Yoannes 14

14 Ik.

1Iteki echi sambe chiukopoye yan: Kamui eishokoro, samata En eishokoro yan. 2Ku Michi chisei ta inne oshiroma kuni ushike okai; shomo ne yakun, Kuani echi nure ash na; echi utara okai kuni ushike Ku etokooiki gusu Ku arapa ruwe ne gusu ne na. 3Echi okai kuni ushike Ku etokooiki gusu Ku arapa yak anak ne, shui Ku ek wa, Ku an ushiketa echi utara ne yakka okai kuni gusu Kuani Yaikota En tura no echi koande ash ruwe ne. 4Otta Ku oman ushike echi eraman, samata, nei ruhu echi eraman ruwe ne. 5Orota Tomas ene itak-hi :— Utarapa, otta E oman ushike chi erampeutek; hemanda ani nei ruhu chi eraman ya? ani itak. 6Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne. 7Echi utara En eamkiri yak anak ne, Ku Michi ne yakka eamkiri kusu ne ap: te wano echi utara Shinuma eamkiri, orowa, Shinuma nukan nisa ruwe ne na. 8Shinuma otta Piripos ene itakhi :— Utarapa, Un otta Michi nukare wa un kore, yakun chi ramuashinnere ash kusu ne, ani itak. 9Orota Yesu ene itak-hi :— Tap ohonno echi tura no Ku an wa eani En eamkiri shomoki ya? En nukara guru anak ne Michi nukan nisa ruwe ne; Michi un nukare, sekoro hemanda e ye ya? 10Kuani anak ne Michi oshiketa Ku an, orowa, Michi anak ne En oshiketa an sekoro shomo eishokoro ya? Echi otta Ku ye itak anak ne Kuani yaikota orowa no a ye shomoki ruwe ne: koroka, En oshiketa oshiroma wa an Michi anak koro ikip ki ruwe ne. 11Kuani anak ne Michi oshiketa an, orowa, Michi anak ne En oshiketa an sekoro eishokoro yan: shomo ne yakun, aki ikip gusu eishokoro yan. 12Son no, son no, echi otta Ku ye, En eishokoro guru anak ne Ku ki ikip nei guru ne yakka ki kusu ne; orowa, tambe kasu no poro ikip ki kusu ne; Michi orota Ku arapa ruwe ne gusu ne na. 13Orowa, Poho oshiketa Michi anak ne aeoripak kuni ne, Ku reihei ankushkerai nep ne yakka echi koramkorope Ku kara kusu ne. 14Nep ne yakka Ku reihei ankushkerai echi En koramkoro yakun Ku kara kusu ne. 15Echi utara En omap yakun, Ku ki ikashpaotte echi shikkashima kusu ne. 16Orowa, Michi Ku koramkoro wa hembara pakno ne yakka echi tura no an gusu Shinuma moshima no an Kotchane ki kunip echi kore kusu ne, nei ambe anak ne Sone an Ramat ne: 17moshiri anak Shinuma uk eaikap Shinuma nukara shomoki samata shomo Shinuma eamkiri gusu ruwe ne gusu ne na, echi utara anak ne Shinuma eamkiri; echi tura no oshiroma wa echi otta an kusu ne gusu ne na. 18Eshikop sak no Kuani echi ande ash shomoki, echi otta Ku ek kusu ne na. 19Naa nisako ta moshiri anak ne En nukara shomoki kusu ne, koroka, echi utara anak En nukan ruwe ne: Kuani ishu gusu, echi utara ne yakka ishu kusu ne. 20Nei toho ta Kuani anak ne Ku Michi otta Ku an, orowa, echi utara En otta okai, samata, Kuani anak echi otta Ku an shiri echi eraman kusu ne na. 21Ku ikashpaotte koro wa nei ambe shikkashima gurʼanak ne En omap gunʼne: orowa, En omap guru anak ne Ku Michi orowa no aomap kusu ne, orowa, Kuani anak shinuma omap wa otta yaikota Ku yainukara kusu ne na. 22Shinuma otta Youdas (Kariot kotan un guru shomo ne) ene itak-hi :— Utarapa, nep hetuku wa an gusu Aokai anak ne moshiri otta shomo ne no koroka un otta yainukara ya? sekoro itak. 23Orota Yesu ese wa ene itak-hi :— Ainu En omap yakun Ku itak shikkashima kusu ne: orowa, Ku Michi anak ne nei guru omap kusu ne, orowa, nei guru otta chi araki ash wa tura no oshiroma ash kusu ne ruwe ne. 24En omap shomoki guru anak ne Ku itak shikkashima shomoki ruwe ne: orowa, echi nu itak anak ne Ku korobe shomo ne, koroka, En omande Michi korobe ne ruwe ne.

25Echi tura no Ku an rapoketa tap okaibe echi otta Ku ye nisa ruwe ne. 26Koroka, Ku reihei rengap gusu Ku Michi omande Kotchane kuni Ashkanne Ramat anak ne, Shinuma anak obitta no okaibe echi epakashnu kusu ne, orowa, echi otta obitta no okai Ku ye ambe echi eshikarunde kusu ne na. 27Itomo echi otta Ku hoppa: Ku goro itomo echi kore ash na: moshiri kore nei no Kuani echi kore shomoki ruwe ne. Iteki echi sambe yaikowepekerere, iteki sambe kimatekte yan. 28Ku oman wa shui echi otta Ku ek kusu ne ani an itak ani Ku ye-hi echi nu nisa. Echi utara En omap yakun, Kuani Michi otta Ku arapa gusu echi yaikopuntek kusu ne: En kasu no Michi anak ne pase ruwe ne gusu ne na. 29Orowa, tane nei ambe hetuku etokota Kuani echi nure ash nisa, nei ambe hetuku chiki echi utara eishokoro kuni gusu ne ruwe ne. 30Te wano poron no echi tura Ku koitak shomoki, inambe gusu ne yakun, moshiri esapanep ek: orowa, En otta shinuma nep ka koro shomoki ruwe ne; 31koroka, Kuani anak ne Michi Ku omap sekorʼambe eraman kuni ambe ne, orowa, Michi En kashpaotte nei no Ku ki ruwe ne. Hopuni, te wano paye anro.

Currently Selected:

Yoannes 14: AINU

Highlight

Copy