Exodo 16
16
Pangaꞌen baw pagsedaꞌ nga ibinggay it Ampuꞌang Diyus it mga Israelita ngayti
1Ega naga naꞌlay i mga Israelita duꞌut Elim ngayti, namagpanaw siꞌ. Ikasang puluꞌ may lima na nga aldaw it ikadwang bulan garing it pagliꞌid nira duꞌut Egipto, nakaꞌbut sira duꞌut kapupuyangtan nga rugar nga pagpangaranat Sin, nga duꞌut piyagtengaꞌan it Elim baw Sinai. 2Sikayti it kapupuyangtan nga rugar, siyarasa siꞌ it mga Israelita ngayti na Moises, duwa ni Aaron. 3Magꞌaat siꞌ nira, “Magayen paꞌ talaga in inimatay kami na lamang it AMPUꞌANG DIYUS duꞌun it Egipto. Ka duꞌun, pagsekdan namen i pagsedaꞌ baw maski unu nga pangaꞌen. Takaꞌ in situt itung rugar nga tiyabanan mi it amen, baraꞌan ya kaytu pamuyangten kami nang muꞌsa!”
4Aypaꞌ ka maat siꞌ it AMPUꞌANG DIYUS it ki Moises, “Kayti paꞌuranan ta kamu it pangaꞌen nga garing duꞌut langit. Meyag-meyag papanliꞌwanen mu i kadakel kat mga bala-balay nira ka manguꞌmit sira it makaꞌen nira it seledat sang aldaw. Baw sikaytu, sukda-sukdanan ku siꞌ sira in sang unuy pagsunud nira it mga inaat ku. 5Ikaꞌnem nga aldaw it kada lingguꞌ, dubliyen nira i pagkuꞌmiten nira, ega lamang subuk pagkuꞌmiten nirat kaꞌlay, bawnga simpanen nira parabir idawaꞌ.”
6Pagkatupus it pakisugi-sugid ngayti it AMPUꞌANG DIYUS, ipiyagꞌaat siꞌ na Moises, duwa ni Aaron, it mga Israelita ngayti. Maat nira, “Kayti nga apun matantuwan mi nga AMPUꞌANG DIYUS i nagpaliꞌwan it imyu duꞌut Egipto. 7Bawnga dedelem nga kadedelman maltegan mi i kabantugan ya, ka nagnegan yay ipagpakusalaꞌ mi ngaytut kanya. Paꞌaaten namen sabap, kada pakusalaꞌ kamu, kanya i pagkuntraꞌen mi, ega kami.” 8Maat pay beken nga inaat ni Moises, “AMPUꞌANG DIYUS i megay it imyu kada apun it pagsedaꞌ baw kada kadedelman bastanting pangaꞌen. Sabap talagang nagnegan yay ipagpakusalaꞌ mi it kanya. Ka yay matuud, ega kami in daꞌga kanya i pagpakusalaꞌen mi ngaytu, ka kanya nga pabetang-betang i muꞌsa ngaytu.”
9Maat ni Moises it ki Aaron, “Aaten mu i kadakel ngaytu nga kaꞌilangan madap sira it AMPUꞌANG DIYUS sabap nagnegan ya i mga pakusalaꞌ nira.”
10Egay beken, tiningped ni Aaron i kadakel. Magꞌampang paꞌ kanya, namaglawag sira nga muꞌsa duꞌut rugar ngayti nga kapupuyangtan. Sakaling naltegan nira duꞌut kunum i magsilaw na nga kabantugan it AMPUꞌANG DIYUS.
11Maat siꞌ it AMPUꞌANG DIYUS it ki Moises, 12“Nagnegan ku i pakusalaꞌ it mga Israelita. Aaten mu sira nga, mabway nga apu-apun na, begayan ku sira it pagsedaꞌ. Meyag, pangaꞌen siꞌ i ibgay ku it kanira. Pagustuꞌ sira it kaꞌen. Sikayan maꞌrutan nira nga aku i AMPUꞌANG DIYUS nira.”
13Desang matuud nga apu-apun na, reet-reet i miyabut nga puguꞌ. Talagang matanip i namagsanap duꞌun it pagbabalay-balayan nira ngayti. Pagꞌeyag siꞌ, ereꞌeret nga manamug nga maglilibut it mga bala-balay nira ngayti. 14Magtuꞌug i namug ngayti, letganan nira i sagpaw it lugtaꞌ, may magdadaꞌtun nga maninipis nga bagay nga subuk siyanglag. 15Ega naꞌrutan nira in unuyti. Ingku-ingkutun nay buwat nira. “Bilaꞌ, unu bayan?” maat nira.
Maat ni Moises it kanira, “Yanay pangaꞌen nga begay it AMPUꞌANG DIYUS it imyu.”
Mga ipiyagꞌurdin pasar it pangaꞌen ngayti nga manna
16“Takaꞌ pagnegan mi daꞌan i urdin ya pasar it iyan ngayan,” maat ni Moises. “Kada esa it imyu, misiꞌ lamang it tama-tamaꞌ ya baw mga kaꞌibaan ya duꞌut kanyang bala-balay, mga tagtetengat alupan i patuꞌ it sang kataawan.”
17Ta egay beken, siyunud nat mga Israelita i inaat ngayti. May nanguꞌmit it dakulaꞌ, may ega. 18Temed pagꞌalup nira it pinsiꞌ nira ngayti, iyan dakulaꞌ ngayti nga pinsiꞌ, ega simnubraꞌ. Iti, ega ngayti, ega gasiꞌ kimnurang. Talagang tama-tamaꞌ it kanira i napisiꞌ nira ngayti.
19Maat ni Moises it kanira, “Iyan ayaw kamu it paꞌped it areg mi it dedelem.” 20Temed iyan beken, ega namayaꞌ it ki Moises ka may ipiyaꞌped nira naga. Takaꞌ pagꞌeyag, inlud i ipiyaꞌped nira ngayti baw miyauꞌ na. Aypaꞌ ka miniseg si Moises it kanira.
21Ta garing sikayti, meyag-meyag, pagkuꞌmiten nira, pateng lamang nga maꞌubus nira. Kada abwatay nay aldaw, matunaw nay mga iti ngayti nga duꞌun pat lugtaꞌ. 22Iyan ikaꞌnem na nga aldaw, ta piyasubraꞌan na it kada esa i pinsiꞌ nira. Tagasang alup nay patuꞌ it sang kataawan. Naꞌaduꞌun it ki Moises i mga ginuꞌu it mga Israelita ngayti ka isiyugid i iti ngayti. 23Ipiyaꞌyag ni Moises it kanira, nga maat ya, “Ituy ipiyagꞌurdin it AMPUꞌANG DIYUS. Dedelem magpaꞌna tami nga muꞌsa ka Aldaw nat Kapaꞌnaan, nga ipagpabetang it AMPUꞌANG DIYUS nga ega basta-bastang aldaw. Aypaꞌ ilutuꞌun mi na kayti i kumpur ireg mi nga kadakulat kaꞌnen, in unuy ireg mi nga pangilutuꞌ, in laꞌgaꞌen u in palaꞌyaban it init. Iyan maꞌpedan, idawaꞌ mi lamang nga areg mi it dedelem.”
24Ta subung nat inaat ngayti ni Moises, may ipiyaꞌped na nira nga areg nirat meyag. Ipiyaꞌped nira ngayti, ega rimnanggaꞌ baw ega inlud. 25Maat siꞌ ni Moises it kanira, “Iyan nay kaꞌnen mi kayti, sabap kayti, Aldaw it Kapaꞌnaan nga ipagpabetang it AMPUꞌANG DIYUS nga ega basta-bastang aldaw. Talagang kayting aldaw, egay mapisiꞌan mi kayan. 26Seledat enem nga aldaw, meyag-meyag manguꞌmit kamu. Temed pagꞌikapitung aldaw, nga Aldaw it Kapaꞌnaan, ta ega nay makuꞌmit mi.”
27Temed may ega naga namayaꞌ. Ka maski ikapitu na ngayting aldaw, namagpanaw naga sira nga manguꞌmit, temed ta, egay nakuꞌmit nira nga maski unu. 28Ta it atkayti siꞌ, maat siꞌ it AMPUꞌANG DIYUS it ki Moises, “Seked it kaꞌnu baytu i pasngel mi it mga urdin ku ngaytu? 29Dedemdemen mi nga aku nga AMPUꞌANG DIYUS i nagbegay it imyu it Aldaw ngaytut Kapaꞌnaan. Aypaꞌ kat ikaꞌnem nga aldaw, pagbegayan ku kamu it pangaꞌen nga kasuwituꞌ it imyu it seledat duwang aldaw, ka ikapitu ngaytu nga aldaw, egay magliꞌi-liꞌid kat balay ya.” 30Ta garing sikayti daꞌsira na mamagbuwat it buwaten nira basta ikapitu na nga aldaw.
31Manna#16:31 Ireg sugiden it ampang ngaytung manna, “Unuytu?” i ipiyangaran it mga Israelita it pagkuꞌmiten nira ngayti nga pangaꞌen. Magkasubung-subung it burak it begas, maputiꞌ, baw gayen ya, madamismis nga subuk biskuwit nga naragiꞌan it deges. 32Maat siꞌ ni Moises it kanira, “Itu siꞌ i ipiyagꞌurdin it AMPUꞌANG DIYUS. Maat ya, ‘Manu it manna ngaytu, nga balit tengaꞌ it alupan, bawnga idawaꞌ it magayen isaꞌun maltegan naga it mga ipanganak mi paꞌ nga beken baw mga inapuꞌ mi i pangaꞌen ngaytu nga ibinggay ku it imyu, pagkapaliꞌwan ku it imyu duꞌut Egipto.’”
33Aypaꞌ maat ni Moises it ki Aaron, “Manu ka it guri-guriꞌ baw betangan mu it mga tengat alupan nga manna. Idaꞌtun mu na duꞌut adapan it AMPUꞌANG DIYUS nga duꞌut pagsambaan ta, isaꞌun subliyen it anak-inapuꞌ tami nga ipagpademdem naga it kanira.”
34Egay beken, siyunud ni Aaron i inaat ngaytit AMPUꞌANG DIYUS it ki Moises. Idiyaꞌtun yay bintangan yat manna ngayti duꞌut sarungaan it pagpangaranan nira ngaytit Kaban it Pakiꞌupakat isaꞌun magdadawaꞌ it pagayen-gayen. 35Manna na ngayti i pangaꞌen it mga Israelita seledat epat nga pulung taꞌun, seked it nakaꞌbut na sira duꞌut Canaan.
Currently Selected:
Exodo 16: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 16
16
Pangaꞌen baw pagsedaꞌ nga ibinggay it Ampuꞌang Diyus it mga Israelita ngayti
1Ega naga naꞌlay i mga Israelita duꞌut Elim ngayti, namagpanaw siꞌ. Ikasang puluꞌ may lima na nga aldaw it ikadwang bulan garing it pagliꞌid nira duꞌut Egipto, nakaꞌbut sira duꞌut kapupuyangtan nga rugar nga pagpangaranat Sin, nga duꞌut piyagtengaꞌan it Elim baw Sinai. 2Sikayti it kapupuyangtan nga rugar, siyarasa siꞌ it mga Israelita ngayti na Moises, duwa ni Aaron. 3Magꞌaat siꞌ nira, “Magayen paꞌ talaga in inimatay kami na lamang it AMPUꞌANG DIYUS duꞌun it Egipto. Ka duꞌun, pagsekdan namen i pagsedaꞌ baw maski unu nga pangaꞌen. Takaꞌ in situt itung rugar nga tiyabanan mi it amen, baraꞌan ya kaytu pamuyangten kami nang muꞌsa!”
4Aypaꞌ ka maat siꞌ it AMPUꞌANG DIYUS it ki Moises, “Kayti paꞌuranan ta kamu it pangaꞌen nga garing duꞌut langit. Meyag-meyag papanliꞌwanen mu i kadakel kat mga bala-balay nira ka manguꞌmit sira it makaꞌen nira it seledat sang aldaw. Baw sikaytu, sukda-sukdanan ku siꞌ sira in sang unuy pagsunud nira it mga inaat ku. 5Ikaꞌnem nga aldaw it kada lingguꞌ, dubliyen nira i pagkuꞌmiten nira, ega lamang subuk pagkuꞌmiten nirat kaꞌlay, bawnga simpanen nira parabir idawaꞌ.”
6Pagkatupus it pakisugi-sugid ngayti it AMPUꞌANG DIYUS, ipiyagꞌaat siꞌ na Moises, duwa ni Aaron, it mga Israelita ngayti. Maat nira, “Kayti nga apun matantuwan mi nga AMPUꞌANG DIYUS i nagpaliꞌwan it imyu duꞌut Egipto. 7Bawnga dedelem nga kadedelman maltegan mi i kabantugan ya, ka nagnegan yay ipagpakusalaꞌ mi ngaytut kanya. Paꞌaaten namen sabap, kada pakusalaꞌ kamu, kanya i pagkuntraꞌen mi, ega kami.” 8Maat pay beken nga inaat ni Moises, “AMPUꞌANG DIYUS i megay it imyu kada apun it pagsedaꞌ baw kada kadedelman bastanting pangaꞌen. Sabap talagang nagnegan yay ipagpakusalaꞌ mi it kanya. Ka yay matuud, ega kami in daꞌga kanya i pagpakusalaꞌen mi ngaytu, ka kanya nga pabetang-betang i muꞌsa ngaytu.”
9Maat ni Moises it ki Aaron, “Aaten mu i kadakel ngaytu nga kaꞌilangan madap sira it AMPUꞌANG DIYUS sabap nagnegan ya i mga pakusalaꞌ nira.”
10Egay beken, tiningped ni Aaron i kadakel. Magꞌampang paꞌ kanya, namaglawag sira nga muꞌsa duꞌut rugar ngayti nga kapupuyangtan. Sakaling naltegan nira duꞌut kunum i magsilaw na nga kabantugan it AMPUꞌANG DIYUS.
11Maat siꞌ it AMPUꞌANG DIYUS it ki Moises, 12“Nagnegan ku i pakusalaꞌ it mga Israelita. Aaten mu sira nga, mabway nga apu-apun na, begayan ku sira it pagsedaꞌ. Meyag, pangaꞌen siꞌ i ibgay ku it kanira. Pagustuꞌ sira it kaꞌen. Sikayan maꞌrutan nira nga aku i AMPUꞌANG DIYUS nira.”
13Desang matuud nga apu-apun na, reet-reet i miyabut nga puguꞌ. Talagang matanip i namagsanap duꞌun it pagbabalay-balayan nira ngayti. Pagꞌeyag siꞌ, ereꞌeret nga manamug nga maglilibut it mga bala-balay nira ngayti. 14Magtuꞌug i namug ngayti, letganan nira i sagpaw it lugtaꞌ, may magdadaꞌtun nga maninipis nga bagay nga subuk siyanglag. 15Ega naꞌrutan nira in unuyti. Ingku-ingkutun nay buwat nira. “Bilaꞌ, unu bayan?” maat nira.
Maat ni Moises it kanira, “Yanay pangaꞌen nga begay it AMPUꞌANG DIYUS it imyu.”
Mga ipiyagꞌurdin pasar it pangaꞌen ngayti nga manna
16“Takaꞌ pagnegan mi daꞌan i urdin ya pasar it iyan ngayan,” maat ni Moises. “Kada esa it imyu, misiꞌ lamang it tama-tamaꞌ ya baw mga kaꞌibaan ya duꞌut kanyang bala-balay, mga tagtetengat alupan i patuꞌ it sang kataawan.”
17Ta egay beken, siyunud nat mga Israelita i inaat ngayti. May nanguꞌmit it dakulaꞌ, may ega. 18Temed pagꞌalup nira it pinsiꞌ nira ngayti, iyan dakulaꞌ ngayti nga pinsiꞌ, ega simnubraꞌ. Iti, ega ngayti, ega gasiꞌ kimnurang. Talagang tama-tamaꞌ it kanira i napisiꞌ nira ngayti.
19Maat ni Moises it kanira, “Iyan ayaw kamu it paꞌped it areg mi it dedelem.” 20Temed iyan beken, ega namayaꞌ it ki Moises ka may ipiyaꞌped nira naga. Takaꞌ pagꞌeyag, inlud i ipiyaꞌped nira ngayti baw miyauꞌ na. Aypaꞌ ka miniseg si Moises it kanira.
21Ta garing sikayti, meyag-meyag, pagkuꞌmiten nira, pateng lamang nga maꞌubus nira. Kada abwatay nay aldaw, matunaw nay mga iti ngayti nga duꞌun pat lugtaꞌ. 22Iyan ikaꞌnem na nga aldaw, ta piyasubraꞌan na it kada esa i pinsiꞌ nira. Tagasang alup nay patuꞌ it sang kataawan. Naꞌaduꞌun it ki Moises i mga ginuꞌu it mga Israelita ngayti ka isiyugid i iti ngayti. 23Ipiyaꞌyag ni Moises it kanira, nga maat ya, “Ituy ipiyagꞌurdin it AMPUꞌANG DIYUS. Dedelem magpaꞌna tami nga muꞌsa ka Aldaw nat Kapaꞌnaan, nga ipagpabetang it AMPUꞌANG DIYUS nga ega basta-bastang aldaw. Aypaꞌ ilutuꞌun mi na kayti i kumpur ireg mi nga kadakulat kaꞌnen, in unuy ireg mi nga pangilutuꞌ, in laꞌgaꞌen u in palaꞌyaban it init. Iyan maꞌpedan, idawaꞌ mi lamang nga areg mi it dedelem.”
24Ta subung nat inaat ngayti ni Moises, may ipiyaꞌped na nira nga areg nirat meyag. Ipiyaꞌped nira ngayti, ega rimnanggaꞌ baw ega inlud. 25Maat siꞌ ni Moises it kanira, “Iyan nay kaꞌnen mi kayti, sabap kayti, Aldaw it Kapaꞌnaan nga ipagpabetang it AMPUꞌANG DIYUS nga ega basta-bastang aldaw. Talagang kayting aldaw, egay mapisiꞌan mi kayan. 26Seledat enem nga aldaw, meyag-meyag manguꞌmit kamu. Temed pagꞌikapitung aldaw, nga Aldaw it Kapaꞌnaan, ta ega nay makuꞌmit mi.”
27Temed may ega naga namayaꞌ. Ka maski ikapitu na ngayting aldaw, namagpanaw naga sira nga manguꞌmit, temed ta, egay nakuꞌmit nira nga maski unu. 28Ta it atkayti siꞌ, maat siꞌ it AMPUꞌANG DIYUS it ki Moises, “Seked it kaꞌnu baytu i pasngel mi it mga urdin ku ngaytu? 29Dedemdemen mi nga aku nga AMPUꞌANG DIYUS i nagbegay it imyu it Aldaw ngaytut Kapaꞌnaan. Aypaꞌ kat ikaꞌnem nga aldaw, pagbegayan ku kamu it pangaꞌen nga kasuwituꞌ it imyu it seledat duwang aldaw, ka ikapitu ngaytu nga aldaw, egay magliꞌi-liꞌid kat balay ya.” 30Ta garing sikayti daꞌsira na mamagbuwat it buwaten nira basta ikapitu na nga aldaw.
31Manna#16:31 Ireg sugiden it ampang ngaytung manna, “Unuytu?” i ipiyangaran it mga Israelita it pagkuꞌmiten nira ngayti nga pangaꞌen. Magkasubung-subung it burak it begas, maputiꞌ, baw gayen ya, madamismis nga subuk biskuwit nga naragiꞌan it deges. 32Maat siꞌ ni Moises it kanira, “Itu siꞌ i ipiyagꞌurdin it AMPUꞌANG DIYUS. Maat ya, ‘Manu it manna ngaytu, nga balit tengaꞌ it alupan, bawnga idawaꞌ it magayen isaꞌun maltegan naga it mga ipanganak mi paꞌ nga beken baw mga inapuꞌ mi i pangaꞌen ngaytu nga ibinggay ku it imyu, pagkapaliꞌwan ku it imyu duꞌut Egipto.’”
33Aypaꞌ maat ni Moises it ki Aaron, “Manu ka it guri-guriꞌ baw betangan mu it mga tengat alupan nga manna. Idaꞌtun mu na duꞌut adapan it AMPUꞌANG DIYUS nga duꞌut pagsambaan ta, isaꞌun subliyen it anak-inapuꞌ tami nga ipagpademdem naga it kanira.”
34Egay beken, siyunud ni Aaron i inaat ngaytit AMPUꞌANG DIYUS it ki Moises. Idiyaꞌtun yay bintangan yat manna ngayti duꞌut sarungaan it pagpangaranan nira ngaytit Kaban it Pakiꞌupakat isaꞌun magdadawaꞌ it pagayen-gayen. 35Manna na ngayti i pangaꞌen it mga Israelita seledat epat nga pulung taꞌun, seked it nakaꞌbut na sira duꞌut Canaan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.