John 14
14
Jesus eukw meskanuu
1“Ekaawii mukushkaateyihtamukw. Taapweyimaahkw Chishemanituu kaye niya taapweyimikw. 2Anite Nuuhtaawii wiichihch mista mihchen e pischisaakwaau. Nika ituhten nete chechii ayeskuushtwaatikuch anit che ihtaayekw. Namui chipaa uhchi ititinaawaau uu ekaa uhchi taapwemakahch. 3Chiishihtaayaane maak anit che ihtaayekw, ekw che pechi nituwaapamitakuch ekw che chistuhtahiitakuch wesh chinituweyimitinaawaau chechii ihtaayekw anit e ihtaayaan. 4Chichischeyihtenaawaau maak taanite e ituhteyaan kaye taanite chechii uhchi ituhtaanuuhch anite.”
5Thomas maak chii iteu, “Utipeyihchikeu, namui nichischeyihtenaan taanite che ituhteyin, taanite chechii uhchi chischeyihtamaahch taanite chechii uhchi ituhteyaahch anite.”
6Jesus chii nishkweushiheu e itaat, “Niya eukw meskanuu kaye taapwewin kaye pimaatisiiwin, namui awen chika chii naateu Uhtaawiimaau mikw niya uhchi. 7Shaash maak e chischeyimiyekw shaash chipaa chischeyimaawaau kaye Nuuhtaawii. Anuhchiish maak shaash chichischeyimaawaau kaye shaash chichii waapamaawaau.”
8Philip chii iteu, “Utipeyihchikeu waapahtiinaan maa Uhtaawiimaau, ekun mikw e ishi nituweyihtamaataahch.”
9Jesus chii nishkweushiheu e itaat, “Philip, shaash weskach kaa ihtaayaan utah e ihtaayekw yaapach maak namui chichischeyimin. An awen kaa waapamit shaash waapameu Uhtaawiimaau. Chekwaan maak wehchi kakwechimiin chechii waapahtiitaan Uhtaawiimaau. 10Philip, namui aa chitaapwehten e piihchishkuuk Uhtaawiimaau kaye maak Uhtaawiimaau e piihchishkuut. Nipeyakunaan.” Ekw Jesus kaa itaat aniyuuh uchischinuhamuwaakanh, “Uu kaa ishi ayimihiitakuch Chishemanituu nichii itashumikw chechii iteuch. Uhtaawiimaau an kaa piihchishkuut ihtuutam maamishkaach ihtuwinh niya uhchi. 11Pechi taapwehtuukw uu e ititakuch e piihchishkuuk Uhtaawiimaau kaye Uhtaawiimaau e piihchishkuut. Ekaa chii taapwehtamuwekwe uu e ititakuch taapwehtuukw an uhchi taan kaa ishi nanaahkuu maamishkaach ihtuutamaan. 12Kuiskw chiwiihtamaatinaawaau, an awen kaa pechi taapweyimit chika ihtuutam taan e ishi ihtuutamuch kaye maak etituu maamishkaach chekwaayuuh chika ihtuutam wesh anite Nuuhtaawii e ihtaat nika ihtaan niya. 13Nika ihtuuten taan e ishi nitutamaayekw nitishinihkaasuwin aapachihtaayekwe, ekw maak che nuukuhch e ishpish chisteyihtaakusit Chishemanituu aniyuu uhchi taan e ishi ihtuutamiyich Ukusisa. 14Mikw taan che ishi nitutamaawekwe nitishinihkaasuwin e aapachihtaayekw nika ihtuuten.”
Jesus kaa itwet cheshtinaash che miyaakanuyich uchischinuhamuwaakan Kaa payehchisiyich Ahchaahkwa
15“Chiishpin saachihiiwekwe maak chika nanihiihtaunaawaau wesh taan kaa itashumitakuch chechii ihtiyekw. 16Nika ayimihaan e nitutamuuk Nuuhtaawii chechii itishahamaataakw miin kutak aweyuuh chechii wiichihiikuwekw kaye muush kaachiche chechii ihtaat anit e ihtaayekw. 17Eukw maak an Kaa payehchisiit Ahchaahkw, an kaa chischeyihtamihiiwet taapwewiniyuu. Nichii awenich ekaa kaa taapweyimaatwaau uhtaawiimaau namui chika chii piihtakaheuch upimaatisiiwiniwaahch Kaa payehchisiyich Ahchaahkwa, wesh namui waapameuch kaye namui chischeyimeuch. Mikw maak chiyawaau chichischeyimaawaau wesh chiwiicheukuwaau kaye maak chika piihchishkaakuwaau.”
18“Namui achiyuu chika uhchi nakatitinaawaau utah aschiihch. Miin chika pechi nituwaapamitinaawaau. 19Namui naashch chineush nika uhchi waapamikuch iinuuch utah aschiihch, mikw chiyawaau chika waapaminaawaau. Chika pimaatisiinaawaau kaye chiyawaau wesh niya nipimaatisiin. 20Iskutak maak utihchipayihche anit che pechi nituwaapamitikuch ekut che nisituhtamekw e piihchishkuuk Nuuhtaawii kaye e piihchishkuuyekw, kaye maak e piihchishkaatakuch.”
21“An awen che taapwehtamukwe kaye che nanihiihtamukwe taan e itashuweyaan eukw an awen kaa saachihiit. Chika saachiheu Nuuhtaawii aniyuu aweyuu kaa saachihiyich, kaye niya maak nika saachihaau an awen kaye nika ihtuutawaau chechii miyu chischeyimit.”
22Judas, namui wii an Iscariot kaa ishinihkaasut, chii iteu, “Utipeyihchikeu, chekwaan wehchi wii ihtuutuuyaahch niyaan chechii miyu chischeyimitaahch, ekaa maak wii ihtuutuutwaau kutakach awenich chechii miyu chischeyimiskwaau.”
23Jesus chii nishkweushiheu e itaat, “An awen kaa saachihiit kata nanihiihtam nitayimuwiniyuu. Nuuhtaawii chika saachihiikuu. Taapishkun Nuuhtaawii ekw maak niya nika nituwaapamaanaan ekw maak che wiichimachiht. 24An awen ekaa kaa pechi saachihiit namui nanihiihtam nitayimuwiniyuu. Uu kaa ishi pehtamekw namui niya e ihtaayaan uhchipayuu maak Nuuhtaawii e ihtaat uhchipayuu, an kaa pechi itishahuut.”
25“Eukw uu e ishi wiihtamaatakuch eshkw mekwaach e ihtaayaan utah e ihtaayekw. 26Aniyuu Kaa payehchisiyich Ahchaahkwa Nuuhtaawii che pechi itishahamaataakw nitishinihkaasuwinihch uhchi ekun an misiwe chekwaayuu che chiskutamaataakw kaye chika chischisuumikuwaau misiwe chekwaayuu kaa ishi wiihtamaatakuch.”
27“Chinakatamaatinaawaau chiyaameyihtamuwin. Niya nichiyaameyihtamuwin chimiitinaawaau. Namui utah aschiihch e iteyihtaakuhch chiyaameyihtamuwin chimiitinaawaau. Ekaawii maak mukushkaateyihtamukw kaye ekaawii kushtaachikw. 28Chichii pehtuunaawaau kaa ititakuch, ‘Nika nikatitinaawaau mikw maak miin kaau nikapechi takushin.’ Chii saachihiyekw maak chipaa miyeyihtenaawaau Nuuhtaawii e ihtaat e ituhteyaan, wesh wiya uste suuhcheyihtaakusuu ishpish niya. 29Misiwe chiwiihtamaatinaawaau uu eshkw ekaa ispayihch, ekw maak iskutak ispayihche che taapwehtamekw. 30Namui shaash naashch chineush chika chii ayimihiitinaawaau, wesh machimanituu, an kaa tipeyihchiket utah aschiihch shaash pechi takushinuu. Mikw maak namui mitun nika chii uchimaahkahtaakw. 31Mikw maak iinuuch utah aschiihch chipaa chischeyihtamuch e saachihiimach Uhtaawiimaau ekun maak muush wehchi nanihiihtuuk misiwe taan e itashumit. Aashtamukw maak chistuhtetaau.”
Currently Selected:
John 14: crjrNT
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
John 14
14
Jesus eukw meskanuu
1“Ekaawii mukushkaateyihtamukw. Taapweyimaahkw Chishemanituu kaye niya taapweyimikw. 2Anite Nuuhtaawii wiichihch mista mihchen e pischisaakwaau. Nika ituhten nete chechii ayeskuushtwaatikuch anit che ihtaayekw. Namui chipaa uhchi ititinaawaau uu ekaa uhchi taapwemakahch. 3Chiishihtaayaane maak anit che ihtaayekw, ekw che pechi nituwaapamitakuch ekw che chistuhtahiitakuch wesh chinituweyimitinaawaau chechii ihtaayekw anit e ihtaayaan. 4Chichischeyihtenaawaau maak taanite e ituhteyaan kaye taanite chechii uhchi ituhtaanuuhch anite.”
5Thomas maak chii iteu, “Utipeyihchikeu, namui nichischeyihtenaan taanite che ituhteyin, taanite chechii uhchi chischeyihtamaahch taanite chechii uhchi ituhteyaahch anite.”
6Jesus chii nishkweushiheu e itaat, “Niya eukw meskanuu kaye taapwewin kaye pimaatisiiwin, namui awen chika chii naateu Uhtaawiimaau mikw niya uhchi. 7Shaash maak e chischeyimiyekw shaash chipaa chischeyimaawaau kaye Nuuhtaawii. Anuhchiish maak shaash chichischeyimaawaau kaye shaash chichii waapamaawaau.”
8Philip chii iteu, “Utipeyihchikeu waapahtiinaan maa Uhtaawiimaau, ekun mikw e ishi nituweyihtamaataahch.”
9Jesus chii nishkweushiheu e itaat, “Philip, shaash weskach kaa ihtaayaan utah e ihtaayekw yaapach maak namui chichischeyimin. An awen kaa waapamit shaash waapameu Uhtaawiimaau. Chekwaan maak wehchi kakwechimiin chechii waapahtiitaan Uhtaawiimaau. 10Philip, namui aa chitaapwehten e piihchishkuuk Uhtaawiimaau kaye maak Uhtaawiimaau e piihchishkuut. Nipeyakunaan.” Ekw Jesus kaa itaat aniyuuh uchischinuhamuwaakanh, “Uu kaa ishi ayimihiitakuch Chishemanituu nichii itashumikw chechii iteuch. Uhtaawiimaau an kaa piihchishkuut ihtuutam maamishkaach ihtuwinh niya uhchi. 11Pechi taapwehtuukw uu e ititakuch e piihchishkuuk Uhtaawiimaau kaye Uhtaawiimaau e piihchishkuut. Ekaa chii taapwehtamuwekwe uu e ititakuch taapwehtuukw an uhchi taan kaa ishi nanaahkuu maamishkaach ihtuutamaan. 12Kuiskw chiwiihtamaatinaawaau, an awen kaa pechi taapweyimit chika ihtuutam taan e ishi ihtuutamuch kaye maak etituu maamishkaach chekwaayuuh chika ihtuutam wesh anite Nuuhtaawii e ihtaat nika ihtaan niya. 13Nika ihtuuten taan e ishi nitutamaayekw nitishinihkaasuwin aapachihtaayekwe, ekw maak che nuukuhch e ishpish chisteyihtaakusit Chishemanituu aniyuu uhchi taan e ishi ihtuutamiyich Ukusisa. 14Mikw taan che ishi nitutamaawekwe nitishinihkaasuwin e aapachihtaayekw nika ihtuuten.”
Jesus kaa itwet cheshtinaash che miyaakanuyich uchischinuhamuwaakan Kaa payehchisiyich Ahchaahkwa
15“Chiishpin saachihiiwekwe maak chika nanihiihtaunaawaau wesh taan kaa itashumitakuch chechii ihtiyekw. 16Nika ayimihaan e nitutamuuk Nuuhtaawii chechii itishahamaataakw miin kutak aweyuuh chechii wiichihiikuwekw kaye muush kaachiche chechii ihtaat anit e ihtaayekw. 17Eukw maak an Kaa payehchisiit Ahchaahkw, an kaa chischeyihtamihiiwet taapwewiniyuu. Nichii awenich ekaa kaa taapweyimaatwaau uhtaawiimaau namui chika chii piihtakaheuch upimaatisiiwiniwaahch Kaa payehchisiyich Ahchaahkwa, wesh namui waapameuch kaye namui chischeyimeuch. Mikw maak chiyawaau chichischeyimaawaau wesh chiwiicheukuwaau kaye maak chika piihchishkaakuwaau.”
18“Namui achiyuu chika uhchi nakatitinaawaau utah aschiihch. Miin chika pechi nituwaapamitinaawaau. 19Namui naashch chineush nika uhchi waapamikuch iinuuch utah aschiihch, mikw chiyawaau chika waapaminaawaau. Chika pimaatisiinaawaau kaye chiyawaau wesh niya nipimaatisiin. 20Iskutak maak utihchipayihche anit che pechi nituwaapamitikuch ekut che nisituhtamekw e piihchishkuuk Nuuhtaawii kaye e piihchishkuuyekw, kaye maak e piihchishkaatakuch.”
21“An awen che taapwehtamukwe kaye che nanihiihtamukwe taan e itashuweyaan eukw an awen kaa saachihiit. Chika saachiheu Nuuhtaawii aniyuu aweyuu kaa saachihiyich, kaye niya maak nika saachihaau an awen kaye nika ihtuutawaau chechii miyu chischeyimit.”
22Judas, namui wii an Iscariot kaa ishinihkaasut, chii iteu, “Utipeyihchikeu, chekwaan wehchi wii ihtuutuuyaahch niyaan chechii miyu chischeyimitaahch, ekaa maak wii ihtuutuutwaau kutakach awenich chechii miyu chischeyimiskwaau.”
23Jesus chii nishkweushiheu e itaat, “An awen kaa saachihiit kata nanihiihtam nitayimuwiniyuu. Nuuhtaawii chika saachihiikuu. Taapishkun Nuuhtaawii ekw maak niya nika nituwaapamaanaan ekw maak che wiichimachiht. 24An awen ekaa kaa pechi saachihiit namui nanihiihtam nitayimuwiniyuu. Uu kaa ishi pehtamekw namui niya e ihtaayaan uhchipayuu maak Nuuhtaawii e ihtaat uhchipayuu, an kaa pechi itishahuut.”
25“Eukw uu e ishi wiihtamaatakuch eshkw mekwaach e ihtaayaan utah e ihtaayekw. 26Aniyuu Kaa payehchisiyich Ahchaahkwa Nuuhtaawii che pechi itishahamaataakw nitishinihkaasuwinihch uhchi ekun an misiwe chekwaayuu che chiskutamaataakw kaye chika chischisuumikuwaau misiwe chekwaayuu kaa ishi wiihtamaatakuch.”
27“Chinakatamaatinaawaau chiyaameyihtamuwin. Niya nichiyaameyihtamuwin chimiitinaawaau. Namui utah aschiihch e iteyihtaakuhch chiyaameyihtamuwin chimiitinaawaau. Ekaawii maak mukushkaateyihtamukw kaye ekaawii kushtaachikw. 28Chichii pehtuunaawaau kaa ititakuch, ‘Nika nikatitinaawaau mikw maak miin kaau nikapechi takushin.’ Chii saachihiyekw maak chipaa miyeyihtenaawaau Nuuhtaawii e ihtaat e ituhteyaan, wesh wiya uste suuhcheyihtaakusuu ishpish niya. 29Misiwe chiwiihtamaatinaawaau uu eshkw ekaa ispayihch, ekw maak iskutak ispayihche che taapwehtamekw. 30Namui shaash naashch chineush chika chii ayimihiitinaawaau, wesh machimanituu, an kaa tipeyihchiket utah aschiihch shaash pechi takushinuu. Mikw maak namui mitun nika chii uchimaahkahtaakw. 31Mikw maak iinuuch utah aschiihch chipaa chischeyihtamuch e saachihiimach Uhtaawiimaau ekun maak muush wehchi nanihiihtuuk misiwe taan e itashumit. Aashtamukw maak chistuhtetaau.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.