John 13
13
Jesus kaa chishtaapautaawaat uchischinuhamuwaakan usitiyuuh
1Eshkw ekaa uhchi utihchipayiyich Miyaaskaacheu Makushewin, shaash chii chischeyihtam Jesus e utihchipayiyich che nakatahk uyuu aschiiyuu kaye che nituwaapamaat Uhtaawiimaau. Muush chii saachiheu misiwe aniyuu kaa taapweyimikut utah aschiihch kaa ihtaayich ekw maak che utihchipayihch chechii waapahtiyaat taan e ishpish saachihaat.
2Mekwaach maak chii utaakushuu miichisuuch Jesus ekw maak uchischinuhamuwaakanh. Peyakw maak an chischinuhamuwaakan Judas kaa ishinihkaasut, Simon Iscariot ukusisa, shaash anite chii ihtuutaakuukupane machimanituu chechii iteyihtahk chechii wiyeshipachishtinaat Jesus aniyuu che tipiskaayich. 3Jesus chii chischeyihtam Uhtaawiimaau e chii miikut suuhkaatisiiwiniyuu misiwe chekwaayuu chechii ihtuutahk, kaye chii chischeyihtam Chishemanituu e ihtaayich e uhchiit kaye miin kaau anite Chishemanituu e ihtaayich che ituhtet. 4Ekw kaa pisikuut anit miichisunaahtikuhch uhchi, kaa manahk aniyuu utahkuhp uschich kaa chichishkahk kaa utinahk kaasiihkwaaniyuu kaa chikaayaapihkaasuwaachet. 5Kaa kutapinahk nipiiyuu kaasiihkwaaniyaakanihch ekw kaa chishtaapauchisitenaat uchischinuhamuwaakanh ekw maak kaa paahkuhamuwaat usitiyuuh aniyuu kaasiihkwaaniyuu kaa chikaayaapihkaasuwaachet e aapachihtaat. 6Chii naateu Simon Peter ekw kaa itikut, “Utipeyihchikeu, chika chishtaapauchisitenin aa.”
7Jesus kaa itaat, “Namui chinisituhten anuhchiish taan e ihtiyaan, mikw maak eshkw chika nisituhten.”
8Ekw Peter kaa ishi nishkweushihaat e itaat, “Namui wiiskaat chika uhchi chishtaapautaan nisit.” Chii itikuu maak Jesus, “Ekaa chishtaapautaayaane chisith namui chika uhchi uchischinuhamuwaakanitutaatin.”
9Simon Peter kaa itaat, “Utipeyihchikeu, ekaawii maataan mikw nisith chishtaapautaah, chishtaapautaah kaye nistikwaan ekw maak nitihchiih.”
10Jesus kaa itaat, “Awen shaash e chii pakaashimut namui nituweyihtam miin chechii pakaashimut mikw usith chipaa chishtaapautaakanuuyuuh. Misiwe maak e tashiyekw shaash chipayehchisiinaawaau, mikw peyakw anit e tashiyekw namui payehchisiyuu.” 11Shaash chii chischeyihtam Jesus taan aniyuuh aniyuu che wiyeshipachishtinikut wehchii itwet uyuu. Shaash misiwe chipayehchisiinaawaau “mikw peyakw anit e tashiyekw namui payehchisiyuu.”
12Iskutak maak kaa chishtaapauchisitenaat, ekw miin kaa pushchishkahk aniyuu utakuhp kaa manahk ekw miin kaa waweyapit. Kaa kakwechimaat e itaat, “Chichischeyihtenaawaau aa chekwaan wehchi ihtuutaatakuch uu. 13Chischinuhamaachesuu kaye Utipeyihchikeu chitishinihkaasinaawaau, ekun maak taapwe nipaa ishinihkaatikuun wesh taapwe eukw niya e awiyaan. 14Niya eukw Chitipeyihchikemuwaau kaye Chichischinuhamaachesiimuwaau, yaapach maak niya chichii chishtaapauchisitenitinaawaau. Kaye chiyawaau maak chipaa chishtaapauchisitenitunaawaau. 15Chichii waapahtiitinaawaau taan chechii ishi chischinuwaapamiyekw an taan kaa ihtuutaatakuch. 16Kuiskw chiwiihtamaatinaawaau, aapachihaakan namui wii uste iteyihtaakusuu e iteyihtaakusiyich uchimaam kaye awen kaa chihchitishahwaakanuut chechii nituu waawiihtahk chekwaayuu namui wiya uste iteyihtaakusuu e iteyihtaakusiyich aniyuu kaa chihchitishahukut. 17Nisituhtamekwe maak uyuu chekwaayuu kaye maak ihtuutamekwe chika shaweyimikunaawaau.”
18“Namui maak misiwe chitaayimuumitinaawaau, nimiyuu chischeyimaauch anichii niya kaa wiyaapamakwaau. Itashteu Chishemanituu utayimuwinihch,
An naapeu kaa wiich miichisuumit nika wiyeshipachishtinikw. Ekun maak uu shaash wiipach chipaa ispayuu. 19Ekun maak uu e ititakuch eshkw ekaa ispayihch, ekw maak iskutak taapwe ispayihche, ekw che taapwehtamekw niya eukw taapwe e awiyaan. 20Kuiskw chiwiihtamaatinaawaau, an awen che pishichihaakwe aniyuu aweyuu che itishahumach nipishichihiikw kaye niya. An maak awen kaa pishichihiit pishichiheu aniyuu aweyuu kaa pechi itishahuyich.”
Jesus kaa niikaan wiihtahk che wiyesipachishtinaakanuut
Matthew 26.20-25; Mark 14.17-21; Luke 22.21-23
21Iskutak Jesus kaa itwet uyuu, naashch chii misimiteheu ekw kuiskw kaa wiihtamuwaat e itaat, “Chihchiwe chititinaawaau, peyakw utah e tashiyekw nika wiyeshipachishtinikw.”
22Ekw anichii chischinuhamuwaakanich kaa kanawaapamitutwaau naashch e kushkupayitwaau kaye e wawaaneyihtahkwaau, ekaa chischeyihtahkwaau aweyuu aniyuu kaa aayimuumaakanuyich. 23An maak peyakw chischinuhamuwaakan, aniyuu Jesus naashch kaa saachihaat, uhpime anit e ihtaat chii apiyuu. 24Simon Peter kaa naamiskuweyistuwaat aniyuu chischinuhamuwaakan kaa itaat chechii kakwechimaayich aweyuu aniyuu kaa aayimuumaayich.
25Ekw an chischinuhamuwaakan Jesus e ihtaayich kaa ispayihut ekw kaa itaat, “Utipeyihchikeu awen an kaa aayimuumat.”
26Jesus kaa nishkweushihaat e itaat, “Nika akuhchimaau uu aaihkunaau anit minihkwaakanihch ekw che miyak an awen.” Kaa akuhchimaat aniyuu aaihkunaau ekw kaa miyaat aniyuu Judas, Simon Iscariot ukusiyuu. 27Judas kaa utinaat aniyuu aaihkunaau kaa miikut Jesus, ekw tiiwehch kaa ati piihchishkaakut machimanituu. Ekw Jesus kaa itikut, “Chiipiih ihtuut an taan chipaa ihtuuten.” 28Namui maak waachipeyakw uhchi nisituhtamuch anichii chischinuhamuwaakanich chekwaayuu aniyuu wehchi itaakanuyich. 29Chii iteyihtamuch e itaakanuyich chechii nituu utinamiyich makushaaniyuu maak chechii nituu utinamuwaayich chekwaayuu aniyuu kaa chistimaatisiyich, wesh wiya Judas chii naanaakachihtaau aniyuu shuuliyaawatiyuu.
30Iskutak maak Judas kaa utinaat aniyuu aaihkunaau tiiwehch chii ati wiiwiyuu, chii tipiskaayuu maak.
Kaa uskaach itashuwewin
31Iskutak maak kaa wiiwiit Judas, Jesus chii iteu, “Ekw maak Iinuu Ukusisa chesteyihtaakuhaakanuyich ekw maak kaye Chishemanituu chesteyihtaakuhaakanuut Iinuu Ukusisa uhchi. 32Ekw maak Chishemanituu uchisteyihtaakusuwin e nuukuhtaakanuyich Ukusisimaau e ihtaayich uhchi, ekw wiya Chishemanituu che waapahtiyaat iinuu taan e ishpish chisteyihtaakusiyich Ukusisimaau. 33Nitawaashiimitikw, shaash namui chineush nika uhchi ihtaan utah e ihtaayekw. Chika pechi naanituwaapaminaawaau, mikw maak chika wiihtamaatinaawaau taan kaa ishi wiihtamuukwaau anichii Jewa iinuuh kaa niikaanishkuwaatwaau, namui chika chii ituhtenaawaau anite che ituhteyaan. 34E uskaach kacheskwewin chimiitinaawaau eukw uu chechii saachihiituyekw. Muyaam taan e ishpish saachihiitakuch ekun chipaa ishpish saachihiitunaawaau. 35Saachihiituyekwe maak ekut che uhchi chischeyimakuyekw e uchischinuhamuwaakanitutaatakuch.”
Jesus niikaan kaa wiihtahk Peter che itweyich ekaa chischeyimakut
Matthew 26.31-35; Mark 14.27-31; Luke 22.31-34
36Simon Peter chii kakwechimeu e itaat, “Utipeyihchikeu, taanite che ituhteyin.” Jesus kaa itaat, “Namui chika chii wiicheun taanite che ituhteyaan, eshkw anite paatimaa ekw chechii wiichewiyin.”
37Peter miin kaa kakwechimaat e itaat, “Utipeyihchikeu, chekwaan che uhchi ekaa chii wiicheutaan anuhchiish. Namui nika uhchi puuniin e nuushuushkaatan aat wii nipahiikuyaane.”
38Jesus kaa itaat, “Taapwe aa shaash chitayeskuwiin chechii pachishtinamin chipimaatisiiwin niya uhchi. Chihchiwe chititin, eshkw ekaa mechim chistute naapepakahaahkwaan, shaash nishtwaau chika nanatayin e itweyin ekaa chischeyimiin.”
Currently Selected:
John 13: crjrNT
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
John 13
13
Jesus kaa chishtaapautaawaat uchischinuhamuwaakan usitiyuuh
1Eshkw ekaa uhchi utihchipayiyich Miyaaskaacheu Makushewin, shaash chii chischeyihtam Jesus e utihchipayiyich che nakatahk uyuu aschiiyuu kaye che nituwaapamaat Uhtaawiimaau. Muush chii saachiheu misiwe aniyuu kaa taapweyimikut utah aschiihch kaa ihtaayich ekw maak che utihchipayihch chechii waapahtiyaat taan e ishpish saachihaat.
2Mekwaach maak chii utaakushuu miichisuuch Jesus ekw maak uchischinuhamuwaakanh. Peyakw maak an chischinuhamuwaakan Judas kaa ishinihkaasut, Simon Iscariot ukusisa, shaash anite chii ihtuutaakuukupane machimanituu chechii iteyihtahk chechii wiyeshipachishtinaat Jesus aniyuu che tipiskaayich. 3Jesus chii chischeyihtam Uhtaawiimaau e chii miikut suuhkaatisiiwiniyuu misiwe chekwaayuu chechii ihtuutahk, kaye chii chischeyihtam Chishemanituu e ihtaayich e uhchiit kaye miin kaau anite Chishemanituu e ihtaayich che ituhtet. 4Ekw kaa pisikuut anit miichisunaahtikuhch uhchi, kaa manahk aniyuu utahkuhp uschich kaa chichishkahk kaa utinahk kaasiihkwaaniyuu kaa chikaayaapihkaasuwaachet. 5Kaa kutapinahk nipiiyuu kaasiihkwaaniyaakanihch ekw kaa chishtaapauchisitenaat uchischinuhamuwaakanh ekw maak kaa paahkuhamuwaat usitiyuuh aniyuu kaasiihkwaaniyuu kaa chikaayaapihkaasuwaachet e aapachihtaat. 6Chii naateu Simon Peter ekw kaa itikut, “Utipeyihchikeu, chika chishtaapauchisitenin aa.”
7Jesus kaa itaat, “Namui chinisituhten anuhchiish taan e ihtiyaan, mikw maak eshkw chika nisituhten.”
8Ekw Peter kaa ishi nishkweushihaat e itaat, “Namui wiiskaat chika uhchi chishtaapautaan nisit.” Chii itikuu maak Jesus, “Ekaa chishtaapautaayaane chisith namui chika uhchi uchischinuhamuwaakanitutaatin.”
9Simon Peter kaa itaat, “Utipeyihchikeu, ekaawii maataan mikw nisith chishtaapautaah, chishtaapautaah kaye nistikwaan ekw maak nitihchiih.”
10Jesus kaa itaat, “Awen shaash e chii pakaashimut namui nituweyihtam miin chechii pakaashimut mikw usith chipaa chishtaapautaakanuuyuuh. Misiwe maak e tashiyekw shaash chipayehchisiinaawaau, mikw peyakw anit e tashiyekw namui payehchisiyuu.” 11Shaash chii chischeyihtam Jesus taan aniyuuh aniyuu che wiyeshipachishtinikut wehchii itwet uyuu. Shaash misiwe chipayehchisiinaawaau “mikw peyakw anit e tashiyekw namui payehchisiyuu.”
12Iskutak maak kaa chishtaapauchisitenaat, ekw miin kaa pushchishkahk aniyuu utakuhp kaa manahk ekw miin kaa waweyapit. Kaa kakwechimaat e itaat, “Chichischeyihtenaawaau aa chekwaan wehchi ihtuutaatakuch uu. 13Chischinuhamaachesuu kaye Utipeyihchikeu chitishinihkaasinaawaau, ekun maak taapwe nipaa ishinihkaatikuun wesh taapwe eukw niya e awiyaan. 14Niya eukw Chitipeyihchikemuwaau kaye Chichischinuhamaachesiimuwaau, yaapach maak niya chichii chishtaapauchisitenitinaawaau. Kaye chiyawaau maak chipaa chishtaapauchisitenitunaawaau. 15Chichii waapahtiitinaawaau taan chechii ishi chischinuwaapamiyekw an taan kaa ihtuutaatakuch. 16Kuiskw chiwiihtamaatinaawaau, aapachihaakan namui wii uste iteyihtaakusuu e iteyihtaakusiyich uchimaam kaye awen kaa chihchitishahwaakanuut chechii nituu waawiihtahk chekwaayuu namui wiya uste iteyihtaakusuu e iteyihtaakusiyich aniyuu kaa chihchitishahukut. 17Nisituhtamekwe maak uyuu chekwaayuu kaye maak ihtuutamekwe chika shaweyimikunaawaau.”
18“Namui maak misiwe chitaayimuumitinaawaau, nimiyuu chischeyimaauch anichii niya kaa wiyaapamakwaau. Itashteu Chishemanituu utayimuwinihch,
An naapeu kaa wiich miichisuumit nika wiyeshipachishtinikw. Ekun maak uu shaash wiipach chipaa ispayuu. 19Ekun maak uu e ititakuch eshkw ekaa ispayihch, ekw maak iskutak taapwe ispayihche, ekw che taapwehtamekw niya eukw taapwe e awiyaan. 20Kuiskw chiwiihtamaatinaawaau, an awen che pishichihaakwe aniyuu aweyuu che itishahumach nipishichihiikw kaye niya. An maak awen kaa pishichihiit pishichiheu aniyuu aweyuu kaa pechi itishahuyich.”
Jesus kaa niikaan wiihtahk che wiyesipachishtinaakanuut
Matthew 26.20-25; Mark 14.17-21; Luke 22.21-23
21Iskutak Jesus kaa itwet uyuu, naashch chii misimiteheu ekw kuiskw kaa wiihtamuwaat e itaat, “Chihchiwe chititinaawaau, peyakw utah e tashiyekw nika wiyeshipachishtinikw.”
22Ekw anichii chischinuhamuwaakanich kaa kanawaapamitutwaau naashch e kushkupayitwaau kaye e wawaaneyihtahkwaau, ekaa chischeyihtahkwaau aweyuu aniyuu kaa aayimuumaakanuyich. 23An maak peyakw chischinuhamuwaakan, aniyuu Jesus naashch kaa saachihaat, uhpime anit e ihtaat chii apiyuu. 24Simon Peter kaa naamiskuweyistuwaat aniyuu chischinuhamuwaakan kaa itaat chechii kakwechimaayich aweyuu aniyuu kaa aayimuumaayich.
25Ekw an chischinuhamuwaakan Jesus e ihtaayich kaa ispayihut ekw kaa itaat, “Utipeyihchikeu awen an kaa aayimuumat.”
26Jesus kaa nishkweushihaat e itaat, “Nika akuhchimaau uu aaihkunaau anit minihkwaakanihch ekw che miyak an awen.” Kaa akuhchimaat aniyuu aaihkunaau ekw kaa miyaat aniyuu Judas, Simon Iscariot ukusiyuu. 27Judas kaa utinaat aniyuu aaihkunaau kaa miikut Jesus, ekw tiiwehch kaa ati piihchishkaakut machimanituu. Ekw Jesus kaa itikut, “Chiipiih ihtuut an taan chipaa ihtuuten.” 28Namui maak waachipeyakw uhchi nisituhtamuch anichii chischinuhamuwaakanich chekwaayuu aniyuu wehchi itaakanuyich. 29Chii iteyihtamuch e itaakanuyich chechii nituu utinamiyich makushaaniyuu maak chechii nituu utinamuwaayich chekwaayuu aniyuu kaa chistimaatisiyich, wesh wiya Judas chii naanaakachihtaau aniyuu shuuliyaawatiyuu.
30Iskutak maak Judas kaa utinaat aniyuu aaihkunaau tiiwehch chii ati wiiwiyuu, chii tipiskaayuu maak.
Kaa uskaach itashuwewin
31Iskutak maak kaa wiiwiit Judas, Jesus chii iteu, “Ekw maak Iinuu Ukusisa chesteyihtaakuhaakanuyich ekw maak kaye Chishemanituu chesteyihtaakuhaakanuut Iinuu Ukusisa uhchi. 32Ekw maak Chishemanituu uchisteyihtaakusuwin e nuukuhtaakanuyich Ukusisimaau e ihtaayich uhchi, ekw wiya Chishemanituu che waapahtiyaat iinuu taan e ishpish chisteyihtaakusiyich Ukusisimaau. 33Nitawaashiimitikw, shaash namui chineush nika uhchi ihtaan utah e ihtaayekw. Chika pechi naanituwaapaminaawaau, mikw maak chika wiihtamaatinaawaau taan kaa ishi wiihtamuukwaau anichii Jewa iinuuh kaa niikaanishkuwaatwaau, namui chika chii ituhtenaawaau anite che ituhteyaan. 34E uskaach kacheskwewin chimiitinaawaau eukw uu chechii saachihiituyekw. Muyaam taan e ishpish saachihiitakuch ekun chipaa ishpish saachihiitunaawaau. 35Saachihiituyekwe maak ekut che uhchi chischeyimakuyekw e uchischinuhamuwaakanitutaatakuch.”
Jesus niikaan kaa wiihtahk Peter che itweyich ekaa chischeyimakut
Matthew 26.31-35; Mark 14.27-31; Luke 22.31-34
36Simon Peter chii kakwechimeu e itaat, “Utipeyihchikeu, taanite che ituhteyin.” Jesus kaa itaat, “Namui chika chii wiicheun taanite che ituhteyaan, eshkw anite paatimaa ekw chechii wiichewiyin.”
37Peter miin kaa kakwechimaat e itaat, “Utipeyihchikeu, chekwaan che uhchi ekaa chii wiicheutaan anuhchiish. Namui nika uhchi puuniin e nuushuushkaatan aat wii nipahiikuyaane.”
38Jesus kaa itaat, “Taapwe aa shaash chitayeskuwiin chechii pachishtinamin chipimaatisiiwin niya uhchi. Chihchiwe chititin, eshkw ekaa mechim chistute naapepakahaahkwaan, shaash nishtwaau chika nanatayin e itweyin ekaa chischeyimiin.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.