan nga pabetang it mga taga Egipto it kanira. 10Aypaꞌ kayti, papaꞌaduꞌunun ku ikaw it adiꞌ it Egipto ngayti, ka ipaliꞌwan mu duꞌun i mga taawan ku ngayti nga mga Israelita.”
11“Aa bilaꞌ!” maat i tubag ni Moises. “Ay siyu aku na nga makaꞌadap nat adiꞌ ngayti baw paliꞌwan it mga Israelita duꞌun it Egipto?”
12“Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”
13“Ta in atkayan,” maat ni Moises, “in beteꞌ aduꞌunun kuy mga Israelita baw aaten ku sira nga tiyaꞌeg akuytu it Ampuꞌang Diyus it mga kagiyaringanan tami, daꞌga mingkut sira nga in siyuy ngaran it nagtaꞌeg it aken. Unuy itubag ku?”
14Maat siꞌ it Ampuꞌang Diyus, “Aku i Ampuꞌang Diyus, nga egay giyaringan, egay katupusan. Aaten mu sira nga tiyaꞌeg ka it Ampuꞌang Diyus nga egay giyaringan, egay katupusan.
15Aaten mu i mga Israelita nga AMPUꞌANG DIYUS#3:15 AMPUꞌANG DIYUS ngaytu, Jahweh i ngaran ya kat Hinebreong ampang. it mga kiyaꞌapuꞌ-apuꞌan nira nga si Abraham, si Isaac baw si Jacob, iyan i nagtaꞌeg it imu. Ngaran ngaytung ituꞌun i panggetaꞌ nirat aken it magtungtung-magꞌinapuꞌ seked it kaꞌnu-kaꞌnu.
16Mapanaw ka na. Pagꞌabut mu, tingpeden mu i mga ginuꞌu it mga Israelita. Iꞌaat mu it kanira nga nagpakikita aku it imu, aku nga AMPUꞌANG DIYUS ni Abraham, ni Isaac baw ni Jacob. Nagpakikita aku sabap magkaltegan ku i pakuriꞌ it kanira it mga taga Egipto. 17Baw isiyanggup ku na nga ipaliꞌwan ku sira kat bangsa nga magpakuriꞌ it kanira. Tabanen ku sira duꞌun it malayaw nga banwa, nga magayen i lugtaꞌ baw bastanti i ipagkaꞌgen, nga banwa it mga Cananeo, Heteo, Amorreo, Perezeo, Heveo baw mga Jebuseo.
18Pagnegan ka yan it mga Israelita. Bawnga pabayaꞌen mu i mga ginuꞌu ngayan it paꞌaduꞌun it adiꞌ it Egipto. Aaten mu it kanya, ‘Nagpakikita it amen i AMPUꞌANG DIYUS namen nga mga Hebreo. Aypaꞌ, asi-asi pat imu, magpamꞌun kami baytu ka pagpapanawun ya kami duꞌun it rugar nga kapupuyangtan isaꞌun sumamba it kanya nga AMPUꞌANG DIYUS namen. Kaꞌalaid it panawan namen, tulung aldaw i ikaꞌbut.’ 19Temed ta, talagang magkaꞌrutan ku nga daꞌkamu yan ipalugut it adiꞌ ngayan, basta ega maregesan. 20Aypaꞌ ipamuya ku it kanya i keseg it guna ku. Padnaꞌan ku i mga taga Egipto it kalililuꞌang mga bagay. Pagkatiwas kayan, ipalugut ya nayan kamu nga magliꞌid.”
21Beken paꞌ nga inaat it Ampuꞌang Diyus ngayti, “Panakman ku i mga taga Egipto nga magmaꞌatag sira isaꞌun pagpanaw mi, may mataban mi nga begay nira. 22Aypaꞌ, kaꞌilangan, muꞌsang mga babay nga Israelita, mangangut-angut kat kanya-kanyang kamalay u maski siyu nga mga babay nga katepadan nira nga taga Egipto ngaytu. Mangut it mga marerga nga rurug it bilug nga bulawan baw pirak i binwat, baw mga pakayan nga ipapakay mi it mga anak mi. Kat atkaytu nga buwat, subung nat rangpasan mi it mga kusas i mga taga Egipto.”
Currently Selected:
Exodo 3: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 3
3
1Ta it nakatakenaꞌ na si Moises duꞌut Madian, kanya na i manigꞌeper it mga tupa it punyangan ya ngayti nga si Reuel, nga esa gasiꞌ nga ngaran ya, si Jetro, nga esa kanya nga sasirduti duꞌut Madian ngayti. Kaꞌsa diyaran ya duꞌut sang bali it kapupuyangtan nga rugar. Nakaꞌbut kanya duꞌun it Horeb, nga esang bukid nga ipagpabetang nga bukid it Ampuꞌang Diyus. 2Iyan duꞌun na kanya it tiꞌngir ngayti, nagpakikita it kanya i Anghil it AMPUꞌANG DIYUS.#3:2 Egaytu maat desang anghil-inanghil lamang, in daꞌga talagang Ampuꞌang Diyus na. Ka tagnaꞌ paꞌ, kat timpu paꞌ it Uꞌnang Pakiꞌupakat, sumang kaꞌanu magpakikita kanya duꞌun it esang taw. Ta panaꞌwag it kanya in magpakikita, Anghil it AMPUꞌANG DIYUS. Temed yay naltegan ni Moises, subuk deleg it apuy nga duꞌun it tengaꞌ it esang kayu-kayu nga aba-ababaꞌ. Talagang pagletga-letganan ni Moises i magsugu ngayti nga magdiklap-diklap temed ega magkaꞌanteng i kayu-kayu ngayti. 3“Unuka atkayan?” maat ni Moises. “Daꞌga patpadan ku baꞌ, ka eket-eketen ku i kalililuꞌan ngaytu, nga in unuka ega magkaꞌanteng i kayu-kayu ngayan.”
4Temed desa maat nga elpen na ni Moises, piyataꞌwagan kanya it Ampuꞌang Diyus, nga duꞌun na it sugu ngayti i pagseraꞌan, nga magꞌaat, “Moises, Moises!”
“Wayni aku,” katubag si Moises ngayti.
5Maat it Ampuꞌang Diyus ngayti, “Ayaw kat patpad sini. Awaꞌen mu i talumpaꞌ mu ngayan, ka pagtitindegan mu ngaytu, egaytu babasta-bastaen nga lugtaꞌ ka liyampudan ku nga Ampuꞌang Diyus. 6Aku i Ampuꞌang Diyus it mga kiyaꞌapuꞌ-apuꞌan mu nga si Abraham, si Isaac baw si Jacob.” Pagkagneg ni Moises, tiyagnepan ya i rupa ya, ka magꞌiꞌlam kanya lemteg duꞌun it Ampuꞌang Diyus ngayti.
7Maat paꞌ it AMPUꞌANG DIYUS it kanya, “Talagang naltegan ku nga subraꞌ na i kakuriꞌan it mga taawan ku duꞌun it Egipto. Nagnegan ku naga i pangabang nira sabap it pakuriꞌ it mga agalen nira. Talagang magkasanguꞌan ku sira. 8Aypaꞌ nanlampud aku ka iribri ku sira kat alima it mga taga Egipto. Ipaliꞌwan ku sira duꞌun it banwa ngayti bawnga iduꞌlung ku sira duꞌun it banwa nga malayaw baw magayeng lugtaꞌ, baw bastanti i muꞌsang bagay. Ituy banwa it mga Cananeo, Heteo, Amorreo, Perezeo, Heveo baw Jebuseo. 9Ta kayti, magkagnegan ku talaga i pangabang it mga Israelita ngaytu baw egay magkataguꞌ it aken nga kakuriꞌan nga pabetang it mga taga Egipto it kanira. 10Aypaꞌ kayti, papaꞌaduꞌunun ku ikaw it adiꞌ it Egipto ngayti, ka ipaliꞌwan mu duꞌun i mga taawan ku ngayti nga mga Israelita.”
11“Aa bilaꞌ!” maat i tubag ni Moises. “Ay siyu aku na nga makaꞌadap nat adiꞌ ngayti baw paliꞌwan it mga Israelita duꞌun it Egipto?”
12“Yay matuud,” maat siꞌ it Ampuꞌang Diyus, “talagang daꞌka pabaya-bayaꞌan ku. Baw itu i katandaꞌ nga aku i magtaꞌeg it imu. Sikaytu nagang bukid i sambaan mi it aken in makapaliꞌwan mu na duꞌut Egipto i mga taawan ku.”
13“Ta in atkayan,” maat ni Moises, “in beteꞌ aduꞌunun kuy mga Israelita baw aaten ku sira nga tiyaꞌeg akuytu it Ampuꞌang Diyus it mga kagiyaringanan tami, daꞌga mingkut sira nga in siyuy ngaran it nagtaꞌeg it aken. Unuy itubag ku?”
14Maat siꞌ it Ampuꞌang Diyus, “Aku i Ampuꞌang Diyus, nga egay giyaringan, egay katupusan. Aaten mu sira nga tiyaꞌeg ka it Ampuꞌang Diyus nga egay giyaringan, egay katupusan.
15Aaten mu i mga Israelita nga AMPUꞌANG DIYUS#3:15 AMPUꞌANG DIYUS ngaytu, Jahweh i ngaran ya kat Hinebreong ampang. it mga kiyaꞌapuꞌ-apuꞌan nira nga si Abraham, si Isaac baw si Jacob, iyan i nagtaꞌeg it imu. Ngaran ngaytung ituꞌun i panggetaꞌ nirat aken it magtungtung-magꞌinapuꞌ seked it kaꞌnu-kaꞌnu.
16Mapanaw ka na. Pagꞌabut mu, tingpeden mu i mga ginuꞌu it mga Israelita. Iꞌaat mu it kanira nga nagpakikita aku it imu, aku nga AMPUꞌANG DIYUS ni Abraham, ni Isaac baw ni Jacob. Nagpakikita aku sabap magkaltegan ku i pakuriꞌ it kanira it mga taga Egipto. 17Baw isiyanggup ku na nga ipaliꞌwan ku sira kat bangsa nga magpakuriꞌ it kanira. Tabanen ku sira duꞌun it malayaw nga banwa, nga magayen i lugtaꞌ baw bastanti i ipagkaꞌgen, nga banwa it mga Cananeo, Heteo, Amorreo, Perezeo, Heveo baw mga Jebuseo.
18Pagnegan ka yan it mga Israelita. Bawnga pabayaꞌen mu i mga ginuꞌu ngayan it paꞌaduꞌun it adiꞌ it Egipto. Aaten mu it kanya, ‘Nagpakikita it amen i AMPUꞌANG DIYUS namen nga mga Hebreo. Aypaꞌ, asi-asi pat imu, magpamꞌun kami baytu ka pagpapanawun ya kami duꞌun it rugar nga kapupuyangtan isaꞌun sumamba it kanya nga AMPUꞌANG DIYUS namen. Kaꞌalaid it panawan namen, tulung aldaw i ikaꞌbut.’ 19Temed ta, talagang magkaꞌrutan ku nga daꞌkamu yan ipalugut it adiꞌ ngayan, basta ega maregesan. 20Aypaꞌ ipamuya ku it kanya i keseg it guna ku. Padnaꞌan ku i mga taga Egipto it kalililuꞌang mga bagay. Pagkatiwas kayan, ipalugut ya nayan kamu nga magliꞌid.”
21Beken paꞌ nga inaat it Ampuꞌang Diyus ngayti, “Panakman ku i mga taga Egipto nga magmaꞌatag sira isaꞌun pagpanaw mi, may mataban mi nga begay nira. 22Aypaꞌ, kaꞌilangan, muꞌsang mga babay nga Israelita, mangangut-angut kat kanya-kanyang kamalay u maski siyu nga mga babay nga katepadan nira nga taga Egipto ngaytu. Mangut it mga marerga nga rurug it bilug nga bulawan baw pirak i binwat, baw mga pakayan nga ipapakay mi it mga anak mi. Kat atkaytu nga buwat, subung nat rangpasan mi it mga kusas i mga taga Egipto.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.