Genesis 28
28
1Pagkagneg ni Isaac kayti, piyapaꞌaduꞌun yat kanya si Jacob. Pagꞌabut ni Jacob, miyampang si Isaac, nga maat ya, “Jacob, ayaw kat pangasawa it mga babay situt Canaan. 2Magayen, mapanaw ka it dumaliꞌ nga paꞌaduꞌun it Mesopotamia, duꞌun it kaꞌanakan ni Betuel nga amaꞌ it inaꞌ mu, ka yanagay asawaen mu, anak ni Laban nga sulsug it inaꞌ mu nga lalaki.” 3Pagkatupus ya, isiyunud ya nga inampang, paꞌildaw siꞌ, nga magꞌaat, “Sana ildawan ka it Ampuꞌang Diyus nga landaw nga gunaan. Padaklen ya nga banar i mga tungtung-inapuꞌ mu seked it magbaraꞌ nga mabagiꞌ-bagiꞌ nga bangsa, lamang sang puꞌun sira. 4Baw sana gasiꞌ tumanen it Ampuꞌang Diyus kat bilug mu i isiyanggup ya it apuꞌ mu nga si Abraham. Ega lamang kat bilug mu, pati anak-inapuꞌ mu, isaꞌun masadili mi i banwa ngaytu nga piyanumpangan ta, banwa ngaytu nga isiyanggup it Ampuꞌang Diyus it amaꞌ ku nga si Abraham.” 5Pagkatiwas kayti, piyapanaw na ni Isaac si Jacob. Aypaꞌ napanaw na si Jacob nga paꞌaduꞌun nat Mesopotamia, duꞌut amayan ya nga si Laban, nga sulsug it inaꞌ ya ngayti. Si Laban ngayti baw si Rebeca, esa-esay amaꞌ nira, si Betuel nga taga Aram.
In unuy ikiyapakatlu ni Esau it asawa
6Naꞌrutan ni Esau nga diyungagan sit amaꞌ nira ngayti i ampang ngayting paꞌildaw duꞌut bilug ni Jacob, baw piyapaꞌaduꞌun ya nat Mesopotamia, ka duꞌun na mangasawa. Naꞌrutan ya gasiꞌ i ipiyagꞌaat ngayti nga ega mangasawa it mga babay duꞌun it Canaan ngayti. 7Naꞌrutan ya naga nga siyunud ni Jacob i aat ngaytit inaꞌ baw amaꞌ ya, ka naꞌaduꞌun na kanyat Mesopotamia. 8Sikayti namuyaan ni Esau nga ega pagsagyaan it amaꞌ ya i taga Canaan nga mga babay. 9Ta it atkayti, naꞌaduꞌun si Esau it mga kaꞌanakan it amayan ya ngayti nga si Ismael, ka nangasawa it anak ya nga pagpangaranat ki Mahalat, nga sulsug ni Nebayot. Tulu nang muꞌsa i asawa ya.
Nanagaynep si Jacob nga ikiyabwat yat arandeman ya
10Si Jacob ngayti, nagliꞌid na duꞌut Beer-seba ngayti ka naꞌaduꞌun nat lansangan it Haran. 11Iyan dinlem na kanya duꞌut esang rugar duꞌut tenga-tengaꞌ, duꞌun nay inigaꞌan ya. Minsiꞌ kanyat batu nga yanayti i inulunan yat minigaꞌ. 12Pagkaꞌigaꞌ ya, nanagaynep. Tagaynep ya, magleteg kanya it agdan nga magtetengkad duꞌut lugtaꞌ, magꞌaꞌabut duꞌut langit. Duꞌut agdan ngayti mapyat lumampud i mga anghil it Ampuꞌang Diyus. 13Duꞌun it ulun-ulunan it agdan ngayti, duꞌun magtitindeg i AMPUꞌANG DIYUS. Miyampang kanya nga magꞌaat, “Aku i AMPUꞌANG DIYUS it apuꞌ mu nga si Abraham baw amaꞌ mu nga si Isaac. Kayti, rugar ngaytung naꞌigaꞌan mu, ibgay kuytu it imu baw mga anak-inapuꞌ mu. 14Matuud nga mga tungtung-inapuꞌ mu, dumakel sira nga subung it kapu-kapu it lugtaꞌ. Talagang lekpen nira i muꞌsang banwa, nga ayun kat sedpan, ayun kat lebatan, ayun duꞌut nurti, baw ayun duꞌut sur. Baw manggaring kat mga tungtung-inapuꞌ mu, maꞌildawan i muꞌsang bangsa kat sinirungat langit. 15Talagang ega pablagan ku ikaw. Maski paꞌunu-unu ka, pagtatarimaen ku ikaw nga pirmi. Siguradung paꞌuliꞌen ku ikaw sikaytut itung rugar, ka yay matuud, ega pabaya-bayaꞌan ku ikaw mintras ega natuman i muꞌsa ngaytung ipiyagꞌaat ku it imu.”
16Pagkasulag ni Jacob, maat ya, “Palan situ kaytu gasing rugar i AMPUꞌANG DIYUS! Ega lamang naꞌrutan ku.” 17Aypaꞌ miniꞌlam kanya. “Aaꞌ,” maat ya, “talagang ega basta-bastang rugar i sikaytuꞌun. Ega naytuy belag, bilang balay na it Ampuꞌang Diyus. Sikaytu nay piyakasalakwatan it langit.”
18Madlem paꞌ, nagbangun na si Jacob. Egay beken, batu ngayting inulunan ya, ipiyatindeg ya nga bilang arandeman, bawnga biyuꞌbuꞌan yat lana i duꞌut sagpaw. 19Piyangaranan yay iting rugar it Betel, nga ireg sugiden, Balay it Ampuꞌang Diyus. Tagna-tagnaꞌ, pangaran it lansangan nga duꞌut rugar ngayti, Luz.
20Nagsanggup si Jacob duꞌun kayti, nga magꞌaat, “In sukur gat tatarimaen akut Ampuꞌang Diyus, ka tarimaen ya aku kat pagpanawan ku ngaytu, baw ildawan ya aku nga daꞌku naga kukurangen it subung it pangaꞌen baw pakayan, 21baw makaꞌuliꞌ aku nagat egay unu-unu kat pamalay-balay ni Amaꞌ, talagang egay beken nga sirbiyan ku in daꞌga AMPUꞌANG DIYUS lamang. 22Baw itu, batu ngaytu nga ipiyatindeg ku nga binwat ku nga arandeman, magbaraꞌ nang pagsambaan it Ampuꞌang Diyus. Kada iꞌildaw mut aken nga unu-unu nga bagay, ega talaga lilipaten ku nga ibgay ku it imu i ikasang puluꞌ nga bagiꞌ.”
Currently Selected:
Genesis 28: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Genesis 28
28
1Pagkagneg ni Isaac kayti, piyapaꞌaduꞌun yat kanya si Jacob. Pagꞌabut ni Jacob, miyampang si Isaac, nga maat ya, “Jacob, ayaw kat pangasawa it mga babay situt Canaan. 2Magayen, mapanaw ka it dumaliꞌ nga paꞌaduꞌun it Mesopotamia, duꞌun it kaꞌanakan ni Betuel nga amaꞌ it inaꞌ mu, ka yanagay asawaen mu, anak ni Laban nga sulsug it inaꞌ mu nga lalaki.” 3Pagkatupus ya, isiyunud ya nga inampang, paꞌildaw siꞌ, nga magꞌaat, “Sana ildawan ka it Ampuꞌang Diyus nga landaw nga gunaan. Padaklen ya nga banar i mga tungtung-inapuꞌ mu seked it magbaraꞌ nga mabagiꞌ-bagiꞌ nga bangsa, lamang sang puꞌun sira. 4Baw sana gasiꞌ tumanen it Ampuꞌang Diyus kat bilug mu i isiyanggup ya it apuꞌ mu nga si Abraham. Ega lamang kat bilug mu, pati anak-inapuꞌ mu, isaꞌun masadili mi i banwa ngaytu nga piyanumpangan ta, banwa ngaytu nga isiyanggup it Ampuꞌang Diyus it amaꞌ ku nga si Abraham.” 5Pagkatiwas kayti, piyapanaw na ni Isaac si Jacob. Aypaꞌ napanaw na si Jacob nga paꞌaduꞌun nat Mesopotamia, duꞌut amayan ya nga si Laban, nga sulsug it inaꞌ ya ngayti. Si Laban ngayti baw si Rebeca, esa-esay amaꞌ nira, si Betuel nga taga Aram.
In unuy ikiyapakatlu ni Esau it asawa
6Naꞌrutan ni Esau nga diyungagan sit amaꞌ nira ngayti i ampang ngayting paꞌildaw duꞌut bilug ni Jacob, baw piyapaꞌaduꞌun ya nat Mesopotamia, ka duꞌun na mangasawa. Naꞌrutan ya gasiꞌ i ipiyagꞌaat ngayti nga ega mangasawa it mga babay duꞌun it Canaan ngayti. 7Naꞌrutan ya naga nga siyunud ni Jacob i aat ngaytit inaꞌ baw amaꞌ ya, ka naꞌaduꞌun na kanyat Mesopotamia. 8Sikayti namuyaan ni Esau nga ega pagsagyaan it amaꞌ ya i taga Canaan nga mga babay. 9Ta it atkayti, naꞌaduꞌun si Esau it mga kaꞌanakan it amayan ya ngayti nga si Ismael, ka nangasawa it anak ya nga pagpangaranat ki Mahalat, nga sulsug ni Nebayot. Tulu nang muꞌsa i asawa ya.
Nanagaynep si Jacob nga ikiyabwat yat arandeman ya
10Si Jacob ngayti, nagliꞌid na duꞌut Beer-seba ngayti ka naꞌaduꞌun nat lansangan it Haran. 11Iyan dinlem na kanya duꞌut esang rugar duꞌut tenga-tengaꞌ, duꞌun nay inigaꞌan ya. Minsiꞌ kanyat batu nga yanayti i inulunan yat minigaꞌ. 12Pagkaꞌigaꞌ ya, nanagaynep. Tagaynep ya, magleteg kanya it agdan nga magtetengkad duꞌut lugtaꞌ, magꞌaꞌabut duꞌut langit. Duꞌut agdan ngayti mapyat lumampud i mga anghil it Ampuꞌang Diyus. 13Duꞌun it ulun-ulunan it agdan ngayti, duꞌun magtitindeg i AMPUꞌANG DIYUS. Miyampang kanya nga magꞌaat, “Aku i AMPUꞌANG DIYUS it apuꞌ mu nga si Abraham baw amaꞌ mu nga si Isaac. Kayti, rugar ngaytung naꞌigaꞌan mu, ibgay kuytu it imu baw mga anak-inapuꞌ mu. 14Matuud nga mga tungtung-inapuꞌ mu, dumakel sira nga subung it kapu-kapu it lugtaꞌ. Talagang lekpen nira i muꞌsang banwa, nga ayun kat sedpan, ayun kat lebatan, ayun duꞌut nurti, baw ayun duꞌut sur. Baw manggaring kat mga tungtung-inapuꞌ mu, maꞌildawan i muꞌsang bangsa kat sinirungat langit. 15Talagang ega pablagan ku ikaw. Maski paꞌunu-unu ka, pagtatarimaen ku ikaw nga pirmi. Siguradung paꞌuliꞌen ku ikaw sikaytut itung rugar, ka yay matuud, ega pabaya-bayaꞌan ku ikaw mintras ega natuman i muꞌsa ngaytung ipiyagꞌaat ku it imu.”
16Pagkasulag ni Jacob, maat ya, “Palan situ kaytu gasing rugar i AMPUꞌANG DIYUS! Ega lamang naꞌrutan ku.” 17Aypaꞌ miniꞌlam kanya. “Aaꞌ,” maat ya, “talagang ega basta-bastang rugar i sikaytuꞌun. Ega naytuy belag, bilang balay na it Ampuꞌang Diyus. Sikaytu nay piyakasalakwatan it langit.”
18Madlem paꞌ, nagbangun na si Jacob. Egay beken, batu ngayting inulunan ya, ipiyatindeg ya nga bilang arandeman, bawnga biyuꞌbuꞌan yat lana i duꞌut sagpaw. 19Piyangaranan yay iting rugar it Betel, nga ireg sugiden, Balay it Ampuꞌang Diyus. Tagna-tagnaꞌ, pangaran it lansangan nga duꞌut rugar ngayti, Luz.
20Nagsanggup si Jacob duꞌun kayti, nga magꞌaat, “In sukur gat tatarimaen akut Ampuꞌang Diyus, ka tarimaen ya aku kat pagpanawan ku ngaytu, baw ildawan ya aku nga daꞌku naga kukurangen it subung it pangaꞌen baw pakayan, 21baw makaꞌuliꞌ aku nagat egay unu-unu kat pamalay-balay ni Amaꞌ, talagang egay beken nga sirbiyan ku in daꞌga AMPUꞌANG DIYUS lamang. 22Baw itu, batu ngaytu nga ipiyatindeg ku nga binwat ku nga arandeman, magbaraꞌ nang pagsambaan it Ampuꞌang Diyus. Kada iꞌildaw mut aken nga unu-unu nga bagay, ega talaga lilipaten ku nga ibgay ku it imu i ikasang puluꞌ nga bagiꞌ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.