Yoannes 20

20 Ik.

1Orowa, Mawari atpake an toho ta, naa shirikunne an ita, Makdarene un Maria anak ne tushiri otta ek, awa, nei tushiri wano shuma auk wa an shiri nukara. 2Tambe gusu, shinuma hoyupu hine Simon Petros newa moshima an Yesu omap koikara guru otta ek wa orota ene itak-hi :— Nei utara anak ne tushiri orowa no Utarapa uk, awa, neita Shinuma ande ya chi erampeutek ruwe ne, sekoro itak. 3Tambe gusu, Petros newa nei moshima an koikara guru soyumba wa tushiri orun paye. 4Aige, nei tun anak ne ukotura hoyuppa nisa ruwe ne; awa, nei moshima an koikara guru anak ne Petros kasu no nitan wa hoshiki no tushiri otta ek ruwe ne; 5orowa, hotku wa tushiri orun ingara wa nei senkaki amip aande wa an shiri nukara; yakka, ahun shomoki ruwe ne. 6Orowa, Simon Petros ne yakka shinuma noshpa wa ek hine tushiri orota ahun; awa, nei aande wa an senkaki amip hemhem nukara, 7samata, ani Yesu koro sapa akokarakari senkaki hemhem, nei senkaki amip tura shomo ne, niki akara wa moshima an ushiketa shinep ne po aande wa an shiri nukan nisa ruwe ne. 8Tata otta hoshiki no ek nei moshima an koikara guru ne yakka ahun, aige, nukara, orowa, eishokon nisa ruwe ne. 9Rai orowa no Shinuma hetopo-shiknu kusu ne ap shiri an Kamui nuyere kambi naa nei utara erampeutek ruwe ne gusu ne na. 10Tambe gusu, koikara utara anak ne yaikota koro uni orun shui paye nisa ruwe ne.

11Koroka, Maria anak ne chish koro soita tushiri samaketa ash wa an ruwe ne: awa, chish shiri an koro hotku wa tushiri orun ingan nisa ruwe ne; 12aige, retara amip mi wa okai tu Kamui hauturumbe nukara, Yesu kon netobake aande ushiketa, shinep nei sapaha an ushike shinep nei chikiri an ushiketa a wa an ruwe ne. 13Nei utara shinuma otta ene itak-hi :— Shiwentep, hemanda gusu e chish ruwe he an? Orota shinuma ene itak-hi :— Nen ka Ku goro Utarapa koro wa paye wa isama, neita Shinuma ande ushike Ku erampeutek ruwe ne gusu ne na, ari itak. 14Shinuma nei no ye okere chiki oshmake orun hosari hine Yesu ash korʼan shiri nukara, awa, Yesu ne sekoro erampeutek. 15Orota Yesu ene itakhi :— Shiwentep, nep gusu e chish ruwe he an? Inan guru e hunara ruwe? ari itak. Nei guru anak ne toi kara guru ne kuni shinuma yainu koro, orota ene itak-hi :— Nishpa, te wano Aokai anak ne Shinuma ani wa oman yak anak ne, neita aande ushike en nure wa en kore, orowa Kuani Shinuma ani wa oman kusu ne na, ari itak. 16Orota, “Maria,” ani Yesu itak. Orowa, nei shiwentep yai-hosari wa Hebrai un itak ani Rabboni, ari itak; tan itak ikkewehe anak ne Epakashnu guru ani an itak ikkewehe ne ruwe ne. 17Orota Yesu ene itak-hi :— Iteki En tomooshma yan; naa shomo Michi otta Ku rikin nisa ruwe ne gusu ne na: koroka, Ku iriwak otta arapa wa, orota, Kuani anak ne Ku goro Michi newa echi koro Michi, Ku goro Kamui newa echi koro Kamui otta Ku rikin ruwe ne, ani an itak ani ye yan, ari itak. 18Makdarene un Maria ek wa Shinuma koro koikara utara otta ene itak-hi :— Utarapa Ku nukan nisa, orowa, tap okaibe Shinuma orowa no a en nure an na, ari itak.

19Orowa, nei toho ta, Mawari atpake an toho ta anak, shiri-onuman an koro, Yudea un utara koishitoma wa okai gusu, koikara utara okai ushiketa an apa-ushta ashi wa an, awa, nei ita Yesu ek hine utara tumugeta ash wa, — Echi utara otta itomo anro, ani ye. 20Orowa, tap ye okere chiki koro teke hemhem, ut hemhem nei utara otta nukare nisa ruwe ne na. Awa, koikara utara Utarapa nukara chiki, yaikopuntek nisa ruwe ne. 21Orowa, shui nei utara otta Yesu ene itak-hi :— Echi otta itomo anro; Michi anak ne En omande korachi, Kuani echi payere ash ruwe ne, sekoro itak. 22Tap ambe ye okere chiki nei utara kashiketa heise ki wa orota ene itak-hi :— 23Ashkanne Ramat echi uk yan: nen ne yakka koro katpak echi tusare yakun, atusare ruwe ne, orowa, nen ne yakka koro katpak echi ande yakun, aande ruwe ne kusu ne na, sekoro itak.

24Koroka, nei tun ikashima wa niu tumuge un Didimos ani areikore Tomas anak ne, Yesu ek ita, nei utara tura no an shomoki nisa ruwe ne. 25Awa, moshima okai koikara utara anak ne :— Utarapa chi nukara ash nisa, ani an itak ani shinuma otta ye. Koroka, nei utara otta shinuma ene itak-hi :— Shinuma koro teke otta okai kungi kochi ku nukara, orowa, nei kungi kochi otta ku ashikipet ku omare, samata, koro ut otta ku teke ku omare shomoki yakun, ku eishokoro shomoki kusu ne na, ani itak.

26Orowa, tupesan rereko okaketa shui koikara utara anak ne chisei ta okai, awa, Tomas nei utara tura no an nisa ruwe ne. Aige, apa-ushte ashi wa an, awa, Yesu ek wa utara tumugeta ash, aige, ene itak-hi :— 27Echi otta itomo anro, ani itak. Orowa, Tomas otta Shinuma ene itak-hi :— Eteun e koro ashikipet turi wa Ku teke ingara; e koro teke turi wa Ku ut otta omare yan; orowa, iteki eishokor-i sak no an, eishokoro yan, ani itak. 28Tomas ese wa Shinuma orota ene itak-hi :— 29Ku goro Utarapa, Ku goro Kamui. Orota Yesu ene itak-hi :— Eani En nukan nisa ruwe ne gusu eishokon nisa ruwe ne, awa, nukara shomoki no eishokon nisa utara anak ne anunuke ne ruwe ne, ani itak.

30Tambe gusu, tan kambi-sosh kashiketa chieshinnuye shomoki poron no moshima okai shirosh Yesu anak ne koikara utara tek-samata kan nisa; 31koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Currently Selected:

Yoannes 20: AINU

Highlight

Copy