Roukos 23

23 Ik.

1Orowa, obitta no okai uwekarapa utara anak ne hopuni wa Pirato otta Shinuma tura nisa ruwe ne. 2Awa, eiyonnuppa heashire wa ene itak-hi :— Tan guru anak ne chikoro moshirʼun utara eshishire hine Kaisaros otta yaku sange kuni hattoki, samata, Shinuma yaikota Moshiri shikkashima guru Kiristo ne ruwe ne, ani itak. 3Orowa, Pirato Shinuma otta nu wa ene itak-hi :— Eani anak Yudea un utara Shikkashima guru E ne ruwe he an? Orowa, 4Shinuma ese wa; — E ye ruwe ne, ani itak. Orowa, pirato nei Kamui kora kenru esapane utara newa inne utara otta :— Tan guru otta katpak ku nukara shomoki, 5ari itak. Koroka, nei utara naa shiyuppa wa :— Shinuma anak ne Gariraya ta heashire wa teda pakno ka utara sakayore kuni Yudea obitta shikapneka no epakashnu ruwe ne, sekoro itak. 6Koroka, Pirato tap orushpe nu chiki, nei guru Gariraya moshirʼun guru ne ya, ani uwepekennu nisa ruwe ne. 7Orowa, Herod shikkashima moshirʼun guru ne sekoro nu wa eramʼ-an koro, nei toho ta yaikota Yerusarem kotan ta an Herod otta Shinuma omande nisa ruwe ne.

8Orowa, Herod anak ne Yesu nukara chiki, shi no yaikopuntek: inambe gusu ne yakun, Shinuma gusu an orushpe nu wa ohonno Shinuma nukan rusui nisa ruwe ne; samata, Shinuma nepka shirosh ki-hi nukara kuni chipachipa korʼan ruwe ne gusu ne ruwe ne. 9Orowa, inne itak ani Shinuma ko uwepekennu, koroka, nep ne yakka Shinuma ese itak ki shomoki nisa ruwe ne. 10Awa, Kamui kora kenru esapane utara newa kambi-nuye utara roshki wa shiarikiki no Shinuma eiyonnuppa nisa ruwe ne. 11Orowa, Herod anak ne tumi-koro utara tura Shinuma pange wa eoya-itak, orowa, chitomte mipihi mire wa Pirato otta hoshipire nisa ruwe ne. 12Orowa, Herod newa Pirato anak ne nei etohogeta utashpa irenga uweusaraye nisa ruwe ne; nei etokota utashpa uweepokba utara ne ruwe ne gusu ne na.

13Orowa, Pirato anak ne Kamui kora kenru esapane utara newa utara epungine utara uwekarapare wa orota ene itak-hi :— 14Tan guru anak ne utara shishire shiri echi ye wa en orun echi tura nisa ruwe ne: awa, kuani anak echi shik-samata Shinuma koipishi, aige, aeiyonnuppap gusu an orushpe ramepakari chiki tan guru katpak koro shomoki ku esanniyo: 15Herod ne yakka nei no esanniyo ruwe ne: un orun shinuma hoshipire nisa ruwe ne gusu ne na; orowa, shui, ingarʼan, araige kuni buri Shinuma ki shomoki ruwe ne na. 16-18Tambe gusu, kuani Shinuma shirikik wa honnere yara kusu ne, ani itak. Koroka, nei utara shine ikinne hawe ashte wa ene itak-hi :— Tan guru oyakta omande wa un otta Barabbas honnere wa un kore, ari itak: 19Shinuma anak machiya otta Moshiri shikkashima utara eiyokbare hemhem ki, keuk hemhem ki, upakashnu chisei ta aahunge guru ne. 20Orowa, pirato anak ne Yesu honnere rusui wa kanna-shui nei utara otta ye nisa ruwe ne. 21Koroka, nei utara hawe ashte hine :— Utasa chikuni otta Shinuma kungi kokikkik, utasa chikuni otta kungi kokikkik yan, ani ye. 22Orowa, re shuine nei utara otta ene itak-hi :— Hemanda gusu? Tan guru anak ne nekon a wenburi ki ya? araige kuni gusu an katpak Shinuma otta ku nukara shomoki: tambe gusu, ku shirikik wa honnere kusu ne na, sekoro itak. 23Koroka, nei utara tunashi naa rui hawe ani, Shinuma utasa chikuni otta akungi kokikkik kune ne koramkon nisa ruwe ne na. Awa, nei hawe anu nisa ruwe ne. 24Aine, koramkorobe nei no aki gusu Pirato aesanniyo-itak ye. 25Aige, akoramkoro korachi moshiri shikkashima utara eiyokbare hemhem ki, keuk hemhem ki upakashnu chisei otta aahunde wa an guru nei utara otta honnere wa kore: koroka, nei utara kon rusui korachi otta Yesu ekoshi nisa ruwe ne na.

26Orowa, nei utara anak ne Shinuma ani wa paye rapoketa, okim un san wa ek Kurene kotan un Simon ainu kishima wa Yesu oshi utasa chikuni sei wa ek kuui ne kashiketa nei ap seire nisa ruwe ne.

27Orowa, utara inne topaha utara hemhem, Shinuma echish hemhem ki, eyaituwashkarap hemhem ki koro okai shiwentep utara Shinuma oshi paye nisa ruwe ne. 28Koroka, Yesu hosari wa orota ene itak-hi :— Yerusarem kotan un Matnepo utara, En gusu iteki chish, koroka, echi utara yaikota gusu hemhem, E poho utara gusu hemhem chish yan. 29Inambe gusu ne yakun, ingarʼan, — Po sak utara hene, po sange shomoki honi hene, to nonde shomoki to hene anak ne anunuke ne, utara ye toho ek kusu ne gusu ne na. 30Nei ita anak ne :— Un kashiketa hachiri yan, ani nupuri otta hemhem ye, orowa :— Un kamure wa un kore, ani kuru otta hemhem utara ye heashire kusu ne na. 31Fu chikuni otta nei utara tap okaibe ki chiki, sat wa an chikuni nekon a aki kusu ne ya, sekoro itak.

32Orowa, Shinuma tura no araige kuni atura wa okai naa tu ainu okai, nei utara wenburi ki utara ne ruwe ne.

33Orowa, “Mechakko” ani aye ushiketa araki chiki nei ita utasa chikuni otta Shinuma kungi kokikkik; nei wenburi koro utara ne yakka shinen anak ne Shinuma shimon tek sam, shinen anak hariki tek samata akungi kokikkik nisa ruwe ne. 34Orowa, Yesu ene itak-hi :— Ku Michihi, nei utara honnere wa En kore; hemanda ki shiri eramushkare wa okai ruwe ne gusu ne na, sekoro itak. Orowa, utashpa Shinuma koro mipihi eimek wa ukokonchi etaye nisa ruwe ne. 35Utara anak ne ingara gusu roshki wa okai. Orowa, esapane utara ne yakka Shinuma koesapse wa ene itak-hi :— Moshima utara Shinuma kashiobiuki nisa ruwe ne; awa, nei guru Kamui koro Kiristo ne, Kamui numgep ne yakun, yaikota yaikashiobiukirero, ani itak. 36Tumi-koro utara ne yakka Shinuma esapse hine orota araki wa shukkakep kore, aine, ene itak-hi :— 37Aokai anak ne Yudea un utara esapane guru E ne yakun, yaikota yaikashiobiuki yan, ari itak. 38Orowa, Shinuma tashiketa tap okai anuye wa an ambe an, Tan guru anak ne Yudea Moshirʼun utara Esapane guru ne ruwe ne.

39Orowa, aratkire wa an shine wenburi koro guru Shinuma koatcha wa ene itak-hi :— Aokai anak ne Kiristo shomo ne ya? Yaikota hemhem, chi utara hemhem kashiobiuki wa un kore, sekoro itak. 40Koroka, moshima an guru anak nei guru kopao wa ene ye-hi :— Ukorachi an panakte uk kuni aesanniyo eani ka Kamui koishitoma shomoki ya? 41Chi utara anak ne oupeka no apanakte wa an, chikoro ki buri gusu an akore kunip chi uk ruwe ne: koroka, tan guru anak ne nep oheugep ne yakka ki shomoki nisa ruwe ne, ani itak. 42Orowa, ene itak-hi :— Yesu, E kore moshiri ta E ek ita en eshkarun wa en kore, ani itak. 43Orota Shinuma ene itak-hi :— Sen no e otta Ku ye, Tanto En tura no Paradeisos otta e an kusu ne na, ani itak.

44Orowa, iwan pakihi an, awa, shinepesan pakihi pakno tokap chup atte pekere nin wa shiri ebitta shirikunne nisa ruwe ne: 45samata, Kamui kora kenru ta an otbe anak ne tup ne ayaske eukopi nisa ruwe ne. 46Orowa, Yesu rui hau ani hawe sange okere chiki ene itak-hi :— Michi, E teke otta Ku ramat Ku ande na, ari itak: orowa, tambe ye okere chiki Shinuma kon ramat arapare nisa ruwe ne. 47Orowa, hetuku okaibe nei tumi-koro utara esapane guru nukara chiki, Kamui kooripak wa ene itak-hi :— Son no newa tan guru anak ne oupeka guru ne ruwe ne, sekoro itak. 48Orowa, tap okaibe nukara gusu uwekarapa obitta no okai inne utara anak ne, nei hetuku orushpe nukara chiki, koro penram kokik wa hoshippa nisa ruwe ne. 49Aige, obitta no okai Shinuma eamkiri utara hemhem, Gariraya orowa no tura no osh araki shiwentep utara hemhem, ehangeko no an ushiketa roshki wa nei okaibe nukan nisa ruwe ne na.

50Orowa, ingarʼan, Yudea un utara koro Arimatea kotan un ukoramkoro guru ne Yosep ani an reihei 51koro pirika newa oupeka guru an (shinuma anak ne utara esanniyop hene, kiburi hene ko-eramuoshma shomoki guru ne), 52shinuma Kamui moshiri etere wa an: tan guru anak ne Pirato orota oman wa Yesu kon netobake koramkon nisa ruwe ne. 53Orowa, shinuma nei ambe range wa senkaki otta kokarakari hine, naa shomo ainu aande shuma aouri tushiri orota ande nisa ruwe ne. 54Orowa, Etokooiki toho ne, awa, 55Shini toho aro-ehange ruwe ne na. Aige, Gariraya orowa no Shinuma tura no araki shiwentep utara anak ne nei guru oshi paye wa tushiri hemhem nei netobake aande katu hemhem nukara. 56Awa, hoshippa wa pirika hura ushbe newa shum shipini nisa ruwe ne na.

Currently Selected:

Roukos 23: AINU

Highlight

Copy