Genesis 29
29
Si Raquel i uꞌnang nakitaan ni Jacob nga kaduguꞌan ya, pagꞌabut ya duꞌun it Haran
1Nagdayun siꞌ i panaw ni Jacob seked it nakaꞌbut kanya duꞌun it rugar nga pagtataꞌidan it mga taw nga taga duꞌun it lebatan nga ayun. 2Pagpaneyek-seyek ya, may naltegan ya nga esang tabud duꞌut iting rugar. May tulung paenan nga tupa nga mamagpaꞌna duꞌun ka duꞌun kayti i papaꞌimnan it kanira. Dakulang batu i maglelpen duꞌut baꞌbaꞌ it tabud ngayti. 3In tiꞌmes na duꞌun i muꞌsang mga tupa, bawnga iriꞌen i batu ngayting maglelpen. Bawnga in nakaꞌinum nang muꞌsay tupa, iꞌuliꞌ nira siꞌ i batu ngayti.
4Minlep si Jacob duꞌut mga manigꞌeper it mga tupa ngayti baw miningkut. Maat ya, “Mga kasulsugan, taga ari kamu?”
“Aaꞌ,” maat nira, “taga Haran kami baytu.”
5“Ta unu,” maat ni Jacob, “magkakilalaan mi si Laban nga apuꞌ ni Nacor?”
“Unuka ega?” maat nira. “Magkakilalaan namen bayan.”
6“Ta unu,” maat ni Jacob, “maꞌunu nagay ginawa ya?”
“In kayti paꞌ ngaytu, magayen naga,” maat it mga taw ngayti. “Iyan magꞌaꞌabut ngayan nga pagbabayaꞌen it mga tupa, anak ya nga babay. Si Raquel i ngaran.”
7“Tay, subuk abwatay pay aldaw,” maat ni Jacob. “Unuka ega paꞌ pagpaꞌimnun mi i mga tupa ngayan isaꞌun makakaꞌen-kaꞌen naga sira?”
8“Mabway mana,” maat it mga manigꞌeper ngayti. “Magꞌelat-elat kami pat mga kaꞌibaan nameng manigꞌeper. Mapaꞌinum bay mga tupa ngayan in tingped kami nang muꞌsa.”
9Magpakisugi-sugid paꞌ si Jacob it mga manigꞌeper ngayti, nakaꞌbut na si Raquel ngayti nga paꞌinum it mga tupa it amaꞌ ya, ka manigꞌeper nagat kanya. 10Pagkalteg ni Jacob it ki Raquel ngayting anak ni Laban nga sulsug it inaꞌ ya, baw mga tupa ni Laban, minlep kanya duꞌut tabud ngayti bawnga ipiyabaliling yay batu nga tagnep it tabud. Egay beken, piyaꞌinum ya nay mga tupa ngaytit amayan ya nga si Laban. 11Iyan nakaꞌinum nang muꞌsa, inlep ni Jacob si Raquel ngayti bawnga inarkan. Timnuruꞌ i pati luwaꞌ ya it sagya. 12Maat ya, “Kamanaken aku baytut amaꞌ mu, anak akut sulsug ya ngayang si Rebeca nga minan mu gasiꞌ it imu.” Pagkagneg ni Raquel kayti, magpapalagyuy miyuliꞌ duꞌut balay nga nanuturan duꞌut amaꞌ ya.
13Pagkagneg ni Laban it tuturan ngayti pasar it ki Jacob, siyusmu ya nga lagi i kamanaken ya ngayti. Siyakem ya bawnga inarkan. Piyabayaꞌ ya na duꞌut balay nira. Iyan natuturan na ni Jacob i muꞌsa, 14maat ni Laban, “Matuud yan. Kuꞌkup ku yay inaꞌ mu ngayan, sagpun kut inaꞌ, amaꞌ, aypaꞌ ikaw ngaytu, kamanaken ku nga banar.” Ta it atkayti, duꞌun nay tiyaꞌidan ni Jacob it mga amayan ya ngayti, seledat sang bulan.
Liyuku si Jacob kat pangasawa ya
15Pagtaꞌlib it sang bulan, maat ni Laban it ki Jacob, “Kayti ega maat sawkat nay daꞌka ugaling it amen, pabwaten ku na ikaw nga pabwaten it egay tangdan. Kayti iꞌaat mu lamang in sang unuy ireg mu nga itangdan ku it imu?”
16Ta si Laban ngayti, duwa i anak ya nga babay nga umbay paꞌ. Si Lea i akaꞌ. Si Raquel na ngayti i ariꞌ manggid. 17Malabu-labu i pagmata ni Lea it kanya temed, si Raquel, talagang daraga kanya. 18Si Raquel ngayti i naꞌiguꞌ it mata ni Jacob, aypaꞌ maat yat amayan ya ngayti nga si Laban, “In mapakay, magsirbi akut pitung taꞌun, sirbiyan ku ngaytu, si Raquel na ngayang anak mu ka kuꞌasawaen ku.”
19“Aaꞌ,” maat ni Laban, “egay maraꞌe-raꞌet kayan. Magayen payan ka ikaw naga, nga ega belag nga taw i makaꞌasawa it anak ku. Sigi, magsirbi ka na situt aken.” 20Aypaꞌ nagsirbi nang matuud si Jacob it pitung taꞌun isaꞌun lamang maꞌasawa ya si Raquel ngayti. Kat pitung taꞌun ngayti, panemdem ni Jacob in pira lamang nga aldaw, sabap dakulaꞌ talagay pagmaꞌal yat ki Raquel.
21Iyan naꞌayaw nay pitung taꞌun, maat ni Jacob it amayan ya ngayting si Laban, “Ta, siguru naꞌbut nay piyagꞌupakatan ta. Unu daꞌga paꞌ kapagdemket kami it anak mu?”
22Aypaꞌ egay beken, nagpaꞌitsu na si Laban it dakulang pagkaraꞌnen. Inimbitar yay muꞌsang mga kaꞌibaan nira ngayti duꞌun. 23Temed iyan delem na, binwat ni Laban, ega si Raquel ngayti i ipiyaꞌulid it ki Jacob, in daꞌga akaꞌ ngayti nga si Lea. Temed tanud ni Jacob si Raquel, aypaꞌ nagdemket na. 24Ta it naꞌasawa na si Lea, ipiyasadili na ni Laban it kanya i esang uripen nira nga babay nga pagpangaranat ki Zilpa.
25Ta, mamuyaan ni Jacob it aldaw na, ulid ya ngayti, si Lea palan. Pagkamuya ya kayti, maat ya it ki Laban, “Unuka atkaytu i binwat mut aken? Liyuku mu lamang aku! Nagsirbi akut pitung taꞌun ka si Raquel i pagpatengedan. Daꞌga baꞌ, iyan i piyagꞌupakatan ta?”
26“In maat daꞌga,” maat ni Laban, “situt amen ega magkarapawan it ariꞌ i akaꞌ it paꞌasawa. 27Kayti, pataꞌliben mu daꞌan i sang lingguꞌ ngaytung pagsadu mi ni Lea. Bawnga ipaꞌasawa ku naga yan it imu si Raquel. Takaꞌ maski nagꞌasawa kamu na, kaꞌilangan kat kanyang patuꞌ, magsirbi ka nagat pitu paꞌ nga taꞌun.” 28Napakay naga si Jacob. Aypaꞌ pagtaꞌlib it inaat ngayti, ipiyapagꞌasawa na ni Laban na Jacob duwa ni Raquel. 29Ta, it naꞌasawa na gasiꞌ si Raquel, ipiyasadili na ni Laban it kanya i esang uripen nira nga babay nga pagpangaranat ki Bilha. 30Egay beken, nagdemket na na Jacob duwa ni Raquel ngayti. Subrang pagmaꞌalen ni Jacob si Raquel ngayti, subraꞌ pat ki Lea. Bawnga nagsiribi siꞌ si Jacob it pitu paꞌ nga taꞌun.
Nanganak i duwa ngayting asawa ni Jacob, pati duwa ngayting uripen nga babay
31Urut it AMPUꞌANG DIYUS nga kurang i pagmaꞌal ni Jacob it ki Lea, aypaꞌ piyapanganak ya nat dumaliꞌ. Ki Raquel ngayti, ega paꞌ. 32Aypaꞌ nagbeteng na si Lea ngayti. Lalaki i simnakit nga anak ya. “Talagang,” maat ni Lea, “anak ku ngaytu, sanguꞌ naytut AMPUꞌANG DIYUS it aken, sabap urut yay magkasusaan ku ngaytut kaꞌlay. In daꞌku paꞌ maꞌalen it asawa ku ngayan, taꞌway.” Pangaranan yay anak ya ngayti, si Ruben.
33Nagbeteng siꞌ kanyat ikadwa, sumakit, lalaki naga. Maat ni Lea, “Naltegan it AMPUꞌANG DIYUS nga ega pagmaꞌalen aku, aypaꞌ itu gasiꞌ i ildaw yat aken.” Pangaranan ya, si Simeon. 34Pagbeteng ya sit ikatlu, sumakit, lalaki naga. “Itu,” maat ya, “talagang maꞌalen aku naytu it asawa ku ka tulu na ngaytuy anak namen, purus maka lalaki!” Si Levi siꞌ i ipiyangaran yat ikatlu ngayti.
35Nagbeteng sit ikaꞌpat, sumakit i ikaꞌpat ngayti, lalaki naga. “Kayti,” maat ya, “dakulaꞌ na talagang pagbantug nga pasalamat ku it AMPUꞌANG DIYUS.” Pangaranan ya, si Juda. Pagpanganak yat ikaꞌpat ngayti, mindek i sunud-sunud ngayti nga panganak ya.
Currently Selected:
Genesis 29: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Genesis 29
29
Si Raquel i uꞌnang nakitaan ni Jacob nga kaduguꞌan ya, pagꞌabut ya duꞌun it Haran
1Nagdayun siꞌ i panaw ni Jacob seked it nakaꞌbut kanya duꞌun it rugar nga pagtataꞌidan it mga taw nga taga duꞌun it lebatan nga ayun. 2Pagpaneyek-seyek ya, may naltegan ya nga esang tabud duꞌut iting rugar. May tulung paenan nga tupa nga mamagpaꞌna duꞌun ka duꞌun kayti i papaꞌimnan it kanira. Dakulang batu i maglelpen duꞌut baꞌbaꞌ it tabud ngayti. 3In tiꞌmes na duꞌun i muꞌsang mga tupa, bawnga iriꞌen i batu ngayting maglelpen. Bawnga in nakaꞌinum nang muꞌsay tupa, iꞌuliꞌ nira siꞌ i batu ngayti.
4Minlep si Jacob duꞌut mga manigꞌeper it mga tupa ngayti baw miningkut. Maat ya, “Mga kasulsugan, taga ari kamu?”
“Aaꞌ,” maat nira, “taga Haran kami baytu.”
5“Ta unu,” maat ni Jacob, “magkakilalaan mi si Laban nga apuꞌ ni Nacor?”
“Unuka ega?” maat nira. “Magkakilalaan namen bayan.”
6“Ta unu,” maat ni Jacob, “maꞌunu nagay ginawa ya?”
“In kayti paꞌ ngaytu, magayen naga,” maat it mga taw ngayti. “Iyan magꞌaꞌabut ngayan nga pagbabayaꞌen it mga tupa, anak ya nga babay. Si Raquel i ngaran.”
7“Tay, subuk abwatay pay aldaw,” maat ni Jacob. “Unuka ega paꞌ pagpaꞌimnun mi i mga tupa ngayan isaꞌun makakaꞌen-kaꞌen naga sira?”
8“Mabway mana,” maat it mga manigꞌeper ngayti. “Magꞌelat-elat kami pat mga kaꞌibaan nameng manigꞌeper. Mapaꞌinum bay mga tupa ngayan in tingped kami nang muꞌsa.”
9Magpakisugi-sugid paꞌ si Jacob it mga manigꞌeper ngayti, nakaꞌbut na si Raquel ngayti nga paꞌinum it mga tupa it amaꞌ ya, ka manigꞌeper nagat kanya. 10Pagkalteg ni Jacob it ki Raquel ngayting anak ni Laban nga sulsug it inaꞌ ya, baw mga tupa ni Laban, minlep kanya duꞌut tabud ngayti bawnga ipiyabaliling yay batu nga tagnep it tabud. Egay beken, piyaꞌinum ya nay mga tupa ngaytit amayan ya nga si Laban. 11Iyan nakaꞌinum nang muꞌsa, inlep ni Jacob si Raquel ngayti bawnga inarkan. Timnuruꞌ i pati luwaꞌ ya it sagya. 12Maat ya, “Kamanaken aku baytut amaꞌ mu, anak akut sulsug ya ngayang si Rebeca nga minan mu gasiꞌ it imu.” Pagkagneg ni Raquel kayti, magpapalagyuy miyuliꞌ duꞌut balay nga nanuturan duꞌut amaꞌ ya.
13Pagkagneg ni Laban it tuturan ngayti pasar it ki Jacob, siyusmu ya nga lagi i kamanaken ya ngayti. Siyakem ya bawnga inarkan. Piyabayaꞌ ya na duꞌut balay nira. Iyan natuturan na ni Jacob i muꞌsa, 14maat ni Laban, “Matuud yan. Kuꞌkup ku yay inaꞌ mu ngayan, sagpun kut inaꞌ, amaꞌ, aypaꞌ ikaw ngaytu, kamanaken ku nga banar.” Ta it atkayti, duꞌun nay tiyaꞌidan ni Jacob it mga amayan ya ngayti, seledat sang bulan.
Liyuku si Jacob kat pangasawa ya
15Pagtaꞌlib it sang bulan, maat ni Laban it ki Jacob, “Kayti ega maat sawkat nay daꞌka ugaling it amen, pabwaten ku na ikaw nga pabwaten it egay tangdan. Kayti iꞌaat mu lamang in sang unuy ireg mu nga itangdan ku it imu?”
16Ta si Laban ngayti, duwa i anak ya nga babay nga umbay paꞌ. Si Lea i akaꞌ. Si Raquel na ngayti i ariꞌ manggid. 17Malabu-labu i pagmata ni Lea it kanya temed, si Raquel, talagang daraga kanya. 18Si Raquel ngayti i naꞌiguꞌ it mata ni Jacob, aypaꞌ maat yat amayan ya ngayti nga si Laban, “In mapakay, magsirbi akut pitung taꞌun, sirbiyan ku ngaytu, si Raquel na ngayang anak mu ka kuꞌasawaen ku.”
19“Aaꞌ,” maat ni Laban, “egay maraꞌe-raꞌet kayan. Magayen payan ka ikaw naga, nga ega belag nga taw i makaꞌasawa it anak ku. Sigi, magsirbi ka na situt aken.” 20Aypaꞌ nagsirbi nang matuud si Jacob it pitung taꞌun isaꞌun lamang maꞌasawa ya si Raquel ngayti. Kat pitung taꞌun ngayti, panemdem ni Jacob in pira lamang nga aldaw, sabap dakulaꞌ talagay pagmaꞌal yat ki Raquel.
21Iyan naꞌayaw nay pitung taꞌun, maat ni Jacob it amayan ya ngayting si Laban, “Ta, siguru naꞌbut nay piyagꞌupakatan ta. Unu daꞌga paꞌ kapagdemket kami it anak mu?”
22Aypaꞌ egay beken, nagpaꞌitsu na si Laban it dakulang pagkaraꞌnen. Inimbitar yay muꞌsang mga kaꞌibaan nira ngayti duꞌun. 23Temed iyan delem na, binwat ni Laban, ega si Raquel ngayti i ipiyaꞌulid it ki Jacob, in daꞌga akaꞌ ngayti nga si Lea. Temed tanud ni Jacob si Raquel, aypaꞌ nagdemket na. 24Ta it naꞌasawa na si Lea, ipiyasadili na ni Laban it kanya i esang uripen nira nga babay nga pagpangaranat ki Zilpa.
25Ta, mamuyaan ni Jacob it aldaw na, ulid ya ngayti, si Lea palan. Pagkamuya ya kayti, maat ya it ki Laban, “Unuka atkaytu i binwat mut aken? Liyuku mu lamang aku! Nagsirbi akut pitung taꞌun ka si Raquel i pagpatengedan. Daꞌga baꞌ, iyan i piyagꞌupakatan ta?”
26“In maat daꞌga,” maat ni Laban, “situt amen ega magkarapawan it ariꞌ i akaꞌ it paꞌasawa. 27Kayti, pataꞌliben mu daꞌan i sang lingguꞌ ngaytung pagsadu mi ni Lea. Bawnga ipaꞌasawa ku naga yan it imu si Raquel. Takaꞌ maski nagꞌasawa kamu na, kaꞌilangan kat kanyang patuꞌ, magsirbi ka nagat pitu paꞌ nga taꞌun.” 28Napakay naga si Jacob. Aypaꞌ pagtaꞌlib it inaat ngayti, ipiyapagꞌasawa na ni Laban na Jacob duwa ni Raquel. 29Ta, it naꞌasawa na gasiꞌ si Raquel, ipiyasadili na ni Laban it kanya i esang uripen nira nga babay nga pagpangaranat ki Bilha. 30Egay beken, nagdemket na na Jacob duwa ni Raquel ngayti. Subrang pagmaꞌalen ni Jacob si Raquel ngayti, subraꞌ pat ki Lea. Bawnga nagsiribi siꞌ si Jacob it pitu paꞌ nga taꞌun.
Nanganak i duwa ngayting asawa ni Jacob, pati duwa ngayting uripen nga babay
31Urut it AMPUꞌANG DIYUS nga kurang i pagmaꞌal ni Jacob it ki Lea, aypaꞌ piyapanganak ya nat dumaliꞌ. Ki Raquel ngayti, ega paꞌ. 32Aypaꞌ nagbeteng na si Lea ngayti. Lalaki i simnakit nga anak ya. “Talagang,” maat ni Lea, “anak ku ngaytu, sanguꞌ naytut AMPUꞌANG DIYUS it aken, sabap urut yay magkasusaan ku ngaytut kaꞌlay. In daꞌku paꞌ maꞌalen it asawa ku ngayan, taꞌway.” Pangaranan yay anak ya ngayti, si Ruben.
33Nagbeteng siꞌ kanyat ikadwa, sumakit, lalaki naga. Maat ni Lea, “Naltegan it AMPUꞌANG DIYUS nga ega pagmaꞌalen aku, aypaꞌ itu gasiꞌ i ildaw yat aken.” Pangaranan ya, si Simeon. 34Pagbeteng ya sit ikatlu, sumakit, lalaki naga. “Itu,” maat ya, “talagang maꞌalen aku naytu it asawa ku ka tulu na ngaytuy anak namen, purus maka lalaki!” Si Levi siꞌ i ipiyangaran yat ikatlu ngayti.
35Nagbeteng sit ikaꞌpat, sumakit i ikaꞌpat ngayti, lalaki naga. “Kayti,” maat ya, “dakulaꞌ na talagang pagbantug nga pasalamat ku it AMPUꞌANG DIYUS.” Pangaranan ya, si Juda. Pagpanganak yat ikaꞌpat ngayti, mindek i sunud-sunud ngayti nga panganak ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.