Exodo 4
4
Binggayan it AMPUꞌANG DIYUS si Moises it kakayaan nga muwat it mga tandaꞌanan nga kalililuꞌang bagay
1“Ta unu yay buwaten ku,” maat ni Moises, “in daꞌga mamayaꞌ it aken i mga Israelita, in pakiꞌambut sira nga daꞌka nagpakikita it aken?”
2“Ay unu yan i pagseskelen mu ngayan?” maat it AMPUꞌANG DIYUS.
“Sungkud,” maat ni Moises.
3“Iꞌindiꞌ mu,” maat it AMPUꞌANG DIYUS.
Ipiyagꞌindiꞌ nga matuud ni Moises. Magkadaꞌtun duꞌun it lugtaꞌ, magbalyung dukul! Unupat nakaꞌisnud si Moises. 4Temed maat siꞌ it AMPUꞌANG DIYUS it ki Moises, “Seklen mu asat ikug i dukul ngayan.” Singkel nga matuud ni Moises, magkaskel ya nagꞌuliꞌnan siꞌ nga sungkud. 5“Atkayan na i buwaten mu isaꞌun mamayaꞌ sira nga nagpakikita aku it imu, aku nga Ampuꞌang Diyus it mga kagiyaringanan mi, nga si Abraham, si Isaac baw si Jacob,” maat siꞌ it AMPUꞌANG DIYUS ngayti.
6“Ta ipasled mu i alima mu asat badyuꞌ mu ngayan nga patuꞌ it deꞌgan mu,” maat siꞌ it AMPUꞌANG DIYUS. Atkayti nga matuud i binwat ni Moises. Pagsurut yat alima ya ngayti, maputiꞌ na, limbug nat bangbang!
7“Ta,” maat siꞌ it AMPUꞌANG DIYUS, “isaꞌup mu siꞌ.” Piyamayaꞌ naga ni Moises. Pagsurut ya siꞌ it alima ya ngayti, egay maski unu nga bangbang.
8Inaat siꞌ it AMPUꞌANG DIYUS, “Ta in daꞌka pamayaꞌnen nira it uꞌna ngayan nga kalililuꞌang bagay, siguru pamayaꞌnen ka nayan nira it ikadwa ngayan. 9Takaꞌ in daꞌsira paꞌ magpamayaꞌ it imu u pagneg it imu, sumaꞌgeb ka it danum it Nilo, bawnga ilamaꞌ mu asat lugtaꞌ. Danum ngayan, magbalyu yan nga duguꞌ.”
10Kaꞌampang siꞌ si Moises, maat ya, “Agalen ku, yay matuud, daꞌku baytu matalastas mampang garing pat tagnaꞌ baw maski kayti nga pagpakisugi-sugidan mu ngaytu aku. Magsurkut-surkut i pangangampangan ku ka mabeꞌgat i dilaꞌ ku mampang.”
11Temed maat i tubag it AMPUꞌANG DIYUS, “Siyu i nagbuwat it baꞌbaꞌ it taw? Siyu i may kaya nga magkapabngel baw magkapabuyun ya i taw? Baw siyu gasiꞌ i magkapableg it taw baw siyu i magkabgay it maꞌyag nga panleteg? Daꞌga aku ga nga AMPUꞌANG DIYUS i may kakayaan kaytu? 12Aypaꞌ mapanaw ka na. Tabangen ta yan ikaw isaꞌun makaꞌampang ka it magayen baw itulduꞌ ku it imu i ampangen mu.”
13“Abaa, Agalen ku,” maat ni Moises ngayti, “pagꞌangut-angutun kut imu nga beteꞌ belag na i taꞌgen mu.”
14Egay beken, miniseg nay AMPUꞌANG DIYUS it ki Moises. Maat ya, “Moises, unu mu bayan, si Aaron ngayan nga Levita, siguru ega bayan belag mu nga taw kanya. Magkaꞌrutan ku nga makaꞌrut kanya mampang. Baw napanaw na kanya ka pakikita it imu. Makasagya yan kanya nga banar, pagkita mi. 15Muꞌsa ngaytu nga ipiyagꞌaat ku it imu, iꞌusay mu nga muꞌsa duꞌut kanya, bawnga usayen ya gasiꞌ duꞌut mga kabilug mi. Tabangen ta kamu kat pagꞌampangen mi baw itulduꞌ ku it imyu in unu may unu i buwaten mi. 16Kanya i buwaten mu nga manigpakisugi-sugid it mga taw. Baw ikaw na i subuk aken, nga Ampuꞌang Diyus, nga magꞌaat it kanya in unu i aaten ya kat mga taw. 17Tabanen mu i sungkud mu ngayan ka iyan i gamiten mu in paliꞌwan ka it mga kalililuꞌang bagay.”
Namꞌun si Moises duꞌut punyangan ya ka kupaEgipto
18Miyuliꞌ na si Moises ka namꞌun duꞌut punyangan ya nga si Jetro. Pagꞌabut ya maat ya, “Amay, kupangigaꞌ aku baytut maꞌla-maꞌlay duꞌut Egipto duꞌut mga kasulsugan ku isaꞌun maꞌrutan ku in maꞌuꞌunu naga i kanirang kabetangan.” Pagkagneg ni Jetro, ega diyaꞌga ya.
27Ta inaat it AMPUꞌANG DIYUS si Aaron, “Susmuun mu duꞌun it rugar nga kapupuyangtan si Moises.” Egay beken, siyusmu ni Aaron si Moises duꞌun it bukid ngayti nga ipagpabetang nga bukid it Ampuꞌang Diyus. Pagparag nira, inarkan ya. 28Ta, isiyugid na ni Moises it ki Aaron i muꞌsa ngayti nga inaat it AMPUꞌANG DIYUS it kanya, pati mga kalililuꞌan ngayting bagay nga ipagpabwat it kanya.
29Nagbayaꞌ na siray napanaw nga naꞌaduꞌun it Egipto, nga naniꞌmes it mga ginuꞌu it mga Israelita. 30Pagkatingped nira, muꞌsa ngayti nga inaat it AMPUꞌANG DIYUS it ki Moises, isiyugid na ni Aaron it kanira. Bawnga minwat na kanya it mga kalililuꞌang bagay duꞌut adapan nira nga muꞌsa. 31Egay beken namayaꞌ i muꞌsa ngayting mga Israelita. Bawnga iyan naꞌrutan nira nga siyanguꞌan na sira it AMPUꞌANG DIYUS, baw ega ngayti magkataguꞌ it kanya i muꞌsang pagbuwaten it mga taga Egipto nga pakuriꞌ it kanira, binwat nira, namagpanluud ka namagsamba sira it AMPUꞌANG DIYUS.
Currently Selected:
Exodo 4: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 4
4
Binggayan it AMPUꞌANG DIYUS si Moises it kakayaan nga muwat it mga tandaꞌanan nga kalililuꞌang bagay
1“Ta unu yay buwaten ku,” maat ni Moises, “in daꞌga mamayaꞌ it aken i mga Israelita, in pakiꞌambut sira nga daꞌka nagpakikita it aken?”
2“Ay unu yan i pagseskelen mu ngayan?” maat it AMPUꞌANG DIYUS.
“Sungkud,” maat ni Moises.
3“Iꞌindiꞌ mu,” maat it AMPUꞌANG DIYUS.
Ipiyagꞌindiꞌ nga matuud ni Moises. Magkadaꞌtun duꞌun it lugtaꞌ, magbalyung dukul! Unupat nakaꞌisnud si Moises. 4Temed maat siꞌ it AMPUꞌANG DIYUS it ki Moises, “Seklen mu asat ikug i dukul ngayan.” Singkel nga matuud ni Moises, magkaskel ya nagꞌuliꞌnan siꞌ nga sungkud. 5“Atkayan na i buwaten mu isaꞌun mamayaꞌ sira nga nagpakikita aku it imu, aku nga Ampuꞌang Diyus it mga kagiyaringanan mi, nga si Abraham, si Isaac baw si Jacob,” maat siꞌ it AMPUꞌANG DIYUS ngayti.
6“Ta ipasled mu i alima mu asat badyuꞌ mu ngayan nga patuꞌ it deꞌgan mu,” maat siꞌ it AMPUꞌANG DIYUS. Atkayti nga matuud i binwat ni Moises. Pagsurut yat alima ya ngayti, maputiꞌ na, limbug nat bangbang!
7“Ta,” maat siꞌ it AMPUꞌANG DIYUS, “isaꞌup mu siꞌ.” Piyamayaꞌ naga ni Moises. Pagsurut ya siꞌ it alima ya ngayti, egay maski unu nga bangbang.
8Inaat siꞌ it AMPUꞌANG DIYUS, “Ta in daꞌka pamayaꞌnen nira it uꞌna ngayan nga kalililuꞌang bagay, siguru pamayaꞌnen ka nayan nira it ikadwa ngayan. 9Takaꞌ in daꞌsira paꞌ magpamayaꞌ it imu u pagneg it imu, sumaꞌgeb ka it danum it Nilo, bawnga ilamaꞌ mu asat lugtaꞌ. Danum ngayan, magbalyu yan nga duguꞌ.”
10Kaꞌampang siꞌ si Moises, maat ya, “Agalen ku, yay matuud, daꞌku baytu matalastas mampang garing pat tagnaꞌ baw maski kayti nga pagpakisugi-sugidan mu ngaytu aku. Magsurkut-surkut i pangangampangan ku ka mabeꞌgat i dilaꞌ ku mampang.”
11Temed maat i tubag it AMPUꞌANG DIYUS, “Siyu i nagbuwat it baꞌbaꞌ it taw? Siyu i may kaya nga magkapabngel baw magkapabuyun ya i taw? Baw siyu gasiꞌ i magkapableg it taw baw siyu i magkabgay it maꞌyag nga panleteg? Daꞌga aku ga nga AMPUꞌANG DIYUS i may kakayaan kaytu? 12Aypaꞌ mapanaw ka na. Tabangen ta yan ikaw isaꞌun makaꞌampang ka it magayen baw itulduꞌ ku it imu i ampangen mu.”
13“Abaa, Agalen ku,” maat ni Moises ngayti, “pagꞌangut-angutun kut imu nga beteꞌ belag na i taꞌgen mu.”
14Egay beken, miniseg nay AMPUꞌANG DIYUS it ki Moises. Maat ya, “Moises, unu mu bayan, si Aaron ngayan nga Levita, siguru ega bayan belag mu nga taw kanya. Magkaꞌrutan ku nga makaꞌrut kanya mampang. Baw napanaw na kanya ka pakikita it imu. Makasagya yan kanya nga banar, pagkita mi. 15Muꞌsa ngaytu nga ipiyagꞌaat ku it imu, iꞌusay mu nga muꞌsa duꞌut kanya, bawnga usayen ya gasiꞌ duꞌut mga kabilug mi. Tabangen ta kamu kat pagꞌampangen mi baw itulduꞌ ku it imyu in unu may unu i buwaten mi. 16Kanya i buwaten mu nga manigpakisugi-sugid it mga taw. Baw ikaw na i subuk aken, nga Ampuꞌang Diyus, nga magꞌaat it kanya in unu i aaten ya kat mga taw. 17Tabanen mu i sungkud mu ngayan ka iyan i gamiten mu in paliꞌwan ka it mga kalililuꞌang bagay.”
Namꞌun si Moises duꞌut punyangan ya ka kupaEgipto
18Miyuliꞌ na si Moises ka namꞌun duꞌut punyangan ya nga si Jetro. Pagꞌabut ya maat ya, “Amay, kupangigaꞌ aku baytut maꞌla-maꞌlay duꞌut Egipto duꞌut mga kasulsugan ku isaꞌun maꞌrutan ku in maꞌuꞌunu naga i kanirang kabetangan.” Pagkagneg ni Jetro, ega diyaꞌga ya.
27Ta inaat it AMPUꞌANG DIYUS si Aaron, “Susmuun mu duꞌun it rugar nga kapupuyangtan si Moises.” Egay beken, siyusmu ni Aaron si Moises duꞌun it bukid ngayti nga ipagpabetang nga bukid it Ampuꞌang Diyus. Pagparag nira, inarkan ya. 28Ta, isiyugid na ni Moises it ki Aaron i muꞌsa ngayti nga inaat it AMPUꞌANG DIYUS it kanya, pati mga kalililuꞌan ngayting bagay nga ipagpabwat it kanya.
29Nagbayaꞌ na siray napanaw nga naꞌaduꞌun it Egipto, nga naniꞌmes it mga ginuꞌu it mga Israelita. 30Pagkatingped nira, muꞌsa ngayti nga inaat it AMPUꞌANG DIYUS it ki Moises, isiyugid na ni Aaron it kanira. Bawnga minwat na kanya it mga kalililuꞌang bagay duꞌut adapan nira nga muꞌsa. 31Egay beken namayaꞌ i muꞌsa ngayting mga Israelita. Bawnga iyan naꞌrutan nira nga siyanguꞌan na sira it AMPUꞌANG DIYUS, baw ega ngayti magkataguꞌ it kanya i muꞌsang pagbuwaten it mga taga Egipto nga pakuriꞌ it kanira, binwat nira, namagpanluud ka namagsamba sira it AMPUꞌANG DIYUS.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.