Roukos 4

4 Ik.

1Orowa, Yesu Ashkanne Ramat ani aeshik wa Yorodan pet wano hoshipi, aige, Ramat ani nupuri otta tu hotne rere ko atura hine, nitne kamui orowa no akoramnukana nisa ruwe ne. 2Shinuma nei toho rapoketa nep ne yakka ibe shomoki: awa, nei toho epa okere chiki sambe-tasaske nisa ruwe ne. 3Orowa, nitne kamui Shinuma otta ene itak-hi :— Aokai anak ne Kamui Poho A ne yakun, tan shuma anak ne pan-tak ne akora kuni ne kashpaotte yan, ari itak. 4Orota Yesu ene ese okai-hi :— Ainu anak ne ouse aep an gusu shiknu shomoki kusu ne, sekorʼan itak anuye wa an na. 5Orowa Shinuma tura wa hemesu hine arʼekushkonna-heta ingi-moshirʼun ebitta no okai 6kotan nukare. Aige, orota nitne kamui ene itak-hi :— Tan okai nrondum newa otta okai arakuru obitta E kore ash kusu ne: en otta a en korep ne gusu, kuani ku rengaine nen ne yakka otta ku kore kushki. 7Tambe gusu, Aokai anak ne en kotchaketa ko-ongami chiki tap okaibe obitta E korope ne kusu ne na, ari itak. 8Orota Yesu ese wa ene itak-hi :— Utarapa ne e koro Kamui ko-ongami, Shinuma otta patek e yaishieiwangere kusu ne, sekorʼan itak chieshinnuye wa an 9ruwe ne, ani itak. Tata otta shinuma Yerusarem kotan otta I tura hine Kamui kora kenru un ri ushike kata ashte wa orota ene itak-hi :— Aokai Kamui Poho A ne yakun, te wano yaikota herashi orun yaiosura yan :— 10Aokai epungine kuni gusu Shinuma anak ne

Aokai gusu koro hauturumbe kashpaotte kusu ne:

11Orowa,

Ikineipeka E chikiri shuma eokte kuni ne,

Nei utara anak ne koro tekehe ani E punire kusu ne ruwe ne,

sekorʼan itak anuye wa an ruwe ne gusu ne na. 12Orota Yesu ese wa ene itak-hi :— Utarapa ne e koro Kamui iteki koramnukara yan, ari an ambe aye an ruwe ne.

13Orowa, koramnukara katu obitta aokere chiki ne nitne kamui pakihi an pakno Shinuma orowa no oman nisa ruwe ne na.

14Orowa, Yesu anak ne Ramat kiroro ani Gariraya moshirʼotta hoshipi; awa, Shinuma gusu an assuru nei kotan shikapneka no ashte wa a an ruwe ne. 15Orowa, Shinuma nei utara koro Uwekarapa chisei ta epakashnu, aige, utara obitta Shinuma ko-oripak nisa ruwe ne.

16Orowa, Shinuma anak ne otta aresu kotan Nazaret orota arapa, aige, ramma ki korachi Shini tobo ta Uwekarapa chisei otta ahun wa kambi orooitak gusu ash nisa ruwe ne. 17Awa, orota Uweingara guru Isaya nuye kambi-sosh akore. Aige, nei kambi-sosh maka hine tap korachi anuye wa an ushike nukara :—

18Utarapa kon Ramat en kashiketa an,

Tambe gusu, otek-sak utara otta pirika shongo eupaskuma kuni ne en kashiota nisa ruwe ne gusu ne na:

Ashikkashima wa okai utara otta apita katu hemhem,

Shiknak utara otta pekere nukare katu hemhem ku nure,

Piri-ao utara ku honnere,

19Utarapa uk kuni paha eupaskuma kuni gusu en omande nisa mwe ne.

20Orowa, Shinuma nei kambi-sosh ukochupu wa uitek guru otta kore, aige, a nisa ruwe ne: Uwekarapa chisei ta okai utara koro shikihi obitta Shinuma orun tokoko wa okai ruwe ne. 21Orowa, Shinuma anak ne utara otta itak heashire hawe ene okai-hi :— Tanto tan anuye wa an itak echi kisara ta auweomare nisa ruwe ne, ari itak. 22Orowa obitta no okai utara Shinuma gusu paweteshu ki, aine, Shinuma koro paroho wano oashin irenga no an itak enushkari: samata, Tan guru anak ne Yosep koro poho shomo ne ya? ari itak.

23Orosama, nei utara otta Shinuma ene itak-hi :— Oara echi utara anak ne tan itak-maukushte-itak ani En otta ye nangoro :— Potara guru, eani yai-iwangere yan: nep ne yakka Kapernaum kotan ta chi nu an e ki ikip tan e koro kotan ta ne yakka ki yan, sekorʼan itak ani echi ye nangoro. 24Orowa, Shinuma ene ye-hi :— Son no echi otta Ku ye, nep uweingara guru ne yakka koro kotan ta auk shomo ne. 25Koroka, sonep echi otta Ku ye, Ericha an ita anak ne re pa iwan chup uturuta kando aseshke wa moshirʼebitta poro kemush iki ita, Israeru moshiri ta shiyompiyara shiwentep poron no okai wa an; 26awa, nei utara otta Ericha aomande shomo ne, ouse Sidon moshirʼun Zarepat kotan ta an shine shiyompiyara shiwentep otta patek aomande nisa ruwe ne na. 27Orowa, uweingara guru Erisha an ita anak ne, Israeru moshiri ta munin tashum ki utara poron no okai wa an; awa, nei utara shinen ka aashkannere shomoki ouse Syria moshirʼun guru Naaman patek aashkannere nisa ruwe ne, ari itak. 28Orowa no, Uwekarapa chisei ta okai utara anak ne obitta nei orushpe nu chiki shiri irushka ruwe ne; 29aige, hopumba wa machiya orowa no Shinuma emaka, awa, huru kitai wano ehoroka no osura kuni ne, kashiketa koro machiya kara wa an huru otta tura wa paye nisa ruwe ne. 30Koroka, Shinuma nei utara tumuge kush wa oman nisa ruwe ne.

31Orowa, Shinuma Gariraya moshiri ta an Kapernaum kotan ta ran. Awa, Shini toho ta epakashnu wa an; 32aige, utara nei epakashi eiyokunnure; itak anak ne nrondum koro korachi an itak ne ruwe ne gusu ne na. 33Orowa, nitne kamui ichakkere ramat koro shine ainu Uwekarapa chisei ta an, awa, rui hawe ashte wa — 34Aa Nazaret kotan un Yesu, un otta nep irenga an a? Un isamka kuni gusu E ek ya? Aokai anak ne nen ne ya ku eramʼan; Kamui koro Ashkannep E ne ruwe ne — ari itak. 35Orowa, Yesu shinuma ko-sakayokara wa ene itak-hi :— Iteki nep ye no nei guru orowa no oashin yan. Aige, nitne kamui anak ne utara tumugeta shinuma hokushte chiki iwende shomoki no orowa no oashin nisa ruwe ne. 36Utara obitta eoyamokte wa utashpa ene itak-hi :— Tambe nep itak ne ruwe ta a? Mondum newa kiroro ani ichakkere ramat kashpaotte, orowa, oashin ruwe ne gusu ne na. 37Orowa no, nei kotan shikapneka no an ushike ta Yesu gusu an assuru shipirasa nisa ruwe ne na.

38Orowa Shinuma Uwekarapa chisei orowa no oman wa Simon kotʼchisei orun ahun nisa ruwe ne. Orowa, Simon koro shiuto-habo yupke seisek mau tashum ki wa an, awa, nei shiwentep gusu utara anak ne Shinuma koramkon ruwe ne. 39Awa Shinuma nei shiwentep samaketa ash wa seisek mau tashum ko-sakayokara, aige, tashum shinuma hoppa; orowa, nei guru nani hopuni wa utara orota yaishieiwangere nisa ruwe ne na.

40Orowa, chup ahun koro ita usa okai tashum ki utara koro guru anak ne Shinuma orota aani wa araki, aige, pishno okai utara kashiketa koro tekehe ande wa iwangere nisa ruwe ne. 41Samata, nitne kamui ne yakka rui hawe ashte :— Aokai anak ne Kamui Poho E ne ruwe ne, sekorʼan itak koro inne utara orowa no oaship nisa ruwe ne. Orowa, Shinuma nei ap ko-sakayokara wa iteki nep ye kuni iki, Shinuma anak ne Kiristo ne sekorʼambe eramʼan, ruwe ne gusu ne na.

42Orowa, tokap ne chiki Shinuma nup an ushike orun oman: aige, inne topaha utara Shinuma hunara gusu orota araki, awa, nei ushike wano moshima kotan orun iteki oman kuni ne eham rusui ruwe ne. 43Koroka, orota Shinuma ene itak-hi :— Moshima okai machiya otta ne yakka Kamui moshiri gusu an Pirika shongo ku eupaskuma kunip ne, nei no ki gusu a En omande nisa ruwe ne gusu ne na, ari itak.

44Orowa, Shinuma Gariraya moshiri un Uwekarapa chisei ta upaskuma ki korʼan nisa ruwe ne na.

Currently Selected:

Roukos 4: AINU

Highlight

Copy