Exodo 7
7
Piyapaꞌuliꞌ it AMPUꞌANG DIYUS na Moises duꞌun it adiꞌ ngayti
1Maat it AMPUꞌANG DIYUS it ki Moises, “Talagang buwaten ta ikaw nga subung ka nat Ampuꞌang Diyus kat panleteg it adiꞌ. Baw sulsug mu nga si Aaron i manigꞌampang mu. 2Kaꞌilangan, isugid mu i muꞌsa nga iꞌaat ku it imu. Baw isugid siꞌ ni Aaron duꞌun it adiꞌ nga ipalugut ya na kamu nga mga Israelita nga limꞌid na situt Egipto. 3Temed ega payan ipalugut kamu it adiꞌ ngayan ka buwaten ku paꞌ kanya nga mategas. Yay matuud, maski dakel i buwaten ku nga kalililuꞌang bagay situt Egipto, 4temed talagang ega payan pagneg kanya it imyu. Aypaꞌ ka ipatanud ku talaga it kanira i beꞌgat it alima ku. Talagang ega basta-bastay masalapuꞌ it mga taga Egipto nga panriga ku it kanira, bawnga paliꞌwanen ku na kamu duꞌun, kamu nga mga taawan ku nga mga Israelita. 5Talagang makilalaan it mga taga Egipto nga aku i AMPUꞌANG DIYUS in masukdanan na niray beꞌgat it alima ku, baw in nakapaliꞌwan ku na kamu kat banwa nira nga Egipto.”
6Muꞌsa ngayti nga inaat it AMPUꞌANG DIYUS, siyunud nga muꞌsa na Moises, duwa ni Aaron. 7Magꞌadu-aduꞌun ngayti sira it adiꞌ ngayti, ki Moises, idad ya walung puluꞌ na. Ki Aaron, walung puluꞌ may tulu.
Nagbalyung dukul i sungkud ni Aaron
8Maat pay beken nga inaat it AMPUꞌANG DIYUS it kana Moises duwa ni Aaron, 9“Basta aaten kamu it adiꞌ nga palteg kamu it kalililuꞌang bagay nga katandaꞌ it talagang pagtaꞌgen ku kamu, aaten mu si Aaron nga ibuntal yay sungkud ya duꞌut adapan it adiꞌ ngayan. Magbalyu yan nga dukul.”
10Egay beken, naꞌaduꞌun siꞌ sira it adiꞌ ngayti, uyun kat inaat ngaytit AMPUꞌANG DIYUS. Iyan duꞌun na sira, nabwat nga matuud ni Aaron nga ibiyuntal yay sungkud ya duꞌut piyagꞌada-adapan it adiꞌ baw mga katimbang ya. Nagbalyu nga matuud nga dukul. 11Ta it atkayti, ipiyapisiꞌ it adiꞌ ngayti i mga mapipikir nga may mga kepetan baw mga manigmangmang nga sakep ya. Ipiyabwat yat kanira i subung it ki Aaron ngayti. 12Ipiyamuntal nira i kanirang mga sungkud duꞌut kadaꞌtagan, namagbalyu gasing dukul nga muꞌsa. Temed piyanlen nga muꞌsa it sungkud ngayti ni Aaron nga piyabalyu ya ngayti nga dukul. 13Temed maski atkayti na, nagpategas naga i adiꞌ ngayti. Ega namayaꞌ it inaat ngayti na Moises duwa ni Aaron, subung nat inaat naga ngayti it AMPUꞌANG DIYUS.
Nagbalyung duguꞌ i kapuꞌsaan it danum duꞌun it Egipto
14Maat siꞌ it AMPUꞌANG DIYUS it ki Moises, “Talagang magpategas pay adiꞌ ngayti. Ega paꞌ ipagpalugut ya nga limꞌid kamu nga mga taw. 15Ta, paꞌaduꞌun kamu siꞌ it kanya. Rakudun mi kanya duꞌut danum it Nilo, padanum yan kanya it kadedelman. Tabanen mu i sungkud mu ngayan nga nagbalyung dukul. 16Aaten mu kanya, ‘Piyaꞌasitu akut imu it AMPUꞌANG DIYUS namen nga mga Hebreo. Maat bay tugun ya situt imu, “Ipalugut mu na nga mapanaw nay mga taawan ku nga mga Hebreo ka sumamba sira it aken duꞌun it rugar nga kapupuyangtan. Temed seked kayti, ega paꞌ pagsambungan mu.” 17Aypaꞌ itu siꞌ i tugun it AMPUꞌANG DIYUS. May buwaten ya na isaꞌun makilalaan mu in siyuy AMPUꞌANG DIYUS ngaytu nga paꞌaaten. Pakpaken ku nay danum it Nilo it pagseskelen ku ngaytu nga sungkud ku. Bawnga danum ngaytu, magbalyung duguꞌ. 18Muꞌsang betang ya nga sedaꞌ, matay na, baw muyuk nay danum. Talagang ega na maꞌinum it mga taga Egipto.’”
19Maat siꞌ it AMPUꞌANG DIYUS it ki Moises, “Aaten mu si Aaron nga seklen yay sungkud ya bawnga iptat yay alima ya nga magseskel, ipaꞌayun duꞌut danum it Nilo, bawnga ipabereng-bereng ya isaꞌun magbalyung duguꞌ i muꞌsang danum kat muꞌsang banwa nga Egipto, magburus, magluldung u maski iyan nasarad u nasaꞌyung. Pati nasaꞌgeb na nga duꞌun nat mga sasaꞌgeban nira, baw mga magꞌaꞌalin na duꞌut aꞌalinan nira nga mga guriꞌ, magbalyu naga nga duguꞌ.”
20Muꞌsa ngayti nga inaat it AMPUꞌANG DIYUS, siyunud naga na Moises, duwa ni Aaron. Singkel ni Aaron i sungkud ya ngayti duꞌut sarungaan it adiꞌ baw mga katimbang ya bawnga piyakpak yay danum ngaytit Nilo. Bawnga muꞌsang danum, nagbalyung duguꞌ. 21Miyatay nay mga sedaꞌ baw unupat miyuyuk nay danum. Ega na magkaꞌinum it mga taga Egipto. Muꞌsang danum duꞌun it Egipto, nagbalyu nang duguꞌ.
22Temed mga taawan it adiꞌ ngayti nga may mga kepetan, nasbungan niray iting binwat, aypaꞌ nagpategas pay adiꞌ ngayti. Ega nagpagneg kanya it ampang na Moises, subung nat inaat ngayti it AMPUꞌANG DIYUS. 23In daꞌga, miyuliꞌ lamang kanya. Ega inintindi yay muꞌsa ngayti. 24Binwat it mga taga Egipto, kimnali sira duꞌut tambing it Nilo isaꞌun may masaꞌgeban nira naga, ka yanayti, ega na magkaꞌinum i duꞌut kadanuman it Nilo ngayti.
Baꞌak siꞌ i nanalakep duꞌun it Egipto
25Pitu nang aldaw i timnaꞌlib garing it ipiyaꞌatkayti it AMPUꞌANG DIYUS i Nilo ngayti.
Currently Selected:
Exodo 7: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 7
7
Piyapaꞌuliꞌ it AMPUꞌANG DIYUS na Moises duꞌun it adiꞌ ngayti
1Maat it AMPUꞌANG DIYUS it ki Moises, “Talagang buwaten ta ikaw nga subung ka nat Ampuꞌang Diyus kat panleteg it adiꞌ. Baw sulsug mu nga si Aaron i manigꞌampang mu. 2Kaꞌilangan, isugid mu i muꞌsa nga iꞌaat ku it imu. Baw isugid siꞌ ni Aaron duꞌun it adiꞌ nga ipalugut ya na kamu nga mga Israelita nga limꞌid na situt Egipto. 3Temed ega payan ipalugut kamu it adiꞌ ngayan ka buwaten ku paꞌ kanya nga mategas. Yay matuud, maski dakel i buwaten ku nga kalililuꞌang bagay situt Egipto, 4temed talagang ega payan pagneg kanya it imyu. Aypaꞌ ka ipatanud ku talaga it kanira i beꞌgat it alima ku. Talagang ega basta-bastay masalapuꞌ it mga taga Egipto nga panriga ku it kanira, bawnga paliꞌwanen ku na kamu duꞌun, kamu nga mga taawan ku nga mga Israelita. 5Talagang makilalaan it mga taga Egipto nga aku i AMPUꞌANG DIYUS in masukdanan na niray beꞌgat it alima ku, baw in nakapaliꞌwan ku na kamu kat banwa nira nga Egipto.”
6Muꞌsa ngayti nga inaat it AMPUꞌANG DIYUS, siyunud nga muꞌsa na Moises, duwa ni Aaron. 7Magꞌadu-aduꞌun ngayti sira it adiꞌ ngayti, ki Moises, idad ya walung puluꞌ na. Ki Aaron, walung puluꞌ may tulu.
Nagbalyung dukul i sungkud ni Aaron
8Maat pay beken nga inaat it AMPUꞌANG DIYUS it kana Moises duwa ni Aaron, 9“Basta aaten kamu it adiꞌ nga palteg kamu it kalililuꞌang bagay nga katandaꞌ it talagang pagtaꞌgen ku kamu, aaten mu si Aaron nga ibuntal yay sungkud ya duꞌut adapan it adiꞌ ngayan. Magbalyu yan nga dukul.”
10Egay beken, naꞌaduꞌun siꞌ sira it adiꞌ ngayti, uyun kat inaat ngaytit AMPUꞌANG DIYUS. Iyan duꞌun na sira, nabwat nga matuud ni Aaron nga ibiyuntal yay sungkud ya duꞌut piyagꞌada-adapan it adiꞌ baw mga katimbang ya. Nagbalyu nga matuud nga dukul. 11Ta it atkayti, ipiyapisiꞌ it adiꞌ ngayti i mga mapipikir nga may mga kepetan baw mga manigmangmang nga sakep ya. Ipiyabwat yat kanira i subung it ki Aaron ngayti. 12Ipiyamuntal nira i kanirang mga sungkud duꞌut kadaꞌtagan, namagbalyu gasing dukul nga muꞌsa. Temed piyanlen nga muꞌsa it sungkud ngayti ni Aaron nga piyabalyu ya ngayti nga dukul. 13Temed maski atkayti na, nagpategas naga i adiꞌ ngayti. Ega namayaꞌ it inaat ngayti na Moises duwa ni Aaron, subung nat inaat naga ngayti it AMPUꞌANG DIYUS.
Nagbalyung duguꞌ i kapuꞌsaan it danum duꞌun it Egipto
14Maat siꞌ it AMPUꞌANG DIYUS it ki Moises, “Talagang magpategas pay adiꞌ ngayti. Ega paꞌ ipagpalugut ya nga limꞌid kamu nga mga taw. 15Ta, paꞌaduꞌun kamu siꞌ it kanya. Rakudun mi kanya duꞌut danum it Nilo, padanum yan kanya it kadedelman. Tabanen mu i sungkud mu ngayan nga nagbalyung dukul. 16Aaten mu kanya, ‘Piyaꞌasitu akut imu it AMPUꞌANG DIYUS namen nga mga Hebreo. Maat bay tugun ya situt imu, “Ipalugut mu na nga mapanaw nay mga taawan ku nga mga Hebreo ka sumamba sira it aken duꞌun it rugar nga kapupuyangtan. Temed seked kayti, ega paꞌ pagsambungan mu.” 17Aypaꞌ itu siꞌ i tugun it AMPUꞌANG DIYUS. May buwaten ya na isaꞌun makilalaan mu in siyuy AMPUꞌANG DIYUS ngaytu nga paꞌaaten. Pakpaken ku nay danum it Nilo it pagseskelen ku ngaytu nga sungkud ku. Bawnga danum ngaytu, magbalyung duguꞌ. 18Muꞌsang betang ya nga sedaꞌ, matay na, baw muyuk nay danum. Talagang ega na maꞌinum it mga taga Egipto.’”
19Maat siꞌ it AMPUꞌANG DIYUS it ki Moises, “Aaten mu si Aaron nga seklen yay sungkud ya bawnga iptat yay alima ya nga magseskel, ipaꞌayun duꞌut danum it Nilo, bawnga ipabereng-bereng ya isaꞌun magbalyung duguꞌ i muꞌsang danum kat muꞌsang banwa nga Egipto, magburus, magluldung u maski iyan nasarad u nasaꞌyung. Pati nasaꞌgeb na nga duꞌun nat mga sasaꞌgeban nira, baw mga magꞌaꞌalin na duꞌut aꞌalinan nira nga mga guriꞌ, magbalyu naga nga duguꞌ.”
20Muꞌsa ngayti nga inaat it AMPUꞌANG DIYUS, siyunud naga na Moises, duwa ni Aaron. Singkel ni Aaron i sungkud ya ngayti duꞌut sarungaan it adiꞌ baw mga katimbang ya bawnga piyakpak yay danum ngaytit Nilo. Bawnga muꞌsang danum, nagbalyung duguꞌ. 21Miyatay nay mga sedaꞌ baw unupat miyuyuk nay danum. Ega na magkaꞌinum it mga taga Egipto. Muꞌsang danum duꞌun it Egipto, nagbalyu nang duguꞌ.
22Temed mga taawan it adiꞌ ngayti nga may mga kepetan, nasbungan niray iting binwat, aypaꞌ nagpategas pay adiꞌ ngayti. Ega nagpagneg kanya it ampang na Moises, subung nat inaat ngayti it AMPUꞌANG DIYUS. 23In daꞌga, miyuliꞌ lamang kanya. Ega inintindi yay muꞌsa ngayti. 24Binwat it mga taga Egipto, kimnali sira duꞌut tambing it Nilo isaꞌun may masaꞌgeban nira naga, ka yanayti, ega na magkaꞌinum i duꞌut kadanuman it Nilo ngayti.
Baꞌak siꞌ i nanalakep duꞌun it Egipto
25Pitu nang aldaw i timnaꞌlib garing it ipiyaꞌatkayti it AMPUꞌANG DIYUS i Nilo ngayti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.