GENESIS 50
50
1Josef nih a pa chu a bawk nawh le, a biang ah a châwchawk. 2Josef nih a pa ruak chu thu kho lo a siam ding hen thu a suah. 3A ruak chu thu kho lo hen siamnâk nih ni sâwmli an râu. Aigupta mi tla nih ni sâwmsarih an ulh.
4Ulh ni tla â lim rawh chun, Josef nih lalchem rianṭuantu tla sinah, “Zângfahtê hen hi thu hi lalchem sinah va simh u; 5‘Ka pa nih a thi awt liauah, thu hawng ka chah le, Kanaan ram ah amah nih a timhtuah mi thlân lakah hawng ka vûi,’ a ti. Churuangah zângfahtê hen ka pa vûi ding hen hawng ka kaltir sele, ka vûi thluh chun ka hawng kîr nawlh lai,’ ” a ti.
6Lalchem nih a sâng le, “Kal le, na pa chu na tiamh mi hâwi hen va vûi rawh,” a ti.
7Churawhchun, Josef chu a pa vûi ding hen a kal rawh. Lalchem rianṭuantu tla zawzawng lal in ah mi lungfiang dadauh, Aigupta ram ruitu dauh vial Josef sinah an kal bâk. 8A dâwngsung tla, a unau tla, a pa dâwngsungkhur zawzawng khawm a sinah an kal bâk. Gosen ram ah an fa tetê leh an dawrâ tla, kêl tla ranrual vial an um. 9Kari tlûnah leh rang kêng tlûnah a chuan mi tla khawm a sinah an kal bâk; zapi rokual tak an si.
10Chun, Jordan saklei Atad ah fâng chîlnâk an va tlung rawh chun, sâwt ual an ṭappi, Josef nih chu ulhnâk chu ni sarih a ruat. 11Kanaan mi tla nih Atad ah mithi an ulh mi tla an muh le, “Aigupta ram mi tla nih mithi an ṭappi mi a fâk tak mahi,” an ti. Churuang chun asi, chu mun chu a min ah Abel Mizraim#50.11 ABEL MIZRAIM: Hebrai ah hi min umzia chu ‘Aigupta mi tla ulhnâk’ tinâk asi. an sak.
12Chun, Jakob fa tla nih a simh na mi hâwi hen an ti le; 13a ruak chu Kanaan ram ah an kalpi le, Abraham nih vûinâk ding ah Hit mi Ephron sin thawk hen a châwk mi Mamre saklei ah phâisen ah mi Makpela pûk ah an vûi rawh. 14Josef chu a pa a vûi thluh rawh chun, a unau tla leh ruak vûi ah a sinah kal mi zawng tla hen Aigupta ramah an kîr nawlh rawh.
Josef Nih a Unau le Sinah
 Theihtîr Nawlhnâk
15Josef unau tla nih an pa thih nûnah chunah chun a unau le nih, “Josef rangah nganfâk kan pêk mi ruangah hawng kan hua lai le lawhbâ hawng kan sam lai dahmawh,” an ti, 16Churawhchun, Josef sinah thu an thanh le: “Kan pa a thih lânah, 17thu hawng kan simh le, ‘Zângfahtê hen na unau tla nih na tlûnah thil diklo kan ti mi kha lehrûl hawng kan sam lo ding hen nangmah rangah ngiar u hawng kan ti. ‘Tuah zângfahtê hen na pa Pathian to-aw tla nih thilsual kan ti mi chu hawng kan ngaihdam râu rawh,” an ti. Chu an thu thanh chu Josef nih a theih rawh chun a ṭap.
18A unau tla khawm chu an hawng le, an kûn le mâi an mûk, “Hinah na mâika ah na sal hâwi hen kan um ko lai,” an ti.
19Sikhawmsele Josef nih an sinah, “Lâu lah u; Pathian kasi lo a! 20Ka lakah thil diklo ti nan tum le, sikhawmsele Pathian nih thil ṭha hen an rulh na. Tûliau ah pâm a hawng tlung mi lakah hin a dam mi tla rangah kan nung khonâk ding hen. 21Zeikhawm ṭih ding a um lo, nanmah leh nan fa tla hen kan zauhkhenh na lai,” a ti na. Churawhchun, hawlh kâ ṭha hen a simhfiang na mi nih chun thungâi an thinlung a purh.
Josef Thih Thu
22Josef chu a pa dâwngsungkhur tla hen Aigupta ram ah an um vima le, a thih liau chun kum zâ leh kum râ mi asi. 23Josef nih chun Efraim fa tla leh a tusîn tla a muh na. Manaseh fapa Makir fa le tla khawm a muh. 24A unau tla sinah, “Ka thih a nâi rawh, Pathian nih ka pu Abraham, Isak leh ka pa Jakob sinah a tiamh thlir mi ram leiah hi mun thawk hen an kalpi na lai,” a ti. 25Josef nih a mi tla chu thutiamnâk a neitir na, “Chu ram ah Pathian nih an kalpi na tikah ka ruak hi nan sinah put bâk ding hen thutiamnâk nei u,” a ti. 26Josef chu Aigupta ram ah kum zâ leh kum râ mi si hen a thi. A ruak chu thu kho lo ding hen kuang lakah an siah.
Currently Selected:
GENESIS 50: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
GENESIS 50
50
1Josef nih a pa chu a bawk nawh le, a biang ah a châwchawk. 2Josef nih a pa ruak chu thu kho lo a siam ding hen thu a suah. 3A ruak chu thu kho lo hen siamnâk nih ni sâwmli an râu. Aigupta mi tla nih ni sâwmsarih an ulh.
4Ulh ni tla â lim rawh chun, Josef nih lalchem rianṭuantu tla sinah, “Zângfahtê hen hi thu hi lalchem sinah va simh u; 5‘Ka pa nih a thi awt liauah, thu hawng ka chah le, Kanaan ram ah amah nih a timhtuah mi thlân lakah hawng ka vûi,’ a ti. Churuangah zângfahtê hen ka pa vûi ding hen hawng ka kaltir sele, ka vûi thluh chun ka hawng kîr nawlh lai,’ ” a ti.
6Lalchem nih a sâng le, “Kal le, na pa chu na tiamh mi hâwi hen va vûi rawh,” a ti.
7Churawhchun, Josef chu a pa vûi ding hen a kal rawh. Lalchem rianṭuantu tla zawzawng lal in ah mi lungfiang dadauh, Aigupta ram ruitu dauh vial Josef sinah an kal bâk. 8A dâwngsung tla, a unau tla, a pa dâwngsungkhur zawzawng khawm a sinah an kal bâk. Gosen ram ah an fa tetê leh an dawrâ tla, kêl tla ranrual vial an um. 9Kari tlûnah leh rang kêng tlûnah a chuan mi tla khawm a sinah an kal bâk; zapi rokual tak an si.
10Chun, Jordan saklei Atad ah fâng chîlnâk an va tlung rawh chun, sâwt ual an ṭappi, Josef nih chu ulhnâk chu ni sarih a ruat. 11Kanaan mi tla nih Atad ah mithi an ulh mi tla an muh le, “Aigupta ram mi tla nih mithi an ṭappi mi a fâk tak mahi,” an ti. Churuang chun asi, chu mun chu a min ah Abel Mizraim#50.11 ABEL MIZRAIM: Hebrai ah hi min umzia chu ‘Aigupta mi tla ulhnâk’ tinâk asi. an sak.
12Chun, Jakob fa tla nih a simh na mi hâwi hen an ti le; 13a ruak chu Kanaan ram ah an kalpi le, Abraham nih vûinâk ding ah Hit mi Ephron sin thawk hen a châwk mi Mamre saklei ah phâisen ah mi Makpela pûk ah an vûi rawh. 14Josef chu a pa a vûi thluh rawh chun, a unau tla leh ruak vûi ah a sinah kal mi zawng tla hen Aigupta ramah an kîr nawlh rawh.
Josef Nih a Unau le Sinah
 Theihtîr Nawlhnâk
15Josef unau tla nih an pa thih nûnah chunah chun a unau le nih, “Josef rangah nganfâk kan pêk mi ruangah hawng kan hua lai le lawhbâ hawng kan sam lai dahmawh,” an ti, 16Churawhchun, Josef sinah thu an thanh le: “Kan pa a thih lânah, 17thu hawng kan simh le, ‘Zângfahtê hen na unau tla nih na tlûnah thil diklo kan ti mi kha lehrûl hawng kan sam lo ding hen nangmah rangah ngiar u hawng kan ti. ‘Tuah zângfahtê hen na pa Pathian to-aw tla nih thilsual kan ti mi chu hawng kan ngaihdam râu rawh,” an ti. Chu an thu thanh chu Josef nih a theih rawh chun a ṭap.
18A unau tla khawm chu an hawng le, an kûn le mâi an mûk, “Hinah na mâika ah na sal hâwi hen kan um ko lai,” an ti.
19Sikhawmsele Josef nih an sinah, “Lâu lah u; Pathian kasi lo a! 20Ka lakah thil diklo ti nan tum le, sikhawmsele Pathian nih thil ṭha hen an rulh na. Tûliau ah pâm a hawng tlung mi lakah hin a dam mi tla rangah kan nung khonâk ding hen. 21Zeikhawm ṭih ding a um lo, nanmah leh nan fa tla hen kan zauhkhenh na lai,” a ti na. Churawhchun, hawlh kâ ṭha hen a simhfiang na mi nih chun thungâi an thinlung a purh.
Josef Thih Thu
22Josef chu a pa dâwngsungkhur tla hen Aigupta ram ah an um vima le, a thih liau chun kum zâ leh kum râ mi asi. 23Josef nih chun Efraim fa tla leh a tusîn tla a muh na. Manaseh fapa Makir fa le tla khawm a muh. 24A unau tla sinah, “Ka thih a nâi rawh, Pathian nih ka pu Abraham, Isak leh ka pa Jakob sinah a tiamh thlir mi ram leiah hi mun thawk hen an kalpi na lai,” a ti. 25Josef nih a mi tla chu thutiamnâk a neitir na, “Chu ram ah Pathian nih an kalpi na tikah ka ruak hi nan sinah put bâk ding hen thutiamnâk nei u,” a ti. 26Josef chu Aigupta ram ah kum zâ leh kum râ mi si hen a thi. A ruak chu thu kho lo ding hen kuang lakah an siah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.