Exodo 17
17
Timnumbud i danum duꞌun it batu
1Gimnaring siꞌ i mga Israelita ngayti duꞌut rugar ngayti nga kapupuyangtan nga pagpangaranat Sin. Kayaꞌmat-kayaꞌmat lamang i panaw nira, uyun kat in sang unuy kaꞌalaid it panawan nira nga ipagꞌurdin it AMPUꞌANG DIYUS. Kaꞌsang aldaw, duꞌun siꞌ i piyagbalay-balayan nira it Refidim. Temed egay dadanum duꞌun kayti. 2Ta, unupat inisgan na nira si Moises. Maat nira, “Sigi, begayan mu kami it danum nga maꞌinum namen!”
“Unuy magkaꞌisgan mi it aken?” maat ni Moises. “Unuka pagsukda-sukdanan mi i AMPUꞌANG DIYUS?”
3Temed talagang kuꞌinum nang kuꞌinum i mga Israelita, aypaꞌ ka biyanta na nira si Moises. Maat nira, “Unuka piyaliꞌwan mu kami duꞌut Egipto? Yay matuud, isaꞌun lamang matay kaming muꞌsa it kuꞌinum, pati mga anak namen baw mga ayep!”
4Aypaꞌ ka nangabang siꞌ si Moises duꞌun it AMPUꞌANG DIYUS. Maat i panalangin ya, “Unu nayni i buwaten ku kayni it ining mga taw? Magpalalangbus mana, imatayen na nira aku it buntalan it batu!”
5Maat i tubag it AMPUꞌANG DIYUS, “Pabayaꞌ ka it pirang kataawan nga ginuꞌu it mga Israelita, ka muꞌna i panaw mi it kadakel it mga taw. Tabanen muy sungkud mu ngayan nga ipiyagpakpak mu it danum nga Nilo. Mapanaw kamu na. 6Elaten ta kamu duꞌun it dakulang batu nga duꞌut Horeb. Pagꞌabut mi, bangkalen mu it sungkud mu i batu ngayan. Tumumbud yan i danum nga maꞌinum mi nga muꞌsa.” Ta, atkayti nga matuud i binwat ni Moises, nga pagleltegan it mga ginuꞌu ngaytit mga Israelita. 7Napangaranan i sikayting rugar it Masa baw Meriba, sabap nagpakidaꞌeg i mga Israelita duꞌun kayti, baw subuk siyukda-sukdanan niray AMPUꞌANG DIYUS. Maamaatan sira, “Unu, pagtatarimaen tami naga it AMPUꞌANG DIYUS u daꞌga na?”
Piyakibunuꞌan it mga Amalecita i mga Israelita
8Iyan duꞌun paꞌ i mga Israelita it Refidim ngayti, riyumpakan sira it mga Amalecita. 9Aypaꞌ singkat ni Moises si Josue nga bilang pagsarig-sarigan ya. Maat ya, “Miliꞌ ka kat mga kaꞌibaan ta ngaytu nga ibaen mu it pakibunuꞌ it mga Amalecita ngaytu. Aken, dedelem timindeg aku duꞌut sagpaw it mungsuꞌ ngayti it pagseskelen kuy sungkud ku nga ipiyagꞌaat it Ampuꞌang Diyus nga tabanen ku.”
10Siyunud ni Josue i inaat ngayti ni Moises. Diyarugpaꞌ na nira i mga Amalecita ngayti. Ki Moises ngayti, nga iba ya si Aaron baw sang kataawan nga pagpangaranat ki Hur, naꞌaduꞌun nat sagpaw it mungsuꞌ ngayti. 11Ta, basta magtitindeg i mga alima ni Moises, magpandaꞌeg i mga Israelita, takaꞌ in magkapaꞌababaꞌ ya, ta mga Amalecita i magpandaꞌeg. 12Temed paribasay kimnaꞌlay, kinter na si Moises. Aypaꞌ binwat na Aaron, duwa ni Hur, miyanu sira it batu ka piyaꞌdungan it ki Moises. Bawnga singkel nira i mga alima ni Moises ngayti nga magtitindeg isaꞌun ega makapasalu ya. Seked it simindep i aldaw i seskel nira. 13Ta egay beken, nandaꞌeg na Josue, diyaꞌeg niray mga Amalecita ngayti.
14Bawnga maat siꞌ it AMPUꞌANG DIYUS it ki Moises, “Isurat muy itung kaꞌulugan, nga pasar it pandaꞌeg mi ngaytu, isaꞌun ega malipatan mi, baw aaten mu gasiꞌ si Josue nga talagang puuꞌun ku i mga Amalecita situt sinirungat langit.”
15Duꞌun kayti, nagbuwat si Moises it papangantengan it ipagsamba. Piyangaranan ya it “AMPUꞌANG DIYUS i Manigꞌuꞌna ku kat pandaꞌeg.” 16Ka maat ya it mga kaꞌibaan ya ngayti, “May ipiyatindeg nga alima ayun duꞌun it AMPUꞌANG DIYUS. Aypaꞌ ka ipasigi yay pandaꞌeg ya it mga Amalecita seked it magtungtung-magꞌinapuꞌ.”
Currently Selected:
Exodo 17: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 17
17
Timnumbud i danum duꞌun it batu
1Gimnaring siꞌ i mga Israelita ngayti duꞌut rugar ngayti nga kapupuyangtan nga pagpangaranat Sin. Kayaꞌmat-kayaꞌmat lamang i panaw nira, uyun kat in sang unuy kaꞌalaid it panawan nira nga ipagꞌurdin it AMPUꞌANG DIYUS. Kaꞌsang aldaw, duꞌun siꞌ i piyagbalay-balayan nira it Refidim. Temed egay dadanum duꞌun kayti. 2Ta, unupat inisgan na nira si Moises. Maat nira, “Sigi, begayan mu kami it danum nga maꞌinum namen!”
“Unuy magkaꞌisgan mi it aken?” maat ni Moises. “Unuka pagsukda-sukdanan mi i AMPUꞌANG DIYUS?”
3Temed talagang kuꞌinum nang kuꞌinum i mga Israelita, aypaꞌ ka biyanta na nira si Moises. Maat nira, “Unuka piyaliꞌwan mu kami duꞌut Egipto? Yay matuud, isaꞌun lamang matay kaming muꞌsa it kuꞌinum, pati mga anak namen baw mga ayep!”
4Aypaꞌ ka nangabang siꞌ si Moises duꞌun it AMPUꞌANG DIYUS. Maat i panalangin ya, “Unu nayni i buwaten ku kayni it ining mga taw? Magpalalangbus mana, imatayen na nira aku it buntalan it batu!”
5Maat i tubag it AMPUꞌANG DIYUS, “Pabayaꞌ ka it pirang kataawan nga ginuꞌu it mga Israelita, ka muꞌna i panaw mi it kadakel it mga taw. Tabanen muy sungkud mu ngayan nga ipiyagpakpak mu it danum nga Nilo. Mapanaw kamu na. 6Elaten ta kamu duꞌun it dakulang batu nga duꞌut Horeb. Pagꞌabut mi, bangkalen mu it sungkud mu i batu ngayan. Tumumbud yan i danum nga maꞌinum mi nga muꞌsa.” Ta, atkayti nga matuud i binwat ni Moises, nga pagleltegan it mga ginuꞌu ngaytit mga Israelita. 7Napangaranan i sikayting rugar it Masa baw Meriba, sabap nagpakidaꞌeg i mga Israelita duꞌun kayti, baw subuk siyukda-sukdanan niray AMPUꞌANG DIYUS. Maamaatan sira, “Unu, pagtatarimaen tami naga it AMPUꞌANG DIYUS u daꞌga na?”
Piyakibunuꞌan it mga Amalecita i mga Israelita
8Iyan duꞌun paꞌ i mga Israelita it Refidim ngayti, riyumpakan sira it mga Amalecita. 9Aypaꞌ singkat ni Moises si Josue nga bilang pagsarig-sarigan ya. Maat ya, “Miliꞌ ka kat mga kaꞌibaan ta ngaytu nga ibaen mu it pakibunuꞌ it mga Amalecita ngaytu. Aken, dedelem timindeg aku duꞌut sagpaw it mungsuꞌ ngayti it pagseskelen kuy sungkud ku nga ipiyagꞌaat it Ampuꞌang Diyus nga tabanen ku.”
10Siyunud ni Josue i inaat ngayti ni Moises. Diyarugpaꞌ na nira i mga Amalecita ngayti. Ki Moises ngayti, nga iba ya si Aaron baw sang kataawan nga pagpangaranat ki Hur, naꞌaduꞌun nat sagpaw it mungsuꞌ ngayti. 11Ta, basta magtitindeg i mga alima ni Moises, magpandaꞌeg i mga Israelita, takaꞌ in magkapaꞌababaꞌ ya, ta mga Amalecita i magpandaꞌeg. 12Temed paribasay kimnaꞌlay, kinter na si Moises. Aypaꞌ binwat na Aaron, duwa ni Hur, miyanu sira it batu ka piyaꞌdungan it ki Moises. Bawnga singkel nira i mga alima ni Moises ngayti nga magtitindeg isaꞌun ega makapasalu ya. Seked it simindep i aldaw i seskel nira. 13Ta egay beken, nandaꞌeg na Josue, diyaꞌeg niray mga Amalecita ngayti.
14Bawnga maat siꞌ it AMPUꞌANG DIYUS it ki Moises, “Isurat muy itung kaꞌulugan, nga pasar it pandaꞌeg mi ngaytu, isaꞌun ega malipatan mi, baw aaten mu gasiꞌ si Josue nga talagang puuꞌun ku i mga Amalecita situt sinirungat langit.”
15Duꞌun kayti, nagbuwat si Moises it papangantengan it ipagsamba. Piyangaranan ya it “AMPUꞌANG DIYUS i Manigꞌuꞌna ku kat pandaꞌeg.” 16Ka maat ya it mga kaꞌibaan ya ngayti, “May ipiyatindeg nga alima ayun duꞌun it AMPUꞌANG DIYUS. Aypaꞌ ka ipasigi yay pandaꞌeg ya it mga Amalecita seked it magtungtung-magꞌinapuꞌ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.