Exodo 19
19
Piyaꞌadap i mga Israelita duꞌun it Ampuꞌang Diyus duꞌun it Bukid it Sinai
1Iyan ikatlu nang bulan garing it liminꞌid i mga Israelita duꞌut Egipto, nakaꞌbut sira duꞌun it rugar nga kapupuyangtan nga duꞌut Sinai. 2Sabap pagpanaw nira siꞌ, nga garing duꞌun it Refidim ngayti, naꞌaduꞌun na sira it rugar nga kapupuyangtan nga duꞌut Sinai. Piyagbalay-balayan nira, duꞌun nat adeꞌdeng it siyangkedan it bukid.
3Pagkapagbalay-balay nira, timnungul si Moises duꞌut Bukid ngaytit Sinai ka pakisugi-sugid kanya it Ampuꞌang Diyus. Timnaꞌwag i AMPUꞌANG DIYUS nga garing duꞌut siyagpawan it bukid, nga magꞌaat, “Ituy aaten mu kat mga Israelita, nga mga tungtung-inapuꞌ ni Jacob. 4Aaten mu nga, ‘Maat it AMPUꞌANG DIYUS, talagang nagpasar kat mata mi i binwat ku kat mga taga Egipto. Tiyaban ku kamu situ, nga panaban ku ngaytut imyu, subung it pagtarima it agila it uꞌuybun ya nga kinter, nga pagpasakayen duꞌun it sagpaw it buktut ya. 5Kayti in sunudun mi ga aku baw ega ranggaꞌen mi i ipagpakiꞌupakat ku it imyu, kararasan ku na kamu nga mga taw nga piniliꞌ ku. Sabagay aken talaga i muꞌsang bangsat taw, temed kamu, ipapinpin ku. 6Buwaten ta kamu nga muꞌsa nga subuk sasirduti nga magsirbi it aken. Buwaten ta kamu nga bangsa nga ega basta-basta ka ipiyasiguru kamu nga aken na.’ Itu i iꞌaat mu it mga Israelita.”
7Aypaꞌ nanadsad na si Moises, bawnga binwat ya, tiningped yay muꞌsang mga ginuꞌu it mga Israelita. Pagkatingped, ipiyagsugid ya it kanira i muꞌsa ngayti nga ipiyagꞌurdin it AMPUꞌANG DIYUS it kanya. 8Kadakel ngayti, esa-esay tubag nira nga magꞌaat, “Talagang sunudun namen i muꞌsa nga ipagꞌurdin it AMPUꞌANG DIYUS.” Bawnga nagpaꞌuliꞌ siꞌ si Moises duꞌut AMPUꞌANG DIYUS ka isiyugid yay tubag it mga taw ngayti.
9Maat siꞌ it AMPUꞌANG DIYUS it ki Moises, “Pakikita aku siꞌ it imu kat maꞌpal nga kunum isaꞌun magnegan it mga taw nga pagpakisugidan ku ikaw, isaꞌun teꞌteꞌ nga mamayaꞌ sira it imu.”
Bawnga nakasugid na ni Moises duꞌut AMPUꞌANG DIYUS i inaat ngayti it mga taw.
10Maat paꞌ it AMPUꞌANG DIYUS it ki Moises, “Aaten muy muꞌsang kaꞌibaan mu nga manlimpiyuꞌ#19:10 Panlimpiyuꞌ ngaytu, tandaꞌ it baꞌguun nira i adat nira baw ipagpasiguru i sadili nira nga kat Ampuꞌang Diyus na. sirat magayen kayti baw dedelem gasiꞌ. Baw kaꞌilangan talpukan nira i mga pakayan nira. 11Pagꞌikatlung aldaw, kaꞌilangan nga alistu na sira nga muꞌsa, sabap aku nga AMPUꞌANG DIYUS, lumampud aku situt Bukid it Sinai ngaytu kat mata it kadakel. 12Aypaꞌ bangtalan muy linibut it bukid ngaytu baw iꞌaat mu it kanira nga egay kasalya tumungul, u maski tegday, egay temegday duꞌut seled it bangtal ngaytu. Siyu-siyu i pasaꞌli, egay pagduwa-duwa nga imatayen kanya. 13Iꞌimatay it kanya, panaꞌ u in daꞌga batu, ka panyaꞌ i may tumapal it kanya. Egaytuy piniliꞌan, taw u ramu-ramu, basta kasalya, ega egnen. Temed basta nagnegan mi na i padayuyung it taburi, magtiꞌmes nay kadakel situt siyangkedan it bukid ngaytu.”
14Nanadsad siꞌ si Moises duꞌut bukid ngayti ka sugidan ya nay kadakel nga magꞌali-alistu sira. Manlimpiyuꞌ it magayen ka madap sira it Ampuꞌang Diyus. Pati pakayan, panalpukan it kadakel. 15Maat ni Moises it kanira, “Kaꞌilangan, pagꞌikatlu, itsu kamu na. Ayaw kamu it panriꞌe-riꞌeng it asawa mi.”
16Pagꞌikatlung eyag, magpanduldug nay duꞌut bukid ngayti baw magꞌaluꞌalug sabaten nay kilat. Bukid ngayti, pagbubuꞌtungan na it maꞌpal na nga kunum. Ega naꞌlay nagnegan niray tingeg it taburi nga piyadayuyung it diyadakulaꞌ. Muꞌsat mga taw ngayti, namagyegyeg nat iꞌlam. 17Diyaran na ni Moises i kadakel ngaytit taw it naꞌaduꞌun it tiꞌngir it bukid ngayti ka madap na sira it Ampuꞌang Diyus. 18Talagang Bukid ngaytit Sinai, pagbubuꞌtungan nat tabuk ka limnampud nay AMPUꞌANG DIYUS duꞌun, nagpasbung kanya it apuy. Timnindeg nay tabuk nga subung nat tabuk it piyakadakulang duruk, baw bukid ngayti, magyegyeg nat atnang keseg.#19:18 Duꞌut beken nga kasuratan magsusurat nga yay yimnegyeg, mga taw. 19Magdadakulaꞌ-magdadakulaꞌ i tingeg it taburi ngayti. Miyampang si Moises, tiyubag kanya nga lagi it Ampuꞌang Diyus kat pamsar it duldug.
Currently Selected:
Exodo 19: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 19
19
Piyaꞌadap i mga Israelita duꞌun it Ampuꞌang Diyus duꞌun it Bukid it Sinai
1Iyan ikatlu nang bulan garing it liminꞌid i mga Israelita duꞌut Egipto, nakaꞌbut sira duꞌun it rugar nga kapupuyangtan nga duꞌut Sinai. 2Sabap pagpanaw nira siꞌ, nga garing duꞌun it Refidim ngayti, naꞌaduꞌun na sira it rugar nga kapupuyangtan nga duꞌut Sinai. Piyagbalay-balayan nira, duꞌun nat adeꞌdeng it siyangkedan it bukid.
3Pagkapagbalay-balay nira, timnungul si Moises duꞌut Bukid ngaytit Sinai ka pakisugi-sugid kanya it Ampuꞌang Diyus. Timnaꞌwag i AMPUꞌANG DIYUS nga garing duꞌut siyagpawan it bukid, nga magꞌaat, “Ituy aaten mu kat mga Israelita, nga mga tungtung-inapuꞌ ni Jacob. 4Aaten mu nga, ‘Maat it AMPUꞌANG DIYUS, talagang nagpasar kat mata mi i binwat ku kat mga taga Egipto. Tiyaban ku kamu situ, nga panaban ku ngaytut imyu, subung it pagtarima it agila it uꞌuybun ya nga kinter, nga pagpasakayen duꞌun it sagpaw it buktut ya. 5Kayti in sunudun mi ga aku baw ega ranggaꞌen mi i ipagpakiꞌupakat ku it imyu, kararasan ku na kamu nga mga taw nga piniliꞌ ku. Sabagay aken talaga i muꞌsang bangsat taw, temed kamu, ipapinpin ku. 6Buwaten ta kamu nga muꞌsa nga subuk sasirduti nga magsirbi it aken. Buwaten ta kamu nga bangsa nga ega basta-basta ka ipiyasiguru kamu nga aken na.’ Itu i iꞌaat mu it mga Israelita.”
7Aypaꞌ nanadsad na si Moises, bawnga binwat ya, tiningped yay muꞌsang mga ginuꞌu it mga Israelita. Pagkatingped, ipiyagsugid ya it kanira i muꞌsa ngayti nga ipiyagꞌurdin it AMPUꞌANG DIYUS it kanya. 8Kadakel ngayti, esa-esay tubag nira nga magꞌaat, “Talagang sunudun namen i muꞌsa nga ipagꞌurdin it AMPUꞌANG DIYUS.” Bawnga nagpaꞌuliꞌ siꞌ si Moises duꞌut AMPUꞌANG DIYUS ka isiyugid yay tubag it mga taw ngayti.
9Maat siꞌ it AMPUꞌANG DIYUS it ki Moises, “Pakikita aku siꞌ it imu kat maꞌpal nga kunum isaꞌun magnegan it mga taw nga pagpakisugidan ku ikaw, isaꞌun teꞌteꞌ nga mamayaꞌ sira it imu.”
Bawnga nakasugid na ni Moises duꞌut AMPUꞌANG DIYUS i inaat ngayti it mga taw.
10Maat paꞌ it AMPUꞌANG DIYUS it ki Moises, “Aaten muy muꞌsang kaꞌibaan mu nga manlimpiyuꞌ#19:10 Panlimpiyuꞌ ngaytu, tandaꞌ it baꞌguun nira i adat nira baw ipagpasiguru i sadili nira nga kat Ampuꞌang Diyus na. sirat magayen kayti baw dedelem gasiꞌ. Baw kaꞌilangan talpukan nira i mga pakayan nira. 11Pagꞌikatlung aldaw, kaꞌilangan nga alistu na sira nga muꞌsa, sabap aku nga AMPUꞌANG DIYUS, lumampud aku situt Bukid it Sinai ngaytu kat mata it kadakel. 12Aypaꞌ bangtalan muy linibut it bukid ngaytu baw iꞌaat mu it kanira nga egay kasalya tumungul, u maski tegday, egay temegday duꞌut seled it bangtal ngaytu. Siyu-siyu i pasaꞌli, egay pagduwa-duwa nga imatayen kanya. 13Iꞌimatay it kanya, panaꞌ u in daꞌga batu, ka panyaꞌ i may tumapal it kanya. Egaytuy piniliꞌan, taw u ramu-ramu, basta kasalya, ega egnen. Temed basta nagnegan mi na i padayuyung it taburi, magtiꞌmes nay kadakel situt siyangkedan it bukid ngaytu.”
14Nanadsad siꞌ si Moises duꞌut bukid ngayti ka sugidan ya nay kadakel nga magꞌali-alistu sira. Manlimpiyuꞌ it magayen ka madap sira it Ampuꞌang Diyus. Pati pakayan, panalpukan it kadakel. 15Maat ni Moises it kanira, “Kaꞌilangan, pagꞌikatlu, itsu kamu na. Ayaw kamu it panriꞌe-riꞌeng it asawa mi.”
16Pagꞌikatlung eyag, magpanduldug nay duꞌut bukid ngayti baw magꞌaluꞌalug sabaten nay kilat. Bukid ngayti, pagbubuꞌtungan na it maꞌpal na nga kunum. Ega naꞌlay nagnegan niray tingeg it taburi nga piyadayuyung it diyadakulaꞌ. Muꞌsat mga taw ngayti, namagyegyeg nat iꞌlam. 17Diyaran na ni Moises i kadakel ngaytit taw it naꞌaduꞌun it tiꞌngir it bukid ngayti ka madap na sira it Ampuꞌang Diyus. 18Talagang Bukid ngaytit Sinai, pagbubuꞌtungan nat tabuk ka limnampud nay AMPUꞌANG DIYUS duꞌun, nagpasbung kanya it apuy. Timnindeg nay tabuk nga subung nat tabuk it piyakadakulang duruk, baw bukid ngayti, magyegyeg nat atnang keseg.#19:18 Duꞌut beken nga kasuratan magsusurat nga yay yimnegyeg, mga taw. 19Magdadakulaꞌ-magdadakulaꞌ i tingeg it taburi ngayti. Miyampang si Moises, tiyubag kanya nga lagi it Ampuꞌang Diyus kat pamsar it duldug.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.