Exodo 8
8
1Bawnga inaat siꞌ it AMPUꞌANG DIYUS it ki Moises, “Paꞌaduꞌun ka siꞌ it adiꞌ ngayti ka may ipagpasugid ku siꞌ it imu duꞌut kanya. Aaten mu nga, ‘Maat it AMPUꞌANG DIYUS, ipalugut mu na nga mapanaw i mga taawan ku ka sumamba it aken. 2Temed in ega paꞌ ipalugut mu, ipnuꞌun kuy muꞌsang banwa mu it baꞌak. 3Padaklen ku sira nga banar duꞌut danum it Nilo ngayti, baw reet-reet na i maningdal. Pamanwaan nira i balay mu. Talagang ega nay radang-radangan it seled it balay, paꞌirigaꞌan, baꞌak nayang muꞌsa. Atkayan naga i muꞌsang kababalayan basta taga Egipto. Masalyaan nira i mga dapugan baw mga palangganaꞌ nga papaꞌalsaan it tinapay mi. 4Pati mga bilug mi, masalyaan nira nat kakres.’”
5Bawnga inaat siꞌ it AMPUꞌANG DIYUS it ki Moises, “Aaten mu na si Aaron nga seklen ya i sungkud ya ngayti bawnga iptat yay alima ya, ayun siꞌ duꞌut mga kadadanuman baw mga lapnaw, isaꞌun timingdal nay mga baꞌak duꞌut muꞌsang Egipto.”
6Ta siyunud siꞌ ni Aaron i inaat ngayti. Timningdal nga matuud i mga baꞌak seked it baꞌak manang muꞌsa i Egipto. 7Temed mga may kepetan ngayti nga pagsarigan it adiꞌ, nasbungan nira nagay iting binwat, nakapatingdal naga sira it mga baꞌak.
8Ta, it atkayti na, ipiyapisiꞌ it adiꞌ ngayti na Moises. Pagꞌabut, maat ya, “Ipanalangin mi duꞌun it AMPUꞌANG DIYUS nga awaꞌen ya naga situt amen i mga baꞌak ngaytu. Bawnga ipalugut ku na nga mapanaw kamu isaꞌun makasamba kamu nat AMPUꞌANG DIYUS mi.”
9Katubag si Moises it adiꞌ ngayti, “Ta ikaw na i magꞌaat. Kaꞌnu yan i ireg mu nga ipanalangin ku isaꞌun maꞌawaꞌ nay mga baꞌak ngaytu situt banwa mi baw mga babalayan mi, nga yamanay maꞌped, iyan nga duꞌut danum it Nilo?”
10“Dedelem,” maat it adiꞌ ngayti.
“Ta, ikaw bayan,” maat ni Moises, “in dedelem mana, isaꞌun maꞌrutan mu nga egay makasbung it AMPUꞌANG DIYUS namen. 11Magliꞌid nayay mga baꞌak ngayan kat balay mu baw duꞌut babalayan it mga taawan mu, yamanay maꞌped, duꞌut danum it Nilo.”
12Ta miyuliꞌ na na Moises duwa ni Aaron. Ipiyanalangin na nira duꞌun it AMPUꞌANG DIYUS nga awaꞌen ya nay mga baꞌak ngayti nga pabetang-betang ya duꞌun it adiꞌ ngayti. 13Binwat naga it AMPUꞌANG DIYUS i inangut ngayti ni Moises. Miyatay nay muꞌsang mga baꞌak duꞌut mga babalayan, duꞌut mga kamaꞌyagan baw duꞌut mga kaꞌuꞌumaan. 14Ipiyamagkambung nay patay ngayti nga mga baꞌak, unupat miyuyuk i sang kabanwaan. 15Temed iyan namuyaan it adiꞌ ngayti nga naꞌawaꞌ nay iting kakuriꞌan, nagpategas siꞌ kanya. Ega siꞌ nagpagneg kanya it kana Moises duwa ni Aaron, subung naga it inaat ngayti it AMPUꞌANG DIYUS.
Neknek siꞌ i nanalakep
16Inaat siꞌ it AMPUꞌANG DIYUS it ki Moises, “Aaten mu siꞌ si Aaron nga iptat ya i sungkud ya ngayti baw pakpaken yay lugtaꞌ. Bawnga duꞌun it muꞌsang Egipto, muꞌsang kapu-kapu duꞌun, magbalyu na nga neknek.” 17Siyunud siꞌ nira i inaat ngayti. Iyan ipintat ni Aaron i alima ya nga magseskel it sungkud baw piyakpak ya nay lugtaꞌ, nagbalyu nga matuud nga neknek i muꞌsang kapu-kapu duꞌut Egipto. Taw baw ramu-ramu, pagnekneken na. 18Siyukdanan naga gasiꞌ it mga may kepetan ngayti i atkayti, temed egay kaya nira nga pabalyuun nga neknek i kapu-kapu. Talagang magkakuriꞌan i katataawan ngayti, pati mga ramu-ramu, sabap it neknek ngayti.
19Ta it atkayti, inaat it mga may kepetan ngayti i adiꞌ, “Itu ngaytung kaꞌulugan, buwat ga it esang diyus nga gunaan.” Temed sigi nga pagmategas it adiꞌ ngayti. Ega naga nagpagneg, subung it inaat ngayti it AMPUꞌANG DIYUS.
Langaw siꞌ i simnubli
20Inaat siꞌ it AMPUꞌANG DIYUS si Moises, “Maꞌadlem ka dedelem, ka kitaen mu siꞌ i adiꞌ in padanum kanya. Isugid mu siꞌ duꞌut kanya i ampang ku ngaytu nga magꞌaat, ‘Maat it AMPUꞌANG DIYUS, ipalugut mu na nga mapanaw i mga taawan ku ka sumamba sira it aken. 21Temed in ega paꞌ ipalugut mu, langaw siꞌ i mipnuꞌ it babanwaan mi ngaytu, sadili mu nga pamalay-balay baw kat mga taawan mu. Langawun nay mga bilug mi baw ta, pati lugtaꞌ lekpen gasiꞌ.
22Temed kat aldaw ngayan, belag i pabetang ku it rugar it Gosen nga pagtataꞌidan it mga taawan ku. Egay maltegan nga maski sang batu nga langaw duꞌun, isaꞌun maꞌrutan mu nga aku nga AMPUꞌANG DIYUS i magbebegbeg it pati banwa mi ngaytu. 23Bidaꞌen ku nagay akeng taawan baw taawan mu. Buwaten ku dedelem i kalililuꞌan ngaytung bagay.’”
24Ta binwat nga matuud it AMPUꞌANG DIYUS i inaat ya ngayti. Mugdak makang matuud i langaw, uratan i lawang. Siminled sira duꞌut mga kababalayan, duꞌun it balay it adiꞌ, mga katimbang ya, baw muꞌsang mga taga Egipto. Talagang dakulang karanggaꞌan duꞌun it muꞌsang banwa nga Egipto.
25Aypaꞌ ipiyapisiꞌ siꞌ it adiꞌ ngayti si Moises baw si Aaron. Maat ya, “Sigi, sumamba kamu nat Ampuꞌang Diyus mi temed situ nagat itung banwa.”
26Temed katubag si Moises, “Ega bayan mapakay nga situt Egipto i pagbuwatan namen it pagsamba namen ngaytu ka amen ngaytung pagsamba duꞌut ameng pagsirbiyan nga AMPUꞌANG DIYUS namen, talagang pagraꞌwayeng banar it mga taga situ. In situ i buwatan namen it tuluꞌ nira, siguradung imatayen nira kami it buntalan it batu. 27Aypaꞌ kaꞌilangan mapanaw kami seledat tulung aldaw, duꞌut rugar nga kapupuyangtan. Bawnga duꞌun i sambaan namen it AMPUꞌANG DIYUS namen, nga subung it ipiyagꞌurdin ya.”
28Inaat siꞌ it adiꞌ ngayti, “Ipalugut ku na kamu nga paꞌaduꞌun it rugar nga kapupuyangtan nga manamba it AMPUꞌANG DIYUS mi, temed kaꞌilangan ega naga paꞌalaid kamu. Ta sigi, panalanginan mu na aku.”
29Maat i tubag ni Moises, “Pagkaliꞌwan ku situ, manalangin aku duꞌut AMPUꞌANG DIYUS, bawnga dedelem magliꞌid na situt imyu nga muꞌsa i mga langaw ngaytu. Temed ta, siguruun mu nga ega desang pandaya-dayaꞌ mu, nga ega naga ipalugut mu kami nga mapanaw.”
30Pagkatupus kayti, nanliꞌwan na si Moises bawnga nanalangin duꞌun it AMPUꞌANG DIYUS. 31Binwat nga matuud it AMPUꞌANG DIYUS i inangut ngayti ni Moises. Liminꞌid nagay muꞌsang mga langaw ngayti. Egay maski sangbat nga naꞌped. 32Temed atkayti nagang atkayti, nagpategas nagay adiꞌ. Ega naga piyalugtan yay mga Israelita it mapanaw.
Currently Selected:
Exodo 8: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 8
8
1Bawnga inaat siꞌ it AMPUꞌANG DIYUS it ki Moises, “Paꞌaduꞌun ka siꞌ it adiꞌ ngayti ka may ipagpasugid ku siꞌ it imu duꞌut kanya. Aaten mu nga, ‘Maat it AMPUꞌANG DIYUS, ipalugut mu na nga mapanaw i mga taawan ku ka sumamba it aken. 2Temed in ega paꞌ ipalugut mu, ipnuꞌun kuy muꞌsang banwa mu it baꞌak. 3Padaklen ku sira nga banar duꞌut danum it Nilo ngayti, baw reet-reet na i maningdal. Pamanwaan nira i balay mu. Talagang ega nay radang-radangan it seled it balay, paꞌirigaꞌan, baꞌak nayang muꞌsa. Atkayan naga i muꞌsang kababalayan basta taga Egipto. Masalyaan nira i mga dapugan baw mga palangganaꞌ nga papaꞌalsaan it tinapay mi. 4Pati mga bilug mi, masalyaan nira nat kakres.’”
5Bawnga inaat siꞌ it AMPUꞌANG DIYUS it ki Moises, “Aaten mu na si Aaron nga seklen ya i sungkud ya ngayti bawnga iptat yay alima ya, ayun siꞌ duꞌut mga kadadanuman baw mga lapnaw, isaꞌun timingdal nay mga baꞌak duꞌut muꞌsang Egipto.”
6Ta siyunud siꞌ ni Aaron i inaat ngayti. Timningdal nga matuud i mga baꞌak seked it baꞌak manang muꞌsa i Egipto. 7Temed mga may kepetan ngayti nga pagsarigan it adiꞌ, nasbungan nira nagay iting binwat, nakapatingdal naga sira it mga baꞌak.
8Ta, it atkayti na, ipiyapisiꞌ it adiꞌ ngayti na Moises. Pagꞌabut, maat ya, “Ipanalangin mi duꞌun it AMPUꞌANG DIYUS nga awaꞌen ya naga situt amen i mga baꞌak ngaytu. Bawnga ipalugut ku na nga mapanaw kamu isaꞌun makasamba kamu nat AMPUꞌANG DIYUS mi.”
9Katubag si Moises it adiꞌ ngayti, “Ta ikaw na i magꞌaat. Kaꞌnu yan i ireg mu nga ipanalangin ku isaꞌun maꞌawaꞌ nay mga baꞌak ngaytu situt banwa mi baw mga babalayan mi, nga yamanay maꞌped, iyan nga duꞌut danum it Nilo?”
10“Dedelem,” maat it adiꞌ ngayti.
“Ta, ikaw bayan,” maat ni Moises, “in dedelem mana, isaꞌun maꞌrutan mu nga egay makasbung it AMPUꞌANG DIYUS namen. 11Magliꞌid nayay mga baꞌak ngayan kat balay mu baw duꞌut babalayan it mga taawan mu, yamanay maꞌped, duꞌut danum it Nilo.”
12Ta miyuliꞌ na na Moises duwa ni Aaron. Ipiyanalangin na nira duꞌun it AMPUꞌANG DIYUS nga awaꞌen ya nay mga baꞌak ngayti nga pabetang-betang ya duꞌun it adiꞌ ngayti. 13Binwat naga it AMPUꞌANG DIYUS i inangut ngayti ni Moises. Miyatay nay muꞌsang mga baꞌak duꞌut mga babalayan, duꞌut mga kamaꞌyagan baw duꞌut mga kaꞌuꞌumaan. 14Ipiyamagkambung nay patay ngayti nga mga baꞌak, unupat miyuyuk i sang kabanwaan. 15Temed iyan namuyaan it adiꞌ ngayti nga naꞌawaꞌ nay iting kakuriꞌan, nagpategas siꞌ kanya. Ega siꞌ nagpagneg kanya it kana Moises duwa ni Aaron, subung naga it inaat ngayti it AMPUꞌANG DIYUS.
Neknek siꞌ i nanalakep
16Inaat siꞌ it AMPUꞌANG DIYUS it ki Moises, “Aaten mu siꞌ si Aaron nga iptat ya i sungkud ya ngayti baw pakpaken yay lugtaꞌ. Bawnga duꞌun it muꞌsang Egipto, muꞌsang kapu-kapu duꞌun, magbalyu na nga neknek.” 17Siyunud siꞌ nira i inaat ngayti. Iyan ipintat ni Aaron i alima ya nga magseskel it sungkud baw piyakpak ya nay lugtaꞌ, nagbalyu nga matuud nga neknek i muꞌsang kapu-kapu duꞌut Egipto. Taw baw ramu-ramu, pagnekneken na. 18Siyukdanan naga gasiꞌ it mga may kepetan ngayti i atkayti, temed egay kaya nira nga pabalyuun nga neknek i kapu-kapu. Talagang magkakuriꞌan i katataawan ngayti, pati mga ramu-ramu, sabap it neknek ngayti.
19Ta it atkayti, inaat it mga may kepetan ngayti i adiꞌ, “Itu ngaytung kaꞌulugan, buwat ga it esang diyus nga gunaan.” Temed sigi nga pagmategas it adiꞌ ngayti. Ega naga nagpagneg, subung it inaat ngayti it AMPUꞌANG DIYUS.
Langaw siꞌ i simnubli
20Inaat siꞌ it AMPUꞌANG DIYUS si Moises, “Maꞌadlem ka dedelem, ka kitaen mu siꞌ i adiꞌ in padanum kanya. Isugid mu siꞌ duꞌut kanya i ampang ku ngaytu nga magꞌaat, ‘Maat it AMPUꞌANG DIYUS, ipalugut mu na nga mapanaw i mga taawan ku ka sumamba sira it aken. 21Temed in ega paꞌ ipalugut mu, langaw siꞌ i mipnuꞌ it babanwaan mi ngaytu, sadili mu nga pamalay-balay baw kat mga taawan mu. Langawun nay mga bilug mi baw ta, pati lugtaꞌ lekpen gasiꞌ.
22Temed kat aldaw ngayan, belag i pabetang ku it rugar it Gosen nga pagtataꞌidan it mga taawan ku. Egay maltegan nga maski sang batu nga langaw duꞌun, isaꞌun maꞌrutan mu nga aku nga AMPUꞌANG DIYUS i magbebegbeg it pati banwa mi ngaytu. 23Bidaꞌen ku nagay akeng taawan baw taawan mu. Buwaten ku dedelem i kalililuꞌan ngaytung bagay.’”
24Ta binwat nga matuud it AMPUꞌANG DIYUS i inaat ya ngayti. Mugdak makang matuud i langaw, uratan i lawang. Siminled sira duꞌut mga kababalayan, duꞌun it balay it adiꞌ, mga katimbang ya, baw muꞌsang mga taga Egipto. Talagang dakulang karanggaꞌan duꞌun it muꞌsang banwa nga Egipto.
25Aypaꞌ ipiyapisiꞌ siꞌ it adiꞌ ngayti si Moises baw si Aaron. Maat ya, “Sigi, sumamba kamu nat Ampuꞌang Diyus mi temed situ nagat itung banwa.”
26Temed katubag si Moises, “Ega bayan mapakay nga situt Egipto i pagbuwatan namen it pagsamba namen ngaytu ka amen ngaytung pagsamba duꞌut ameng pagsirbiyan nga AMPUꞌANG DIYUS namen, talagang pagraꞌwayeng banar it mga taga situ. In situ i buwatan namen it tuluꞌ nira, siguradung imatayen nira kami it buntalan it batu. 27Aypaꞌ kaꞌilangan mapanaw kami seledat tulung aldaw, duꞌut rugar nga kapupuyangtan. Bawnga duꞌun i sambaan namen it AMPUꞌANG DIYUS namen, nga subung it ipiyagꞌurdin ya.”
28Inaat siꞌ it adiꞌ ngayti, “Ipalugut ku na kamu nga paꞌaduꞌun it rugar nga kapupuyangtan nga manamba it AMPUꞌANG DIYUS mi, temed kaꞌilangan ega naga paꞌalaid kamu. Ta sigi, panalanginan mu na aku.”
29Maat i tubag ni Moises, “Pagkaliꞌwan ku situ, manalangin aku duꞌut AMPUꞌANG DIYUS, bawnga dedelem magliꞌid na situt imyu nga muꞌsa i mga langaw ngaytu. Temed ta, siguruun mu nga ega desang pandaya-dayaꞌ mu, nga ega naga ipalugut mu kami nga mapanaw.”
30Pagkatupus kayti, nanliꞌwan na si Moises bawnga nanalangin duꞌun it AMPUꞌANG DIYUS. 31Binwat nga matuud it AMPUꞌANG DIYUS i inangut ngayti ni Moises. Liminꞌid nagay muꞌsang mga langaw ngayti. Egay maski sangbat nga naꞌped. 32Temed atkayti nagang atkayti, nagpategas nagay adiꞌ. Ega naga piyalugtan yay mga Israelita it mapanaw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.