GENESIS 49
49
Jakob Thusim Madungchem
1Jakob nih a fapa tla a kawh na le, “Ka mâika ah hawng a pûm ver u, mâilei ah thil a hawng um ding mi kan simh na lai:
2“Jakob fa tla, hawng a pûm ule, Nan pa Israel thu ngâi u.
3“Reuben, ka fa tîr, ka chaknâk leh minung
Ka sinâk ah ka fapa tîr na si;
Zumh chemnâk leh chak chemnâk
Ka fapa dang tla ngâk hen na nei.
4Nang chu tîlian hâu hâwi na si,
Sikhawmsele, mi herh chem chu na si lai lo,
Ka nupisûn na ihpi ruangah leh ka ihkhun na nawmh ruangah.
5“Simeon leh Levi hi unau an si le,
An riamnâm chu siat-le-râwk ding hen an mang.
6A thup hen an thuruatnâk ah chun ka tel lai lo le,
Anna to-hâwng nâk khawm ah telnâk ka nei lai loh,
An thinrun hen mi tla an thah ruangah.
Châwchal tla an pangpi hen khêng leh bei hen an siam.
7An rât tuktarâi ruangah siat-le-rû um seh.
An ṭhalo tuktarâi ruangah
An tlûnah thinrunhnâk um seh.
Israel ram lakah rekrâwi hen ka siam na lai.
A mi le tla sinah ka thektham na lai.
8“Juda nang chu na unau tla nih an sawr lai.
Na leido tla chu an ngâwng lakah na tleih na.
Na unau tla nih mâi an mûk lai.
9Juda chu chakeibaknei hâwi asi,
Sa a seh le, a pûk lakah a hawng kîr nawlh le,
 zangh le, a it.
Âukhawm nih an tawngh ngam lo.
10Juda nih lal ṭhianṭhunh â ting lai le,
A thlâk tla khawm nih lâi an rêl kumza lai.
Phun tla nih a sinah siah an pêk lai.
Ê-aw ngâi tak hen a mâika ah an kûn lai.
11A sanatung fa chu grep zûn lakah a rêng le,
Grep zûn ṭha chem mi lakah,
A puan chu grep hâng thisen hen a suk lai.
12A mit chu sen kur hen uain a din ruangah a um.
A hâ chu nûk hâng a dinnâk ah a ngo.
13“Zebulun chu tipi kapah a um lai,
A vakap chu lawng dinhnâk mun asi lai.
A ramri chu Sidon tiang asi lai.
14“Isakar hi sanatung a kêngphah karah a zangh hen,
It mi ngâk hen ṭhat dauhnâk a nei lo.
15Sikhawmsele, dinhnâk mun ṭha chu a tawng le,
Ram chu nuam a ti.
Thilrit phurh ding hen a kêng a niamh le,
Sal hâwi hen rian an ṭuantir êu.
16“Dan chu a mi tla lâirêltu asi lai.
Israel dang tla hâwi ber hen an um lai.
17Dan chu lamvâu mi rûl hâwi asi lai le,
Rûl tûrnei lam sîrah mi hâwi hen,
Rang kedil a chuk le,
A tlûnah â chuan mi pa chu
Tla ving a thing ding hen.
18“LALPA, na ruangsuahnâk ka ngâk.
19“Gad chu mifîr rual nih an do lai le,
Sikhawmsele â her lai le, a ṭhâwl na lai.
20“Aser ram nih chun fâng neihnâk a suah lai.
Lalchem ei tlâk ding mi buh a pêk lai.
21“Naphtali chu thawsuak tak hen sazuk tek chak mi asi le,
Sazuk fa lawmh thanuamkâi tak phurhtu asi.
22“Josef chu tinungva mi ram sanatung hâwi asi le,
Pangdâr ah ram sanatung fa hâwi hen.
23A leido tla nih râlṭha tak hen an do,
An chanhtiang leh an lîthal zum hen an ṭhâwl.
24Sikhawmsele, a chanhtiang kûk chu a khauh kumza le,
A bân tha chu chaktir hen a um,
Jakob Pathian chak thiltikhonâk hen,
Israel Vêngtu Dawrâpu chaknâk hen.
25A nan ṭangpitu chu na pa Pathian asi,
Mal a nan sâwmtu Pathian chak chu
Vân thawk hen malsâwmnâk ruah an pêktu,
Tual tangah tî thûk tak siamtu,
Ranrual tam tak leh ngâksia tla malsâwmtu,
26Fâng leh chawmpâr tla malsâwmtu,
A lânah mi tlâng sâng tla malsâwmtu,
Zungzâl tlâng thawk hen lâwmnâk thil tla chu
Bâwngmal sâwmnâk chu Josef lû tlûnah um seh,
A unau tla thawk hen tlâng dang pakhat tlûnah um seh.
27“Benjamin chu chingngia râng hâwi asi.
Zîng leh zân hen a thah le, a veih na” a ti.
28Hi tla hi Israel phun leinih an si le, chun, hi hi an pa nih a fapa tla kip sinah thuchah duhkâi tak a simh na mi chu asi.
Jakob Thihnâk Leh Vûinâk
29Jakob nih a fapa tla thu a pêk na le, “Tu chun ka mi le tla hâwi hen ka thi bâk awt rawh le, Kanaan ram ah, Mamre saklei ah 30Makpela pûk ah Hit mi Ephron phâisen ah ka pa tla sinah hawng ka vûi bâk u, Abraham nih phûmnâk ding hen chu phâisen leh pûk chu Ephron sinah a châwk mi asi. 31Chunah chun, Abraham leh a nupi Sari khawm an vûi; Isak leh a nupi Rebek khawm an vûi; kei khawm nih chunah Leah ka vûi. 32Phâisen leh a pûk hen Hit mi thawk hen châwk mi asi, chunah chun hawng ka vûi u,” a ti na. 33Jakob chu a fa le tla sinah thu a simh na mi a lîm rawh chun, a zâu nawlh le, a thi rawh.
Currently Selected:
GENESIS 49: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
GENESIS 49
49
Jakob Thusim Madungchem
1Jakob nih a fapa tla a kawh na le, “Ka mâika ah hawng a pûm ver u, mâilei ah thil a hawng um ding mi kan simh na lai:
2“Jakob fa tla, hawng a pûm ule, Nan pa Israel thu ngâi u.
3“Reuben, ka fa tîr, ka chaknâk leh minung
Ka sinâk ah ka fapa tîr na si;
Zumh chemnâk leh chak chemnâk
Ka fapa dang tla ngâk hen na nei.
4Nang chu tîlian hâu hâwi na si,
Sikhawmsele, mi herh chem chu na si lai lo,
Ka nupisûn na ihpi ruangah leh ka ihkhun na nawmh ruangah.
5“Simeon leh Levi hi unau an si le,
An riamnâm chu siat-le-râwk ding hen an mang.
6A thup hen an thuruatnâk ah chun ka tel lai lo le,
Anna to-hâwng nâk khawm ah telnâk ka nei lai loh,
An thinrun hen mi tla an thah ruangah.
Châwchal tla an pangpi hen khêng leh bei hen an siam.
7An rât tuktarâi ruangah siat-le-rû um seh.
An ṭhalo tuktarâi ruangah
An tlûnah thinrunhnâk um seh.
Israel ram lakah rekrâwi hen ka siam na lai.
A mi le tla sinah ka thektham na lai.
8“Juda nang chu na unau tla nih an sawr lai.
Na leido tla chu an ngâwng lakah na tleih na.
Na unau tla nih mâi an mûk lai.
9Juda chu chakeibaknei hâwi asi,
Sa a seh le, a pûk lakah a hawng kîr nawlh le,
 zangh le, a it.
Âukhawm nih an tawngh ngam lo.
10Juda nih lal ṭhianṭhunh â ting lai le,
A thlâk tla khawm nih lâi an rêl kumza lai.
Phun tla nih a sinah siah an pêk lai.
Ê-aw ngâi tak hen a mâika ah an kûn lai.
11A sanatung fa chu grep zûn lakah a rêng le,
Grep zûn ṭha chem mi lakah,
A puan chu grep hâng thisen hen a suk lai.
12A mit chu sen kur hen uain a din ruangah a um.
A hâ chu nûk hâng a dinnâk ah a ngo.
13“Zebulun chu tipi kapah a um lai,
A vakap chu lawng dinhnâk mun asi lai.
A ramri chu Sidon tiang asi lai.
14“Isakar hi sanatung a kêngphah karah a zangh hen,
It mi ngâk hen ṭhat dauhnâk a nei lo.
15Sikhawmsele, dinhnâk mun ṭha chu a tawng le,
Ram chu nuam a ti.
Thilrit phurh ding hen a kêng a niamh le,
Sal hâwi hen rian an ṭuantir êu.
16“Dan chu a mi tla lâirêltu asi lai.
Israel dang tla hâwi ber hen an um lai.
17Dan chu lamvâu mi rûl hâwi asi lai le,
Rûl tûrnei lam sîrah mi hâwi hen,
Rang kedil a chuk le,
A tlûnah â chuan mi pa chu
Tla ving a thing ding hen.
18“LALPA, na ruangsuahnâk ka ngâk.
19“Gad chu mifîr rual nih an do lai le,
Sikhawmsele â her lai le, a ṭhâwl na lai.
20“Aser ram nih chun fâng neihnâk a suah lai.
Lalchem ei tlâk ding mi buh a pêk lai.
21“Naphtali chu thawsuak tak hen sazuk tek chak mi asi le,
Sazuk fa lawmh thanuamkâi tak phurhtu asi.
22“Josef chu tinungva mi ram sanatung hâwi asi le,
Pangdâr ah ram sanatung fa hâwi hen.
23A leido tla nih râlṭha tak hen an do,
An chanhtiang leh an lîthal zum hen an ṭhâwl.
24Sikhawmsele, a chanhtiang kûk chu a khauh kumza le,
A bân tha chu chaktir hen a um,
Jakob Pathian chak thiltikhonâk hen,
Israel Vêngtu Dawrâpu chaknâk hen.
25A nan ṭangpitu chu na pa Pathian asi,
Mal a nan sâwmtu Pathian chak chu
Vân thawk hen malsâwmnâk ruah an pêktu,
Tual tangah tî thûk tak siamtu,
Ranrual tam tak leh ngâksia tla malsâwmtu,
26Fâng leh chawmpâr tla malsâwmtu,
A lânah mi tlâng sâng tla malsâwmtu,
Zungzâl tlâng thawk hen lâwmnâk thil tla chu
Bâwngmal sâwmnâk chu Josef lû tlûnah um seh,
A unau tla thawk hen tlâng dang pakhat tlûnah um seh.
27“Benjamin chu chingngia râng hâwi asi.
Zîng leh zân hen a thah le, a veih na” a ti.
28Hi tla hi Israel phun leinih an si le, chun, hi hi an pa nih a fapa tla kip sinah thuchah duhkâi tak a simh na mi chu asi.
Jakob Thihnâk Leh Vûinâk
29Jakob nih a fapa tla thu a pêk na le, “Tu chun ka mi le tla hâwi hen ka thi bâk awt rawh le, Kanaan ram ah, Mamre saklei ah 30Makpela pûk ah Hit mi Ephron phâisen ah ka pa tla sinah hawng ka vûi bâk u, Abraham nih phûmnâk ding hen chu phâisen leh pûk chu Ephron sinah a châwk mi asi. 31Chunah chun, Abraham leh a nupi Sari khawm an vûi; Isak leh a nupi Rebek khawm an vûi; kei khawm nih chunah Leah ka vûi. 32Phâisen leh a pûk hen Hit mi thawk hen châwk mi asi, chunah chun hawng ka vûi u,” a ti na. 33Jakob chu a fa le tla sinah thu a simh na mi a lîm rawh chun, a zâu nawlh le, a thi rawh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.