Ресул Гириш
Гириш
Луканың хош хабары Иса Месихиң хача чүйленмеги ве өлүмден дирелмеги билен тамамланяр. Китап тамамланса-да, ондакы вакалар тамамланмаяр. Худайың Иса Месихи өлүмден дирелдип, Мукаддес Рухуны иберенинден соң, башга вакалар башланяр. Хут шу вакалары беян этмек үчин хем Лука «Ресулларың ишлери» атлы китабы язяр.
Китабың язылан дөврүнде Исаның шәгиртлериниң хеммеси диен ялы яхудыларды. Эмма Хош Хабарың башга миллетлере вагыз эдилмегиниң нетиҗесинде олар хем халас болуп, Худайың вада эден Мукаддес Рухуны алярлар. Павлус, Петрус ве бейлеки ресуллар Хош Хабары вагыз эдип, Мукаддес Рухуң гүйҗи аркалы энчеме сыркавлара шыпа берйәрлер, арвах-җын уранлары эрбет рухлардан азат эдйәрлер, тутуш Рим империясында месихи йыгнакларының дүйбүни тутярлар. Бу вакаларың аглаба бөлеги хәзирки Түркие, Греция ве Италия дөвлетлериниң арачәклеринде болуп гечйәрди. Сиз бу арачәклери Мукаддес Китабың ахыркы сахыпаларында ерлешдирилен картада гөрүп билерсиңиз.
Лука месихи йыгнакларың ир дөвүрдәки тарыхыны беян этмек билен, Мукаддес Язгылардакы вадаларың берҗай боландыгыны айратын ныгтаяр. Ол Мукаддес Рухуң гүйҗүниң ве дога-дилеглериң, гарып-пукаралара ярдам бермегиң нәдереҗеде ваҗыпдыгыны окыҗыларына дүшүнмәге көмек эдйәр.
Мазмуны
Ресуллара Мукаддес Рух инйәр 1:1–2:47
Иерусалимдәки йыгнак 3:1–8:3
Хош Хабар Яхудыя билен Самарияда вагыз эдилйәр 8:4–9:31
Хош Хабар кесеки халклара вагыз эдилйәр 9:32–15:35
Хош Хабар Кичи Азия, Греция ве Риме барып етйәр 15:36–28:31
Currently Selected:
Ресул Гириш: TukCyr16
Highlight
Share
Copy
Want to have your highlights saved across all your devices? Sign up or sign in
© Мукаддес Китап Терҗиме Институты, 2016