Exodo 18
18
Nagpakikita si Jetro it miyagad ya
1Ta si Jetro ngayti nga sasirduti duꞌun it Madian baw punyangan ni Moises, nabaritaꞌan ya i mga binwat ngayti it AMPUꞌANG DIYUS nga tabang ya it ki Moises baw mga taawan ya nga mga Israelita, nga in magꞌuꞌunu ipiyaliꞌwan ya sira duꞌun it Egipto.
2Si Jetro siꞌ i magꞌasikasu it ki Zipora ngayti nga asawa ni Moises, pati mga anak nira, garing it piyaꞌuliꞌ sira ni Moises duꞌut Madian. 3Ngaran it akaꞌ nga anak nira, si Gersom, ka yanayti, maat ni Moises it pagsakit, “Dayuꞌan aku lamang situt itung banwa.” 4Si Eliezer i ngaran it ariꞌ, ka maat siꞌ ni Moises, “Pagtabangen aku nga banar it Ampuꞌang Diyus it giyaringan ku. Ipiyagribri ya aku kat tarep basiꞌ it adiꞌ it Egipto.”
5Pagkabaritaꞌ ni Jetro it muꞌsa ngayti, napikir ya nga pakikita. Pagpanaw ya, piyabayaꞌ yay anak ya ngayti nga asawa ni Moises baw apuꞌ ya ngayting duwa, ka naꞌaduꞌun sira it pamaglalangsanan ngayti na Moises duꞌut rugar nga kapupuyangtan, nga duꞌun ngayti it ipagpabetang nga bukid it Ampuꞌang Diyus. 6Pagꞌabut nira duꞌun, piyasugidan ya si Moises nga magꞌaꞌabut sira, sang siraan it asawa ngayti ni Moises baw anak nirang duwa.
7Pagkaꞌrut ni Moises, siyusmu ya sira. Nanluud kanya duꞌun it sarungaan it punyangan ya baw namalek paꞌ. Nagkumustaan na sira, bawnga piyabayaꞌ ya na sira duꞌut kanya nga bala-balay. 8Itiyuturan nga muꞌsa ni Moises i muꞌsang binwat it AMPUꞌANG DIYUS duꞌut adiꞌ it Egipto baw kat mga sinakepan ya nga mga taga Egipto, baw in magꞌuꞌunu ya ipiyagribri i mga Israelita. Itiyuturan ya nga muꞌsa i mga kakuriꞌan nga liyabay nira duꞌut pagpanawan nira baw in magꞌuꞌunu sira tiyabang it AMPUꞌANG DIYUS.
9Nasagyaan ni Jetro i mga kagayenan ngayti nga binwat it AMPUꞌANG DIYUS nga kat ikagayen it mga Israelita baw panribri ya it kanira kat alima it mga taga Egipto. 10Maat ni Jetro, “Talagang bantugun i AMPUꞌANG DIYUS nga nagribri it imyu kat alima it adiꞌ ngayti baw kat mga taga Egipto! Bantugun talaga i AMPUꞌANG DIYUS nga nagpaliꞌwan it mga Israelita kat pagkaꞌuripen nira duꞌun it Egipto! 11Natantuwan ku kayti nga AMPUꞌANG DIYUS talaga i mabantug, subraꞌ paꞌ it maski unu nga beken nga pagkilalaen nga diyus. Ka lamang ereꞌeret i pataꞌas-taꞌas it mga taga Egipto ngayti nga simnarit pakuriꞌ it mga Israelita, temed diyaꞌeg sira nga banar it AMPUꞌANG DIYUS.” 12Bawnga nagbuwat si Jetro it ipagsamba nga pagꞌantengen, baw beken nga mga panalisi baw pasalamat nga ipagsamba ya it Ampuꞌang Diyus. Naꞌaduꞌun it kanira si Aaron baw mga ginuꞌu ngayti it mga Israelita. Sang siraan nat punyangan ngayti ni Moises i namagkaraꞌnen it pistaꞌ nga pasalamat duꞌun it Ampuꞌang Diyus.
Pagkamuya ni Jetro it kakuriꞌan it miyagad ya ngayti, may ipiyaliꞌwan ya nga magayen nga buwaten
13Pagkadedelman, siyarunga siꞌ ni Moises i buwaten ya nga pangayus it mga katataawan nga may aꞌayusun. Inabut kanya it delem sabap dakel nga taw i inayus ya. 14Namuya-namuyaan nga banar ni Jetro i kadakulat pagbuwaten ngayti ni Moises. Aypaꞌ ka miyampang kanya nga magꞌaat, “Makuriꞌ yang buwat i imu ngayan. Ka esa-esa muy magꞌayus it mga taw ngayang may barisukaran, aypaꞌ kadakel ngaytu nga magꞌeꞌlat situt adapan mu, magꞌapun i elat nira it pagꞌayus mu.”
15“Ta, unuy mabwat ku,” maat i tubag ni Moises, “it magpandangep sira situt aken isaꞌun maꞌrutan nira i kaꞌirgan it Ampuꞌang Diyus? 16Kada yan may mga taw nga may barisukaran, mamagpandangep yan sira situt aken. Ta in nakapagꞌusay na sirang duwa, ukumanan ku na. Iꞌaat ku nat kanira in siyu i tamaꞌ baw beken paꞌ, ipaꞌyag ku gasiꞌ it kanira i mga urdin it Ampuꞌang Diyus.”
17Maat siꞌ ni Jetro ngayti, “Magayen siguru, ega naga atkayan i buwaten mu. 18Subuk pagpakuriꞌan mu na nga banar i bilug mu, atnaga i mga taw. Dakulaꞌ talaga nga buwaten muy iyan ngayan, subuk ega na kaya mu in esa-esa mu na lamang. 19Pagnegan muy napikir ku ngaytu, baw pagsisiguruun ku nga tabangen ka it Ampuꞌang Diyus. Kayti magayen tuy buwat mu ngaytu nga ikaw i manigꞌadap it Ampuꞌang Diyus sabap it kanira, ka ikaw i manigsugid duꞌut kanya it piyagbarisukaran nira. 20Ikaw i manigtulduꞌ it kanira it muꞌsang mga ipiyagꞌurdin it Ampuꞌang Diyus baw in maꞌunuy pangaꞌgenan nga pagsagyaan ya. Ikaw gasiꞌ i manigpaꞌyag it kanira it in unuy magagayeng buwaten nira. 21Temed buwaten mu gasiꞌ, miliꞌ ka it mga taw nga bilang makatimbang it imu, mga magagayeng adat it taw nga may kakayaan, baw paggalangen nira it may iꞌlam i Ampuꞌang Diyus. Kaꞌilangan magkasarigan sira baw ega kaꞌman begayan it pabur. Rumraan mu sira nga manigpamaalaꞌ, nga may magpamaalaꞌ it rinibu, ginatus, taglilimang puluꞌ baw tagasang puluꞌ. 22Sira na ngaytu i mga manigꞌayus baw manigꞌukuman kat dedekeyeꞌ lamang nga urupakaten. Iyan lamang, dadakulang bagay i tabanen nira situt imu. Sikayan daꞌka nayan masyadung makuriꞌan, sabap magkatabang-tabangan ka nat buwaten mu ngayan. 23In beteꞌ atkaytuy buwaten mu, nga uyun siguru kat kaꞌirgan it Ampuꞌang Diyus, daꞌka nayan masyadung magkakuriꞌan baw kat mga unu-unung bagay nga urupakaten, madali-daliꞌ maꞌayus.”
24Piyagnegan ni Moises it magayen i inampang it punyangan ya ngayti, baw siyunud yay muꞌsa ngayting inaat. 25Miniliꞌ na kanya it mga lalaki nga Israelita nga magagayen i adat baw may kakayaan, baw riyumraan ya na nga manigpamaalaꞌ it mga katataawan ngayti. Ta yanayti, may kat rinibu, ginatus, taglilimang puluꞌ baw tagasang puluꞌ. 26Sira na ngayti i pirmi nga manigꞌayus it katataawan ngayti. Yanayan lamang i pagtabanen nira duꞌut ki Moises, dadakulaꞌ nga bagay. Takaꞌ in dedekeyeꞌ lamang nga aꞌayusun, sira nay baalaꞌ.
27Ega naga naꞌlay si Jetro duꞌun, namꞌun na kanya duꞌut ki Moises ka miyuliꞌ na duꞌut kanyang banwa.
Currently Selected:
Exodo 18: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 18
18
Nagpakikita si Jetro it miyagad ya
1Ta si Jetro ngayti nga sasirduti duꞌun it Madian baw punyangan ni Moises, nabaritaꞌan ya i mga binwat ngayti it AMPUꞌANG DIYUS nga tabang ya it ki Moises baw mga taawan ya nga mga Israelita, nga in magꞌuꞌunu ipiyaliꞌwan ya sira duꞌun it Egipto.
2Si Jetro siꞌ i magꞌasikasu it ki Zipora ngayti nga asawa ni Moises, pati mga anak nira, garing it piyaꞌuliꞌ sira ni Moises duꞌut Madian. 3Ngaran it akaꞌ nga anak nira, si Gersom, ka yanayti, maat ni Moises it pagsakit, “Dayuꞌan aku lamang situt itung banwa.” 4Si Eliezer i ngaran it ariꞌ, ka maat siꞌ ni Moises, “Pagtabangen aku nga banar it Ampuꞌang Diyus it giyaringan ku. Ipiyagribri ya aku kat tarep basiꞌ it adiꞌ it Egipto.”
5Pagkabaritaꞌ ni Jetro it muꞌsa ngayti, napikir ya nga pakikita. Pagpanaw ya, piyabayaꞌ yay anak ya ngayti nga asawa ni Moises baw apuꞌ ya ngayting duwa, ka naꞌaduꞌun sira it pamaglalangsanan ngayti na Moises duꞌut rugar nga kapupuyangtan, nga duꞌun ngayti it ipagpabetang nga bukid it Ampuꞌang Diyus. 6Pagꞌabut nira duꞌun, piyasugidan ya si Moises nga magꞌaꞌabut sira, sang siraan it asawa ngayti ni Moises baw anak nirang duwa.
7Pagkaꞌrut ni Moises, siyusmu ya sira. Nanluud kanya duꞌun it sarungaan it punyangan ya baw namalek paꞌ. Nagkumustaan na sira, bawnga piyabayaꞌ ya na sira duꞌut kanya nga bala-balay. 8Itiyuturan nga muꞌsa ni Moises i muꞌsang binwat it AMPUꞌANG DIYUS duꞌut adiꞌ it Egipto baw kat mga sinakepan ya nga mga taga Egipto, baw in magꞌuꞌunu ya ipiyagribri i mga Israelita. Itiyuturan ya nga muꞌsa i mga kakuriꞌan nga liyabay nira duꞌut pagpanawan nira baw in magꞌuꞌunu sira tiyabang it AMPUꞌANG DIYUS.
9Nasagyaan ni Jetro i mga kagayenan ngayti nga binwat it AMPUꞌANG DIYUS nga kat ikagayen it mga Israelita baw panribri ya it kanira kat alima it mga taga Egipto. 10Maat ni Jetro, “Talagang bantugun i AMPUꞌANG DIYUS nga nagribri it imyu kat alima it adiꞌ ngayti baw kat mga taga Egipto! Bantugun talaga i AMPUꞌANG DIYUS nga nagpaliꞌwan it mga Israelita kat pagkaꞌuripen nira duꞌun it Egipto! 11Natantuwan ku kayti nga AMPUꞌANG DIYUS talaga i mabantug, subraꞌ paꞌ it maski unu nga beken nga pagkilalaen nga diyus. Ka lamang ereꞌeret i pataꞌas-taꞌas it mga taga Egipto ngayti nga simnarit pakuriꞌ it mga Israelita, temed diyaꞌeg sira nga banar it AMPUꞌANG DIYUS.” 12Bawnga nagbuwat si Jetro it ipagsamba nga pagꞌantengen, baw beken nga mga panalisi baw pasalamat nga ipagsamba ya it Ampuꞌang Diyus. Naꞌaduꞌun it kanira si Aaron baw mga ginuꞌu ngayti it mga Israelita. Sang siraan nat punyangan ngayti ni Moises i namagkaraꞌnen it pistaꞌ nga pasalamat duꞌun it Ampuꞌang Diyus.
Pagkamuya ni Jetro it kakuriꞌan it miyagad ya ngayti, may ipiyaliꞌwan ya nga magayen nga buwaten
13Pagkadedelman, siyarunga siꞌ ni Moises i buwaten ya nga pangayus it mga katataawan nga may aꞌayusun. Inabut kanya it delem sabap dakel nga taw i inayus ya. 14Namuya-namuyaan nga banar ni Jetro i kadakulat pagbuwaten ngayti ni Moises. Aypaꞌ ka miyampang kanya nga magꞌaat, “Makuriꞌ yang buwat i imu ngayan. Ka esa-esa muy magꞌayus it mga taw ngayang may barisukaran, aypaꞌ kadakel ngaytu nga magꞌeꞌlat situt adapan mu, magꞌapun i elat nira it pagꞌayus mu.”
15“Ta, unuy mabwat ku,” maat i tubag ni Moises, “it magpandangep sira situt aken isaꞌun maꞌrutan nira i kaꞌirgan it Ampuꞌang Diyus? 16Kada yan may mga taw nga may barisukaran, mamagpandangep yan sira situt aken. Ta in nakapagꞌusay na sirang duwa, ukumanan ku na. Iꞌaat ku nat kanira in siyu i tamaꞌ baw beken paꞌ, ipaꞌyag ku gasiꞌ it kanira i mga urdin it Ampuꞌang Diyus.”
17Maat siꞌ ni Jetro ngayti, “Magayen siguru, ega naga atkayan i buwaten mu. 18Subuk pagpakuriꞌan mu na nga banar i bilug mu, atnaga i mga taw. Dakulaꞌ talaga nga buwaten muy iyan ngayan, subuk ega na kaya mu in esa-esa mu na lamang. 19Pagnegan muy napikir ku ngaytu, baw pagsisiguruun ku nga tabangen ka it Ampuꞌang Diyus. Kayti magayen tuy buwat mu ngaytu nga ikaw i manigꞌadap it Ampuꞌang Diyus sabap it kanira, ka ikaw i manigsugid duꞌut kanya it piyagbarisukaran nira. 20Ikaw i manigtulduꞌ it kanira it muꞌsang mga ipiyagꞌurdin it Ampuꞌang Diyus baw in maꞌunuy pangaꞌgenan nga pagsagyaan ya. Ikaw gasiꞌ i manigpaꞌyag it kanira it in unuy magagayeng buwaten nira. 21Temed buwaten mu gasiꞌ, miliꞌ ka it mga taw nga bilang makatimbang it imu, mga magagayeng adat it taw nga may kakayaan, baw paggalangen nira it may iꞌlam i Ampuꞌang Diyus. Kaꞌilangan magkasarigan sira baw ega kaꞌman begayan it pabur. Rumraan mu sira nga manigpamaalaꞌ, nga may magpamaalaꞌ it rinibu, ginatus, taglilimang puluꞌ baw tagasang puluꞌ. 22Sira na ngaytu i mga manigꞌayus baw manigꞌukuman kat dedekeyeꞌ lamang nga urupakaten. Iyan lamang, dadakulang bagay i tabanen nira situt imu. Sikayan daꞌka nayan masyadung makuriꞌan, sabap magkatabang-tabangan ka nat buwaten mu ngayan. 23In beteꞌ atkaytuy buwaten mu, nga uyun siguru kat kaꞌirgan it Ampuꞌang Diyus, daꞌka nayan masyadung magkakuriꞌan baw kat mga unu-unung bagay nga urupakaten, madali-daliꞌ maꞌayus.”
24Piyagnegan ni Moises it magayen i inampang it punyangan ya ngayti, baw siyunud yay muꞌsa ngayting inaat. 25Miniliꞌ na kanya it mga lalaki nga Israelita nga magagayen i adat baw may kakayaan, baw riyumraan ya na nga manigpamaalaꞌ it mga katataawan ngayti. Ta yanayti, may kat rinibu, ginatus, taglilimang puluꞌ baw tagasang puluꞌ. 26Sira na ngayti i pirmi nga manigꞌayus it katataawan ngayti. Yanayan lamang i pagtabanen nira duꞌut ki Moises, dadakulaꞌ nga bagay. Takaꞌ in dedekeyeꞌ lamang nga aꞌayusun, sira nay baalaꞌ.
27Ega naga naꞌlay si Jetro duꞌun, namꞌun na kanya duꞌut ki Moises ka miyuliꞌ na duꞌut kanyang banwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.