Yoannes 9

9 Ik.

1Orowa, Shinuma shirikush korʼan ita anak ne hekatu wano shiknak guru shinen anukara. 2Awa, Shinuma otta koikara utara nu wa ene itak-hi :— Rabbi, tan guru shiknak wa hekatu gusu shinuma yaikota hene, koro eshikop hene, inan guru katpak ki ya? 3Yesu ene ese-hi :— Tan guru ne yakka, koro eshikop ne yakka katpak ki shomoki ruwe ne: koroka, shinuma otta Kamui ikip anukara kuni gusu an ap ne ruwe ne. 4Tokap-to an ita anak ne En omandep koro ikip chi ki kusu ne ap: nen ne yakka nep ki eaikap kunne-to ek kusu ne na. 5Moshiri otta Ku an rapoketa, moshiri pekere Ku ne ruwe ne. 6Tambe ye okere koro, shiri kata topse-kara wa nei non ani teinei toi kara hine ani nei guru koro shikihi aushi, 7orowa, otta ene itak-hi :— Oman wa Siroam to otta yashke yan, ari itak (nei ambe eepakita chiki aomande ani an itak ne ruwe ne). Tambe gusu, shinuma oman wa yashke, orowa, nukara koro ek nisa ruwe ne na. 8Tambe gusu, aota un utara hemhem, shinuma etokota hoito guru ne ani nukara utara hemhem, ene itak-hi :— Tan guru anak ne a wa iyahupkara guru shomo ne ya? ari itak. 9Shinuma ne, ani ye utara okai: shomo, shinuma koheraye guru ne ari ye utara ka okai. Kuani anak ne shinuma ne, sekoro nei guru yaikota ye nisa ruwe ne. 10Tambe gusu, okai utara anak ne shinuma otta ene itak-hi :— Nekon a iki wa e koro shiki amaka ya? ani itak. 11Shinuma ene ese-hi :— Yesu ani aye ainu teinei toi kara hine ku shiki aushi, aige, Siroam otta e oman wa yashke ari an itak ani en otta ye nisa ruwe ne: tambe gusu, ku oman wa yashke, orowa, ku nukan ruwe ne, sekoro itak. 12Orota, nei guru neita an ruwe he an, ari nei utara itak. Ku era-mushkari sekoro shinuma ye nisa ruwe ne na.

13Orowa, utara anak ne etokota shiknak wa an guru Parisee un utara otta tura wa araki nisa ruwe ne. 14Yesu teinei toi kara wa shinuma koro shiki maka toho anak ne Shini toho ne ruwe ne. 15Awa, tambe gusu, shui, Parisee un utara anak ne nekon a iki wa gusu nukara eashkai orushpe shinuma otta inu. Orowa, nei guru anak ne, Shinuma ku shikihi kata teinei toi ande, orowa, kuani yashke wa nukara korʼan ruwe ne, ari nei utara otta ye. 16Tambe gusu, Parisee un sereke utara anak ne ene itak-hi :— Tan guru anak ne Shini toho shikkashima shomoki gusu Kamui orowa no ekbe shomo ne ruwe ne, ari itak. Koroka, nekon a iki wa tap korachi an shirosh katpak koro guru ki eashkai ya moshima okai utara ye nisa ruwe ne. Orowa no, nei utara tumugeta eukopi an na. 17Tambe gusu, shui nei utara anak ne nei shiknak guru otta ene itak-hi :— E koro shiki maka gusu Shinuma epeka no nekon a e ye ya, ari itak. Shinuma anak uweingara guru ne, ani nei guru ye nisa ruwe ne. 18Tambe gusu, shiki atumashnure guru koro eshikop hotuyekara wa, Tan guru anak ne shiknak wa hekatu ari echi ye poho ne ya? 19nekon a shinuma tane nukara ya? orota ye pakno shinuma shiknak wa hekatu wa atumashnure guru ne sekorʼan orushpe Yudea un utara eishokoro shomoki nisa ruwe ne na. 20Koro eshikop ese wa ene itak-hi :— Tan guru anak ne chikoro poho ne, samata, shinuma shiknak wa hekatu nisa ruwe ne sekoro chi eraman: 21koroka, hemanda tane shinuma nukara katu chi eramushkare; koro shiki maka guru nen ne ya chi erampeutek; shinuma pa an gusu otta nu yan; aige, shinuma yaikota gusu ese itak ki kusu ne na, ari itak. 22Yudea un utara koishitoma gusu nei eshikop anak tap itak ani ye nisa ruwe ne: inambe gusu ne yakun, nen ne yakka Shinuma anak ne Kiristo ne ani eyaipushi guru an yakun uwekarapa chisei orowa no aemaka kusu ne, sekoro Yudea un utara ukoramu-oshima okere nisa ruwe ne gusu ne na. 23Tambe gusu, Shinuma pa an gusu, shinuma otta nu yan ani an itak ani koro eshikop utara ye nisa ruwe ne na. 24Tambe gusu, nei utara tu shuine nei shiknak guru hotuyekara wa otta ene itak-hi :— Kamui iramye yan: tan guru anak katpak koro guru ne sekoro chi eraman, ani itak. 25Tambe gusu, shinuma ene ese-hi:— Shinuma anak ne katpak koro guru ne ya, ku erampeutek: kuani shiknak wa ku an, awa, tane ku nukara korʼan, sekorʼan shine orushpe anak ne ku eramʼan ruwe ne, ari itak. 26Tambe gusu, orota nei utara ene itak-hi :— E otta nekon a Shinuma iki ya? Nekon a iki wa e koro shiki Shinuma maka nisa ruwe he an? 27Orota shinuma ene ese-hi :— Tane poka echi nure ash, awa, echi nu shomoki: shui echi nu rusui ya? echi utara ne yakka Shinuma koikara utara echi ne rusui ya? ari itak. 28Tata otta nei utara anak ne shinuma oitakushi wa ene itak-hi :— Eani anak ne Shinuma koro koikara guru e ne; koroka, chi utara anak Mose koro koikara utara chi ne ruwe ne. 29Kamui anak ne Mose otta ye orushpe chi eramʼan: koroka, tan guru anak nei wano an guru ne ya, chi erampeutek ruwe ne, ani itak. 30Orota nei guru ese wa ene itak-hi :— Hemanda! te otta aenushkarip an, Shinuma nei wano an guru ne ya echi erampeutek, yakka, ku shikihi Shinuma maka nisa ruwe ne. 31Kamui anak ne katpak koro guru shomo nu sekorʼambe chi eramʼan: koroka, nen ne yakka Kamui kooripak, Shinuma korʼirenga ki guru an yak anak ne, Kamui nei guru nu ruwe ne. 32Moshiri heashi wano ainu anak ne shiknak wa hekatu an guru koro shiki maka orushpe naa anu shomoki ruwe ne. 33Tan guru anak ne Kamui orowa no an guru shomo ne yakun, nep ne yakka ki eaikap ruwe ne, ari itak. 34Nei utara ese wa shinuma otta ene itak-hi:— Eani anak ne oara katpak otta hekatu, awa, eani un epakashnu ya? Orowa no, shinuma emaka nisa ruwe ne na.

35Shinuma aemaka wa an orushpe Yesu nu; orowa, ipa wa nukara chiki otta ene itak-hi :— Eani anak ne Kamui Poho eishokon ruwe he an? 36Nei guru ese wa ene itak-hi :— Utarapa, kuani eishokoro kuni anak ne Shinuma inan guru ne ya? ari itak. 37Orota Yesu ene itak-hi :— Eani anak ne Shinuma nukara okere, orowa, e tura koitak guru auak ne Shinuma ne ruwe ne. 38Shinuma ene itak-hi :— Utarapa, ku eishokon ruwe ne, ari itak. Orowa no, Shinuma ko-ongami nisa ruwe ne. 39Aige, Yesu ene itak-hi :— Nukara shomoki utara ingara, nukara wa okai utara shiknak ne kuni ne, koipishi ki gusu tan moshirʼotta Ku ek nisa ruwe ne, ari itak. 40Tura no okai Parisee un utara tap okai itak nu wa Shinuma otta, Chi utara ne yakka shiknakbe ne ruwe he an? 41Nei utara otta Yesu ene itak-hi :— Echi utara anak ne shiknak chiki katpak echi koro shomoki kusu ne ap: koroka, tane anak ne chi nukara ash ruwe ne, sekoro echi ye: aine, echi koro katpak okai ruwe ne.

Currently Selected:

Yoannes 9: AINU

Highlight

Copy