Genesis 47
47
Ipiyatakenaꞌ na na Jacob duꞌut Egipto
1Pagꞌuliꞌ ni Jose it nagpaGosen ngayti nga rimnakud it amaꞌ ya, piyabayaꞌ yay lima nga mga sulsug ya. Naꞌaduꞌun na si Jose it adiꞌ ngayti. Maat ya, “Miyabut na bayan i mga sulsug ku. Puꞌsa na sira pati si Amaꞌ, magbabayaꞌ na. Duꞌun sira nagpaꞌabut it Gosen. Uyut na nira gasiꞌ i mga ayep baw muꞌsang kusas nira ka pangandaꞌ na nira situ.” 2Limang kataawan nga sulsug ya i piniliꞌ ya nga piyabayaꞌ ya ka ipiyakilala ya nat adiꞌ ngayti.
3Iningkut sira it adiꞌ, “Unuy panulus mit imyu?”
Maat i tubag nira, “Unu baꞌ, kagalang-galang it imu, manigꞌeper kami baytut ayep, subung kami nagat kagiyaringanan namen. 4Nakaꞌasitu kami naytu ka duꞌut amen, nga duꞌut Canaan, talagang masaki-sakit nga getem. Ega lamang taw, pati ramu-ramu gintem na gasiꞌ. Aypaꞌ in beteꞌ mapakay it imu, duꞌun kami na daꞌan it Gosen ngayti.”
5Maat i adiꞌ ngayti it ki Jose, “Ta it kayti nga situ nay amaꞌ mu baw mga sulsug mu, 6wayan nay muꞌsang banwa nga Egipto. Ipatakenaꞌ mu sira duꞌun it piyakamagayen nga pagpasturan. Duꞌun nay pataꞌidan mut kanira it Gosen ngayti. Baw in magkaꞌrutan mu nga may siyu it kanira manggid nga talagang magkaꞌrut meper it ayep, sira naga siꞌ i pabaalaꞌen mut aken nga mga ayep.”
7Piyabayaꞌ gasiꞌ ni Jose i amaꞌ ya ngayti nga si Jacob ka ipiyakilala ya it adiꞌ. Pagꞌabut ni Jacob, yapaꞌ kapagsugi-sugid sira, nakatupus si Jacob it ampang ya nga pagpaꞌildawan yay adiꞌ ngayti. 8“Pira nang taꞌun i idad mu, Apuꞌ?” maat i ingkut it adiꞌ ngayti it ki Jacob.
9“Aaꞌ,” maat ni Jacob, “sang gatus baw tulung puluꞌ aku nang taꞌun. Ababaꞌ naga i kaꞌgenan ku baw talagang makuriꞌ i nalabayan ku. Kaꞌlay it akeng kaꞌgenan ngaytu, ega naga makatablaꞌ it kaꞌlay it kaꞌgenan it mga piyaꞌlay nga kagiyaringanan ku.” 10Iyan natupus nay pagsugi-sugiden nira it adiꞌ ngayti, siyaꞌup naga ni Jacob i ampang ya ngayti nga pagpaꞌildawan yay adiꞌ ngayti. Pagkatupus ya, namꞌun na kanya ka miyuliꞌ na.
11Ta, ipiyatakenaꞌ ni Jose i amaꞌ ya baw mga sulsug ya ngayti duꞌun it Egipto. Ipiyasadili ya it kanira i piyakamagayen nga pagpasturan nga duꞌut Rameses, subung nat inaat ngayti it adiꞌ. 12Baw siyuwituꞌ na ni Jose it pangaꞌen i amaꞌ ya baw mga sulsug ya ngayti, sira na bang muꞌsa kat pamalay-balay it amaꞌ ya, nga pati muꞌsang mangaꞌwaꞌ nira.
Pan-gun ni Jacob it mga anak ya
28Inabut si Jacob duꞌun it Egipto it sang puluꞌ may pitung taꞌun. Magꞌidad na kanya it sang gatus baw epat nga puluꞌ may pitung taꞌun. 29Iyan pagtatanudun ya nga ega na paꞌlayen kanya, ipiyatawag yay anak ya ngayti nga si Jose baw inaat ya nga, “In ireg mu naga nga ildawan mu aku, ipasirib mu daꞌan i alima mu situt paꞌa ku ka may ireg ku nga isanggup mut aken. Isanggup mu nga daꞌku ilbeng mu situt Egipto. 30In matay aku na, itiꞌmes mu naga aku duꞌut lebeng it mga kagiyaringanan ku.”
“Eeꞌ, Amaꞌ,” maat ni Jose, “masunud yan i paꞌaaten mu ngayan.”
31“Ta in atkayan,” maat ni Jacob, “talagang isumpa mu situt aken.” Egay beken, isiyumpa ni Jose duꞌut amaꞌ ya. Bawnga rimnungguk na si Jacob ka nagpasalamat duꞌun it Ampuꞌang Diyus it magrarandig duꞌut irigaꞌan ya.
Currently Selected:
Genesis 47: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Genesis 47
47
Ipiyatakenaꞌ na na Jacob duꞌut Egipto
1Pagꞌuliꞌ ni Jose it nagpaGosen ngayti nga rimnakud it amaꞌ ya, piyabayaꞌ yay lima nga mga sulsug ya. Naꞌaduꞌun na si Jose it adiꞌ ngayti. Maat ya, “Miyabut na bayan i mga sulsug ku. Puꞌsa na sira pati si Amaꞌ, magbabayaꞌ na. Duꞌun sira nagpaꞌabut it Gosen. Uyut na nira gasiꞌ i mga ayep baw muꞌsang kusas nira ka pangandaꞌ na nira situ.” 2Limang kataawan nga sulsug ya i piniliꞌ ya nga piyabayaꞌ ya ka ipiyakilala ya nat adiꞌ ngayti.
3Iningkut sira it adiꞌ, “Unuy panulus mit imyu?”
Maat i tubag nira, “Unu baꞌ, kagalang-galang it imu, manigꞌeper kami baytut ayep, subung kami nagat kagiyaringanan namen. 4Nakaꞌasitu kami naytu ka duꞌut amen, nga duꞌut Canaan, talagang masaki-sakit nga getem. Ega lamang taw, pati ramu-ramu gintem na gasiꞌ. Aypaꞌ in beteꞌ mapakay it imu, duꞌun kami na daꞌan it Gosen ngayti.”
5Maat i adiꞌ ngayti it ki Jose, “Ta it kayti nga situ nay amaꞌ mu baw mga sulsug mu, 6wayan nay muꞌsang banwa nga Egipto. Ipatakenaꞌ mu sira duꞌun it piyakamagayen nga pagpasturan. Duꞌun nay pataꞌidan mut kanira it Gosen ngayti. Baw in magkaꞌrutan mu nga may siyu it kanira manggid nga talagang magkaꞌrut meper it ayep, sira naga siꞌ i pabaalaꞌen mut aken nga mga ayep.”
7Piyabayaꞌ gasiꞌ ni Jose i amaꞌ ya ngayti nga si Jacob ka ipiyakilala ya it adiꞌ. Pagꞌabut ni Jacob, yapaꞌ kapagsugi-sugid sira, nakatupus si Jacob it ampang ya nga pagpaꞌildawan yay adiꞌ ngayti. 8“Pira nang taꞌun i idad mu, Apuꞌ?” maat i ingkut it adiꞌ ngayti it ki Jacob.
9“Aaꞌ,” maat ni Jacob, “sang gatus baw tulung puluꞌ aku nang taꞌun. Ababaꞌ naga i kaꞌgenan ku baw talagang makuriꞌ i nalabayan ku. Kaꞌlay it akeng kaꞌgenan ngaytu, ega naga makatablaꞌ it kaꞌlay it kaꞌgenan it mga piyaꞌlay nga kagiyaringanan ku.” 10Iyan natupus nay pagsugi-sugiden nira it adiꞌ ngayti, siyaꞌup naga ni Jacob i ampang ya ngayti nga pagpaꞌildawan yay adiꞌ ngayti. Pagkatupus ya, namꞌun na kanya ka miyuliꞌ na.
11Ta, ipiyatakenaꞌ ni Jose i amaꞌ ya baw mga sulsug ya ngayti duꞌun it Egipto. Ipiyasadili ya it kanira i piyakamagayen nga pagpasturan nga duꞌut Rameses, subung nat inaat ngayti it adiꞌ. 12Baw siyuwituꞌ na ni Jose it pangaꞌen i amaꞌ ya baw mga sulsug ya ngayti, sira na bang muꞌsa kat pamalay-balay it amaꞌ ya, nga pati muꞌsang mangaꞌwaꞌ nira.
Pan-gun ni Jacob it mga anak ya
28Inabut si Jacob duꞌun it Egipto it sang puluꞌ may pitung taꞌun. Magꞌidad na kanya it sang gatus baw epat nga puluꞌ may pitung taꞌun. 29Iyan pagtatanudun ya nga ega na paꞌlayen kanya, ipiyatawag yay anak ya ngayti nga si Jose baw inaat ya nga, “In ireg mu naga nga ildawan mu aku, ipasirib mu daꞌan i alima mu situt paꞌa ku ka may ireg ku nga isanggup mut aken. Isanggup mu nga daꞌku ilbeng mu situt Egipto. 30In matay aku na, itiꞌmes mu naga aku duꞌut lebeng it mga kagiyaringanan ku.”
“Eeꞌ, Amaꞌ,” maat ni Jose, “masunud yan i paꞌaaten mu ngayan.”
31“Ta in atkayan,” maat ni Jacob, “talagang isumpa mu situt aken.” Egay beken, isiyumpa ni Jose duꞌut amaꞌ ya. Bawnga rimnungguk na si Jacob ka nagpasalamat duꞌun it Ampuꞌang Diyus it magrarandig duꞌut irigaꞌan ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.