Yoannes 6

6 Ik.

1Tap okaketa Yesu anak ne Tiberias atui, Gariraya un atui kushketa oman. 2Awa, tashum ki utara kata Shinuma ki shirosh nukan nisa ruwe ne gusu, poro inne utara Shinuma osh paye nisa ruwe ne. 3Aige, Yesu nupuri hemesu, awa, koro koikara utara tura no nei ita a nisa ruwe ne. 4Tane, Yudea un utara koro marapto, Kamakush marapto, ehange no an. 5Tambe gusu, Yesu anak ne koro shikihi hepuni wa orota araki poro inne utara nukara koro Piripos otta ene itak-hi :— Tan okai utara ibe kuni aep nei wano chi hok ya? sekoro itak. 6Koroka, tap itak ye ika anak ne shinuma uwande kuni gusu an ap ne; Shinuma nekon a kara ya yaikota eraman ruwe ne gusu ne na. 7Shinuma otta Piripos ene ese-hi :— Nei utara obitta shinen range pon no poka e kuni shine wan hotne denaria pakno okai aep an yakka upak shomo ne ruwe ne, sekoro itak. 8Simon Petros koro ainu iriwak Andreas ani aye shine Yesu koikara guru anak ne Shinuma otta ene itak-hi :— 9Omungi pantak ashiknep hemhem, tu chep hemhem koro shine heikachi teda an: koroka, tap okai inne utara otta tambe nep okaibe ne ya? ari itak. 10Utara rokte yan, ani Yesu ye. Nei ushiketa mun poron no okai. Tambe gusu, nei ainu utara rok nisa ruwe ne, pishkihi anak ne go sen nin ne ainu ehange ruwe ne. 11Orowa, Yesu anak ne nei pantak uina; awa, yaiiraige ki chiki rok wa okai utara otta eimek nisa ruwe ne; shui, utara kon rusui pakno chep ani shem korachi ki nisa ruwe ne na. 12Orowa, nei utara kironnu aokere chiki koro koikara utara otta Shinuma ene itak-hi:— Nep ne yakka iteki aturainu kuni ne ikashima wa okai ameshpa uibe eumashnu yan, ani itak. 13Tambe gusu, nei utara anak ne ibe utara otta nei ashikne omungi pantak gusu ikashima wa okai ameshpa uibe eumashnu wa tu saranip ikashima wan saranip shikte nisa ruwe ne na. 14Tambe gusu, Shinuma ki shirosh nei utara nukara chiki ene itak-hi :— Tambe anak ne son no newa moshiri otta ek kusu ne uweingara guru ne ruwe ne, ani itak.

15Okai utara anak ne Shinuma shikkashima hine Moshiri esapanere kuni gusu araki kusu ne shiri sekoro Yesu eraman koro, tambe gusu, shui Shinuma yaikota shinen ne nupuri otta ekohopi wa oman nisa ruwe ne na.

16Orowa, shiri-onuman an chiki koro koikara utara anak ne rep ta sap nisa ruwe ne; 17aige, chip otta ahup wa Kapernaum kotau otta atui-tomotuye korʼan nisa ruwe ne. Awa, tane shirikunne an, orowa, orota Yesu naa shomo ek na. 18Samata, rui rera ash wa an gusu riri poro shiri an ruwe ne. 19Tambe gusu, nei utara ashikne stadia ikashima hotne stadia hene tu hotne stadia hene pakno chip o wa okai chiki, Yesu atui kata apkash wa chip ehange no ek shiri anukara ruwe ne: awa, nei utara ishitoma nisa ruwe ne. 20Koroka, nei utara otta Shinuma ene itak-hi :— Kuani ne; iteki ishitoma yan, ari itak. 21Tambe gusu, nei utara anak ne Shinuma chip orun ahun kuni ramuoshma: aige, nani paye kuni kotan ta chip an nisa ruwe ne na.

22Nei shimge toho ta ikushketa an atui samata roshki wa okai utara anak ne nei ita shine chip moshima chip isam sekoro nukara, samata, Yesu anak ne koro koikara utara tura chip otta ahun shomoki no, koroka, koikara utara yai-tura paye ruwe ne sekoro nukara chiki (yakka, 23Utarapa yaiiraige ki okaketa aep ibe ushike ehange no Tiberias wano araki chip an): 24tambe gusu, Yesu newa koro koikara utara anak ne nei ushiketa isam sekoro inne utara nukara chiki, yaikota chip otta ahup wa Yesu hunara gusu Kapernaum kotan ta araki nisa ruwe ne na. 25Orowa, atui ikushketa Shinuma an shiri nei utara nukara chiki, orota ene itak-hi :— Rabbi hembara ta teda E ek ruwe? 26Orota Yesu ese wa ene itak-hi :— Son no son no echi otta Ku ye, shirosh echi nukara gusu shomo En hunara, nei aep echi ibe wa akironnure nisa ruwe ne gusu En hunara ruwe ne. 27Aisamka kusu ne aep gusu iteki monraige yan, Ainu Poho echi koropare kusu ne ramma okere shomoki inotu ari an aep echi koro gusu ki yan: Michi Kamui anak ne Shinuma otta han kotukka nisa ruwe ne gusu ne na. 28Tambe gusu, Shinuma otta nei utara ene itak-hi :— Kamui ikip chi kara ash kuni gusu nekon a iki yak pirika ya? 29Orota Yesu ese wa ene itak-hi :— Kamui aomande guru echi eishokoro kuni ambe anak ne, tambe anak Kamui ikip ne ruwe ne. 30Tambe gusu, Shinuma otta nei utara ene itak-hi :— Chi utara nukara wa eishokoro kuni gusu nekon a shirosh E ki ya? 31Nepi E kara ya? Shinuma anak ne kando orowa no nei utara otta aep koropare nisa ruwe ne sekorʼan itak chieshinnuye wa an korachi, chikoro ekashi utara nup otta Manna ibe nisa ruwe ne na, ari itak. 32Tambe gusu, nei utara otta Yesu ene itakhi :— Son no son no echi otta Ku ye, kando orowa no nei aep echi kore guru anak ne Mose shomo ne; koroka, Ku Michi anak ne Kando orowa no son no aep echi kore ruwe ne. 33Inambe gusu ne yakun, Kamui aep anak ne Kando wano ran wa moshiri otta inotu kore ambe ne ruwe ne gusu ne na, sekoro itak. 34Tambe gusu, Shinuma otta nei utara ene itak-hi :— Utarapa, ramma nei aep un kore wa un kore, ari itak. 35Nei utara otta Yesu ene itak-hi :— Kuani anak ne inotu oma aep Ku ne ruwe ne: En orun ek gurʼanak ne sambe-chinoiba shomoki, En eishokoro guru 36anak ne ramma iku rusui shomoki kusu ne. Koroka, echi utara En nukan nisa, yakka eishokoro shomoki, sekoro Ku ye nisa ruwe ne na. 37Nep ne yakka Michi En korep anak ne obitta En otta araki kusu ne ruwe ne; orowa, En orun ek guru anak ne oara Ku emaka shomoki kusu ne. 38Kuani anak ne yaikota korʼirenga Ku ki gusu kando wano Ku ran shomoki, En omandep korʼirenga ki kuni gusu Ku ek nisa ruwe ne gusu ne na. 39Orowa, En omandep koro irenga anak ne tapne ne ruwe ne; nep ne yakka Shinuma En koroparep otta shinep ka aturainu shomoki no, okese an toho ta nei ambe Ku hetopo-shiknure kuni ambe ne ruwe ne. 40Inambe gusu ne yakun, Ku Michi irenga anak ne tapne ne; nen ne yakka Poho nukara wa eishokoro guru anak ne ramma okere shomoki inotu koro kunip ne; orowa, okese an toho ta Kuani anak ne shinuma hetopo Ku shiknure kusu ne na.

41Tambe gusu, Yudea un utara anak ne Yesu gusu oromam ruwe ne, Kuani anak ne kando orowa no ran aep Ku ne ruwe ne, ari an itak ani Shinuma ye nisa ruwe ne gusu ne na. 42Awa, ene itak-hi :— Tan guru anak ne koro ona koro unu chi eamkiri Yosep koro poho Yesu shomo ne ya? Hemanda gusu, Kuani anak ne kando orowa no Ku ran ruwe ne ani tane Shinuma itak ya? sekoro nei utara itak nisa ruwe ne. 43Orota Yesu ese wa ene itak-hi :— Iteki uwe-oromam yan. 44En omande Michi anak ne ainu nimba shomoki chiki nen ye yakka En otta ek eaikap ruwe ne: orowa, okese an toho ta shinuma hetopo Ku shiknure kusu ne. 45Obitta no okai nei utara anak ne Kamui orowa no aepakashnu an kusu ne, sekorʼan orushpe uweingara kambi kata anuye wa an ruwe ne. Nen ne yakka Michi otta nu wa eyaihannokkara guru anak ne pishno En orun ek ruwe ne. 46Kamui orowa no ek guru moshima nen ne yakka Michi nukan nisa guru isam, Shinuma anak ne Michi nukan nisa ruwe ne. 47Son no son no echi otta Ku ye :— Eishokoro gurʼanak ne ramma okere shomoki inotu koro shiri an na. 48Kuani anak ne inotu oma aep Ku ne ruwe ne. 49Echi koro ekashi utara anak ne nup otta manna ibe orowa no rai wa isam ruwe ne. 50Tan aep anak ne ainu ibe wa shomo rai kuni kando orowa no ran aep ne ruwe ne. 51Kando orowa no ran ishu aep Ku ne ruwe ne: tan aep ibe guru an chiki ramma pakno ishu kusu ne: ruwe un, moshiri inotu gusu Ku kore aep anak ne Ku kam ne ruwe ne na.

52Tambe gusu, Yudea un utara anak ne utashpa etushmak wa ene itak-hi :— Hemanda iki wa tan guru anak ne koro kam ani un ere eashkai ya? 53Tambe gusu, nei utara otta Yesu ene itak-hi :— Son no son no echi otta Ku ye, Echi utara anak ne Ainu Poho koro kam echi e, samata Shinuma koro kem echi iku shomoki chiki anak ne echi yaikota oshiketa inotu koro shomoki ruwe ne. 54Ku kam e, Ku kem iku gurʼanak ne ramma okere shomoki inotu koro; orowa, okese an toho ta Kuani shinuma hetopo Ku shiknure kusu ne na. 55Inambe gusu ne yakun, Ku kam anak ne son no aep ne, Ku kem anak son no iku ambe ne ruwe ne. 56Ku kam ibe Ku kem iku gurʼanak ne En oshiketa oshiroma, Kuani ka shinuma oshiketa Ku oshiroma ruwe ne. 57Ishu Michi anak ne En omande, orowa, Michi an gusu Ku ishu wa an korachi; tap korachi En ibe guru anak ne Kuani an gusu ka ishu kusu ne na. 58Tambe anak ne kando orowa no ran aep ne; ekashi utara ibe wa rai wa isam nei no an ambe shomo ne: tan aep ibe gurʼanak ne ramma pakno ishu kusu ne na. 59Shinuma anak ne Kapernaum kotan ta epakashnu wa an ita tap orushpe shine uwekarapa chisei otta an wa ye nisa ruwe ne.

60Tambe gusu, koro koikara utara un inne utara nei orushpe nu chiki ene itak-hi :— Tambe anak ne hokamba itak ne; nu eashkai guru nen ne ruwe he an? ari itak. 61Koroka, tap itak gusu koro koikara utara oroman shiri Yesu yaikota keutum ta eramʼan wa orota ene itak-hi :— Tambe anak echi epetchiure ya? 62yak anak ne etokota oshiroma ushike orun Ainu Poho rikin katu echi nukara chiki nekon a iki ya? 63Shiknurep anak ne ramat ne ruwe ne; kam anak raka sakbe ne: echi otta Ku ye itak anak ne ramat ne, inotu ne ruwe ne. 64Koroka, eishokoro shomoki utara echi tumugeta okai, ani itak. Yesu anak ne atpake wano shomo eishokoro utara hemhem, Shinuma ekoshi kusu ne guru hemhem, eraman nisa ruwe ne gusu ne na. 65Orowa, Shinuma ene itakhi :— Tan ikkewehe an gusu, Michi orowa no akore shomoki yakun nen ne yakka En orun ek eaikap ruwe ne, ari an itak ani echi otta Ku ye nisa ruwe ne.

66Te wano koro koikara utara un inne utara anak ne oyake un paye wa naa Shinuma tura shomoki nisa ruwe ne. 67Awa, tambe gusu, nei tun ikashima wa niu otta Yesu ene itak-hi :— Echi utara ne yakka paye kuni echi ramu ya? ari itak. 68Otta Simon Petros ene ese-hi :— Utarapa, inan guru otta paye ash kusu ne ya? Aokai anak ne ramma okere shomoki inotu oma itak E kon ruwe ne. 69Samata, Aokai anak ne Kamui koro Ashkannep E ne ruwe ne, sekoro chi eishokoro wa chi eraman nisa ruwe ne na, ani itak. 70Nei utara otta Yesu ene ese-hi :— Echi tun ikashima wa niu Ku numge shomoki ya? orowa, echi shinen anak ne nitne kamui shomo ne ruwe he an? ani itak. 71Kariot kotan un Simon koro poho Youdas epeka no Shinuma ye nisa ruwe ne; nei guru anak ne nei tun ikashima wa niu un shinen ne, awa, shinuma anak Yesu ekoshi kusu ne guru ne ruwe ne gusu ne na.

Currently Selected:

Yoannes 6: AINU

Highlight

Copy