Exodo 6
6
1Ta it atkayti, maat it AMPUꞌANG DIYUS it ki Moises, “Maltegan mu na kayti in unuy buwaten ku it adiꞌ ngayan. Egaytu desang mapaskedan ku kanya it palugut it imyu nga mapanaw, in daꞌga talagang regesen ku nga pangimugawun ya na kamu.”
2Miyampang siꞌ i Ampuꞌang Diyus. Maat yat ki Moises, “AMPUꞌANG DIYUS aku nga matuud. 3Nagpakikita aku it ki Abraham, ki Isaac baw ki Jacob. Ipiyagsugid ku nga aku i Ampuꞌang Diyus nga landaw nga gunaan. Temed egay ipiyalteg ku it kanira nga adat ku nga magbayaꞌ it ngaran ku nga AMPUꞌANG DIYUS, adat ku nga magtuman it ipiyakiꞌupakat ku. 4Nagpakiꞌupakat aku naga it kanira nga uyut i sanggup ku nga ibgay ku it kanira i banwa nga Canaan, iyan banwa nga pagtataꞌidan nira it iting timpu it subung paꞌ sira it dumadayuꞌ duꞌun. 5Baw beken, nagnegan ku i panganin-anin it mga Israelita nga pagꞌuripnen it mga taga Egipto baw talagang ega paglilipaten ku i ipiyakiꞌupakat ku ngayti it kagiyaringanan nira.
6Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu. 7Epe-epetan ku kamu nga mga Israelita, ka taawan ku na kamu. Aku na i Ampuꞌang Diyus mit imyu. Talagang makilalaan mi nga aku i AMPUꞌANG DIYUS, nga nagribri it imyu kat pakuriꞌ it mga taga Egipto. 8Tabanen ta kamu duꞌun it banwa nga isiyanggup ku it may sumpa it ki Abraham, ki Isaac baw ki Jacob. Talagang ibgay kuyti it imyu, imyu na nga babanwaan. Aku talaga i AMPUꞌANG DIYUS.’”
9Ta muꞌsa ngayti, isiyugid ni Moises duꞌun it mga Israelita, temed daꞌsira na mamagpamayaꞌ ka nariga na sira it pagpakuriꞌan na ngayti sirang banar nga subuk ega na kaya nira.
10Bawnga inaat siꞌ it AMPUꞌANG DIYUS si Moises, maat ya, 11“Paꞌaduꞌun ka siꞌ it adiꞌ ngayan it Egipto. Aaten mu nga ipalugut ya na nga mapanaw kamu nga mga Israelita nga limꞌid na situt banwa ya ngaytu.”
12Pagkagneg ni Moises, “Abaa,” maat ya, “magꞌuꞌunu nayan it daꞌku na pagpagnegan it mga Israelita? Daꞌga subraꞌ na siguru i adiꞌ ngayti, beken it pangangampangan ku, magꞌengke-engkeꞌ ngaytu?”
Currently Selected:
Exodo 6: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
